الاثنين، 20 سبتمبر 2010

العام اللي مش دراسي

كل سنه وانتم طيبين العام الدراسي بداء وعلي غير العادة بادي حامي جدا تصريحات ناريه ورئيس الوزراء بنفسه بيصرح والمحافظين بيمروا علي المدارس

وأول مره من 19 سنه عمر المدرستين اللي أصادي ألاقي في تلاميذ في الطابور

مش هي دي القضية!!!!!

القضية ان اتوبيسات المدارس الصبح مش ممكن كلاكسات وخناقات ليه ؟؟

عشان الشارع اصلا لا يسمح بدخول اوتوبيسات المدارس الكبيره دي

عشان الناس راكنة ناحية صف عمودي والناحية التانيه موازي وصفين يبقى فين بقا المساحه اللي هتعدي باصين في وش بعض

ودي خناقه كل يوم يتقابل باصين وتقوم الخناقه انت ارجع  لا انت ارجع

والناس اللي زى طبعا بيصحوا عشان صوت الخناقه وكمان كلاكسات العربيات اللي اتحجزت وراء الباصين

بس برضه مش هي دي القضية !!!

القضية ايه بقا ؟؟

ان مشرفة الباص علي غير عادات المصريين لقت للموضوع حل !!

الشارع اللي عليه المشكله من الناحيتين له تقاطعين واسعين  اتجاهين

قالت ان البصات حسب اتجاهه تقف علي الناصية دي تاخد الاولاد وتلف وترجع بهدوء و بلاش خناقة كل يوم

اولياء الامور رفضوا وكانت خناقه ياااانهار ابيض للجو حسيت ان حتى عصافير الشجر سكتت و تتفرج عليهم ما الكلام ده 6 ونص الصبح المهم الخناقه مابين مشرفين مالا يقل عن خمس مدارس بالباصات بأولياء الامور وكان منظر حضاااااري يليق بأم الدنيا

وسمعت كلام مضحك بصراحة

زى ابني ضعيف مايمشيش لحد اول الشارع (اول الشارع ده 40 متر هو بيجري اكتر منهم في فناء المدرسه)

وبنتي ماينفعش تمشي لأول الشارع النهارده الجو حلو بكره يبقي برد عليها(مش عارفه بنتها لما هتروح المدرسه هيقعدوها في جو تاني ولا نفس الجو)

وليه يعني الحركات دي ايه يعني لما تخدوا العيال من قصاد البيوت(عندي اقتراح الباص ياخدهم من جوه البيت)

وفضلت الخناقه يجي ساعة لحد ماسواق زعق وشتم الدنيا علي اللي عمله سواق وقال العيال تتأخر و انا عندي دورة تانيه ايكش البلد تولع و طبعا ولي امر قاله انت ازاي تكلمنا كده انا هوريك

وطبعا الباقي معروف

هي دي العقول اللي بتربي اولاد اليومين دول بتربيهم علي الدلع وعدم تحمل المسؤليه والعند والانانيه

وإحنا الناس اللي ماعندهمش مدراس لينا ربنا بنصحي كل يوم علي خناقه

ادعولنا سكاني هذا الشارع ولي مخصوصا عشان انا ساكنه في التالت

index

 

هناك 67 تعليقًا:

Sweet Violet يقول...

تسجيل حضووووووور
و حجز اول تعليق
عند فى اللى مسافر
نيهاهاهاهاهاهاهاها
:)

غير معرف يقول...

اولياء الامور لما بيدفعوا كتير في المدارس بيدلعوا بقا ..

عموما انا رأيي لغوا المدارس والتعليم لانه ممنوش فايده :)

كل سنه وانتي طيبه

تحياتي

Sweet Violet يقول...

