الاثنين، 3 أكتوبر، 2011

صورة ومعني


اللي بيحصل في السعودية غريب اليومين دول
بس اللي غايظني
ان يتقال ان خادم الحرمين الشريفين اعاد للمراه حقوقها وانه اعزها
الاسلام من اعز المراه المسلمة
واعطاها حقوق سلبت منها علي مر السنين
الصورة ليه غريبة
علشان السعودية اي ست بتمشي مكشوفة الوجه بتعاقب ويعاقب زوجها
بس خلاص
دي لينكات مهمه عن الموضوع ده
ابلغ من اني اكتب عن كم النفاق اللي في الكلام
يعني لما كان كابتها كانوا بيهللوا له
ولما عمل كده برضوا بيهللوا له
الاول
الثاني
الثالث
وده لينك بوست من عند سواح كلامه زي الفلارتباط

هناك 34 تعليقًا:

سواح في ملك اللــــــــــــــــــه- يقول...

صباح الفل ياست الكل

كنت لسة بدور علي بوست ليكي لانك اتاخرتي

هروح اشوف اللينكات وبعدين اعلق

سواح في ملك اللــــــــــــــــــه- يقول...

معنديش رد غير في الرابط ده

http://sawahmasry.blogspot.com/2010/12/blog-post_24.html#comments
تحيتي ياست الكل

شمس النهار يقول...

*سواح في ملك اللــــــــــــــــــه

صباح النور ياسواح

:))
والله اليومين دول مشغولة جداااااااا
وكمان كنت عايزة اسيب بوست الطلاق والثورة شوية
بس موضوع السعودية نرفزني
يعني ايه اعطي المراه حقها دي
زي مايكون بيمن عليها
وكمان بعترافه عمل كده علشان ماتكونش المراه سلاح في يد اعدائه
ايه الكلام ده

منورني دايما ياسواح
وهروح اشوف اللينكات

شمس النهار يقول...

*سواح في ملك اللــــــــــــــــــه

ده لينك بوست جميل جدا
زودت اللينك علي البوست
ده في صميم موضوع البوست هنا
شكرا ليك ياسواح

سواح في ملك اللــــــــــــــــــه- يقول...

ده شئ يشرفني ياست الكل

تخيتي

شمس النهار يقول...

*سواح في ملك اللــــــــــــــــــه

شكرا علي زوقك ياسواح

beautiful mind يقول...

فعلا السعودية ماشية بطريقة غريبة اوي اليومين دول
حتي امريكا عماله تثني علي اللي السعودية عملته
كل واحد بقي بيخاف علي كرسيه لدرجة انه ممكن يعمل اي حاجه في اي وقت

ابراهيم رزق يقول...

ضريح رخام فيه السعيد ادفن
و حفرة فيها الشريد من غير كفن
مريت عليهم ... قلت يا للعجب
لاتنيين ريحتهم نفس العفن
عحبى ؟؟؟

يا سلام عليك يا عم جاهين يا فيلسوف يا حكيم
بصى يا ستى
صلى ع النبى زيدى النبى صلاه
لما واحد اكون خنقه و مش قادر يتنفس و بعدين اسمحله يتنفس من فتحة واحده من مناخيره و مش بس كده انا بسمحله كل ساعة و ساعة يبقى الجديد اللى اتعمل هو من الطبيعى انه يموت و لا الطبيعى انه يتنفس
و بعدين هو ايه الفرق بين ست راكبة عربية و بين واحدة راكبة جمل او حتى حمارة
يمكن عشان العربية دى بدعة و كل بدعة ضلالة و كل ضلالة فى النار
زى بالظبط لما حد يشوف ست بتدخن يبقى الست دى فيها حاجة غلط
التدخين سىء للرجل و الست لكن الراجل عادى و يطفىء السيجارة على باب المسجد
لكن الست دى ست مش كويسة
هو فيه ايه يا ناس
فى ناس دماغها على قدها زى حالاتى عاوز حد يفهمنى و لا دماغه على قده مش من حقه يفهم
سلام يا ست الكل

مصطفى سيف الدين يقول...

معلش يا شمس انتي عارفة الصحافة بتضخم اي شيء بيفعله الحاكم
بس كويس تفعيل دور المراة الرقابي والخدمي اول خطوة للرقي بدور المرأة في السعودية
كنا فين وبقينا فين
تحياتي

Ramy يقول...

