الخميس، 10 مايو 2012

حيران في دنيا الخيال


عايزة ابعد شوية عن الاحداث
مش الشباب اللي مات في بورسعيد طلع شباب مجانين
تدافعوا فاماتوا
ولاحول ولا قوة الا بالله
شفيق في سباق الرياسة لأ ما سبقاشي
نقفل الشباك ولا نفتح الشباك
حمدين الناصري ولا ابو الفتوح الاسلامي
ولا خالد علي الشبابي
ولا جوز الفلول
علي راي الشبوكشي فك مني
(ولو اني مش عارفة يعني ايه فك مني دي)
نركز بقا في الصوت الجميل ده
وهو حيران كده
ليلي مراد وحيران في دنيا الخيال

هناك 24 تعليقًا:

Tarkieb يقول...

بصراحة ولا واحد يستاهل...كلهم انانيين وكله بيحب نفسه....

Unknown يقول...

خلينا في الاغنية احسن

ابراهيم رزق يقول...

شمس الشموس

ايه ده انتى بتغطسى من ورانا
عندما يجتمع احمد رامى مع محمد عبد الوهاب مع ليلى مراد


حيران فى دنيا الخيال
محروم من الذكريات
لا عندى فيها امال
و لا باناجى الى فات
شارد مسكين
لا ليا ماضى اطير فى سماه
و القالى اعش احن اليه
و لا حبيب اشتاق للقاه
بعد الغياب احن اليه
لكن رات عينى
بين الهوا و بينه
ملاك فرد لى جناحه ضلل عليا
داوى الفواد من جراحه و حن ليا
نسيت زمانى اللى تاه و كنت ناسى
و لقيت نسيم الحياه قاسمته كاسى
عوضت الماض المجهول بالقرب منك
و الاحساس و ضحكت للغيب المامول
لما هديت قلبك الحيران

و الله الغطس حلو مش عايز اخرج

تحياتى

مصطفى سيف الدين يقول...

مفيش حد ينفع غير الفاجر القادر :)
لاسف شعب مش عارف مصلحته
ازاي الفاجر القادر متجيلوش التوكيلات اللي تمكنه من الترشيح

كريمة سندي يقول...

خير ما عملتي فالحيرة تهدي إلى التفكير بعد تريث .. اختيار جميل لموضوع شائك فعلا تحياتي

sony2000 يقول...

انا بقا مع صوت تاني
شوفي فمدونتي

دي تتسمع الصبح بس:)

سواح في ملك اللــــــــــــــــــه- يقول...

شوفي ياست الكل

برعم كل الحيرة اللي احنا فيها

فمش هقدر اقوللك

غير انه

يؤتي الملك لمن يشاء

علي حسب اخلاصنا ربنا هيدينا

rack-yourminds يقول...

كتب علينا ان نشهد تلك الايام الصعبه في تاريخنا ,اسال الله ان يبارك في عمرنا حتي نعيش اللحظه التي نري فيها مصرنا الحبيبه يالصوره التي نأملها جميعا
_

ياريت تختاري مره اغنيه لحليم او ام كلثوم

Tamer Nabil Moussa يقول...

انا بقول افضل نخلينا مع الاغنية


مع خالص تحياتى

zizi يقول...

شمس الغالية..وحشتيني يا جميلة ووحشني كلامك الرايق ..وفعلاً الواحد محتار وياريت يعرف مين الصادق ومين الكداب ولو أنا منك كنت احط غنوة عبد الوهاب :قلبي بيقوللي كلام وانت بتقوللي كلام وعنيه شايفة كلام والناس بيقولوا كلام احترت اصدق مين واحترت اكدب مين ..ربنا يجعل فيها من يصلح فيها آمين ..

الحياة الطيبة يقول...

شمس النهار الحال لايسر وفعلاً نحتاج لأن نقف عند نقطة نلتقط فيها الأنفاس ونجدد فيها طاقتنا .
تقبلي مروري ، تحياتي .

