السبت، 9 يونيو 2012

بلوجر


صباح الخير
(للي هيقرا الصبح)
مساء الخير
(للي هيقرا المساء)
زعلااااااااااااانة
ايوة
بلوجر بقا مهجور من حبايبه
ليييييييييييه
مش ده اللي جمعنا وعرفنا بعض
مش ده اللي ناس كتير طبعت كتب منه
مش ده اللي انس وحدتنا في يوم من الايام
مش ده اللي ياما فشينا غلنا فيه
فين المناقشات الحامية
فين الزيارات الجميلة
هجرتوه ليه
ايه الغربة اللي الواحد فيها هنا دي
خلاص نقفل المدونات ونفضها سيرة بقا

هناك 58 تعليقًا:

شيرين سامي يقول...

و الله يا شموسه عندك حق البلوجر بقى مهجور فعلاً و بقى دمه تقيل كمان..بس يمكن بعد الإنتخابات لما شفيق يمسك و البلد يرجعلها كده الإستكرار يرجع البلوجر تاني لنشاطه..مش عارفه.
بس عن نفسي قررت مش ههجر البلوجر على قد ما أقدر هكتب و هتواجد بين المدونين عشان بجد التواصل ده بيريح و بيسعد القلب خصوصاً لما يكون مع ناس حلوه كده و صادقه :)

تحياتي و بعتذر عن تقصيري معاكي

P A S H A يقول...

صباح الفل يا أستاذتنا
:))
ربنا يصلح الأحوال إن شاء الله ويطمننا على الجميع وبإذن الله الناس الحلوة ترجع تفتح مدوناتها وتبدع تاني :)

ابراهيم رزق يقول...

شمس الشموس

بعض الطيور تعود تدريجيا

شرين سامى هتعمل حملة للتدوين اليومى

باذن الله هنحاول نرجع الجميع

تحياتى

حنان الشافعي يقول...

صباحك سكر ياشموسة




خليكي في فيس بوك
هو اللي اخد الناس من هنا


انا رجعت هنا تاني من فترة :)



وحشتيني ببقى

re7ab.sale7 يقول...

والله معاك حق يا شموسة
بلوجر اتهجر
بيفكرني باغنية نجاة علي عش الهوي المهجور
انا بقت اكره الفيس عشان اتهامات الناس وبعضها عشان الانتخابات
وبحب بلوةجر وهفضل احبه
حتي مبقتش اكتب ع الفيس غير استيتوس بس مش نوت زي ما كنت بعمل زمان
يا ريت نعمل حملة عشان نرجع كلنا بلوجر تاني ونسيب الفيس وتويتر
مساء البنفسج

YA♥SA يقول...

ليه بتقوا لي كدا بس اكيد كل واحد عنده ظروفه ..وصباح النور ع عينك وان شاء الله اليوم يكون جميل وأيامك الجاية كلها

ريهام المرشدي يقول...

السلام عليكم
ازيك يا شمس ، متزعليش نفسك بس ، أنا كنت بحسب ظروف انشغالى اللى منعاني و لا أعلم أن دا حال الجميع :) .
ربنا يصلح الأحوال ما نمر به ليس بقليل ... صباحك سكر ^_^ .

محمد الجرايحى يقول...

لانستطيع الهجر أو الهجران
سيدتى هى مجرد حالة نمر بها جميعاً من جراء الأحداث وانعكساتها ، وهذا ماجعلنى فى آخر مقال أخرج معه إلى عالم جديد عملاً على التنشيط واستعادة الهمة....

أحييك سيدتى على غيرتك الطيبة وعلى هذه الحميمية النبيلة
بارك الله فيك وأعزك

haneen nidal يقول...

مساء الخيرات الله يصبح و يمسيكي بانوار النبي :)


ومين سمعك بجد غربة رهيبه وجدا كمان بس نستنا كمان 10 ايام وان شاء الله المهاجرين بعيدا عن مدوناتهم يعودوا مع بداية حمله التدوين اليوم الي دعت اليه الجميلة شيرين سامي

بس انا موجوه مهاجرتش :)

:

تحياتي وسلاماتي الحارة ^__^

rack-yourminds يقول...

سيدتي الفاضله شمس عندما رايت هذا البوست وجدت يدي تسرع لتكتب هذا التعليق علي الرغم من حالة الملل التي تنتابني!!