ههههههههههههههههههههههههه
ياشموسة يعنى انتى عايزة الاهالى تتعب لا سمح الله و تنزل توصل اولادهم
"بما انهم يعنى خايفين على ولادهم"
ولا الاولاد تتعب و تمشى شوية امال لما تهدر الطاقة فى المشى ازاى بقى هتلعب ماهى الطاقة الباقية هتكون فى الدراسة
لازم صح يطلع ياخدهم من البيت مش من جوه العمارة كمان

الله يكون فى عونك ياشموستى
ده احنا المدرسة البعييييييد كنا بنسمع صوت الطابور طشاش و بنقول حرااااام و الحمدلله السنة دى الصوت مش ظاهر
امال انتم تعملوا ايه وهما تحت على طوووول

آه فكرة بدل ما يتعصبوا كده كل يوم و خناقة و زعيق قوليلهم يقدموا طلب لتعيين عسكرى مرور لتنظيم حركة الباصات للاولاد
و يااااه بقى لو طلب لعمل كبرى من شباك الفصل لشباك غرفة الابن/الابنة

:))

أنا - الريس يقول...

المشكلة في النوظام يا شموسه
واللي متبعين النظام اقصد اللي مش متبعينه

عموما في ناس كتير همج ، ما بيصدقوا يلاقوا مشكله عشان يثبت مركزه الاجتماعي في البلد علي الناس الأضعف وده خلل نفسي في اعتقادي قبل ان تكون مشكلة التنظيم .

الحل في ادارة المدرسة .
وربنا يهدي أي حد ما بيصدق يقول يا خناق حضاري

تحياتي لظهورك .. فقد انرتي الدرب من جديد .

باحث عن حب يقول...

iii
iiiiiiiiii
هههههههههههههههههههههه
يارب سترك
بصى حلاوه الادوار الاولى انك مش هتتعبى فى الصعود والنزول
وبياختها
فى الموضوع ده
يااااه
موسيقى
بس نشاذ
مش عارف كتبتها صح ولا غلط
بس اقولك اعملى يافطه
واكتبى فيها
زى ماانتم عاوزين تروحوا مدرسكم فى ناس عاوزه
تكمل نومها
ومحدش هيقرأ ولا هيفهم
ليه
زى ما حضرتك قولتى عقول زى الزفت
يعلموا اولادهم على
عدم تحمل المسؤليه
بالمره
يارب يعينك يارب

adel يقول...

انا ساكن لزق في مدرسة
24 سنة عمري ماسمعت صوت طابور ولا شئ رغم انها مدرسة كبيرة و ولاد و بنات بس ولا كنت بسمع
اول سنة اسمع و اصحي من نومي بسببهم علي صوت دي جي
مش عارف دي جي اول يوم ده عشان حضانة
وفي حضانة تسمع نانسي و هيفاء
!!!!!!

التعليم باظ
فين ايام زكي جمعة

Mafrousa يقول...

اولا صورة البيبي اللى بيعيط ده :(
حيخليني اعيط و الله
نرجع بقا لموضوعنا
يا شموسة المشكلة يا حبيبتى مش انك تصحي من النوم خااالص :)))
الصحيان بدري مفيد للصحة
المشكلة فى اللى كان بيحصل من اولياء الامور و السواقين و المشرفين، من خناقات و تراشق بالالفاظ
تقدري تقوليل لو واحد من التلاميذ دول حب يتخانق مع زميله فى المدرسة اراهنك انه حيتكلم بنفس الاسلوب
المشكلة التانية بقا ان السواق بيقولك عنده دورة تانية
يعنى ديه لو مدرسة بفلوس يبقوا ما عندهومشي دم الصراحة...
حسيت ان السواق.... سواق ميكروباس بالنفر و عنده دورة تانية
ثالثا و ده الاهم انتى ماقلتيش الموضوع اتحل ازاي؟؟؟
التلاميذ راحوا المدرسة كعابي؟؟؟؟ و لا عملوا ايه؟؟؟؟
على فكرة حصلت فى الشارع بتاعنا مرة حاجة كده
اتوبيس جاي فى وش التاني و الشارع ما يخدشي غير اتوبيس واحد يارايح يا جاي
و ده طبعا علشسان العربيات اللى راكنة على الصفين
حفرسك بقا و اقولك انهم كانوا مهذبين
همه الاتنين عدوا جنب بعض
و مش ححكيلك على العربيات اللى على الصفين بقا
عربيتي كانت واحدة منهم المرايا الجانبية راحت معاهم المدرسة
:))))))
يا بنتى و الله ديه حاجة بقت تفرس بزيادة
ربنا يعينك ال 9 شهور اللى جايين بقا

Kiara يقول...

