الأربعاء، 19 أكتوبر 2011

خير اللهم اجعله خير



كنت هانشر النهاردة الجزء الثاني من مافيا
لكن استفزني جداااااااااااااااا
خبر القبض علي الناشط ب6 ابريل
علي الحلبي
الخبر اهووو
وووووو
ارتباطمش ممكن شاب نزل يرسم علي الحيطان
ويحذر الناس من انتخاب المرشحين من الفلول والحزب الوطني
وكمان يتقبض عليه وهو بيرسم يبقا كده متراقب
هو في ايه؟؟؟؟
هنتحاسب كمان علي
الرسم علي الحيطان
!!!!!!!!!!
نفس الحيطة دي كان مشتوم عليها المخلوع من قبل مايتخلع
هو في ايه؟؟؟؟؟
مدونات تتقفل
طلبة يتقبض عليهم
ونشطاء يتقبض
عليهم ويتحاكموا عسكريا
احنا بنرجع للخلف ايام المخلوع ولا ايه؟؟!!
طيب مايتشطروا علي بتوع مؤتمر الصعيد
اللي قالوا وهددوا بأنهم هيولعوا في البلد لو صدر قانون العزل السياسي
ولاحد قالهم حتي عيب ولا جه جنبهم
ولا هي نا
س ناس
ياريت ننزل كلنا يوم الجمعة
نرسم علي حيطان الحي بتاعنا
ويبقوا يقبضوا بقا علينا كلنا ويخلصوا نفسهم مننا
وعلي راي اهل سوريا
الموووووووووت
ولا المزلة

هناك 28 تعليقًا:

Carmen يقول...

نو كومنت :/

نور القمر يقول...

لا حول ولا قوه الا بالله
بجد انا مش عارفه شو اقول
السكوت احسن شي وربي يستر
مع تحياتى
نور

AHMED SAMIR يقول...

انا متغاااااااااااااااااظ من اللي بيحصل في مصر
او بمعنى اصح
انا قرفاااااااااااان

سواح في ملك اللــــــــــــــــــه- يقول...

بتوع 6 ابريل حركة وطنية

وكلنا عارفين كدة كويس

وفكرة توعية الناس ان مينتخبوش الفلول

دي فكرة عبقرية

ذو النون المصري يقول...

انا مش مصدق ان مدونتي رجعت
انا كنت هعيط عليهم زي عيالي بالتمام
مجهود سنين راح في شربة ميه
و الله زوجتي فرحت لما المدونات رجعت لانها شافتني متغير تغير كبير و متنكد
و مكنتش متخيل انها حركة شغالة عند ناس غيري الا لما قريت كلامك و عرفت ان مدونتك كمان اتحذفت و رجعت
الله ينكد علي المسؤل عن الكلام ده

ذو النون المصري يقول...

بالنسبة لكلمتي
صرت ادون لنفسي
اعني بها ان الهدف الاول من تدويني لم يعد بحثا عن تعليقات
لاني قديما في اول التدوين كنت شغوف جدا بالعداد(عداد التعليقات و الزوار)....
و هذا لم يعد حالي الان
اما عن قلة زياراتي للاصدقاء
لاني كنت مسافر و راجع جديد
و بعد ما نويت البقاء وجدت فرصة للمدينة المنورة نفسي بصراحة ازورها و اقيم فيها فترة فحاليا اسعي وراء هذه الفرصه
فالوقت مش متاح لزيارة الاصدقاء

The illusionist يقول...

ايه الخبر ابن التيييييييييييييييييييت ده بقى
يا نهار اسود
انا بقى يتحرق دمى وانا بضحك لما باجى هنا
لالالالالالالالالالالالالالالالالالالالالا
كده كتير
طب اشتم
طب اعمل ايه
طب باسم ايه تم اعتقاله
بناء على ايه ؟
ليه ؟
هو ده اللى بيحصل والمفروض الرد عليه انى اطيع المجلس العسكرى واى عمليه تحصل لانه عارف كل شئ وفاهم كل شئ
انا معترض على اننا نثور على المجلس العسكرى ككل لان مصر هتدمر
بس معترض بقى على ال
.....................
دى
بجد دى مسخره لا يمكن السكوت عليها فعلا
نرفزتينى الله يمسيكى بالخير
الجرافتى كمان بقى حرام عشان بنحذر من الفلول
شششششششششششششت

دعاء العطار يقول...

