الاثنين، 6 سبتمبر 2010

الصمت!!!!!!!!!!

حد جرب مايتكلمش غصب عنه
يعني اصابه الخرس المؤقت
حالة مرعبه وغريبه
ان ماتتكلمش تسمع وماتتكلمش في البدايه تتخنق وتخاف وتترعب وتلاقي الحياة غريبه ايه ده مش عارف اتكلم ولا اعبر عن نفسي وعايز ايه
المدهش بقا ان انت نفسك ساعات تنبسط انك مابتتكلمش مش عايز تتكلم مع حد خالص ودي فرصة كويسه انك تتكلم مع نفسك بس وتعيد ترتيب حياتك وافكارك ودولابك الداخلي وتشغل عقلك شويه في حاجات ركنت عقلك فيها
تلاقي نفسك في تجربه غريبه وتكتشف انها مفيده حبتين تلاته وان ربنا دايما يعمل لك الخير
وتبتدي تشوف حاجات بشكلها الحقيقي
والحالة دي بتخللي اللي حواليك يبعدوا شويه عنك علشان مايضيقوكش ودي فايده عاشرة للموضوع ده
انك تتساب في حالك واكيد انت محتاج ده انك تبقا لوحدك :(


هناك 29 تعليقًا:

Ramy يقول...

جربت

برضايا
كنوع من السكون و حقيقى كويسة

بس انا بطبيعتى بتكلم لدرجة ان ممكن اللى حواليا يفتكروا انى زعلان (:

جربت برضه

منغير رضايا
لما بروح الشغل الصبح مبعرفش أتكلم سكون غصب لسه مفقتش يا جماعة (:

بس فى كل الحالات نشكر الله على نعمة الكلام

الحمد لله

بدل ما أموت بغيظى (:

رمضااان كرييييم (:

Ramy يقول...

ايوة

واقف على باب المدونة (:

غير معرف يقول...

يا سلام

والنبي ايه

من أجل هذا خلقت المناكفه

ومن هذا القبيل

انتي مش عاوزه تطمنينا عالرصيف ليه؟

قولي قولي

ما هو أكيد اتفشفش

يعني هوا كان من قرايبنا؟

ولا من قرايبنا؟

ما تستسلميش قاومي

بالمناسبه

عملتي الكحك ولا ايه بالظبط

شمس النهار يقول...

* Ramy

:))
وماله يارامي المدونة وبابها ملك لكل الاصدقاء علي راي محاسن عايزة اطلق دي بيت العيلة

:))

طبعا الحمد لله الانسان مابيحسش بالنعمة الا لما يتحرم منها

تحياتي

شمس النهار يقول...

* مصري جدا

المناكفة يافندم ممكن برضه بالكتايه

:))

وسبق ان طمنت حضرتك علي الرصيف عند ندي الياسمين

هو بخير وماجرلوش اي حاجه خالص
ولسه في مكانه لكسر المزيد من الضحايا

والحقيقه لست من الناس اللي بتجازف وتعمل كحك
:))
الطيب احسن

تحياتي

:))

عاشقه الرومانسيه يقول...

طب يارييييييييت
نفسى اخرس ( ابقى خارسه يعنى ) بس غصب عنى علشان الناس تسيبنى فى حالى ويعرفوا ان كلامهم مش له لزوم لانى مش هارد عليهم

بس بيتهيئلى ان لو حد عصبنى هنطق وازعق فيهم كالعاده
ههههههههههههههههههه
وخصوصا ماما اللى بتقول 1500 دودو فى الدقيقه



كنت هانسى اقولك الف مليون سلامه عليكى ياقمرى

قوليلى بقى نويتى تيجى لقاء اسكندريه ولا لأ؟
اتمنى حضورك من قلبى بجد

باحث عن حب يقول...

ساعات بحس انى لازم اكون لوحدى بجد فى لحظات معينه بس للاسف الغوغائيون يتطفلون
بجد
فى نوع من اقتحام الخصوصيه
كل سنه وانتى طيبه

Kiara يقول...