هههههههههههههههه


ياعيني ياشموستي

احنا عندنا بئا مش باص

عشان المدرسه للطلبة اللي في المدينة فكل ولي امر بيودي ابنه بتاكسي تخيلي المنظر قدام المدرسة بيبقي عامل ازاااااااي

مع ان المدينة كلها علي بعضها تاخديها في 10دقايق مشي بالكتير

معلش ياشموستي اديكي بتستعيدي زكريات صحيان الاطفال :)

وان شاء الله مشكله الصبح هتنتهي :)

shimaa elkholy يقول...

هههههههههههههههههه يا لهوي بجد بيعملوا كده

واه طبعا والله مربيين العيال فعلا على الدلع والانانيه وعدم تحمل المسؤليه

هى بس المشكله فى البيبهات يعنى الكي جي وكده لازم بقى الاهالي ينزلوا

انا عن نفسي كانت عندي المشكله دي مع الباص لما كانت رحمه فى كي جي كنت حامل انا خالد على اخري

عشان انزل من الدور التالت علوي كل يوم الصبح عشان انزل رحمه اعديها الشارع من العربيات
بس اتفقت مع المشرفه كانت بتعدي هى تاخد رحمه من تحت البيت

هو قرف بجد فعلا من كله

Ramy يقول...

الحمد لله

الحمد لله

الحمد لله

أنى مكنتش موجود

أ / أحمد عبد المنعم يقول...
أزال المؤلف هذا التعليق.
أ / أحمد عبد المنعم يقول...

بسم الله الرحمن الرحيم

الأخت الفاضلة : شمس النهار

أولا ألف سلامة على حضرتك ولك منى أحلى باقة ورد فرحا بسلامتك

ثانيا : لقد لمست الحقيقة بتناولك الجميل كالعادة

حقيقة التخلف المجتمعى الذى نعيشه

إن مشكلتنا فى مجتمعنا ليست مشكلة تعليم أو مشكلة سحابة سوداء أو مشكلة ...... من الدرجة الأولى
بل إن أكبر مشاكلنا هى أخلاقنا كأفراد
وإن أعظم مشكلة فى هذا الصدد بلاشك هى مشكلة أخلاقنا فى تربية أبنائنا

طال بى المكث فى المسجد بعد صلاة الفجر فى أحد أيام الجمع حتى أشرقت الشمس
وبدأت العودة إلى البيت وكنت وحدى كالعادة فأخذت أتأمل الشارع وقد هبت رياح خفيفة تحرك ما به من أوراق وأكياس فرأيتنى أسأل نفسى
من الذى ألقى بها فى الشارع ؟؟
هل هى حملة موجههة من اليهود أو أمريكا لتشويه بلادنا ؟!!
هل هو مخطط أوربى لاستعمار جديد ؟!!
وكانت الضحكات الممزوجة بالألم تتلجج فى صدرى قائلا
إنه تخلفنا كأفراد
فكل فرد ألقى بورقته وحده
وكل فرد ألقى بكيسه وحده
إنها ثقافة مجتمع لا يريد أن يتحضر بل لعله لا يعرف ( للأسف ) معنى الحضارة
لذا يجب أن يربى جيل أكثر تحضرا من الأجيال الحاضرة
تلك الصورة التى شاهدتها أنت أختى شمس
هى صورة مكررة فى كل حى من أحياء وطننا
وفى كل مصلحة
وفى كل مؤسسة
غياب الوعى الحضارى
وغياب ثقافة التربية الحقيقة للنفس وللمجتمع

أطلت كثيرا فاعذرينى وأمسكت قلمى خشية الاستفاضة
فالموضوع كبير جدا

Diyaa' يقول...

