السبت، 20 سبتمبر 2008

التدوين بين الحقيقه والخيال

اصبح للمدونين مدينه
فيها الطالح وهذا النوع يجب عدم الرد عليه وتجاهله تماما
وفيها الصالح وهو مادائما مايبقي لآن البفاء للاصلح
العزيزه ابي الفاعله للخير دائما عملت دعوه للخير يتخللها لقاء للمدونين
وهنا فكرت كثيرا ايهما افضل
ان نتعامل مع بعض في الخيال
وتكون مدينتي قائمه علي الخيال
ام انزل الي ارض الواقع والتقي بمن عشت معهم الهموم والافراح في الخيال
واصبحت حائره
صحيح الميعاد فات لكن لابد ان احسم امري قبل ظهور اي دعوه اخري
ياريت تشركوني في اتخاذ القرار
اختار الحقيقه ام الخيال
وكل سنه وانتم طيبين
شددوا العباده احنا في العشر الاواخر من رمضان

هناك 42 تعليقًا:

فاروق عادل يقول...

اكيد تنزلى لارض الواقع مش محتاجة تفكير
انا نفسى يبقى فى اية لقاء تدوينى علشان اروحة


مش عارف اذا كنتى بتحبى التيجان او لا لكن عندك تاج ليا

mido g يقول...

انزلى بس أنا مش حانزل
انتوا بعيد اوى
:)

TAFATEFO يقول...

أنا رأيي ان الموضوع محتاج تفكير .. ورأيي ان لقاء المدونين ما هو إلا وسيلة لتعارف شخصيات حقيقيه لأصدقاء افتراضيين في عالم حقيقي .. لكن المهم

امتى شخصية المدون (ومجموع شخصيات المدونين) هتقوم بعمل جماعي متماشي مع شخصياتهم التدوينيه؟ بمعنى .. ان المدونين المعارضين للنظام يكونوا حركة أو جماعه منظمه .. عارف ان مفيش توجهات واحده .. لكن في نقط التقاء كثير .. لازم المدونين يعملوا كده وخصوصاً مع محاولة بعض الموالين للنظام أو المشتغلين عند النظام خلق هذه الحركات أو الجمعيات للتحدث باسم ما يسمى جموع المدونين.

ثانيا .. المدونين ليهم ميزة مش موجوده في أي حته تانيه .. ميزة اللاقيود .. وأعتقد دي هتعطيهم فرصه كبيره للنجاح .. تواجد المدونين في معظم (إن لم يكن كل) ارجاء مصر .. تعطيهم فرصة الكشف عن الفساد ومناهضته .. بس المهم ان تكون في نافذة منظمة .. متبقاش كلها جهود فرديه

حاجه زي أبناء مصر بس أكبر .. كتير

كـــيــــــــارا يقول...

طبعا لازم يكون ارض واقع صدقيني ناس كتير كانوا في النت علاقاتي مابقتش قويه معهم الا لما اتقابلنا بقينا قريبين جدا من بعض

كمان انا عاوزه اشوفك انتي وبنانيتك التلاته :)

شمس النهار يقول...

8طالب ثانوي
مش دايما الواقع بيكون جميل
وعندما تصطدم بهذه الحقيقه بتكون لاعارف ترجع للخيال والاعارف تتعامل مع الواقع
حلها بقه

شمس النهار يقول...

**ميدو جي
يعني انت مش عايز تنزل للواقع عشان انت في اسكندريه والدنيا حر في القاهره
علي فكره كتير ادخل مدونتك مايطلعش ليه اي حاجه غير الولعه اللي ولعتهلنا في المدونه ومايطلعش اي كلام خالص خير
في تعليق عندي في الفوازير غير لائق مش عارفه امسحه عندك حل
معلش كله بثوابه يادكتور

فاروق عادل يقول...

لازم تتعرفى على الناس فى الواقع وكدة كدة حوار المدونين حوار افكار مش حوار اشكال يعنى لو قابلتنى تفكيرى هو هو وفهمى هو هو يمكن تكونى متخيلة صورة تانية بس انا نزلت صورتى يبقى ممكن تتصدمى ازاى

مردتيش بخصوص التاج

شمس النهار يقول...