تعرفي ان الحاله دي بتجيلي بشكل مبالغ فيه بجد

ويمكن بعدها ببقي احسن من الفتره اللي قبلها

مش عارفه بس مش في حد مرتاح كل الناس تعبانه من جواها حتي لو بتضحك قدام الناس بس قلبها بيقطر دما

ايه اللي بقوله دا

المهم انتي اخبارك ايه يامامتي

واخبار الجبس ايه بكلمك بس ياما الفون بيزي يامش موجوده

طمنيني عليكي

mrmr يقول...

هناك مقوله جميله جدا
فانا حطاها دائما امام عينى تقول

تكلمت كثيرا فندمت اما عن السكوت فلم اندم قط

فى بعض الاحيان بيكون الصمت خيرا وبيعمر بيوت

ليتنا نصمت لكى نسمع صوت الله داخل قلوبنا

موضوع جميل حقا

كل سنه وانتى طيبه

شمس النهار يقول...

* عاشقه الرومانسيه

اهلا بيكي يادودو
نورتي البلوجر تاني

عندك حق الموضوع ده ساعات بيبقا مفيد
بس المشكلة لو حد عصبك مش هتعرفي تزعقي خالص
:))
وشكرا علي تليفونك الجميل واسفه اني ماعرفتش اكلمك كتير اديكي سمعتي صوتي عامل ازاي
ان شاء الله لما ابقا كويسه هنرغي لما نقول يابس

بالنسبة للقاء اسكندريه ان شاء الله لو سليمة اجي

كل سنة وانتي طيبه

تحياتي

شمس النهار يقول...

* محمود(باحث عن حب)
هو تقدر تقول كده بتبقا فرصه اجباريه ليك وللي حواليك علي الانفراد بنفسك علشان تعيد حساباتك الملغبطة

وكل حاجه ترجع لأصلها ووضعها الطبيعي

كل سنه وانت طيب

تحياتي

شمس النهار يقول...

* كيــــــــــــارا

كلامك صح كتير الانسان بيضحك علشان اللي حواليه مايحسوش بالوجع والالم اللي جواه

ودي بتبقا فرصه علشان ماتحتجيش تمثلي دور الفرحانه وانتي موووووش

وبعدين مش موجوده ازاي يابنت انتي
:))
ده انا بقيت حبيست المحبسين الحركي والصوتي
هخرج ازاي بس
هو تقدري تقولي انا مرفوعه من الخدمتين بس

كل سنه وانتي طيبه
ومستنياااااكي مع الوفد وقائمة الازهري لزيارة شمس النهار
مستنياكم كلكم
تنوروني
:))

تحياتي

شمس النهار يقول...

* mrmr

ساعات يامرمر بيكون سكوت غلط
ومن كتر مابتسكتي وتطنشي بيجي وقت تنفجري وتقولي لا كفايه بقا
وبتيجي بالعكس ربنا بيديكي لحظات صمت اجباري علشان تفكري كويس وتختلي بنفسك
ربنا كريم بعباده

كل سنة وانتي طيبه

تحياتي

همسات وبحــ الحياه ــر يقول...

االصمت عباده

ساعات الواحد بيسكت ساعات عشان يخبى اللى جواه
لانه ساعات بيكون حابب انه يفضل لوحده
ساعات بيسكت لانه عارف ان الكلام ملوش فايده
فى مره مدرس اللغه العربيه عندنا كتبلى تكلمت كثيرا فندمت اما عن السكوت فلم اندم قط
حكمه حلوه اوى
من كثر كلامه كثر خطأه
بس ساعات بقى بكون نفسى ازعق
تحياتى

Baskouta يقول...

الحالة دي اتمنيتها
نفسي افصل عن كل الدنيا

حاساها اوي لاني بتمناهااوي

تحياتي البسكوتية

mrmr يقول...

فى بعض الاحيان يبقى الصمت افضل طريقه
مش شرط اكون بضغط على نفسى واستحمل لكن مقدره ان الوقت ده يحتاج الصمت

فى صمت اخر ده علشان محاسبه النفس امام ربنا
يصمت فمى لكن قلبى يتكلم فيسمع كلماته الله

Sweet Violet يقول...