ربنا يصبركم لحد ما الجلنف اللي ماسك الوزارة ده يترفد أو يتعمل جراج في المنطقة يلم كم العربيات المهول اللي سادد الطريق

أو تنقلوا لمنطقة مفيهاش مدارس ولا قهاوي :)

وفعلاً اللي خرب البلد دي أجيال كاملة لا تفقه 99% من تعاليم دينها وبيستخدموا الدين مطية بس وجهلهم الشنيع بيؤدي لخراب تربوي مذهل

بجد خراب البلد دي مش هيتسبب فيه مليون مؤامرة صهيونية ماسونية شيعية وهابية بتنجانية مهلبية

البلد دي أهلها متسلطين على نفسهم
بس خلاص

جنون عـبقري يقول...

الله المستعان .. التعليم كله يبغاله عمرة تانية !!!

عاشقة القمر يقول...

ازيك كل سنه وانتي طيبه
حمدلله على سلامه
بقولك انا مش عرفت اضافك انا اهكتب ايملي بعادين امسح ايمل من هنا
somia1287@hotmail.com

العلم نور يقول...

السلام عليكم ..

أنا أم الخلود .. من مكة .. وقد قرأتي الموضوع في مدونتي الأخرى فلي 12 مدونة .. والمملكة البيضاء هي مملكة عامة يكتب فيها المدوعين .. وقد أرسلت لك دعوة .. تقبلي مروري ودمتي بخير

mrmr يقول...

جات المدارس وجات بقرفها وزعبريها وبرقها ورعدها واعاصيرها
جاحه كده تطلع الروح وتخنق ولا الهمجيه اللى عايشين فيها مش الباصات بس والشوارع كلها زحمه الولاد والبنات وقله الادب والمعاكسات لكن لو على اولياء الامور عايزين راحت اطفالهم هما مش عارفين انهم بكده بيطلعوا جيل مدلع ولا يمكن فى يوم يقدر يحمل اى مسئوليه الشاب زمان كان يتخرج ويشتغل علشان يكون نفسه دلوقتى ابدا الشاب يتخرج يلاقى بابى جايب كل شئ الشقه وكمان مفروشه اخر موديل وهو عليه انه يختار العروسه ويتأمر فين المسئوليه اللى نرميها على عاتقهم علشان تتطلع رجاله الزمن فعلا اتقلب حاله

وعجبى

ادم المصرى يقول...

الله المستعان وربنا يرحمنا

من كل البلاوى

غير معرف يقول...

الله المستعان

أمني نفسي لو كنت معهم أن أقول لهم قول الرسول الكريم صلوات الله وسلامه عليه " إخشوشنوا فإن النعمة تزول "

غير معرف يقول...

ومن الحب والدلع والمرأعه ما ضيع العيال

انا لو حنبي مدرستين أعمل عمايل

من عينة انشن عالناظر وأدلق عليه ميه مثلا

أو بالنبله وفي قفاه

تبادلي السكن؟

elsha3er يقول...

هى دى بقت مصر والناس بقى فيها شئ غرييييييب والله لو لم أكن مصريا لوددت ان أكون اسرائيليا

Hanan Elshafey يقول...

الحمدلله انك بقيتي بخير واحسن ويارب ديما ويتم شفاكي علي خير
والله يسلمك من كل شر يااااااااااارب
ودعوااااااااااااااتي الكتير لكل الساكن :)

لــــ زهــــــراء ــــولا يقول...

احلى شمس فى وضح النهار

عقول .. عقول ياترى الكلمه دى سمعتها فين قبل كده هو لسه فى حاجه اسمها عقل الحمد لله اللى بيشغل عقله بيتعب
احلى حاجه ان حجرة نومى بعيييييييييييييد عن الشارع بس للاسف قريبه من باب الشقه واسمع بقى العيال رايحين المدرسه وينادوا على البواب يفتح لهم .....

اولياء الامور بيخافوا بعد الحوادث اللى بتحصل عشان كده عاوزين مشرفة الباص تطلع تجيب الواد من على السرير وبصرحه بعد اللى الواحد بيشوفوا ويسمع عنه ربنا يسترها ...

