الثلاثاء، 4 أكتوبر 2011

المعطف والمطر (سلسلة معطف من القيود) الرحلة 23

خرج محمود من منزلة تشيعه لعنات زوجته الغاضبة الصارخة
ولسان حاله يقول (هي دي جميلة الجميلات الرقيقة التي احببتها)
خرج يهيم علي وجه حزين(هجيب كل الطلبات دي منين)
وبينما هو
سائر مهموم
والمطر ينهمر عليه بشدة وهو لا يبالي
اذا بالمعطف قابع علي الارض
في سكون الموت حزين هو الاخر
انه لايجد من يحتويه ويحتفظ به الي الابد
اصبح مشرد كل يوم بل كل ساعة في مكان
واوشك الشتاء علي الرحي
ل دون ان يجد له مأوي
مره يكون نعمة وتارة اخري يكون نقمة
التقط محمود المعطف في دهشة
وانتظر قليلا لعل صاحبته تعود تتفقده
بعد ساعة قرر محمود ان يبيع المعطف لتاجر الملابس القديمة
ويشتري طلبات ال
بيت اللي لاتنتهي
وهو ذاهب الي التاجر وجد الشرطة تقبض علي التاجر
لبيعه الملابس الغالية المسروقة
وانتبه احد الظباط لوجود محمود
ومعه المعطف الثمين فاقبض عليه لظنه انه معهم
وبات محمود في حجرة الحجز
مع القتله وتجار المخدرات
وتعرف علي تاجر من تجار المخدرات الكبار داخل زنزانة الحجز
وفي هذه الليلة حكي محمود لتاجر المخدرات قصته مع الفقر
ومع زوجته الجشعة وطلباتها التي لاتنتهي
وقرر التاجر ان يأخذ محمود معه في تجارة المخدرات لأنه احبه
وفي الصباح اتي محامي من طرف تاجر المخدرات
واخرج مح
مود ومعه المعطف
بعد ان اقر تاجر الملابس القديمة انه لايعرفه وانه ليس معه
وكان صباح جديد علي محمود
اخذ المعطف وخرج من القسم
وتوجه للعنوان الذي اع
طاه له تاجر المخدرات
وفتحت دنيا جديدة لمحمود ذراعيها
نجح في تجارة المخدرات
واصبح من الاثرياء
وقد طلق زوجته وتركها مع اولاده واغدق عليها المال لتتركه في حاله
وتزوج من اخت تاجر المخدرات
وظل
المعطف معه
وفي يوم كان علي موعد تسليم نوع خطير من المخدرات
اصر المشتري ان يتسلمه من محمود نفسه
نزل من بيته وجد السماء تمطر بغزارة قال خير
وفتح شنطة السيارة ليضع المخدرات المخبأة في لعبة من لعب الاطفال الكبيرة
فوجد المعطف فيها
ضحك في نفسه
وقال ماعد
ت اريدك تذكرني بأيام لا احب ان اتذكرها
وبعد ان سار بالسيارة قليلا توقف
وفتح شنطة السيارة واخرج المعطف والقاه في الطريق بعصبية
كمن يتخلص من
حمل الماضي التعيس
وتحرك مره اخري بالسيارة
وبعد مسافة
اذا بسيارات الشرطة تحيط به وتوقفه
وتخرج المخدرات من السيارة وتقبض عليه
وهو عائد مقبوض عل
يه بداخل سيارة الشرطة
ومن نفس الطريق
لفت نظره ان شاب وفتاة يضحكان تحت المطر ويرتعدان من البرد
وجدا المعطف
ويحيط الشاب الفتا
ة بالمعطف ليقيها من المطر والبرد
فاتبسم ف
ي نفسه
واسترجع شريط حياته
قبل وبعد المعطف
====وللمعطف رحلة جديدة بكاتب جديد
====
ملحوظة:
اول مره اتجااااااااااسر واكتب قصة
:))
نرحب بالنقد البناء
:))

هناك 69 تعليقًا:

شمس النهار يقول...