انا واحد من الناس بعتبر مدونتي متنفسي الوحيد في النت اذ لا احب الفيس ولا التويتر,ولكن احيانا يصيبنا الملل او تشغلنا الظروف فتبتعد قليللا عن المدونه ولكن صدقيني انا عن نفسي مش ممكن اتخيل اني اقفل مدونتي يوما ما وحقيقي احايين كثيره ينتابني حزن والم عندما اتذكر اخوه لي في عالم التدوين تركوا مدوناتهم وفارقونا ,حقيقي يا اخت شمس يؤلمني كثيرا الفراق وخصوصا من اخوه كنت اعزهم واحترمهم

ومن ثم لن نسمح لكي مجرد التفكير في غلق مدونتك فابنائك جميعا وانا واحد منهم نحترمك ونحترم مدونتك القيمه

وبعدين اصبري علينا شويه دحنا ياما هنشتبك في نقاشات وجدالات وخصوصا مني انا بالذات هههه!! وادي واحده علي الماشي :هو البوست اللي فات مش برده مثل استطلاع الاهرام والمصري اليوم والشروق في الجوله الاولي من الانتخابات وطلعت كلها استطلاعات اي كلام هههههه!!!

تحياتي واحترامي لحضرتك

لـــولا وزهـــراء يقول...

منقدرش نستغنى عنك ولا عن اصدقائنا في عالم بلوجر .. واتسأل معكِ


لولا

رؤى عليوة يقول...

عندك حق بجد انا كمان حاسة بكده ومتضايقه جدا
كنت بقول فترة غيابى هى اللى خلت الناس تنسانى
بس كده دى ظاهرة عامه وبسرعه المفروض نتغلب عليها

صحيح دوام الحال محال وعالم النت اثبت بالنسبالى على الاقل انه متغير بسرعه لكن مش هنستسلم ونفضل ولو قله محافظين على روح جمعتنا هنا

دمتى بخير
وانا هناااااا مش هروح الا ان يقضى الله امرا كان مقضيا :)

أحــوال الهـوي يقول...

الفيس بوك سرقني و الناس كلها هاجرت من هنا لهناك و الغريبه ان معظمهم كانوا هنا و كل شوية نحن للمكان اجي ازور و اشوفي اصحابي اللي لسه ما هاجروش و ارجع اشيل العنكبوت من مدونتي و ابخرها و استني حد يتواصل معايا ممكن افضل ايام مستني و لا حياة لمن تنادي و الفيس التواصل فيه اسرع
هنا انا قررت اجمع شغلي و انشر فيه اللي باكتبه ع الفيس

بس تعرفي يا برنسيسه ايام زمان كانت افضل علاقتنا الفكر و الابداع

واحشتوني

تحياتي

دمااغ يقول...

الفيس ..الفيسبوك هو السبب

Lady E يقول...

لأ بقى نقفل متنفسنا الوحيد والحاجه الجميله اللي بتجمعنا؟ معلش يمكن علشان الامتحانات والمواقع التانيه زي الفيس وتويتر مش محتاجين شغل كتير زي بلوجر زي تنسيق المواضيع والصور وكده فيمكن بقينا نستسهل

دعاء العطار يقول...

تؤ مش تزعلى ياشموسة لأن عن نفسى أنا مدونتى هى بيتى وبيتى الاول اللى بحس فيه دايما بالراحه

الفيس وتويتر مش مودى خالص المدونه تحسى انها بتجمع الناس اللى شبهك عيلتك وقرايبك واقرب ناس ليكى فى هذا العالم النتاوى

ده عن نفسى اما باقى الناس مش عارفه بس بضم صوتى لصوتك وعايزين نجدد روح المدونات وعامة كلها ايام وحملة التدوين اليومى تبدا والناس تصحصح شويه ونتلم من جديد :)

ابتسمى بقى :)

سواح في ملك اللــــــــــــــــــه- يقول...

صباح- مساء الفل ياشموسة

ايه ياشموستنا

دانتي بتتلككي بقي

تقفلي مدونتك ايه بس

داحنا تقريبا عيلة واحدة

دانا تقريبا رعم اني مش فاضي ومشغول جدا الايام دي

لكن بتابع كل الاصدقاء يوميا

تحيتي يااطيب شموسة

شمس النهار يقول...