عام دراسى سعييييييييييد على كل الطلبه يااااااااااارب


زهراء

donya يقول...

حضرتك وباقي السكان اطلبي لهم البوليس


يتصرف معاهم

عيالهم تروح المدرسه وباقي الناس

مش تنام دول لو في دولة اوروبيه كانوا

اتسجنوا كلهم

* تحياتي

SHAPE YOUR LIFE (ABOALI) يقول...

اظن ان صورة الطفل اللى فى الاخر تعبر
عن سكان الشارع وكم المعاناه
ههههههههههههه
شيىء محير فعلا
الكلام عن التربية والتعليم وما يحدث فى داخل المدراس من دروس ومواعظ وصحيات
لا ترتقى الا تكون جعجعة وكلام بعيد عن المضمون
الناس حاليا واصلة لمرحلة من الاتكالية وضعف فكرى ورغبة فى التصدر فى الهايفة
بدون ما نستخدم العقول اللى ربنا قال استخدموووووووووها

على العموم
على الرغم من قسوة البوست بس عندكوا منبة ماشاء الله طبيعى
كل يوم الساعة 6 نداء وتنبيه خناقى معتبر


وشر البلايا ما يضحك ونعمل منه بليله

تقديرى لما خط قلمك عن تعبير لفوضى استمتعنا بالغوص فيها

لــــ زهــــــراء ــــولا يقول...

وليه يعني الحركات دي ايه يعني لما تخدوا العيال من قصاد البيوت(عندي اقتراح الباص ياخدهم من جوه البيت)
"هههههههه موتيني من الضحك ..ربنا يرحمنا
انا بصحى لشغلي 7.30
وقبلها بكون صاحية طبيعي من دوشة العيال واولياء امورهم وهما منزلنهم عشان المدارس يالهووووووووي"
لولا

Foxology يقول...

انا مش هعلق على موضوع الخناقات والكلاكسات بتاعة كل يوم الصبح علشان نفس الموضوع عندنا تقريبا لكن مع اختلاف بسيط وهو ان مفيش خناقات الحمد لله الفكرة انه كلاكسات من 6 صباحا لحد 8 صباحا وبيكون الناس كلها صحيو ماعدا التلاميذ اللى الكلاكسات دى علشانهم !!!

هعلق بس على موضوع ان ابنى ولا بنتى لازم الباص ياخدهم من قدام البيت بمثل شعبى بيقول : اللى يلاقى دلع وميتدلعش ربنا يحاسبه :)

واهو كل واحد بيقول انت مش عارف انا مين ؟ انا بفلوسى اعمل واسوى

اذا كان رب البيت بالدف ضارب .. فشيمة اهل البيت الرقص .. بكرة نشوف التلامذة ( الضعاف ) دول وهما واقفين على النواصى بيعملوا اللى محدش يقدر يعمله غيرهم !

تحياتى وامنياتى بموسم دراسى هادئ ولو ليوم واحد :)

Haytham Alsayes يقول...

ايه العيال الكسلانة دى
؟!!!!!!!!!!!!!!!!!!!!!!!!!!!!


بس انا عندى اقتراح يلغوا التعليم
يبقي الشكل العام افضل
لسة في تعليم ودروس

تحياتي

أحــوال الهـوي يقول...

مش لاقي كلام اقوله يا شمس هانم
غير الله يكون في عونك

دلعنا اولادنا و علمناهم اننا فوق الناس و بفلوسنا ممكن نفتري ع الغلابه

المهم ما فيش حد من اولياء الامور هيهتم ابنه اتعلم و الا غش

المهم ينجح من غير تعب

تحياتي

mohamed ghalia يقول...

أنا قولت اجى اسلم
وأقول لحضرتك كل سنة وانتى طيبة

شمس النهار يقول...

* Sweet Violet
مالك بس ومال المسافر سيبيه
في حاله
:))

شمس النهار يقول...

* فتاه من الصعيد

:))

والله فكرتك حلوه
وبكده الباصات مش هتيجي
وهعرف انام
:)))

كل سنه وانتي طيب

شمس النهار يقول...