تافاتيفو
اهلابيك انت فين مش باين
ماحلتش الفزوره ليه
والا انت مش مع نظرية ترييح العقول ساعه واجهاده ساعه
المشكله في اللي انت بتقترحه
خطورة اندساس عناصر مشبوه غير معلومه للاخرين
لان انت مش هتعمل فيش وتشبيه لكل المشتركين
مثلا اي حركه بتقوم بتبتدي بمجموعه متعارفه بينهم
وبينضم كل من هو ثقه
هتعرف الموضوع منين في وسط كل الهلومه دي
وبعدين لما تقوم هتلاقي كل واحد عايز يعمل نفسه زعيم وتبتدي الخلافات والخناقات
نظره منك علي الاحزاب هتعرف بقول ايه
مش الاحزاب برضه معارضه للنظام
للاسف تركوا معركتهم الاساسيه وتفرغوا لخلافتهم الشخصيه
مصر عايزه معجزه
وعايزه نظبط نفسنا الاول وننادي بالاخلاق الاخلاق

شمس النهار يقول...

*كيار
اناكمان عايزه اتعرف عليكي بس
الخيال بيكون جميل
لما ترسم صوره وتعيشي فيها
وخيال خاص بيكي انت
اعظم الاشعار والقصص الجميله
كانت من خيال الشاعر او الكاتب
مش عارفه يمكن عشان انا بعتمد علي الخيال
اصل ياكيار انا درستي كانت تعتمد علي الخيال
ماانا كنت فنون جميله

شمس النهار يقول...

*طالب ثانوي
ماش علي التاج بس اعمل ايه انا مابفهمش في الكلام ده
ادخل مدونتك وانقله عندي والا اعمل ايه قلي وانا هعمله

فاروق عادل يقول...

بصى لو عاوزة تردى علية براحتك

عادى جدا تعملى بوست جديد وتنقلى الاسئلة وبعدين تردى عليها بس انا جربت اعملة كوبى وما نفعش

شمس النهار يقول...

طالب ثانوي
ماشي ياريس هعمله
شكرا علي هذه الدعوي
وكمان شوف لي حل في التعليق اللي عايزه امسحه اعمل فيه ايه
هو في الفوازير

فاروق عادل يقول...

بصى جمب كل تعليق فى سلة زبالة دوسى عليها

فاروق عادل يقول...

هتلاقى كلمة حذف التعليق احذفى بقى

mido g يقول...

شمس

ها حذفتى التعليق؟
زى مافاروق قالك
من تحرير رسائل
دوسى على تعليقات البوست
واحذفى التعليق المسىء

mido g يقول...

شمس

اصبرى على المدونة شوية لحد متفتح
أنا بصلحها

soly88 يقول...

شوفى المدونات عامله زى المسرح كل واحد واخد الدور اللى على مزاجه
واحد واخد دور باشا وواحده عايشه الرومانسيه وواحد ثورجى
وكل واحد فينا عايش الدور بأخلاص
يبقى لما تيجى فرصه نشوف هؤلاء المدونينين العظام المفروض الواحد ميفوتهاش لان عملية المقارنه بين الخيال والحقيقه اعتقد هيبقى فيها كوميديا كتير

mahasen saber يقول...

لا من النت اليى ارض الواقع
شئ فيه بيكمل التفاعل الانسانى وجها لوجه وبيزيد اكتر اعتقد ذللك....

mahasen saber يقول...

اما بقه لحضرتك تاجين او بالاحرى سلطانييتين اتفضلى استلميهم وجاوبى عليهم...
ووحشتينى وحشتينى وحشتينى جدا ..

tarek momen يقول...

