جميل جدااااا
ان شيخ الازهر يعفي الطلبه من رسوم الدراسة
جميل
وكمان الاجمل ان وزير التربية والتعليم كمان يعفي الطلبه من رسوم التعليم
طيب انتوا اعفتوهم من ملاليم
طيب والالوفااااااات
هيعملوا فيها ايه ؟؟
الوفات ايه ياشمس
؟؟؟؟؟؟
خد عندك ياسيدي
الزي المدرسي
شتطة-جزمة-شربات لزوم الجزمة-كوتشي-2بنطلون-2قميص-2بلوفر او جاكيت
دول بكااااااااااااام كلهم
الطالب علي ماينزل من بيتهم الصبح
عايز يفطر وعايز ساندوتش معاه وكمان مصروف
ادوات دراسية
كشاكيل -كراسات -كتب خارجيه-اقلام -مساطر- اساتيك-الوان-وطبعا كالكوليتر
دول بكاااااااااااااااام كمان
؟؟؟
الزغلول الكبير بقا
الدروس الخصوصية
هتعمل فيها اييييييييييييه
هترجع ضمير المدرس ازاي
وخصوصا في الاحياء الشعبية
الووووووووف
بيدفعها ولي الامر علشان ابنه يفلح ومابيفلحش
والمدرس زي المنشار
ولا ضمير ولا خوف من الله
الله يرحمه بقا القذافي كان مجرم الدروس الخصوصية
واللي بيتقفش بيتسجن
حد يقدر يقول لي ولي الامر ده اللي مرتبه علي القد هيعمل ايه
وهمه لسه بيناقشوا الحد الادني والحد الاكبر للأجر
وان شاء الله هنتكلم فيها دي كمان
هناك 31 تعليقًا:
كلامك أكيد كلة مظبوط وصحيح .
المشكلة انه احيانا لما بنيجي نعدل الحال المايل . بنعدلة من فوق . ومع مرور الوقت بيرجع يميل تاني ويقع .
لما بنيجي نصلح حاجة ينصلح من ع السطح وبنسيب وننسى الاساس . عشان كدة مع الوقت بيقع المبنى كلة وينهال .
بنضحك على نفسنا لما بنفضل نبص ع الظاهر دايما وننسى الباطن .
نشوف اللي فوق وننسى اللي في القاع .
واننا لا نتعمق نهائيا في اي أمر من أمور حياتنا . وعشان كدة ما بنفهمش ولا بنحل اي شيء .
عشان نحل اي مشكلة لازم نحلها من تحت . من الاساس والقاع . وصولا للقمة .
المصيبة اننا مش عايزين نفهم ولا ناخد بالنا . وياما قولنا الدأ بنفسك . الحال عمرة ما هينعدل غير لو احنا نفسنا انعدلنا .
ضميرك مين يقدر يصلحهولك لو انت ما بدأتش واخدت قرار انك تكون نظيف ودعيت ربنا وتوكلت عليه .
الموضوع كبير فعلا . ومحتاج كلام كتير .