واحدة واحدة كده في النقد

:))

ابعدوا عن النحو والاملاء

:)))))

لأ والله صححوا وابعتوا التصحيح في تعليق
وهصلح واعيد النشر

امركم لله
قال شمس النهار هتكتب قصة
:)))

shimaa elkholy يقول...

ههههههههههه مالك كده خايفه مننا

دى جميله بجد يلا كملي رحلات المعطف عشان نشوف ايه الموضوع :))

قد يكون فى حياة كل منا معطف قد يعتقد انه كيس رمل فى رجله لكن بتكون الحقيقه انه تميمة سعادته الى مش شايفها

تسلم اديكى يا قمر

شمس النهار يقول...

*ندي الياسمين

:))))

طبعا خايفة
عارفة زي اول يوم رحت الكلية ورسمت اول لوحة مشروع
مانمتش لحد تاني يوم لمااتحكمت
مع اني كنت برسم من وانا طفلة وباخد مسابقات
بس دي اول مره اكتب قصة
وانتي عارفة مالييش في العربي اصلا
:)))))
بس انبسط انها عجبتك فين النقد بقا؟؟؟
:))))

Unknown يقول...

مش ممكن تكون دي أول مره بجد عجبتني جداً..شدتني جداً...و مركزه بشكل مفيهوش ملل خالص.
عجبني أو مشهد النهاية و هو شايف المعطف..عجبني تصويرك للمعطف زي ما يكون كان تميمة حظة و لما تخلص منه تخلص منه الحظ..أو يمكن المعطف إنتظر توبة صاحبة و لما ماتبش ألقى عليه لعنته.
معنديش نقد لأنها عجبتني فعلاً و لأني مش ناقده خالص :)

هنشرها حالاً في مدونة المعطف و مستنين حضرتك تكتبيلنا جزء ولو كل فترة...اللي هيكتب الجزء الجاي عنده ثراء غير عادي :)

أرق تحية لحضرتك

nour يقول...

سلام الله على شمس النهار,بالنسبة لاول مرة حضرتك تكتبى قصةوبالشكل ده جميل جداًوان شاء الله تكون دافغ لكتابة مزيدمن القصص .بس هترك النقد لاصحاب النقد ,تحياتى لك ايتها الكريمة

سواح في ملك اللــــــــــــــــــه- يقول...

السلام عليكم

هي قصة من قصص الحياة قد تجدث كثيرا

فالعبرة هنا

ان السجن اصبح لاتهذيب ولاتاديب ولا اصلاح

بدليل انحراف هذا الرجل عن مسارة

من اجل المال

ثانيا

فالمعطف هنا اصبح ذوا حدين

وقي شاب وفتاة من البرد

وادخل اخر السجن

محاولة جيدة سيدتي

استمري

شمس النهار يقول...

*شيرين سامي

شكرا علي تشجيعك

وتحليلك جميل
فعلا المعطف نفسه قال مره نعة ومرة نقمة
وجده في يوم ممطر وجلب له الحظ
وتخلص منه في يوم ممطر
وجلب له السجن

شكرا علي تعليقك اللطيف
وان شاء الله اشترك
:))

شمس النهار يقول...

*لورانس

اول مره ومرعوبة فعلا
:))
ومبسوطة انها عجبتك
:)
عايزة حد ينقد
:)))
:)))))

دعاء العطار يقول...

بجد زى ماقالت شيرين ... مش ممكن تكون قصتك الأولى

بجد رااائعه :)

رغم ان المعطف يظهر انه تميمة حظ الا انى شايفاه كان لعنه عليه

فلولاه ماتعرف على هذا الرجل

المعطف فتح له ابوبا لا تغلق ابوابا وجدت فى نفسه القابليه للشر

رائعه بجد وعايزين كمان وكمان :)

شمس النهار يقول...

