السبت، 23 يونيو 2012

الرجيم


من نظرياتي في موضوع الرجيم
اقفلي بوقك تسلمي
:))
بس في ناس مابتعرفش تعمل كده
اوم ايه انا بقا بعد البحث والتنقيب
جبتلهم وصفات تساعدهم علي القفل
:))
الوصفات هنا وميه ميه

بس الاهم من الرجيم وقفل البوق
الرياضة لازم من الرياضة
واللي هتمشي صح وتلعب رياضة صح
لما هتكبر هتعرف ان ده كان في مصلحتها
وهتلاقي نفسها مختلفة عن اللي في سنها
صحتها احسن قاولونها احسن
وضهرها احسن
وماتستغربوش من موضوع القولون ده
الرياضة والمشي بيظبطوا القولون جدا
وان شاء الله
اللي عايزة تخس تخس

هناك 30 تعليقًا:

مصطفى سيف الدين يقول...

و رجيم ليه اصلا ؟
دي ناس فاضية :)

اندروميدا يقول...

قبل ان الدخول في خضم ملحمة الرجيم التي لا تنتهي ... أود ان اشكرك علي حالة الرواج التي يشهدها عالم المدونين حاليا بعد أيام عجاف ... فلا شك انك كنت من عوامل الدفع في هذا الاتجاه .

اما بالنسبة للموضوع وان كنت لست ضليعا فيه ... فلي ملاحظات بسيطة
اولا : من الغريب في أوساط شعوب تأن من وطأة الفقر و الجوع ... نجد ان معدلات السمنة بين أفراده متزايدة من زمن بعيد

ثانيا : من المؤكد ان انسان العصر الحديث الغارق في رفاهية الوسائل ... يجد ازمة ملحة ودائمة ... تدعي النشاط والمجهود .

واخيرا كما ذكرتي ... ان الرجيم .. هو نظام حياة .. وارجو ان يستقر ويزدهر هذا النظام في بلادنا ... وألا يسقط هو الأخر ))

تحياتي لقلمك الرقيق والمفيد أيضا ...... واعتذر مجددا عن التقصير في المتابعة .

Haytham Alsayes يقول...

طب عندك حاجة للاكل بقي
اصلي مبكولش اصلا ؟

rona ali يقول...

ههههههههههههههههههههههه
ضحكتينى اقفلي بوقي واخلصي
واقفلي حواسك واعملى نفسك نايمه بالمره
ههههههههههههه

انا هلكت

ابراهيم رزق يقول...

شمس الشموس

مشكلتى فى ادمان المياه الغازية
و العصائر
لكن تقريبا اكلى مش كتير

تحياتى

re7ab.sale7 يقول...

يا صباح الود
والله انت عثل يا شمس
تعرفي انا لما حد بيقولي انت مش بتتخني لية
او ازاي اخس
اقولهم كلة رسولنا الكريم " المعدة بيت الداء والحمية بيت كل دواء"
بس في كتير مش بيعرفوا يطبقوا الكلام ده للأسف
وانت فعلا قلت حاجة مهمة جدا الرياضة
تقريبا الناس او الستات تحديدا بيفكروا الرياضة انها المشي طول النهار في البيت وهي بتعمل الشغل
بس دي مش رياضة
عشان كدة بحاول دايما اني اخللي ماما تمشي كتير

Bent Men ElZman Da !! يقول...

ياسلاااااااام
حضرتك سمعتينى النهارده والا ايه ههههههههههههههه
الرجيم ده ازمه حياتى :(
المشكله بقفل بوقى بس مش بخس زى ما انا عايزه بردو :D
وليا صولات وجولات مع الاعشاب دى والله
بس ادينى بجرب بردو
تسلمى :))

شمس النهار يقول...

*مصطفي سيف الدين

:)) رجيم ليه اصلا يبقا انت اكيد رفيع يامصطفي

السمنة بتجيب اكتئاب
:)

شمس النهار يقول...

*اندروميدا

لا شكر علي واجب حبينا نصحصح الناس ان بلوجر هنا:))

المشكلة في نوعية الاكل
ودي لافقير ولا غني
سبحان الله اكل الفقير يحتوي علي مواد وعناصر تسبب السمنة
زي الباتنجان المقلي ده كارسة لوحدة فيه زيت وحديد الي اخر الحاجات اللي كترها يجيب سمنه

ومافيش تقصير خالص
ومنورني دايا يااديبنا العالمي ان شاء الله

شمس النهار يقول...

*Haytham Alsayes

اومال علي تويتر كل شوية تقولنا اتفضلوا معايا

وشوية منجة وشوية رنجا:))

شمس النهار يقول...

*rona ali

اقفلي بقك اه
لكن حواسك لأ:)))

شمس النهار يقول...

