الجمعة، 29 يونيو، 2012

مافيش خوف


كتر اليومين دول مواقف واشاعات
عن ان في منقبات او ملتحين بيكلموا الناس يهددوهم
يعني منقبة تقول لمحجبة او سافرة
بكره تلبسي العباية والنقاب غصب عنك
او ملتحي يهدد بنات داخلين المول
ويقول لهم بكره نربيكم ونقعدكم في البيوت
وكده
عايزة اقولكم لا الاخوان ولا السلفين بيعملوا كده
ايوووووووة
دول ناس مااعرفش ملتهم ايه !!
:))
بيحاولوا ينشروا الخوف في قلوبنا
ياريت اي حد يقابل اي حد منهم
يمسك فيه ويلم عليه الناس ويعمل له محضر
اكيد ساعتها هنعرف هو مين وليه وتبع مين
والغريب ان الاعلام مااتكلمش عن هذه الظاهرة
مش كل نساء الاخوان محجبات ولا كمان السلفين
ولا كل الاخوان ملتحين
ونقول يارب

هناك 23 تعليقًا:

الازهرى يقول...

ياااااااااااااااااااااارب

كريمة سندي يقول...

دا الإعلام الجاهل الذي يستغل أي ممارسة لمصلحته تحياتي

مصطفى سيف الدين يقول...

في ناس من مصلحتها نشر فزاعة من الاسلاميين
بس اصلا محدش هيقدر يعمل كده على الأقل في التلات او اربع سنين الجايين
عن نفسي قررت اسكت وابعد عن السياسة لحد ما اشوف اللي هيعمله الست شهور الجايين
ربنا يصلح الحال
تحياتي

βent Pasha يقول...

ربنا يستر ع البلد واللي جي فيها
:-))
حمدا لله على سلامة حضرتك ، ويارب تكوني قضيتي أجازة سعيدة بإذن الله

تحياتي لكِ

سواح في ملك اللــــــــــــــــــه- يقول...

فيه حملة لتشويه الاخوان

دي طريقة الحزب الوطني القديم

كان يعمل المصيبة ويلبسها لآي حد مش عاجبه

تعرفي ياشموسة

كل العابهم بقت واضحة

ناس كتير بقت علي وعي يألاعيب نظام مبارك القديم

وهي بث سمومه لنشر الكراهية بين ابناء الوطن الواحد

;كارولين فاروق يقول...

طبعا مافيش خوف ولا اكراه
علي شئ
علي فكره انا كتبت مقاله
عن الموضوع ده
ومهتمه جدا بالموضوع
اشكرك جدا حبيبتي انك طرحتيه
تحياتي

eng_semsem يقول...

فعلا ظاهره غريبه والاغرب ان مش بيتكلموا عنها وحقيقي ان الاخوان اغلبهم مش ملتحين او بناتهم ونسائهم منتقبات واللي اعرفه عن السلفيين صعب يعملوا كده في الطريق
تحياتي

شمس النهار يقول...

*الازهري

علي فكرة انا ابتديت احس ان في مؤامرة علي لقاء المدونين
:)))

شمس النهار يقول...

*كريمة سندي

مش بس الاعلام اللي جاهل
احنا برضوا بنشجع الناس دي عي كده لو كل واحدة او واحد مسك اللي بيعمل كده وفضحه هنقضي علي الظاهرة اصلا

شمس النهار يقول...

*مصطفي سيف الدين

:))
وهي دي سياسة
:))

مش عارفة ليه فكرتني بنجاح الموجي والديالوج اللي عمله مع جورج سيدهم في المتزوجون
:))

شمس النهار يقول...

*βent Pasha

الله يسلمك ياجميلة

وان شاء الله مصر محروسة

شمس النهار يقول...

*سواح في ملك اللــــــــــــــــــه

مش كل الناس علي وعي في ناس لسه بتهيص في الكلام ده
:))
وبتروج الاشاعات

دورنا اننا كل ماحد يحكي حاجة ندقق ونفهمه

شمس النهار يقول...

*;كارولين فاروق

يهمني جدا اقرا المقالة
اصلا بيعجبني اسلوبك وطرحك للمواضيع

:)

شمس النهار يقول...

*eng_semsem

كلامك صح
ومش معقول ان الاخوان والسلفين بالتفاهه
انهم يدمروا اللي وصلواله ده

ريـــمـــاس يقول...

مساء الغاردينيا شموسه
يااارب تحفظ مصر وتفضل محروسه
وكل سنة وانت طيبة يارب :) "
؛؛
؛
لروحك عبق الغاردينيا
كانت هنا
Reemaas

رؤى عليوة يقول...

طول عمرنا مع الاخوان والسلفيين محدش بيعمل كده منهم
ومعرفوش انه هيبقى فيه حركات كتير زى كده عشان الفتنه
امال عكوش وامثاله هيعملوا ايه

بس هتعدى واحنا اقوى


دمت بخير

Haytham Alsayes يقول...

دولة عميكة
:D

Haytham Alsayes يقول...

بالنوسبة للازهرى ولقاء المدونين
محدش يقولي كدة ؟
فهموني بقي

شمس النهار يقول...

*ريـــمـــاس

مساء الهنا:)

وانتي طيبة وبخير وصحة وسعادة:)

ان شاء الله مصر محروسة

شمس النهار يقول...

*رؤى عليوة

كلامك صح مايعملوش كده
علشان كده بقول نمسك اللي بيقول كده ونعرف الناس ان دول مش منهم

شمس النهار يقول...

**Haytham Alsayes
:))
اللقاء ده جه علي حين غرة علشان مينا مسافر وكنا عايزين نسلم عليه وبعيدن انت مش بتكون في البلد خميس وجمعة وسبت
:)
ان شاء الله هنعمل لقاء تاني موسع ونتقابل اللقاء ده ماكنش مدونين بس كان اصحاب كمان

mrmr يقول...

يــــــــارب

شمس النهار يقول...

*mrmr

اهلا اهلا
ازيك يامرمر فينك
وحشتيني ووحشتني وصفاتك الجميلة
:)