*سواح في ملك اللــــــــــــــــــه

وعليكم السلام ورحمة الله وبركاته

يعني عجبتك ؟
طيب والاسلوب
والطريقة
اكمل ولا مرة وعدت وارحمكم من قصصي

:)))))

مصطفى سيف الدين يقول...

فكرة مميزة واسلوب جميل
حول المعطف هنا قيد الزوجة المتسلطة الى قيد الذنب والجريمة
كأن الانسان لا يستطيع ان يحيا بلا قيود
ربما تسلط الزوجة يؤدي الى دمار النفوس الى الانسياق خلف الاهواء
وامطرت
نعم امطرت هموما كثيرة آلاما حزينة امطرت لتغسل ذنوب محمود ويتبدل بذنوبه هموم السجن
امطرت ليقترب شاب وفتاة اكثر ليربطهما معطف اقوى ليقيدهما معا في رباط واحد هو رباط الحب
تحياتي لابداعك شمس المدونات
قصة في منتهى الرقي واضافت للسلسلة الكثير والكثير

أميرة يقول...

احم احم
طب اول تعليق ليا يبقا نقد على طول كدة ؟؟ :D
اولا لفت انتباهي ان هيكون في سلسلة مع المعطف دة وكانه معطف الحظ الفكرة جديدة وحلوة جدا وعجبتني كفكرة لسلسلة
تسلسل الاحداث والسرد رائع وسريع وشيق
وشدتني اني اخلصها للاخر
بجد ماشاء الله انا مش لاقية حاجة انتقدها
وفي انتظار الباقي باذن الله :))

Ramy يقول...

أنا يمكن قلت قبل كدة

أنا مبعرفش انقد العمل نقد ادبى

غير أنى اكون حسيته أو لأ

بس

القصة جميلة و أول محاولة مش معقول اكيد فيه فى الخباثة ((:

إلى الأمام

(:

سواح في ملك اللــــــــــــــــــه- يقول...

لا طبعا عجبتني سيدتي

اكملي وسنتابع

تحيتي

nour alqamar يقول...

شوفي يا غاليه..
بالنسبه للنقد مفهمش فيه لانى بحبش الادبي والعربي ابداا عندي ادرس كل 24 علمي احسن هههههههههه
وبالنسبه للقصه حلوه زيك ..
واكملى مشوارك
بالتوفيق ..
مع تحياتى نور

شمس النهار يقول...

*دعاء العطار

:))
بجد دي اول مره اكتب قصة من بابهاكده:)))))

وبجد مبسوطة انها عجبتك

المعطف نفسه حزين انه ساعات بيكون نقمة وساعات بيكون نعمة
حتي المعطف زهق
:))))

ان شاء الله احاول اكتب كل مااجد عندي فكرة جديدة
:))))
شكرا علي تشجيعك

ابراهيم رزق يقول...

هههههههههههههه
ايه المفاجاة الحلوة دى
تعرفى ان المعطف معاكى خد شكل جديد تماما و فكرة جديدة تماما
محظوظ فعلا ذلك المعطف
حاجة كمان فى كتابتك للقصة انتى جيتى لواحد درس شوية نقد و احترف شوية
ايقاعك سريع و سردك تلقائى
سننتظر جزء اخر منك
فعلا المعطف زاد اناقة و اصبح اكثر ثراء معك
تحياتى

شمس النهار يقول...

*مصطفى سيف الدين

مش معقول يادكتور دي شهادة اعتز بيها جدا

ومبسوطة انها عجبتك
بجد ماكنتش متوقعة خالص
انها تجد استحسان منكم كده
وان شاء الله اللي هيكمل مع الشاب والفتاة يكتب لنا قصة جميلة

شكرا علي تشجيعكم
:))

Kiara يقول...