يا استاذتى

أحنا شعوب مات الملك عاش الملك

منتظرة ايه يعنى

و بعد كده الراجل بيظبط اموره علشان ميحصلش عنده زى باقى الدول المُجاورة و الصديقة

فشكووول يقول...

السلام عليكم
تحياتى ست الكل
يا شمس هانم السعوديه عمرها بالطريقه دى ما حـ تتقدم فى حقوق المرأه .. يعنى هو المرأه لازم تبقى عضو فى البرلمان اللى ثلثه منتخب والثلثين معيننين .. طب الاول يخلوها تسوق السياره بنفسها وبعدين نشوف حكاية البرلمان دى
يا ستى دى اصلاحات شكليه .. عشان الموج عالى ويمكن ياخد فى سكته كل الغجر دول

Tarkieb يقول...

ده نظام اغريه بتاع راية وسوكينة

فتاه من الصعيد يقول...

حريه مزيفه .... فليحرر شعبه من عبوديه ملكه اولا ..

سبايدرمان يقول...

نتفق او نختلف
خطوه حلوه و الله

شمس النهار يقول...

*beautiful mind

ايوة ملاحظة السعودية عمالين يرشوا الشعب
بس توصل انهم يدخلوا المراه
مجلس الشوري
وكمان المحليات !!!!
من بعد ماكانت مهمشه ومواطن درجة تانية
هو ده عجب العجاب

شمس النهار يقول...

*ابراهيم رزق
اللهم صلي وسلم وبارك عليك ياحبيبي يارسول الله
صلي الله عليه وسلم
:)

يعملوا اللي يعملوه
وكل واحد حر فيما يعتقد
بس مايبقاش ياابراهيم تطاول علي الدين
يعني ايه خادم الحرمين اعاد للمراه كرامتها وحقوقها دي
ده الرسووووووول لم ينسب لنفسه شئ
قال كله من عند ربنا
وكل الالسنة خرست لما الملك قال تدخل مجلس الشوري
ولعلمك هيخليهم يسوقوا
وان شاء الله المراه في السعودية هترجع زي ايام الرسول
الملك امر الجدع يفتح بقه بقا من مشايخ السلفية عالوهابية
وكمان متصورين وكمان سافرات
الصلاة علي الزين
:))

شمس النهار يقول...

*مصطفى سيف الدين

انا مش معترضة يامصطفي
بس كم النفاق غير طبيعي
مملكة ماشية بنظام معين
فااااااااااجأة وعلي حين غرة كل ده يتشقلب
:))
وكمان المؤيدين لفعل الامس
يبقوا مؤيدين لفعل اليوم المعاكس
!!!!!
:)))

ريهام المرشدي يقول...

شوفي يا شمس ، هم بالفعل يتجنبون الصدام مع الشعب و لكن الاعتدال مطلوب في كل شيء و هذا ما أمرنا الإسلام به الاعتدال دون مخالفة الشرع ، أما عن النفاق فهو آفة بنى الانسان فى كل مكان .

شمس النهار يقول...

*Ramy

كله مرعوب يارامي
وعلشان يحافظ علي الكرسي يعمل اي حاجة في اي حاجة
يعني الموضوع ماكنش دين ولا مبادء بقا
كان تخنيق علي الستات وخلاص
وده اعتراف من السعودية ان اللي كان بيحصل مش شرعي

شمس النهار يقول...

*Tarkieb

اهو نظام اللي تغلب به العب به
:))

شمس النهار يقول...

*فتاه من الصعيد

فعلا انتي قلتي الكلمة الصح

زيف في زيف

لزوم البروبااااجندا

:))

شمس النهار يقول...

*سبايدرمان

هي خطوة حلوة مش هنختلف
بس
بس لو دي خطوة الرجوع للحق فضيلة
مش علشان خايف علي ملكه

شمس النهار يقول...

*ريهام المرشدي

مشكلة السعودية انهم كانوا عاملين حامي حما السلفية
والشرع
وليهم عمايل مش من الشرع
يعني ايه مواطن يجلد علشان زوجته كانت ماشيه معاه من غير نقاب
؟؟؟!!!
هل ده من الشرع معروف عقوبة الجلد لمين لشارب الخمر وللبهتان والزنا لمن لم يتزوج
غير كده مافيش جلد
وهمه بيجلدوا عمال علي بطال

ريري كربكه يقول...