*شيرين سامي

الغريب ان حتي الناس الموجودة مش بتحاول تزور بعض ولا تعلق علي شغل بعض ولا تتناقش اصلا
تحسي انك بتكلمي نفسك

وياريت ياشيرين نخلي كل يوم ساعة لبلوجر نتواصل مع بعض فيها
ساعتها مش هيكون في تقصير
وربنا مايجيب تقصير
:))

شمس النهار يقول...

*P A S H A
مساء الفل ياباشا

وانا هقول
آآآآآآآآآآآمين

ان شاء الله الطيور ترجع لعشها

شمس النهار يقول...

*ابراهيم رزق
مش كنا متفقين علي حملة نرجع بيها الناس لما كنا بنتكلم علي تويتر
ياريت نبتدي الحياة هنا بقت مملة

شمس النهار يقول...

*حنان الشافعي

مساء ياسمين ياحنونه

انتي كمان وحشتيني جداااااااا

والحمد لله انك رجعتي بس انتظمي بقا وزوري الناس
وانا هروح بعد ماارد هنا اشوف جديدك ايه:)
يارب الحيويه ترجع هنا تاني

شمس النهار يقول...

*re7ab.sale7

الفيس محتاج تواجد دائم علشان تلاحقي علي الناس
لكن هنا الروقان ومش محتاج تقعدي جنبه
حاجة كده هادية رايقة جميلة
ومش اي حد بيتواصل ولا بيقحم نفسه زي الفيس
والموديريشن بيقنن الموضوع كمان
ان شاء الله نرجع كلنا وننتظم
والاهم في التواجد اننا نتواصل مع بعض

شمس النهار يقول...

*YA♥SA

:))
بقول كده علشان هو فعلا بقا مهجور
مابقيناش زي الاول في نشاط وحيوية
ومناقشات
وناس كتير هجرتنا ومشيت وفي قفلوا مدونتهم

مساء الهنا عليكي
وان شاء الله خير

ذو النون المصري يقول...

كلامك و الله صحيح..انا شخصيا لم افتح مدونتي منذ اكثر من شهر الا اليوم
لكن و الله مشاغل ..
كنت برتب للعودة لمصر
تحياتي

شمس النهار يقول...

*ريهام المرشدي
وعليكم السلام ورحمة الله وبركاته

اهلا ياريهام فينك غايبة مش بتيجي تنوريني؟؟

مساكي هنا

الغريب ان اغلب الناس مشيت وكل واحد له سبب تقريبا صدفه بقا

يارب تكون ظروفك خير

شمس النهار يقول...

*محمد الجريحي

ياريت تبقا حالة فعلا وتعدي

بلوجر له افضال علينا
وبحس هنا اننا اسرة مع بعض
وجمعتنا حاجات كتير

واشكر لك اهتمامك

شمس النهار يقول...

*haneen nidal

مساء الهنا علي عيونك
:)

ماانتي من الصامدين هنا وهناك

وكنا اتكلمنا علي تويتر ابراهيم رزق وانا وقال لشرين
واستنيت يبتدوا ماحدش ابتدا
بس شيرين ربنا يكرمها في اول تعليق قالت ان هتبتدي قريب

:)ربنا يسلمك من كل سوء

شمس النهار يقول...

*rack-yourminds

ماتتصورش قد ايه اسعدني تعليقك
وانااعتبرك من ضمن الصامدين هنا
لكن صعب زي ماقلت فراق الاصدقاء هنا
وصعب انك تكتب ولا يتفاعل معك احد
اتعودنا نشارك بعض مانكتب حتي لو اختلفنا
الان لااحد حتي يتناقش مع الاخر الا ماندر
:)
ماعدنا انت وانا طبعاااااا
:))
وان شاء الله مش هقفل مدونتي حتي لو رسيت علي خناقاتي انا وانت
:)))
اما البوست اللي فات ده بالنسبة لي صدمة القعدة دي كانت كلها صادمة ليه
حبيت تشاركوني فيها وللأسف ماحدش علق علي الكلام وخصوصا من الاخوان ادهشني كم الرعب من الاخوان

ان شاء الله خير
وربنا يسترها علينا

شمس النهار يقول...

*لولا وزهراء

حتي انتوا يالولا بقتوا بتنشروا قليل جدا

ياريت ترجعوا انا شخصيا بحبكم وبحب طريقتكم في الكتابة

عووووودي ياهميس

:))

شمس النهار يقول...