اعتقد ان البقاء في عالم الخيال افضل
فكل واحد مننا يرسم للمدونين الاخرين صورة في خياله طبقا لما يستشفه من كتاباتهم وقد تختلف او تتشابه مع صورهم الحقيقية
فمثلا اتخيل شكلك مثل الفنانين التشكيليين بما انك فنون جميلة كما ذكرتي في مدونتك
وهكذا ترتديي بالطو ملئ ببقع الألوان و في يدك اللوحة التي عليها الالوان وفي اليد الأخري فرشاة
وفي فترات الراحة من اللوحات تمارسي التدوين
طبعا هذه صورة خيالية غير مطابقة للواقع و لكن افضل الأحتفاظ بها

شمس النهار يقول...

*طالب ثانوي
شكرا علي النصيحه مسحته خلاص
عملت ايه اول يوم دراسه

شمس النهار يقول...

*ميدو جي
بتصلحها
خير
هي المدونات بتبوظ كمان
الحمد لله مسحت التعليق

SHAPE YOUR LIFE (ABOALI) يقول...

تقبل الاخر اشكاليه كبيرة عندنا
يعنى ممكن نرسم صور لبعض الاشخاص خصوصا فى الشكل والطبائع ولا نقبل اى شكل تانى كانوا هم عليه
علشان كده ضرورى نرفع ايدينا عن بعض
ونعيش بنظرية كلنا انسامهما كانت العواقب
وكمان رايى بالنسبة لتقابل المدونين
هى فكرة رائعة
بس تتطبق على مراحل
يعنى نتعرف على الاشكال عن طريق الصور
اولا
ثانيا الارواح جنود مجدندة من تلاقى منها ائتلف
وان شاء الله يتألف الجميع
وبنظرة تانيه
هى الدينا بنعيش فيها اد ايه
علشان نقعد نعلق ونكتشف ونتمحص ونشوف
ولجنة رباعية ولجنة ووووو
اهم ما فى الموضوع
هو

العنوان
تقبلنى كما انا فأنا انسان
وبالخبرة كده لازم ننمى الموضوع ده فينا الاول
وممكن نفتكر مثلا ابلة فضيلة فى الراديو
على رقة صوتها بنى لها الاطفال شكل ملائكى
ولكن على الواقع لما كان الشكل يخالف توقعاتهم ابتعد البعض
وكمان مثال حديث
اسامه منير بتاع اف ام
لما ظهر تليفزيونيا ابتعد عنه الكثيرون فى اف ام وكمان هو لم يقنعنا تلفيزيونيا"
نظرية تقبل الغير تحتاج للمناقشة


تحياتى

شمس النهار يقول...

*soly88
سولي 88 صح
الدنيا اصلا مسرح واحنا بنؤدي فيها ادورنا وطبعا كل واحد مش راضي عن دوره
فالما جت فرصه
كل واحد يختار بمزاجه اللي هو عايزه
عملها
في الحاله دي لواتقابلنا يبقي
هل كل واحد هيعيش دور المدون
والاهيعيش دوره الحقيقي

شمس النهار يقول...

*محاسن
ازيك وحشتيني فعلا
انا مقصره في حقك بس انت عارف شؤن القبيله في رمضان ضخمه عليه
مابقدرش اقعد علي النت كتير
انا شايفه ان في اتجاه واقعي يسود الاستفتاء
والواقع عايز يهزم الخيال
حاضر هروح اخد تاج فاروق
والتاجين اللي عندك
بس ارد علي التعليقات الاول

شمس النهار يقول...

*طارق
انت الوحيد اللي قلت خلينا في الخيال
مافيش احلا من ان الانسان يرسم صوره جميله ويعيش فيها
بس انا هستني اشوف رأي الاغلبيه
اجنا بنادي بالديموقراطيه
فلازم نطبقها
والاتراجع عن الحريه والديموقراطيه

شمس النهار يقول...

*ابوعلي
يعني انت مع الخيال
وممكن نطبق الواقع علي مراحل
والا انا فهمت غلط

لؤلؤة الاسلام يقول...