هاقول ايه بس

الواحد بقى مقهوووووووور من اللى بيحصل ولا كان فيه ثوره اتعملت

كانهم بيقولولنا بعيييييييينكم لو فرحتم

حسبى الله ونعم الوكيل

حاتم عبدالفتاح يقول...

ربنا يخدهم أخذ عزيز مقتدر

Noha Saleh يقول...

انا اول مرة اعرف ان فى مدونات بتتقفل

طيب ليه

بغض النظر عن رأيى فى 6 ابريل لكن مافيهاش حاجة لو فى حد نزل يقول للناس ماينتخبوش الفلول

ابراهيم رزق يقول...

شمس المدونين و قمر السنين

انتبه الثورة ترجع الى الخلف
غلق المدونات
احداث فتنة طائفية
اختطاف الطبيب المنسق لاضراب الاطباء
اسامة هيكل وزيرا للاعلام
كثير و كثير و كثير

احسن حاجة دعوتك و اهو بالمرة نستمتع برسمك

تحياتى

منتدى بنت بلادي يقول...

ممكن يكون مخالفة بسبب رسمه على الجدران و هيسبوه على طول لكن مش بسبب أن سياسي
.

beautiful mind يقول...

مش عارف اقول ايه
بس حكاية القبض علي النشطاء دي غريبه اوي
شكلنا هنرجع لورا فعلا
ربنا يولي امرنا خيارنا

شمس النهار يقول...

*Carmen
:(

شمس النهار يقول...

*نور القمر

ادعيله يطلع بالسلامة

ربنا يفك اثره

شمس النهار يقول...

*AHMED SAMIR

كلنا هنطق
من اللي بيحصل

انا شخصيا مش مصدقة
اومال احنا قمنا بثورة ليه

شمس النهار يقول...

*سواح في ملك اللــــــــــــــــــه

دول كمان عملوا جروب
وصفحة
نشروا عليها
اسماء الفلول واعضاء الحزب الوطني

علشان ماحدش ينتخبهم
وبيشيروها في كل حتة

شمس النهار يقول...

*ذو النون المصري

ضياع المدونة بتبقا صدمة
بس لو بتصدرها علي

جهاز الكمبيوتر ممكن تعيدها بكل شئ وترجع زي ماكان

الحمد لله انها رجعت

وبالنسبة للتدوين

التواصل مهم من وجهة نظري
والتعليقات بعتبرها مناقشات بتثري البوست

وان شاء الله تتوفق في السفر
المدينة المنورة من اجمل المدن اللي شوفتها
نظافة ونظام
ان شاء الله تسافر بالسلامة
:))

شمس النهار يقول...

*The illusionist

هي بصراحة
حاجة تحرق الدم
وتلخفن اللي مايتلخفنش

ربنا يستر

شمس النهار يقول...

*دعاء اعطار

لأ ثورة ايه بقا
ماكل سنة وانتي طيبة
هي فين دي الثورة

شمس النهار يقول...

*حاتم عبد الفتاح
ان شاء الله

هيجيلهم يوم

شمس النهار يقول...

*Noha Saleh

يااااااه

ده في مدونات بتتاخد وبتتحذف حذف نهائي كمان
ازاي مااعرفش
المفروض انها علشان تتحذف تاخد 90 يوم
هقول ايه
ربنا يستر

شمس النهار يقول...

*ابراهيم رزق

كل اللي ذكرته ده ياابراهيم واكتر
وماخفي كان اعظم

وياريت فعلا الناس تنزل ترسم

وتعبر عن نفسها

شمس النهار يقول...

*منتدى بنت بلادي

دي مش حيطة علي مبني
ده سور يحيط قطعة ارض فضاء معروف في مدينة نصر

انه الشباب بيرسموا عليه

وادينا مستنين

شمس النهار يقول...

*beautiful mind

احنا مش هااااااانرجع لورا
احنا رجعنا خلاص
والحمد لله ولا حول ولاقوة الا بالله العلي العظيم

جايدا العزيزي يقول...

ناس ناس

ياست الكل

لسه الفرج ما جاش

انا جيه اهدى النفوس

تحياتى

شمس النهار يقول...

*جايدا العزيزي

بتقولي فيها هي فعلا ناس ناس

ربنا يستر علي الايام الجاية

منجي باكير يقول...

/




تونس: تقريرالمصير / دعواتك لنُصرة الهويّة و الدين !



/