*رؤى عليوة

لا مش موضوع انك غبتي ورجعتي
في حالة ملل وكسل

وناس مابتزورش بعض
ولا حتي بيسلموا علي بعض

وناس هجرتنا

ان شاء الله نرجع كلنا

شمس النهار يقول...

*أحــوال الهـوي

ايوة الفيس اخدكم من هنا
مع ان هنا الاصل

طيب يجري ايه لو كل يوم ساعة هنا
وتنشر لنا كلامك الجميل تاني هنا

علشان مش متواجد فاماحدش بيتصور انك نشرت حاجة
انا عرفت بالصدفة انك ناشر بوست النهاردة ولاقيت قبله بوستات تانية
كان الاول الواحد كل يوم لما يدخل بلوجر يزور مدونات اصحابه يشوف مين نشر ايه ومين علق علي ايه ومين رد علي مين

كمان هنا الشغل بيكون موثق اكتر وخصوصا للي بيكتب شعر زيك

ممكن ترجع لأي حاجة نشرتها من مدة

وماتنساش اصحابك هنا
:)

شمس النهار يقول...

*دمااغ

ايوة الفيس بوك هو السبب

اهو الفيس بوك ده عامل زي سندوتشات التيك اواي
:))
وبلوجر طاجن بامية متسبك باللحمة :)) يرم العضم

شمس النهار يقول...

*Lady E

ايوة الاستسهال
انتي قلتي كلمة صح

بس هنا احسن وبتقدرس تقولي الفكرة كاملة من غير تلخيص

وبصراحة حالت الكسل دي خلت الواحد مابيرحش عند غير اللي بيزوره كنت الاول بروح لكل الناس
ولما نفسي اتسدت صراحة بقيت بزور اللي بيزوروني بس

ان شاء الله الامتحانات تعدي علي خير وترجعوا كلكم ناجحين وبتفوق
:))

شمس النهار يقول...

*دعاء العطار

ايوة كلمتك صح هنا احنا شبه بعض او علي الاقل مجتمعين علي شئ مشترك
رغم اختلاف ميولنا

ياريت نجدد شباب بلوجر
وعلي ذكر الشباب فين شباب متمرمط:)))

حد يبقا في حياته ناس زيكم ومايبتسمش

:))

عملت علي قد مافهمت اللي قلتي عليه في اليوتيوب ورزقي علي الله
:)))

شمس النهار يقول...

*سواح في ملك اللــــــــــــــــــه

مساء الهنا ياخالد

لأ والله مش بتلكك بس حسيتت اننا لوحدنا هنا
ومافيش جديد وعلشان مافيش نشاط مافيش تنافس وابداع
وملل

ولولا اننا زي مابتقول عيلة واحدة كنت فعلا قفلتها

بس عندي امل الناس ترجع تاني
اروح اشوف مانشرته انت مؤخرااااا
:))

شمس النهار يقول...

*ذو النون المصري

اهلا بيك ترجع مصر بالسلامة

:))
ومدوناتك من المدونات المحببه لي
ياريت تتواصل مع الناس
علشان يتواصلوا معاك
ويتم التعرف عليهم

موناليزا يقول...

نفس شعورى يا شموسة
حد يناديلهم يا جماعة
حد يشوف راحوا فين

هو اه التدوين جميل بس الأجمل وجود الصُحبة الحلوة فيه :)

gogo!sf يقول...

والله انتى عندك حق جدا
بس الناس كلها استسهلت الفيس بوك وقربو منه اوى وهجرو بيتهم هنا

ان شاء الله احاول ارجع عشى تانى

Mohamed Amer يقول...

مساء الخير ياشمس

من غير زعل , عمر بلوجر مايبقي مهجور طول ما احنا مع بعض بس الظروف ساعات بتخلينا نبعد شوية
وحق عليا ياستي
تحياتي :)

Tarkieb يقول...

اكيد الظروف دلوقتي حالة سيولة في البلد...

شمس النهار يقول...

*موناليزا

ماانا بنادي اهو يامني
:))
بس هل من مجيب انتي عارفة دكتورة ستيته قفلت مدونتها
وده زعلني جدااااا
ومارضيتش اناقشها في قرارها لحد ماتهدي واكلمها
التدوين حلو بس الانسان كائن اجتماعي
عايزين نبقا لمة زي زمان
والناس تزور بعض وتعلق علي شغل بعض
:))
نادي معايا يامني
:))

شمس النهار يقول...

