الأربعاء، 1 أغسطس 2012

التوريث :)

ضيوفي الاعزاء امبارح من هواة المسلسلات
وعلي الافطار كان في عادل امام
من خلال الحلقة عرفت انها مهمة سرقة بنك في تل ابيب
اللي لف
ت نظري
ان ظابط البوليس اليهودي قال لاحول ولا قوة الا بالله
وكمان لفت نظري انه مسلسل عائلي
عادل وولاده الاتنين وبن السعدني
اومال زعلانين من التوريث ليه
:))
كله بيورث لكله
اما الملل الاكبر بقا الاعلانات يخربيت كده
ساعة اعلانات
اومال بيقولوا الاقتصاد واقع ليه
ماالاعلانا
ت زي الرز اهو
هو في حد مش بيبيع بيعمل اعلانات
بس اول مره يبقا عندي ضيوف واصلي التراويح
همه في المسلسلات وانا بصلي
وبين الركعتين والرك
عتين اطلع لهم

:))
المشكلة بتبقا مع الضيوف اللي بيصلوا العشا بس
:))
ومابيتفرجوش علي المسلسلات
رمضان كريم
:))

هناك 20 تعليقًا:

الازهرى يقول...

علشان كده لما بيسألونى دايما إنت نزلت الميدان ضد الظلم والتوريث
أقول لهم لأ

أنا نزلت أغتت على الشرطة واشم غاز

ربك يسترها

ابراهيم رزق يقول...

شمس الشموس

الفن الحاجة الوحيدة التى ليسبها توريث

قد يفرض الابن لكن الجمهور بيفرضه
واول الجمهور زوجتى اللى قالت الواد ده سمج وبيستظرف ومغرور بابوه
اما سى رامى امام المخرج الموهوب فانا اعرف عشرات المخرجين قد رامى عشرمرات فى انتظار فرصة سهرة تليفزيونية و ليست افلام و مسلسلات و مسرحيات
المفاجاة ان هذا المسلسل ليس من اخراجه
هو واجهة فقط
اللهم انى صائم

تحياتى

faroukfahmy يقول...

كل آل الفاروق يؤدون جميع ما اشرت اليه دى مش بقت بلادنا كلنا دى بلد الصفوة والايادى الطولى التى تتحكم فى مقدراتها
معاك قرش تساوى قرش ممعكشى لا هتتطلع فى الشاشة وتبقى آخر غلاسه وبواخه
اصل همه ولاد ناس واحناولاد .... ولا داعى للغلط فى شهر رمضان اللهم انى صائم
الفاروق

شمس النهار يقول...

*الازهري

:)) ضحكتني يااسامة
عجبتني اوي نازل اغتت علي الشرطة
واديك ادمنت الغاز
نعمل فيك ايه دلوقتي
:))

شمس النهار يقول...

*ابراهيم رزق

ومن ضمن اللي دخلوا الفن يغتتوا بابهاتهم رانيا فريد شوقي
وابن محمود ياسين اللي مش عارفة اسمه ايه
ده مايمنعش ان في اولاد فنانين كويسين
زب ابن فاروق فلوكس اللي برضوا مش فاكرة اسمه ايه
معلش ياابراهيم مافتكرش اسامي الفنانين الجداد اصلهم كتير
اه وفي غتت تاني ابن المخرج اسماعيل عبد الحافظ وبرضوا مش عارفة اسمه ايه
ده غير ابن احمد زكي
ماعلينا
هيروحوا من ربنا فين
:))
رمضان كريم

شمس النهار يقول...

*faroukfahmy58
كلامك صح يااستاذنا
البلد مااتغيرتش
منين ماتروح تلاقي الدنيا زي ماهي
وربنا يخلي لي ال فاروق كلهم
ويبارك فيهم
:)

مصطفى سيف الدين يقول...

مفيش مسلسل عدل السنادي كله هبل في هبل
و اللي يفرس في مشهد عادل امام بيسأل ابنه بيقوله انت ليه متعينتش معيد قاله سابوا الاول و عينوا الخامس و السادس علشان ولاد الاساتذة
قمة الوقاحة الصراحة
و بعدين مال الاعلانات ؟ مش عاجباكي ليه
طيب هو في احسن من قطونيل ؟
يا سلام عليه و هو بيقول طمعانة فيا و لا في قطونيلي قمة الاسفاف و الاستخفاف بالعقول بصراحة المسلسلات و الاعلانات بعد الثورة بقت اكثر وقاحة خدي عندك يسرا اللي بتقول
(تف التفة قبل ماتنشف تلاقيني عندك ) و المصيبة عاملينها في التريلر بتاع المسلسل يعني لو مش بتتفرج على المسلسل برضه هتتفرج عليها في الاعلان
حاجة في منتهى الاستعباط
و اللي يفرس اكتر مسلسل عمر اللي بيجي على الام بي سي و اللي مخليين غسان مسعود اللي مثل مع روبي في فيلم الوعد يقوم بدور سيدنا ابو بكر الصديق منتهى التطاول
نصيحة اعملي زيي و اقفلي التلفزيون و متتابعيش حاجة
انا بعد اول يومين بطلت اتفرج على حاجة

ابراهيم رزق يقول...

