الثلاثاء، 6 ديسمبر 2011

الكزروللا:)


اليومين اللي فاتوا كنت مشغوووووووووولة
جدااااااا
الحمد لله كنت بخلص من بنتي نمرة 2
والحمد لله وماشاء الله ولاقوة الا بالله
الفرح تم علي خير
بس عايزة اقولكم
ان مافيش حد بيمشي كله بيرجع تاني
وبدل فرد بيبقا اتنين وبعدين تلاته
:)))))
المهم لمافضيت امبارح قلت اشوف ايه اخر الاخبار
فتحت التليفزيون
علي قناة سي بي سي بتاعة ابو العينين
لاقيت بيعرضوا غلق الصناديق بالشمع الاحمر
وفنجلت عينيه من هول ما كان علي الشاشة
وكله كوووووم
والكزرولا القديمة المصدية اللي كانت علي باجور مولع كوم
ايوة
فراش المدرسة ماسكها من ايدها وحاطتها علي النار
وجواها الشمع الاحمر
وبعد كده بقا يصبه لسيادة العقيد علشان يشمعوا
يقفلوا الصناديق
وبعد كده القاضي يختم علي الشمع
وحمل ياجدع الصندوق وحطه علي جنب
واللي بعده واللي بعده
صناديق انتخابات تتشمع كده
!!!!!
وده منظر تتناقله وكالات الانباء
المحلية والغير محلية وبلاد تركب الافيال
ماعنديش تعليق
غير اني بعد مااستوعبت المنظر قعدت اضحك ضحك كالبكاء
ولاتعليق عندي
----
حته علي جنب ::
هي الناس نزلت علشان خايفة من ال500 جنيه غرامة
ولا فعلا عايزين ينتخبوا
ولما كده و 52 % حضور
اومال زمان كان ايه؟؟؟

هناك 38 تعليقًا:

nour alqamar يقول...

شكرا لك شموستنا ..وحمد لله على سلامتك وربي يفرحك بكل اولادك يارب ..
موضوع حلو ..بالتوفيق
شكرا لك
نور

شمس النهار يقول...

*نور القمر

الله يسلمك يانور

ربنا يفرحني بيكم جميعا

وعقبالك
:)

tarek momen يقول...

ده العادي في بلاد تركب الجمال و تتمشي في شوارعها التماسيح
لك الله يا مصر

شمس النهار يقول...

*tarek momen

يانهار ابيض ياحاج

جمال وتماسيح:))

استر يارب

سواح في ملك اللــــــــــــــــــه- يقول...

ميروك ياشموستنا للشموسة الصغيرة نمرة 2

عقبال كده اولادهم وتحضريلهم برضه

ثانيا

لا الناس حست ان صوتها له قيمة

كان زماااااان اوي من كام شهر كده

ايام الله لايرجعه المخلوع

الناس عارفة ان صوتها مش فارق

اما دلوقتي بقي

الناس عرفت ان الصوت هيفرق ايا كانت

التجاوزات

وحتي لو فيه تجاوزات نقدر نجيب حقنا

تحياتي

ابراهيم رزق يقول...

اولا الف مبروك يا شمس النهار و عقبال نمرة 3


ثانيا اى دخول للتكنلوجيا فى الانتخابات معناه كشف المزورين
هاقولك ايه و لا ايه انا عندى قلم مكتوب عليه الحرية و العدالة و كتاب دينى مكتوب عليه حزب النور
موضوع الخمسمائة جنيه وضح جدا فى الاعادة
تحول العرس الكبير الى طهور لا مؤخذة
قدر المجلس العسكرى بالانتخابات يهدى التحرير
و قدر ما يسمو انفسهم اسلاميين باستقطاب الغلابة و الاميين و اللى مش فارق معاهم بعباية الدين
تحياتى

غير معرف يقول...

ألف مبروك للعروسه

وعؤبال الباقي

ولو خلصوا يبئا مضطر أقول عؤبالي أنا بئا وخلاص


الكزروله بس اللي لفتت أنتباهك؟

بس كدا؟

لو على الكزروله أجيب لهم ميه وخلاص

أنما الموضوع أشد وأنكى من الكزروله

مصطفى سيف الدين يقول...

الف الف مليون مبروك وان شاء الله ربنا يجعل كل ايامك افراح بالنسبة للشمع الاحمر فده طبيعي وكمان واضح اننا اتطورنا وبقينا نستعمل بلاستر يعني بصي لنص الكوب المليان هههههههههه
بالنسبة للمشاركة انا سألت السؤال ده امبارح على الفيس ومجتنيش اجابة منطقية يا ريت انتي بقى تجاوبيني
سبب ضعف المشاركة في انتخابات الاعادة
1- ان العدد الكبير اللي خرج في الاسبوع اللي فات كان بسبب الغرامة
2- ان العدد اللي خرج النهاردة يوضح الرقم الحقيقي للاسلاميين لانهم همه اكتر ناس بتعيد
3- مقاطعة الغالبية العظمى لتشككهم في النتيجة ونزاهة الانتخابات
4- سبب مختلف (يا ريت تذكره)
اختر مما سبق

شمس النهار يقول...