*gogo!sf

اهلا اهلا بيكي

اذااااااااا الفيس ده عدو البلوجر الاول

يارب ترجعي هنا

:)

شمس النهار يقول...

*Mohamed Amer

مساء النور

:)))
ربنا يخليكم كلكم

:))
انتوا الصامدين في بلوجر

احنا بنادي علي الناس اللي مشيت واخدت الباب في ايدهم
وعايزنهم يرجعوا

شمس النهار يقول...

*Tarkieb

:))
انا مش شايفة اي سيولة غير في المليونيات

دعاء العطار يقول...

أنا جيتلك تااااااانى

فكرتينى بشباب متمرمط اممممممممم مش عارفه ليه مش عارفه اكتب فيها رغم ان المرمطه حواليا كتيره اوى

بس والله هحاول عشان خاطر عيون شموسه :)

بالنوسبه لعمنا يوتيوب اللى مغلبك ده فقوليلى بقى عرفتى تحملى ولا لاء لو ف حاجه مش واضحه قوليلى وانا اقولك عليها احنا عندنا كام شموسه يعنى :) :)

شمس النهار يقول...

*دعاء العطار

:)))

اهلا بيكي دايمااااااااا

اليوتيوب :))
لأ خلاص اتحلت ياجميلة شكرا علي الاهتمام

ويارب الالهام يحضر وتكتبي في شباب متمرمط

Miss Mystery يقول...

روحكِ سامية و طيبة جداً أحببتها
لا عليكِ كثيرٌ منا يغادر لظروفٍ عديدة
لكن العودة جزء من حياة البشر ~
..
كزيارة أولى أحببتُ المكان كثيراً
لروحك طوقٌ من فرح
متابعة !

شمس النهار يقول...

*Miss Mystery

اهلا اهلا بيكي في اول زيارة وان شاء الله نتواصل

ومانهجرش مدوناتنا

اندروميدا يقول...

شموسة التدوين :)) .... أخبار حضرتك ايه ؟ ... وطبعا الواحد مش عارف يعتذر ازاي عن التقصير في المتابعة والتواصل ... بس زي ما حضرتك قولتي ... في حالة عامة من الكسل ... الإحباط ... الشتات ... والاسباب كثيرة ومتنوعة .. امتحانات بقي ... وخصوصا امتحان الرئاسة المرير : )) ... وسائل تواصل اخري بخلاف المدونات ... واكيد اليورو برضه لها تأثير كبير في حالة السكون اللي أصابت المدونين .

علي اية حال ... اظنها فترة مؤقتة ... ويعود الجميع الي سابق عهده .... وطبعا حضرتك دايما ... شمس التدوين ... اللي بتشع حالة من البهجة والتالق بين جدران العالم الإفتراضي .


تحياتي العطرة

شمس النهار يقول...

*اندروميدا

اهلا اهلا بيك

وبقصاص بلوجر الكبير

اجمل مدونة لما مابلاقيش قصة جديدة عندك بزعل بجد

ربنا يحفظ عليك موهبتك
وشكرا علي كلامك ومجاملتك اللطيفة

ومايحرمنا من بلوجر

الازهرى يقول...

أنا جيييييييييييييييييييت

انا ولله الحمد موجود بشبه انتظام
بس ظروف الشغل
والسر والكسل والأجازة خليتنى غايب فترة


فى بوست جديد فى الفارس الأخير يهمنى رأيك فيه

شمس النهار يقول...

*الازهري

:))
انت مش مشكلة خالص

:)))

وحاضر هروح اشوف ايه اخر الاخبار

الطائر الحزين يقول...

نحاول نعود

شمس النهار يقول...

*الطائر الحزين

ياريت وخصوصا انك من زمان هنا
:)

لـــولا وزهـــراء يقول...

حاضر يا شموسة الجميلة (:

لولا

شمس النهار يقول...

*لولا وزهراء

ان شاء الله وتنوروا تاني بلوجر
وادينا هنعمل حملة التدوين اليومي اهو :))

wafa abdu يقول...

مساء النور الفيس هو السبب

شمس النهار يقول...

*wafa abdu

مساء الهنا

ايوة الفيس علشان في السريع اخد الناس مننا