تشكراتي . كامل احترامي وتقديري . دعواتي وتحياتي
حكومة كلاااااااااااااااااااااااااااااااااااام
زى اللى قبلها
ست الكل شمس الشموس
عارفه اصغر شنطه لا تصلح سوى لطفل لسه يادوب بيروح الحضانه يعنى ما قبل الكى جى تمنها 60 جنيه فمابالك بطالب فى اعدادى تبقى شنطته بكام وسعر الاحذيه اللى ضرب فى العالى والكراسات و... و... ربنا يرحمنا بجد
كل عام دراسى واحنا بخير يااااااااارب
زهـــــراء
انا مقتنعه تماما ان الضمير علشان يرجع يصحى من تانى للمدرس يبقى لازم يتولد جمن جديد مش مسأله حد ادنى بس ومرتب بس اما منظومه التعليم والطالب يبقى لازم نربى الاهالى علشان البيت هو الاساس كمان الفساد والاهمال عايزله منظومه موازيه تبتدى من الاول مع اللى موجوده ولما تكتمل نلغى القديم خالص وساعتها هيبقى كله متاح لحد كبير لان المرتبات هتكون كويسه الكلام دا ينطبق مع بعض الاختلافات على نظومه الصحه اهم حاجتين فى اساس اى دوله لما يبقى فى دوله يعنى
شمس الشموس
منظومة التعليم التى تعتمد على ملء الكوباية اللى فى المخ ثم دلقها فى كراسة الاجابة دون ان يبتل المخ او يدخله حاجة يجب ان تنتهى
اما المدارس و مصاريف المدارس فجت على الجرح خصوصا الكوتشى اللى لازم يكون ماركة كبيرة و ده مش عنطظة و لا حاجة لان الكوتشيهات التانية مش بتستحمل اسبوعين
تحياتى
* SHARKawi
اهلا بيك كلامك صح الصح
المفروض ان مادام احنا مش عايزين نتصلح لوحدنا
يبق لابد يكون في قوانين تظبط الحياة
الكل يلتزم بها
ونفعل نظرية الثواب والعقاب
احنا محتاجين دكتاتور عادل :) كده
*الازهري
الصبوحة بتقول كلام كلام كلام بس :)
ماباخدش منك غير كلام
* لــــ زهــــــراء ــــولا
عارفة رحت مع صديقة مهرجان العودة للدراسة اشترت حاجات ب 500 وقالت لي دول مسح زور
ربنا يهونها علي اصحاب العيال
*بسنت
كلامك صح الصح
صديق ليه قالي كلمة صحيح وجعتني بس هي صح
قال لي : احنا شعب عايزين نتربي من جديد
*ابراهيم رزق
المنظوووووووومة مش هتتصلح غير بقواااااانين صارمة
كل سنة وانت طيب ياابو زياد
شمس النهار
أنتى عندك حق فى كل كلامك بس التعديل بيبدا من المدرس رجع للمدرس هيبته وضميره هتلاقى الطالب يتعدل وكمان رجع المدرس المثقف مش المدرس الى جاى بالتعين مفروض المدرس قبل ميتعين يتعمله اختبار ثقافه وتربية كمان
ممكن تكون الغاء المصاريف دى خطوه لتطوير التعليم الى اتهدم فى 30 سنة صعب نرجعه فى سنة واحده
نأمل من الله أن تكون خطوه نحو التطور
والمدارس لو التعليم بقى تمام فيها المصاريف هتقل كتير ولو الأهالى ترضى يبقى المدارس كلها داخليه لحد الطلبه ميرجعوا طلبة تانى
صديقة التدوين العزيزة
الحقيقة سلسلة تدوينات رائعة لم تبتعد عن أرض الواقع وعن كل مايدور لنا وحولنا الحقيقة أعجبني اهتمامك بتسجيل تلك النقاط لهموم الانسان المصري التي تحاصره من جميع الاتجاهات
ندعوا الله لمصر بصلاح الحال...أمين
تحياتي
حسن ارابيسك
القرار شكله حبر على ورق .. مناطق تعليمية عديدة أرسلت للمدارس منشورات بالمصروفات الدراسية للمراحل التعليمية المختلفة .. خبر مؤكد
تحياتي
ونسيتي حاجة مهم كمان يا شموسة
بما اني ف نطاق التربية والتعليم مصروفات الكتب دي ليها توزيعه من ضمنها نسبة للأنشطة المدرسية اللي هي مهمة جدا للطالب
طيب معن كدة حاجةةمن اتنين مالهاش تلالت ان الطالب يدفع فلوس للأنشطة دي يا اما تتلغي الانشطة ...