* Sweet Violet

لا طبعا مايخلصنيش
ان الاولاد يمشوا كام متر ويتعلموا الكسل

اما موضوع الطابور ده بقا كارثه
الميكريفون عايز خلعه

والولد اللي علي الطبله زي مايكون الحرب قامت

دول مش عايزين عسكري مرور
دول عايزين قوة حفظ السلام من الامم المتحده

:))

شمس النهار يقول...

* MR.PRESIDENT

المشكله مش بس في النظام

لا
المشكله ان القانون اللي بيحفظ النظام تطبقه حكومه ضعيفه
غير قادره علي تحقيق العداله ولا النظام بتطبيق القانون

وده اللي اظهر كل العقد النفسيه لصحاب النفوذ

شكرا علي كلامك اللطيف
:))

شمس النهار يقول...

* محمود(باحث عن حب)

طبعا كلامك صح زخصوصا لو عماره دايما الاسنسير عطلان

:))

اما موضوع اليافطه ده انت عارف اكتر المتعلمين المصريين بيقروا كل حاجه لحد اليفط وبيرجعوا اميين

:))

شمس النهار يقول...

* adel

دي جي اول يوم تبقا مدارس تبع قطاع الاستهبال

مره كنت بودي طفل اول يوم دراسه مع مامته والولد داخل كي جي ون

لاقيتهم عاملين حفله عادي مابناتي عملوا معاهم كده
جايبين شو برضوا عادي بناتي عملوا معاهم كده

ودي جي برضوا عادي صفاء ابو السعود وطلعت عطيه ومحمد ثروت وغيرهم ماليين السمع والبصر لسه بغناء للأطفال

واول ماالحفله بدأت ودنك ماتسمع الا كل خير
لاقيت هيفاء علي نانسي علي زيد علي عبيد علي نطاط الحيط وماتسألنيش يعني ايه

المهم في اولياء امور اعترضوا والعجيب ان في اولياء امور قالوا فيها ايه

وطبعا شمس ماعجبهاش الكلام

وخلصت علي خير ياعادل خير
الحمد لله

:))

الازهرى يقول...

رجعت لكم يا تنابلة
وكل واحد عارف نفسه


اتلموا يا فيران التدوين
بدل ما اغرقكم فى النيل واجيب لكم القطط تخلص عليكم

نياهاهاهاهاهاهاهاهاهاهاههاهاهاهاهاهاهاهاهاهاهاهاهاهاهاهاهاهاهاهاهاه

الازهرى يقول...

والله بعد الفحص والتمحيص ودراسة المشكلة من كل الوجوه
وبعد طبعا قراءة التعليقات
سواء اللى لها لازمة لناس بتفهم وجميلة جدا
وتعليقات لناس والعياذ بالله على غبائهم وطبعا عارفين نفسهم
لقيت إن فى حل سهل جدا

نقعد فى بيوت بعيد عن المدارس ونسيب المدارس فى الصحراء

شكرا شكرا شكرا

أخجلتم تواضعنا
دى كانت بس مجرد فكرة بسيطة على الماشى

الازهرى يقول...