*سواح في ملك اللــــــــــــــــــه

الله يبارك فيك عقبالك
:)
وجميلة دعواتك ربنا يستجيب

في ناس نزلت لأول مره علشان عارفة قيمة صوتها لكن في ناس كتيييييير نزلت علشان الغرامة
وده سمعته كتير من ناس كتير وبعضهم متعلمين ومثقفين

هو طبعا في تجاوزات كتير جداااا
بس برضوا مش قد اللي كان بيحصل
دي تعتبر هزار بالنسبة للي كان بيحصل

واعتقد لا المرشحين هيسكتوا ولا الناخبين
مصر اتغيرت رغم انف اللي مش عايز يصدق

شمس النهار يقول...

ابراهيم رزق

الله يبارك فيك وعقبال اولادك

علي فكرة موضوع الدين ده بيتساوي فيه الغلابة واللي علي قدهم فكريا وكذلك المتعلمين الشعب المصري متدين بطبعه من ايام الفراعنة

هو التيار شديد بس المصريين بيهضموا الظلط هياخدوا اللي ينفعهم ويرموا الباقي

اما الانتخابات صدقني المجلس الجديد بصمجي مش اكتر ومش هيتساب يعمل حاجة وهيبقا المعارك للركب

شمس النهار يقول...

*مصري جدا

الله يبارك فيك

وخلاص مش فاضل غير اللي شوفتها في التحرير
ربنا يسهل :))))

اما عقبالك دب فيها قوالين نرجع للمدام نديها فكرة
:)))

ماهي الكزارولا دي مفتاح الموضوع كله
انتخابات نزيه منظمة فلة كزرولا مصدية
تركب ازاي دي
:)))
فتش عن الكزارولا في باقي الخطوات والاجراااائات
:))
انتخابات كازرولا صحيح
بس الشهادة لله اول مره احضر انتخابات مافيهاش مطاوي ولا سنج ولا بلطجية
تعرفش راحوا فين ايام الانتخابات ونبي افتقدناهم
:)))

شمس النهار يقول...

*مصطفى سيف الدين

الله يبارك فيك وشكرا علي الدعوات الجميلة
:))
عقبال كل بلوجر

مش كل الصناديق اتقفلت ببلاستر في اتقفل بورق وفي القفل اتحطت عليه دوبار واتسيح عليه الشمع
:))
البلستر غالي برضوا وانت سيد العارفين يادكتور
1-نعم بسبب الغرامة
2-نعم وكان في دقون كتييييييير ومنقبات اكتر
3-لا الغالبية بتاعت وانا مالي الكسلانين
4-المصريين مكبرين دماغهم همه هيشتغلوا لهم بقا هي مره وخلاص هو كل شوية هينزلوهم ينتخبوا هي صورة
:)))))
عايزين العجلة تمشي بلاش عطلة وانتخابات وحركات
:))))
ماتستغربش الكلام ده ناس كتير قالت اغلبه
كل انتخابات والمصريين بخير

أندروميدا يقول...

الف مبروك لحضرتك وللاسرة الكريمة ... وربنا يكتر من الافراح ويجمع شملكم دائما علي خير وسعادة ...اما بالنسبة للكزروللا :) .... فياريتها تجي بس علي قد كده ... فكما ذكرتي في سياق حديثك ... ان مصر منذ قديم الازل هي بلد المضحكات المبكيات .

تحياتي

الازهرى يقول...

hahah!!W :D http://Photos1745.xxx-cats.net/Photos-5141s2n3q7b1p.jpg

شمس النهار يقول...

*اندروميدا

الله يبارك فيك ويكرمك
وعقبال عندكم
:))
ولو حصل يبقا عقبال الزرية الصالحة
:))

وكله الا الكزرولا دي هي سر الانتخابات
:)))

شمس النهار يقول...

الازهري

اللينك ده مش بيفتح
فين الصور ابعتهالي علي الفيس ان بوكس
:))

Bent Men ElZman Da !! يقول...

الف مبروك لبنت حضرتك :))

انا بردو شوفت حكايه تشميع الصناديق دى
بس مش خدت بالى من الطريقه الا لما حضرتك قولتى :|

بيتهيألى جزء كبير نزل عشان الغرامه
ونسبه ال 52% دى تعتبر انجاز بالنسبه لقبل كده
بس بردو لسه فى جزء كبير اوى من الشعب سلبى

غير معرف يقول...