وغير كدة وكدة كان ممكن اصلا النظام كلع يتخفف علي ولي الامر بمعني ان يكون ف اعفاء جزء من كل شيء يعني نصف المصروفات وسوق تجاري بنصف ثمن الاحتياجات المدرسية وده طبع ا للناس الي بتفكر مش الوزارة الجميلة دية
* Gamal Abu El-ezz
كلام سليم
بس اولا واخيرا المدرس المؤهل الصح السليم اللي واخد حقه
وكله هيكر بعد كده
* حسن ارابيسك
ياهلا ياهلا
فينك مش بتزور شمس النهار ليه
وغايب عن مدونتك
:)
نورت شمس النهار
* Foxology
ايوة فع ناس كتير قالت كده فعلا
يعني كمان طلع شو اعلامي
*رحاب صلاح
انشطة دي بقت الله يرحمها
زمااااااااان
كان بيجيبوا فنانين للفرقة المسرحية
وحفلتين في السنة
نص السنة واخر العام
وكان غرفة الرسم دي رااااائعة
وكنا بنتعلم موسيقي فعلا ونوته
الطالب المصري غلبااااااااان
بيحشروا دماغه وبس
ازيك يا شمس موضوعك مهم جدا بصي يا ستي للأسف الكل عارف ان دي حركات بيعملها مجلس الوزراء علشان يكسب تعاطف شعبي مع انهم بقا كمان مطبقوش الخصم ده في عدد من المدارس، ورفضوا ان يردوا أموال من دفعوها. تحياتي
شموسة هو احنا بنقولك تشتركي في حملة الحوليات
علشان تقطعي خالص فينك كده
غبتى عن بلوجر
ولا حياة لمن تنادي كان الله في العون
* dalia
اهلا اهلا ازيك يارب تكوني بخير
كت مع موجهة من التربية والتعليم من كام يوم وقالت ان النشرة راحت كل المدارس العاااااادية
لكن التجريبي لأ
وقالت اتحدي اي مواطن يجيب وصل دفع مصاريف
اما من ناحية حركات هي فعلا حركات :))
* asmaa fathy
اهلا يااسماء ازيك يارب تكوني بخير
:)
موجودة بس مشغولة اليومين دول لشوشتي زي مابيقولوا
:)))
انا بأحب بلوجر مااقدرش اقفل الدكان هنا ابدااااا
:))
*جارة القمر
جارة القمر عندنا يامرحبا يامرحبا
فين ازيك وحشتيني فين كلماتك الرقيقة واشعارك
نورتيني
صحيح وحتي مع ان الحد الادني الموضوع شكله معقول لكن عقبال مايطبقوه يكون الاسعار تضاعفت ثم تضاعفت ثم تضاعفت ويرجع المواطن يشحت تاني وجيوبه تخرج بره كالعاده
دعوة لاهل مدونتكم الكرام لزيارة مدونتي الجديدة المتواضعه وان تتركوا بصمتكم فيها ....سانتظركم
وتقبلوا تحياتي
http://hazarefsos.blogspot.com/
و الله المدرس غلبان مشكلة الدروس انها في ايدي حيتان محتكرين و حصيلتها مش متوزعه علي كل المدرسين في البلد و لو حصل التوزيع العادل للدروس اكيد السعر هيقل
انا كنت اتمني من الوزير انه يفتح فصول الدراسة بعد اليوم الدراسي للدروس الخصوصية ،،، يعني الفصول تتاجر علشان نعرف الضرايب المستحقة علي المدرسين كام ،،و نجرم الدروس خارج المدارس كخطوة اولي ،،و فنجمع فلوس الضرايب نعطيها للتلاميذ الفقراء توزيع منظم لاحتياجاتهم الدراسية و حق الدةولة يبقي مكفول
* علي الزيبق
مبروك علي المدونة وهروح حااااالا ان شاء الله
واهلا بيك
ربك كريم
* ذو النون المصري
كلامك زين
بس زمان علي ايامي ماكنش في دروس وكنا بنطلع من الحصة فاهمين وكله تمام
وكان الضعيف بياخد درس في الخفاء وهو مكسوف
ربنا يصلح الاحوال
بس اهو واقع مغصوبين علي التعامل معاه ،و لازم نعترف ان التعليم بدون دروس اصبح مستحيل ،ولازم علي الاقل نرتكب اخف الضررين اذا كان حتما لابد واقعين في احدهما
شمس النهار
كل عام وأنتِ بخير
كل عام وأنتِ صديقتي.. في التدوين
تحياتي
حسن أرابيسك
كل عام وانت بخير مقال اكثر من رائع
العاب بنات
العاب تلبيس
إرسال تعليق