شمس النهار يقول...

*Tarkieb

علشان كله بيدور علي مجد شخصي
مع ان قمة النجاح والتخليد لك
ان تعمل لخدمة الوطن واعمالك تخلدك

شمس النهار يقول...

*Mohamed Amer

مش كده ونبي :)

شمس النهار يقول...

*ابراهيم رزق

:))
لأ ده انا بغطس من زمااااااان

وكل يوم
انت فاهم ان اغاني دلوقتي دي تعدل المزاج
بسمع انغام اه بس احبها في القديم
واصاله اه بس مش كل وقت
ذكري طبعا بس اسمعها بقا في القديم
الناس دي اصوتها جميلة بس لاالحان ولا كلمات ولا توزيع

شمس النهار يقول...

*مصطفى سيف الدين

:))
يعني عايزين كده بلطجي
:)))

شمس النهار يقول...

*كريمة سندي

اهلا بيكي ياكريمة
فينك غيبتك طولت
يارب تكوني بخير

شمس النهار يقول...

*sony2000

اهلا اهلا
انتي فين اصلا
لابشوفك علي تويتر ولا المدونة
بتبقي فين علشان نسلم عليكي بقا
:)))

شمس النهار يقول...

*سواح في ملك اللــــــــــــــــــه

مش دايما اقولك اني متفائلة
بس المره دي عندي شئ من الخوف
بس من غير فتح الهاويس:))

شمس النهار يقول...

*rack-yourminds

يارب
وان شاء الله كله هيبقا تمام رغم شئ من الخوف ماليني

ومن عينية هو في زي دول اصلا حليم وثومة
:)

شمس النهار يقول...

*Tamer Nabil Moussa

ايوة الاغنية هي السؤال والجواب
:))

شمس النهار يقول...

*zizi

اهلا اهلا اهلا بالحبيبة الغالية
ازيك وحشتيني ووحشتي بلوجر
بتغيبي علينا ليه بقا
:)
نورتيني
وفعلا اغنية عبد الوهاب دي كانت تايهه عن بالي
:)

شمس النهار يقول...

*الحياة الطيبة

اهلا اهلا فين ياست الكل
واضح ان البوست رجع ناس كتير كانت وحشانا يارب تكوني بخير
وماتغيبي ابدا

Tarek Mageed يقول...

تسمجيلى يا شمس اشترك فى مدونتك الجميلة

الله على الاغنية الجميلة والكلمات الرقيقة
حيران فى دنيا الخيال
محروم من الذكريات
لا عندى فيها امال
و لا باناجى الى فات
شارد مسكين
لا ليا ماضى اطير فى سماه
و القالى اعش احن اليه
و لا حبيب اشتاق للقاه
بعد الغياب احن اليه
لكن رات عينى
بين الهوا و بينه
ملاك فرد لى جناحه ضلل عليا
داوى الفواد من جراحه و حن ليا
نسيت زمانى اللى تاه و كنت ناسى
و لقيت نسيم الحياه قاسمته كاسى
عوضت الماض المجهول بالقرب منك
و الاحساس و ضحكت للغيب المامول
لما هديت قلبك الحيران

ابو على يقول...

والله العظيم احنا شعبنا ده طيب قوى
بجد مضغوطين ومتحملين حتى حقنا مش لاقيين
انا واحد من الناس اللى ملايانه جروح
واكيد انتو ناس مليانين جروح
مـــــــــــــالك يــامــصــر
قاسيه على ولادك ليه !!!!!!!!!
والله احناغلابه ورضايين بكتير جدا ظلم واسيه عارفه ليه يامصر
عشان احنا بنحب امنا قوى اللى هيا انتى
بجد انا مش عارف بنحبك ليه؟
وعلى ايه؟
بس لازم نحبك لااما مانستهلش نعيش فيكى
ونتنادى بيكى
ــــــ عارفه يامصر ان ربنا حاميكى
وميزك عن غيرك رغم كل اللى احنا فيه
بنحبك يامصر