حبيبتى شمس النهار
انا بصراحة عن نفسى لو الوقت و المكان مناسبين
فطبعا بفضل انى اقابل الناس اللى انا اتعرفت عليهم و حبيتهم من خلال الكتابة و التدوين
و وحشتينى يا قمر

و شكرا لك على هذا البوست و تحيااااااااااتى
رمضان
كريم

شمس النهار يقول...

*خديجه
انا شايفه ان الاتجاه كله واقعي
ماحدش مع الخيال خالص
بس تعرفي احنالازم نسأل اللي اتقبلوا من المدونين عملوا ايه
ايه رئك

SHAPE YOUR LIFE (ABOALI) يقول...

رايى ان نطبق الفكرة على مراحل

تحياتى

شمس النهار يقول...

*ابوعلي
ازاي
تصورك تتم ازاي

شمس النهار يقول...

*ميدو جي
حاولت ادخل عندك النهارده برضه ما عرفتش
يمكن الحريقه
حرقة المدونه هوانت عندك جرد

فاروق عادل يقول...

الحمدللة ياشمس كان زى الزفت ومالوش لازمة خشى اقرى ردى عليكى فى مدونتى

لؤلؤة الاسلام يقول...

اختى شمس النهار
لقد فهمتى مدونة جروب الاسلام خطا
لانها اسمها جروب الجيم
يعنى مجموعة مش حروب

و تحيااااااااتى
و تقبلى مرورى

شمس النهار يقول...

*خديجه
انا اسفه
اصلي اليومين دول بقراعن حروب الاسلام
فالظاهر اثرت عليه
بس ايه رئيك فكره حلوه
علي الاقل الناس تعرف المسلمين لما كانوا بيحربوا كان عندهم نبل ازاي
لان في اتجاه انهم كانوا سفاحين

Empress appy يقول...

عارفه كنت خايقه زيك بس لما نزلت لقيت الكويس والوحش اتقربت من الكويس وبعدت عن الوحش والخبرات والاحتكاك بيعلم بس الحرص واجب يا حبيبتى

أنا و دماغي يقول...

أنا بصراحة رأيي مش فارقه كتير .. لأننا حتى لو اتقابلنا .. الوقت القليل ده مش هيخلينا نشوف غير أشكال .. أما العقول فهي مش هتبان إلا من خلال التدوين .. إلا بقى لو قعدنا مع بعض فترات طويلة و كان في حاجات مشتركة بنشتغل فيها ساعتها هنعرف بعض بشكل أفضل .. أما مجرد مقابلة بين أصدقاءبيعرفوا بعض على النت بالنسبة لي مش هتفرق كتير في موضوع الخيال ده

شمس النهار يقول...

*ابي
عندك حق انا مبسوطه انك تغلبتي علي موضوع المدونين المزيفين كنت خايفه انه يأثر فيك

شمس النهار يقول...

*سيسم
كلامك صح الناس مابتعرفش بعض غير بالعشره
بس انا ماعرفتش انت مع والا ضد

أنا و دماغي يقول...

لأ هتبقى حاجة ظريفة لو اتقابلنا .. بس اللي أقصده إن المقابلة دي مش هتفرق حاجة في موضوع الخيال

احمد ابورية يقول...

شكرا لك على هذا العمل الرائع
برامجنا هو من افضل المواقع التى تتيح لك مراجعات عن البرامج والتطبيقات والالعاب
جولة هو افضل موقع يعطيك معلومات عن المدن والبلدان والاماكن السياحية والمتنزهات
طبيعة هو موقع ممتاز يهتم بكل ما يخص الطبيعه يهتم بالحيوانات والنباتات وكل ما يخص الطبيعه

احمد ابورية يقول...

شكرا لك على هذا العمل الرائع
برامجنا هو من افضل المواقع التى تتيح لك مراجعات عن البرامج والتطبيقات والالعاب
جولة هو افضل موقع يعطيك معلومات عن المدن والبلدان والاماكن السياحية والمتنزهات
طبيعة هو موقع ممتاز يهتم بكل ما يخص الطبيعه يهتم بالحيوانات والنباتات وكل ما يخص الطبيعه