سبحان الله يعطي الملك لمن يشاء وينزع الملك ممن يشاء
حتى كمان السعوديه اللي دعا ليها سيدنا ابراهيم
والله لو يؤاخذ الله البشر باللي بتعملوا
ليعجل ليهم الغذاب
تسلمي يا شموسه
الرؤيه وضحت

شمس النهار يقول...

*ريري كربكه

سيدنا ابراهيم دعا لهم بسعة الرزق

سبحان الله

هو لزمهم سعة الفكر
:)

شيرين سامي يقول...

شمس الجميله و حشتيني أوي :))
معلش مقصره مع حضرتك و الله مودي موحش أوي و المدارس بدأت بدايه قويه.
بالنسبة لجزء المعطف مش قادره أقولك خبر فرحني قد إيه:)
المدونه كلها بتاعت حضرتك..مكن تنشري الجزء عندك و أنا هنقله على المدونة بتاعة المعطف فوراً...و ممكن تبعتيهولي ميل و هنشره على طول...بجد السلسله كده هيبقى ليها طعم تاني :)

تحياتي و كل الود لكي

وجع البنفسج يقول...

انا استغربت لما شفت الملك عبدالله طالع في إعلان عن الكشف المبكر لسرطان الثدي !! استغربت بصراحة .

ربنا يصلح الحال يارب.

اروح اشوف باقي البوستات .

شمس النهار يقول...

*شيرين سامي

اهلا بيكي ياشرين
انتي كمان وحشتيني
وعايزة ابعت لك اغنية حرمنا من انسك ليه:)))

بس معلش عارفة المدارس
ربنا يعينك
ان شاء الله خير

وشكرا علي كلامك الجميل
وهبعتها لك الاول
تشوفيها
:))

شمس النهار يقول...

*وجع البنفسج

اهلا اهلا
استغربي براحتك
علشان من هنا ورايح
هتستغربي من حاجات كتييييييير جدا
هتعملها المملكة
واللي يعيش ياما يشوف
:))))

عازفة الالحان يقول...

السًلآم عليكُم .,
أنآ كثيراُ أتقبل وِجهآتْ النُظر
وطبعاُ كُلآ يقول مآفيه قُلبِه مِن كلآمْ
ولِكنْ لم أتوقَع نًظرتُكم عن الملك عبدالله الذِي يعِطي .. ولآ يأخذ ..
مِثل هذه النَظره.....!!!!

وعلى العُموم
إختلآف وجهآتْ النظُر لآ يفسد للود قَضية
دمتم بِخير

الاحلام يقول...

الحكام فى السعوديه بيحاولوا عدم اثارة الشعب لعدم حدوث اى بلبله هناك ولهذا يحاولون ان يسايروا الحياه مع الغرب احيانا كتى تهدا الامور قليلا هذه الايام
تحياتى شمس الخالصه ابوداود

شمس النهار يقول...

*الاحلام

ايوة ملاحظة ده

وابتدوا ينخلوا عن افكارهم اللي صدروها للمنطقة كلها

وده اللي مستغرباه
للدرجة دي الكرسي والملك غالي

شمس النهار يقول...

**فشكووووول
عمنا فشكول غريبة ان تعليقك ماظهرش غير دلوقتي؟؟؟؟
البلوجرمسكون:)))

ايوة ماانا عارفة ان دي شكليات

بس ليه دلوقتي
علشان الربيع العربي
مالو انا علي حق
هأمن وانام وبالي مرتاح
اني راضية ربنا

ولا ايه؟؟

شمس النهار يقول...

*عازفة الالحان

وعليكم السلام ورحمة الله وبركاته

اهلا بيكي

اختي انا هنا القي الضوء علي سياسة بلد
ولا علاقة لي بشخص الملك
دي سياسة دوله بتتغير ليه الان
ولا احب ان تنسب السياسة للدين
يعني الاول كان الدين بيقول لا ودلوقتي بيقول اه
انقد ان تكون المراه السعودية مهمشة بأسم الدين
والدين من هذا التهميش برئ

وفعلا الاختلاف لايفسد للود قضية
نورتيني