انا عارف انكم ضد الاسلاميين

عايزين البلد سايبة
هتشككوا فى الانتخابات
عجبكم الخلاعة

لــــ زهــــــراء ــــولا يقول...

مبرووووووووك يا شمس الشموس
يا احلى جدة وام عروسة في البلوجر كله(:
لا تعليق على الكاسرولا اهو احنا اخدنا خطوة ناحية قدام سيبك من الكسرولا وخلينا ف الديمقراطية (:
لولا

Unknown يقول...

أولا ألف ألف مبروك
ثانيا موضوع الكزرولا ده لأن البهوات بتوع المجلس العسكري رفضوا فكرة التصويت الإلكتروني, واستبدلوه بالكزرولا ((:

أما عن زمان بقة فأقدر أقول إن الداخلية كانت بتتولى بالنيابة عن المواطنين التصويت والحمد لله

تحياتي

Tarkieb يقول...

الناس كانت بتشوف الشمع وانت بتبصي ع الكازورلا؟؟؟؟؟ دماغك كلها شوار البنت اكيد..شكله كدة المطبخ ع العروسة ؟ صح؟ الف مبروك وياخوفي يكون المطبخ ع العريس زمانك طلعتى القطط الفاطسة في كل حلة جابها....

غير معرف يقول...

دي كانت معجنة مش انتخابات

اول مرة اجي المدونة والمكان عجبني
ان شاء الله مش هتبقى اخر مرة

ستيتة يقول...

صدأيني عندك حاجات اهم من الكسرولة
عندك اللجنة العليا للإشراف على الإنتخابات
دي مصدية وبخروم اوسع من الكزرولة
هي دي العار بجد

وتاني الف مبروك للعروسة وعقبال التالتة
تحياتي

ابراهيم رزق يقول...

شمس الشموس
اللى بيكون مختار هذا التيار مسبقا لا اعترض عليه سواء كان غنى او فقير
انا قلت على اللذين تمت استمالتهم و هم الغلابة و الفقراء و اللى مش فارق معاهم و هم الذين ذهبوا ينتخبوا و خلاص
لذا انا سعيد جدا باختيارات دوائر مصر الجديدة و مدينة نصر و قصر النيل لان هذه الدوائر تقريبا تختار بمنهجية و فكر و رغم شعبية تيار الاخوان فى مدينة نصر التى تعتبر معقل من معاقل الاخوان الحقيقين الا ان مرشحهم فشل

تحياتى

Lady E يقول...

الف مبروك لبنوتاتك على التخرج والزفاف يا شموسة

وبقول للعروسة بارك الله لهما وبارك عليهما وجمع بينهما في خير

اما بالنسبة لمصر :)) من ده كتير حضارة 7000 سنة لسه المسؤلين بيتعاملوا على اساس انهم من 7000 سنة !! وعجبي

شمس النهار يقول...

*Bent Men ElZman Da !!

الله يبارك فيكي يارب

نسبة 52% رغم وجود الغرامة ده معناه ان لو مش الغرامة ماكنش حد جه
بس النسبة دي عامة
كنت عايزة اعرف النسب في الدواير هتلاقي م نصر ومصر الجديدة اعلي نسبة

اغلب الشعب المصري ماعندوش وعي بالانتخابات

بس ان شاء الله الثورة هتصحصح الناس

شمس النهار يقول...

**غير معرف

واضح انك غير معرف غير اللي انا عاملة للأكونت بتاعة بلوك

مش عارفة امتي المصريين هيعرفوا ويتعلموا فن الاختلاف
ومايرموش بعض كده بالاتهامات

مين اللي ضد الاسلاميين غير اليهود والكفرة
مصر اسلامية حتي النخاااااااااع

انا ضد التخلف
الاسلام دين الحضارة واليسر والوسطية والتمدن
نقرا دينا الاول وبعدين نتكلم

اغلب الموجودين الان علي الساحة متأسلمين اخدوا من الاسلام قشوره
ولم يتغلغلوا في الدين

من يتعمق في الدين يتمسك بيه ويبقا سمح
وان كنت فظا غليظ القلب لأنفضوا من حولك
والشحات وامثاله ممن سقطوا خير دليل وتطبيق للذكر الحكيم
وكفاية كده علشان حجتي ماتضعش في حوار غريب
وانا لسه حاجة طازة

شمس النهار يقول...

لـــولا وزهـــراء

الله يبارك فيكي عقبالكم:)

شكرا علي كلامك ومجاملتك الجميلة:)

يالولا لولا الكازرولا المصدية ماكانت الكازرولا
:))))

شمس النهار يقول...