طبعا انا جربتها بس مش كنت مرتاحة الصراحة بالعكس كنت بدور على صوتى و نفسى يرجع .. لان زى ماقولتلك الاجبار فحد ذاته مش مريح
اما لما يكون صمتى اختيار منى بيكون افضل بكتير
اما عن الناس فانا اللى اختار انهم يااما يحترموا لحظات صمتى بدون تطفل يااما اسيبها عايمة و فى الاخر انا اللى اتحمل

احب الصمت اللى يكون نابع من القوة مش من الضعف

رغيت كتير انا عارفة بس بقالى كتير مش جيت بقى
:)

iHibo يقول...

احيانا
الصمت يكون حكمة !

شمس النهار يقول...

* دموع القمر

مش في كل مرة الانسان يصمت مابيندمش ساعات لو صمت يخسر نفسه
لو مااتكلمش سوري هيبقا عبيط
بس المهم لما يتكلم يتكلم صح
ولما يسكت يسكت صح

تحياتي

شمس النهار يقول...

* Baskouta

صدقيني ساعات ساعات مش في كل مرة بتبقا محبوبه

تحياتي

شمس النهار يقول...

* mrmr

ياه يامرم احلي كلام لما تكلمي ربنا

وماحدش يسمعك غيره

تشكيله وتدعيله وتحكي له عن اللي جواكي
بترتاحي جداااا

تحياتي

شمس النهار يقول...

* Sweet Violet

اهلا اهلا

نورتي المدونة والبلوجر
ولو كنت اعرف ان صمتي هيرجع تاني البلوجر كنت صمت من زمااان
:)))

ساعات كتير الجبر بيكون احلي اختيار

ارغي زي ماانتي عايزة
وحشني رغيك

ارجعي ياااااهااااميس

:))

تحياتي

شمس النهار يقول...

* Ĥ!bØ

فعلا ياهشام الصمت كتير بيبقا حكمة
بس ساعات لازم تتكلم بقا والا هتكون قدام نفسك واللي قصادك عبيط


تحياتي

صوت من مصر يقول...

مش عارف اقولك ايه
بس ربنا يفك كربك يارب

شمس النهار يقول...

* صوت من مصر

:)))

كرب مين ياعم كيمو ربنا مايجيب كرب

انت علشان شوية الحشرجه اللي سمعتها في التليفون
:))

صوت ومتحاش بناء علي طلب العقل
ده مش كرب ده نعمة

عارف ياكيمو علشان ازعق للبنات بعمل ايه بكتب الكلمة كبيرة جدا وبالاحمر

حاجه واحده بس مجنناني ان الشغاله مستغله الموقف وبتعمل اللي علي كيفها
:))
هو ده بقا الكرب

بشكرك علي مكالمتك وبعتذر لك اني ماعرفتش اكلمك

كل سنه وانت طب

ومنتظراك في قائمة ازهري لزيارة شمس
:))

تحياتي

مهرة سالم يقول...

السلام عليكم...
سبحان الله
بالأمس اصبت بحاله شبيه للحاله دي
والحمدلله قلت دي نعمه من الله في ذاك الموقف...
خصوصا أنه كان ممكن يبدأ جدل ويطول ..
الحمدلله على نعمه التي لاتعد ولاتحصى..
...
في أمان الله

شمس النهار يقول...

* نهــــــــــار
ازيك

سلامتك الف سلامه

هي حالة لطيف

سكوت وهدوء لطيف

بتبقي عارفه انه حالة مؤقته

نورتي
كل سنه وانتي طيبه

تحياتي

حـــواديت يقول...

ادام الله علينا اعيادنا دهورا
بها ومنها سعادتنا
وكل سنة والف سنة واسرة المدونين دائما وابدا بخير ورحمه وحب واكرام

شمس النهار يقول...

* حـــواديت
اهلا وسهلا بيك في اول زيارة
والحقيقه رحت مدونتك تهت
:)

ومافهمتش حاجه اصلا
ياريت حضرتك تفهمني وخصوصا اني كنت متوقعه لاقي حواديت وخبرات

نورتني
وكل سنه وانت طيب اعاده الله عليك وعلينا بالف الف خير

تحياتي