مممممممم
ثوانى يا جماعة
بعد مراجعة الأمر مع الجهات المعنية(اللى هى انا برضه ) اتضح الآتى
الحل مش عملى للدرجة اللى كنت متخيلها
ودا لعدة أسباب
أولا لإن بكرة هتتبنى الصحراء إن شاء الله وهتبقى البيوت جنب المدارس ونرجع لنفس المشكلة
يبقى نلعب على عدة محاور
طبعا بعيد عن إننا نفهم الناس أسلوب المناقشة الحضارية وتقبل الرأى الآخر فى المناقشة واتباع الأصوب للجميع دون التمسك بالعناد الذى يؤدى غالبا لى مزيد من المشاكل
أولا لازم الكل يعارض موضوع الركن بجوار الرصيف فى الشوارع الضيقة و8 متر مش كبير بالعكس ضيق لو أخدنا فى الإعتبار إن عرض العربة تقريبا مترين ودايما عربيتين على الجنبين يبقى باقى عرض الطريق 4 متر بس المفروض يعدوا عربيات رايحة وجاية ناهينا عن الأوتوبيسات
وحاليا اتضح ان اى عمارة مبنية لازم فيها نسبة محددة كجراج بتحسب على عدد الشقق الموجودة داخلها وبيكون الجراج تحت العمارة حتىل لو وصل ل3 أدوار من العمارة نفسها
اانى حاجة إن قوانين المدرسة تكون صارمة وتعليماتها بالنسبة لأماكن انتظار السيارات ونزول الطلاب واتجاهم للمداس تكون أشد صرامة حتى لو أغضب دا أولياء لأمور ما دام المدرسة عارفة بتعمل إيه ومسئولة عن كده
طبعا المدرسة لازم يكون لها مخطط على أرض الواقع وليس لواقع الإفتراضى
ثانيا الآباء اللى بيقولوا محتجين على مشى أبنائهم وبعدها بييجوا النوادى يصوتوا إن الأولاد مش بيمارسوا أى رياضة وعندهم خمول فظيييع على حد تعبيرهم

كفاية كده مؤقتا على ما أفتكر كنت ناوى أقول إيه تانى

الازهرى يقول...
أزال المؤلف هذا التعليق.
شمس النهار يقول...

* واحدة مفروسة

اصلي ببقا عايزه اعيط زيه الصبح عايزه انااااام

ماهو زي ماقلت الاباء والامهات دول القدوه هيطلعوا لنا ايه

لا طبعا باص رجع بضهره والتاني دخل الشارع جاب البيه الصغير من قصاد البيت ومشي
وطبعا ده حصل مع الباقي

البلد بقت عامله زي الدمنيو المرصوده مش بتتحل فيها حاجه خااالص

:))

شمس النهار يقول...

* كيــــــــــــارا

حتي عندكم في المدينه اللي تتمشي علي الرجل في عشر دقائق تاكسي للبهوات الصغيرين

هااايل

اقري البوست اللي فات

علشان موضوع العصير

:))

شمس النهار يقول...

* ندى الياسمين

واكتر من كده كمان
انتي كنتي حاله استثنائيه

لكن دول دلع في دلع

دول كبار مش صغيرين بس

:))

شمس النهار يقول...

* Ramy

:)))
كنت هتعمل ايه يارامي
قول لي بس
:))

شمس النهار يقول...

* أ / أحمد عبد المنعم

شكرا علي مجاملتك اللطيفه

انت فعلا شخصت المرض
الاخلااااق

واذا كان رب البيت بالدف......

اب زي اللي وقف يتخانق ويشتم هيطلع ايه غير ابن زيه وزيد عليها دلوعه


صح الشعب اللي رمي الورق ومن دلعه عايز الحكومه تشيله
كان في تجربه لطيفه في المنصوره والشباب نضف الشارع
وبعد كام يوم الشارع رجع زي ماكان العيب فينا

والله كلامك كله صح

وليه اختصرته
فهو مفيد وبناء

شكرا ليك

شمس النهار يقول...

* Diyaa'

عارف ياضياء كلامك ده فكرني بست زمااان كانت جارتنا في بيت العيله كان عندها ولد وحيد علي بنات

كانت دايماتقول له عمرك ماهينصلح حالك علشان انت مش عايز
انتي يابني متسلط علي نفسك

كنت اضحك واقول لها ياتنت في حد بيتسلط علي نفسه تقول ابني

:))

شمس النهار يقول...

* جنون عـبقري

صح
التعليم بكل اللي حواليه عايز يتشقلب
زي العمرة اللي بتتعمل للعربيات

:))

شمس النهار يقول...

* عاشقة القمر

ازيك كل سنه وانتي طيبه انا اخدت الميل
شكرا ليكي
:))

شمس النهار يقول...

* أم الخـلـود

وعليكم السلام ورحمة الله وبركاته
ومادمتي في مكه

ياريت ماتنسنيش من فضل دعائك

يبقا انا قريتها في المدونه التانيه

ربنا يكرمك علي الدعوه الكريمه

:))

شمس النهار يقول...