*حاتم عبد الفتاح

الله يبارك فيك عقبالك ان شاء الله
ورزقنا علي الله
:))

انت عايز الانتخابات تبقا الكتروني
يالا الهول
طيب والكزرولا والباجور يروحوا فين؟؟

وزمان وانتخابات زماااان
فين لما الواحد مننا يتعب نفسه ويروح اللجنة يلاقي حد انتخب مكانة
ونبي كانوا مريحين الشعب
ولا مشاوير ولا زحمة
تصدق احنا شعب نمرود:))))

شمس النهار يقول...

*Tarkieb

ماهو الشمع والكزارولا ايد واحدة الشمع بيتصب من الكزارولا طيب ايه قولك بقا ان في ليجان كانت كنكة

:))
اه وربنا مسيحين الشمع في كنكة
:)))

وبعدين شوار دي اسكندراني خالص :))
طبعا ده انا غرقانة في الشوار والفرش والتوضيب بدفع تمن الغيبة في الحج:))

الله يبارك فيك عقبالك
ولاتقلق اجوازات بناتي دول اولادي
ومافيش بينا غير كل خير

:))

شمس النهار يقول...

*donkejota

برغم كل التجاوزات برضوا الانتخابات دي احسن من اي انتخابات حصلت زمان
علي الاقل مافيش سنج ولامطاوي ولا طبنجات ولا خناقات

والمدونة نورت

شمس النهار يقول...

*ستيتة حسب الله الحمش

الله يبارك فيكي عقبال بنوتك
:))

اللجنة العليا للأنتخابات دي علي جنب ياسطي

رئيس اللجنة ياااااااادوب يااااااادوب

معلم من معلمين مصر
انا اتخضيت لما شوفته بيشخطت في الصحفيين

بس برضوا الانتخابات دي احسن من غيرها

وبرضوا متفائلة

شمس النهار يقول...

*ابراهيم رزق

عارف ياابراهيم احنا في م نصر كنا بنادي بعض بالموبيلات

واصحاب بناتي لما بقوا يكلموني خايفين كنت بقول لهم انا متفائلة
رغم خلو الصناديق واللجان

وطلع كلامي صح

ماتقلقوش علي مصر
مصر بتاخد اللي ينفعها والغريب الغير منطقي بترميه بره

شمس النهار يقول...

*Lady E

الله يبارك فيكي عقبال بلوجر كله بنات وشباب
:))

شكرا علي دعواتك الجميلة جدا ربنا يكرمك

ايوة عندك حق الكزارولا شكلها من 7 الاف سنة
وكان في لجان كنكة مش كزرولا
:))

Mafrousa يقول...

شموسة الجميلة
ازيك يا قمرة
انتى بتقولى فيها انا اتفرست موت من المنظر الصراحة
و حسيت ان شكلنا بلدىىىىىىىىى موت
و حاجة بيئة بجد
يعنى مش قادرين يستنضفوا؟؟
ولا الصناديق يا حبيبتى
انتى شوفتى المصريين اللى فى الخرج صناديقهم شكلها ايه؟؟؟
منه لله اللى بالى هو و كل اللى معاه بجد رجعونا لورا و ضحكوا العالم علينا
اما بقا بالنسبة للتصويت زمان كان صفر
همه اللى كانوا بيصوتولنا و احنا قاعدين فى بيوتنا ولا البهدلة و قلة القيمة يا اختشى
حاجة تفرس بجد

م/ الحسيني لزومي يقول...

الف مبروك وربنا يبارك فيك وفي اولادك ويجعلهم قرة عين لك
ومعذره علي عدم التعليق علي الحدثين السعيدين اللي مروا بحضرتك...الله يجازي الفيس بوك وسنينه خللي الواحد مش بيدقق
مره اخري تقبلي اجمل التهاني

شمس النهار يقول...

*Mafrousa

اهلا اهلا بالحبايب

الحمد لله انا كويسة
يارب تكوني بخير وسعادة

ماشوفتيش انتي بقا اللجان اللي كان فيها كنكة:))

اما التصويت زماااااااان هو في زي زمان
الشعب كله كان بيروح والنسبة 90%
والاحياء والاموات ايد واحدة حتي اللي مسافرين الخارج كانوا بيوجبوا معاهم برضوا
:))))

نورتي

شمس النهار يقول...

*م/ الحسيني لزومي

الله يبارك فيك ويخليك
وعقبال اولادك ان شاء الله

ولا يهمك انت تشرفنا في اي وقت
اما الفيس الحقيقة عامل زي التيكااواي لاطمع لاروح لاتسبيك
:))
هنا الاصل