*ابراهيم رزق

استغني عنهم واحدة واحدة

بالتدريج كترهم مش كويس مش هتحس بيه غير لما سنك يكبر

وبدلهم بالميه خالي دايما جنبك زجاجة ماء تشرب منها بستمرار
واشرب ينسون وكركاديه وتيليو الي اخر الخزعبلات دي
:))
ايوة عندي رف في البيت عليه الحاجات دي مسمياه رف الخزعبلات
:))

شمس النهار يقول...

*re7ab.sale7

صباح الهنا والبنفسج:)

انا معاكي قفل البق ده استعداد نفسي
وكمان الحركة مهمة
بس التحرك في البيت مش هو ده الحركة
اهم شئ المشي

وللي مابيعرفش يقفل بوقه يقوم مش مالي معدته اوي
:)

شمس النهار يقول...

*Bent Men ElZman Da !!

مش ازمة ولا حاجة
دوري في اكلك ايه اللي بيعمل لك السمنة هتلاقيه ياشوكلاته في غير موعدها ياشيبسي وبيبسي مع بعض
يااكل في الليل
لو ظبطتي الكلام ده هتلاقي نفسك بتخسي علي طول
:))
واللينك ده مش اعشاب ده حاجات من البيت
جربي ماتكليش بالليل غير زبادي وفاكهة وادعي لي

كريمة سندي يقول...

والله أنا أؤيد الأكل كما نريد أما الرجيم فهو للأوقات الصعبة فقط تحياتي الصادقة

شمس النهار يقول...

*كريمة سندي
ماعنديش مشكلة بس الاكل يكون بالمعقول وزي الرسول ماقال ثلث للنفس وثلث للشرلب وثلث للطعام
لو عملنا كده ماحدش هيتخن:)

لـــولا وزهـــراء يقول...

ست الكل شمس الشموس

عارفه ان فى ناس عايشين حياتهم فى دايت مستمر وبقى اسلوب حياتهم بس عن جد وعن تجربه الرياضه بتفرق كتيييييييييييييييير

زهــــــــراء

محمد الدهيمي يقول...

ممممم هو الكلام موجه للبنات ليه بس :)
على أساس إن مفيش رجالة عايزة تخس ^_^

شمس النهار يقول...

*لـــولا وزهـــراء

علشان اسلوبهم في الاكل غلط
هتلاقيهم التمثيل الغذائي عندهم صفر
طول النهار مافيش اكل وطول الليل هات يااكل

وتغلبي تقولي الاكل بليل لايحرق ياخلق الله وهو السبب الرئيسي في السمنة ومافيش فايدة
اقعدوا عمركم بقا في السمنة

شمس النهار يقول...

*محمد الدهيمي

:)) مين قال
ده الشباب اغلبهم دلوقتي بكرش
:)))
واهلا بيك

;كارولين فاروق يقول...

بصي يقي يا ستي انا مش بخس
الا لما بتكون اعصابي تعبانه
وانا عصبيه بطبعي جدا مش حاقولك
اني رفيعه بس بيتحرق دمي كتير وده
اللي مخليني الي حد ما مش تخينه
والسلام عليكم ورحمه الله وبركاته
سعدت بزيارتي
تقبلي مروري
تحياتي

ريـــمـــاس يقول...

مساء الغاردينيا شموسه
هو انتي بتعملي ريجيم للتعليقات :(
تعليقي راح فين ماشي ياستي عشان مايحصلش كليسترول لمدونتك ههههههه
عارفة انا حخبي البوست دا يمكن ينفعني في وقت عوزة انما حاليا لو عملت ريجيم حختفي خالص مالص :) "
؛؛
؛
لروحك عبق الغاردينيا
كانت هنا
reemaas

رؤى عليوة يقول...

على فكرة موضوع الرجيم ده بجد مرتبط جدا بالحالة النفسية


دمت بخير ونجرب الوصفة

Carmen يقول...

^_^ عسل ياحبى تسلم ايدك

شمس النهار يقول...

*كارولين فاروق

اهلا بيكي نورتيني

طبعا حرقة الدم اكبر رجيم
بس في ناي لما بيتحرق دمها بتحط همها في الاكل
:))

انا بقا مبسوطة ماباكلش
زعلانة ماباكلش

:))

غير معرف يقول...

*ريماس

انا برضوا اقدر تعليقك اتنشر في بوست تاني:))

وعايزة اقولك انا لو عملت رجيم الدكاتره بتوع الرجيم اتخن
:))

شمس النهار يقول...

رؤي عليوة

الحياة كلها حالة

مش بس الرجيم
:))

شمس النهار يقول...

*Carmen

تسلمي ياجميل

:))

مُحمد السيّد يقول...

طيب انا أخر واحد يتكلم عن الرجيم


بس انا عايز ابدي إعجابي بالصورة

صورة نعمان بطل افتح ياسمسم النسخة الخليجية :))))

ذو النون المصري يقول...

اجازة سعيدة ان شاء الله