* mrmr
:)))

نسيتي ان بعد ده كله اللي جه من غير تعب سهل كده
العروسه الغلبانه

دي بتطلق علشان الدلوعه مش قادر يتحمل المسؤليه

:))

شمس النهار يقول...

* ادم المصرى

امين
:)

شمس النهار يقول...

*أحمد شريف

يخشوشنوا مين

؟؟
مابقاش في الاهالي اللي تعمل كده في اولدها

دلوقتي الدلع ثم الدلع

:)

شمس النهار يقول...

* مصري جدا

:)

طيب حضرتك ترفع لنا عليهم قضيه

ومش هينفع نبدل السكن علشان دوشتهم هتوحشني

مش هلاقي حد ينكد عليا الصبح
ويصحيني

:)

شمس النهار يقول...

* elsha3er

ماهذا ياشعرنا الهمام

:))

شمس النهار يقول...

* علاء المصرى كل يوم

وعليكم السلام ورحمته وبركاته

قريتها وعلقت كمان

دي جميلة جدا عجبتني

:)

شمس النهار يقول...

* حنان الشافعي

ميرسي ياحنونه

ربنا يكرم
وادعي لنا

مبسوطه ان بكره الجمعه مافيش بصات

:))

شمس النهار يقول...

* لـــولا وزهـــراء

شكرا ياجميلة علي زوقك

حلوه المشرفه تجيبه من السرير دي

:))

كل سنه وانتي طيبه ياجميل

:))

شمس النهار يقول...

* donya

ازيك حمد الله علي السلامة

كنتي فين كل ده

كل سنه وانتي طيبه
بوليس؟؟
ده علي مايبعتوا يجبوا البوليس ويجي يكون العام الدراسي خلص

بره طبعا الباص مالوش حس اصلا

:))

شمس النهار يقول...

* SHAPE YOUR LIFE (ABOALI)

طبعا كل السكان اللي كانوا نايمين وصحيوا
هذا الطفل
:)

كلامك الصح

وكله كوم والمقاول اللي بنا المدرسه في فناء المدرسه كوم

الشارع عندنا اصلا واسع بس لو العمارات فتحت الجراجات
:)

شمس النهار يقول...

* لـــولا وزهـــراء

لا خلاص ماهي زهراء اقترحت اقتراح جميل
المشرفات هيخدوهم من السرير

:)))

شمس النهار يقول...

* Foxology

كلامك صح يافوكس

ماهمه دول اللي بيطلعوا متحامين في بابي ومامي

ودعائك عجبني

عارف اليوم ده بيكون الجمعه
ودوشه اقل يوم السبت علشان مدارس الرهبات بتيجي باصاتهم يوم السبت بدري جدا ومش كتير

:))

شمس النهار يقول...

* Haytham Alsayes

مش فاهمه ياهيثم

مايقعدوا في البيت ويخلصونا
همه مش بياخدو دروس في كل المواد
جت علي الالعاب يعني

:))

شمس النهار يقول...

* أحــوال الهـوي

كلامك صح يادكتور

الولد بيدلع لحد الجامعه برضوا خاصه وكله تمام

هيتعب ليه ويذاكر ويجيب مجموع فلوس بابي هدخلوا جامعه خاصه

بس عمر فلوس بابي ماهتعمله رجل صح بمعني الكلمة

:)

شمس النهار يقول...

* mohamed ghalia

اهلا بيك يامحمد زياره غاليه
:))

كل سنه وانت طيب

وربنا يسلمك من كل شر

:)

شمس النهار يقول...

* غير معرف

الاماكن دي لما ذكرتها ذكرتني بذكريات كتير جميلة ترتبط بالاسكندريه بس القديمه الجميله

مش عفاريت الاسمنت اللي اتزرعت علي الكورنيش

:)

شمس النهار يقول...

* الازهرى

:)))))))

عروستي


خير ونبي خير

:))))

حمد الله علي السلامة

وشكل الناس مش هنا ومطنشينك
:))

عاشقة القمر يقول...

حذفي ايمل سريع