هههههههههههههه
ابن محمود ياسين عمرو محمود ياسين
ابن فلوكس اسمه احمد
ابن اسماعيل عبد الحافظ الغتت محمد عبد الحافظ
ابن ابراهيم الشقنقيرى محمد
ابن احمد ذكى هيثم
فى الطريق
ابنة طلعت ذكريا امنية
ابنة سامى العدل رشا
عايزة اسماء حد تاتنى
ههههههههههههههههه

لــــ زهــــــراء ــــولا يقول...

والله يا شموسة انا ليا وجهة نظر اخرى اه احنا تعبانين من التوريث في كل مكان مش ف الحكم والفن بس بس اعتقد ان الفن لو هو فرض نفسه المشاهدين يقدروا يرفضوه او يخلوه

يعني حتى لو دخل بواسطة ابوه الجمهور مش مغفل انه يقبله عشان خاطر نني عين ايوهم ... معرفش انا ذوقي باينه وحش بس حاسة ان بن السعدني تمثيلة حلو حركاته مبلوعة وكمان ابن عادل امام بحس اني بشوف عادل امام وهو صغير بس في الالفية التالتة

لولا

سواح في ملك اللــــــــــــــــــه- يقول...

الفن بقي قرية صغيرة عبارة عن عائلات

سمير غانم وعائلته

عادل امام وعائلته

سعيد عبد الغني وابنه


وناس كتير عبارة عن اب وابنه او ام وبنتها

حاجة غريبة

غير معرف يقول...

ظريفة حكاية الضابط اليهودي يقول لاحول ولاقوة الا بالله
هقول ايه ..ده كل حاجة كلام مسلسلات وافلام...
يعني الممتلين بيدافعوا عن قضايا كبيرة انسانية والحقوق الاجتماعية..وهما بيعملوا اغلبهم بلاوي سودة وعندهم ملفات قضائية كتيرة...ربنا يصلح الحال

شمس النهار يقول...

* مصطفى سيف الدين
هو بيقول لأبنه كده طيب ماجبش ليه واحد غير ابنه يمثل
:))
الاعلانات دي علي جنب المفروض نلم بعض ونعملهم محضر اداب
هي من امتي الرجولة ان الولد يبقا مصاحب وصور البنات علي موبايله

في انهيار اخلاقي غير مسبوق
وكأنه رد علي التيارات الاسلامية
كان نفسي اتفرج علي مسلسل عمر بس الوقت ماسمحش
وكويس انك قلتلي انه مش قد كده
بدل مااضيع وقتي

هو تحس ان في انهيار في المستوي الفني
من مسلسلات لأعلانات وخصوصا الممثلين الكبار اللي بيضحوا بتاريخهم الفني

شمس النهار يقول...

*ابراهيم رزق

ماشاء الله موسوعة ياابراهيم
:)))

شمس النهار يقول...

*لولا وزهراء
مابقاش في اختيار
الاختيار ده في السينما
لكن دلوقتي كله مفروض علي الجمهور في المسلسلات
ووحياتك دلوقتي في السينما
:)))

شمس النهار يقول...

*سواح في ملك اللــــــــــــــــــه

اصل احنا ماعندناش فن يطلع بره العيلة
:))))

شمس النهار يقول...

*amina

ايوة مش ممثلين
:))

يقولون مالايفعلون
:))

عمرو يسرى يقول...

ماهو عشان كد بقول انى مكنتش معترض على توريث جمال الحكم اهو تحت قانون ابناء العاملين
بس فى الفن كون ان الفنانين يعطوا فرصه لابنائهم مافيش مشكله فمن اللى بيكون كويس بجد بس الغلاسه لما يفرضوه علينا مثل ابن اسماعيل عبد الحافظ مثلا فاشل فاشل يعنى
بالنسبه للظابط اليهودى اللى قال لاحول ولا قوه الا بالله فشئ عادى يهودى واسلم ربنا يهدى الجميع قادر على المعجزات

شمس النهار يقول...

*عمرو يسري
:))

ايوة الواد ده مش لايق عليه يمثل خالص
:))
بس يابخت من كان المخرج ابوه
:))

حنين محمد يقول...

مساء الغاردينيا شموسه
هههههههههه
بجد حاجة تضحك ازاي يهودي وبيقول لاحول ولاقوة الا بالله ؟
اما حكاية التوريث مش بيقولو ابن الوز عوام :)
اما الاعلانات مرة كنت بكلم فارس امممم ريبال يعني بقوله تصدق ينفع الواحد يورح مشوار ولا يستحمى والاعلانات لسى ماخلصتش هههههه سيبيها على ربنا :)"
؛؛
؛
لروحك عبق الغاردينيا
كانت هنا
Reemaas

شمس النهار يقول...

*ريماس

ايوة صح
اعتقد انك ممكن تنسي كنتي بتشوفي ايه من كتر الاعلانات

:))