أولاً : الفكـــرة جميلة وعاجبانى جدا وفي الفاظ وعبارات شدتني

ثانياً : طبعا لازم تستمرى وتستمري قوى كمان

ثالثا: عجبتنى فكرة ان المعطف طرفين طرف استغله في الشــر وطرف استغله لما صنع له :)

رابعاً : خلصت بسرعة ليه الفكرة جميله اوي يامامتى وممكن تكون احداثها اكبر شوية كنتى دخلتى في التفاصيل زيادة

اصلي بصراحة يا مامتى بموت في التفاصيل الصغيرة

^^^^^^

وفي يوم كان علي موعد تسليم نوع خطير من المخدرات
اصر المشتري ان يتسلمه من محمود نفسه

وفي احد الايام كان محمود يستعد لتسليم شحنة كبيرة من الهيروين وكان المشترى يصر علي ان يتسلم الشحنة من محمود شخصياً وامام اصرار المشترى ذهب محمود لتسليم الشحنة بنفسه

^^^^

عجبتنى اوى بجد يامامتى ووقتها علي فكرة حيث اننا داخلين علي الشتا احلي جو في الدنيا

شمس النهار يقول...

*اميرة

:))
دخلتي برجلك اليمين
:)))

دي سلسلة في مدونة معطف من القيود
مش سلسلة انا اللي عملاها
بعت لك اللينك علشان تزوريها

شكرا علي تعليقك وتشجيعك
ومجاملتك اللطيفة
:)

شمس النهار يقول...

*Ramy

:))
مافيش بجد يارامي
دي اول مره انشر قصة
وكنت مرعوبة وقلت لصبرني تقراها قبل ماتاخدوا بالكم

ولو قالت لي مش حلوة كنت همسحها ويادار مادخلك شر

:)))

Kiara يقول...

علي فكرة ياماما يبقي حرام عليكى انك كاتبه حاجه جميله كدا وتخبيها عننا دا كفايه المعطف بعشق اى كلام عنه بحس انه كلام دافى اوى وبيحسسنى بالحنين

شمس النهار يقول...

*سواح في ملك اللــــــــــــــــــه

:))
مادام عجبتكم
يبقا ذنبكم علي جنبكم

:))))))

شمس النهار يقول...

*نور القمر

انا كمان ماكنتش بحب العربي
خصوصا النحو
:)))
وكنت علمي طبعااااااااا

:))))

Unknown يقول...

برغم أن الحيلة الدرامية الخاصة بتاجر المخدرات الذي يحب البطل ويشركه معه مستهلكة. إلا أن السرد الجيد جعلني أقرأ ما كتب للنهاية

خطوة جيدة تحتاج إلى الصقل
فإلى الأمام ((:

P A S H A يقول...

أول قصة ؟؟

لأ بجد جميلة .. السرد فيه عفوية وسلاسة .. كمان التسارع في الأحداث خللى فيه تشويق وفضول للمتابعة .. ما حستش بملل وأنا باقراها وبعد ما الواحد اتشد واتعلق لقيت النهاية ينفع كده ؟؟
:)
بجد استمتعت .. شكراً يا أستاذه

شمس النهار يقول...

*ابراهيم رزق
:)))
دي مش مفاجأة دي مفاجعة
ده انا كنت خايفة خوف
:)))
وفرحانة انها عجبتكم
وانتوا ماشاء الله عليكم كلكم بتكتبوا هايل
انا اروح فين في وسطكم بقا
:)))
شكرا علي تعليقك ومجاملتك اللطيفة

ومادام عجبتكم استلقوا وعدكم بقا
:)))))

شمس النهار يقول...

*كيــــــــــــارا

شوفي ياكوكي انا كنت كتباها طويلة حبتين
وشوية تفاصيل
ووصف للأشخاص
وملامحهم
بس لاقيت ان دي اول قصة انشرها
يبقا لازم الم الدنيا واختصرها حبتين
علشان الملل
:)))
واكتر حته اختصرت فيها وصفي لحزن المعطف
لاقيتها طولت حبتين رحت مختصراها
:))
ان شاء الله المرة الجاية نسهب ونطنب ونحكي ونرغي
:))))
شكرا ياكوكي علي تشجيعك
مش مخبياها ولاحاجة انا فتنت علي طول اهو وقلت لكم
:))))

شمس النهار يقول...

*حاتم عبد الفتاح

ايوة ياحاتم انا معاك
انا قعدت ادور علي مكان يتقابلوا فيه
كان البديل انهم يلتقوا علي قهوة
حيث يذهب محمود لتعاطي المخدرات
بس قلت اصلا هو ماعهوش ولا مليم
قلت بس نحبسوا
:)))

عندي خيال طبعا من الرسم
لكن اول مره اترجمع لقصة
ياريت اعرف اثقلها ازاي
دخلت ادور علي كتب في الادب وشرح ادب القصة
تهت وماعرفتش حاجة
:)))))
شكرا علي تعليقك وكلامك البناء
:))

شمس النهار يقول...

*P A S H A

شكرااااااا
بجد مبسوطة انها عجبتك
وكنت بحاول بقدر الامكان اختصر علشان الملل
وتبقي فعلا قصة قصيرة

مبسوطة بتعليقاتكم وتشجيعكم

:)

الفقيرة إلى الله أم البنات يقول...

ماشاء الله تسلم ايديك جميله ومش مجامله بس هاقولك بقى ملاحظاتى...وعلى فكرة كتابة القصص بيبقى فيها تكن مع القراءة والممارسه ..اجى لبعض الملاحظات
كنا محتاجين نعرف ليه هو سريه الانفياد للشر..يعنى خلفيه عن حياته ومش مجرد نكد مراته يبقى سبب انه يبقى سريع الانحراف
يعنى محتاجين ترسمى صفات شخصيات قصتك طالما قصه صغيورة مش طويله
كمان خلصت بسرعه ولانها جميله حسيت انى فجأة لقيتها خلصت
عاجبتنى فكرة المعطف انك تعملى منه سلسله واحداث هيبقى شئ رائع ومميز
القصه جميله وتسلم الايادى واللى يعرف يرسم يعرف يكتب علشان انتم بتكتبوا قصص بالريشه بتاعتكم
منتظرين جزء جديد من قصة المعطف

Sweet Violet يقول...

انا كالعادة اول تعليق محجوزلي انا عارفة D:
>>>
بقالي كتير مش دخلت هنا :((
بس الحمدلله اول لما دخلت لقيت جديد جديد يعني
...
من حيث الاسلوب عاجبني لانه مش ممل و خفيف و بنفس الوقت بيوصل معني كويس
...
بس انتي متأكده ياشموستي انها اول مرة ؟؟
يالهوي لو ده اول مرة امال لما تكتبي كتير ايه هيحصل
كده انا اتعقدت :\

شمس النهار يقول...

*الفقيرة إلى الله أم البنات

اهلا اهلا بالحبايب
:)
شكرا علي نقدك الجميل ياام البنات
انا كنت فعلا عاملة وصف للشخصيات ونفسياتهم
بس لاقيت القصة طولت ماببقتش قصيرة
وعلشان انا مش محترفة اوي ماعرفتش اوزنها صح
وان شاء الله هحاول القصة الجاية اعمل توازن اكتر

لينك مدونة معطف من قيود فوق الصورة دي مدونة حول المعطف كل مره كاتب غير التاني خيط حرير نلتقطه من بعض
:))
نورتيني
وشكرا علي مجاملتك اللطيفة

شمس النهار يقول...

*Sweet Violet

وكمان جاية متأخرة
بعد مااخرتي النشر
:))))

والاخوة اول مره
وشكلها مش هتبقا اخر مرة

:)))
مش عجبتكوا اشربوا بقا
:))))
نورتي بلوجر تاني ياشيكو ماتمشوش بقا انتي وكيارا
ارجعوا تاني بلوجر بيناديكي ياخضرا
:)))

مدونة عرفة فاروق يقول...

شمس

ستنيرين دنيا الادب هذابحق ما اتمناه

اقرائى اكثر واكتبى اكثر

وسيتحسن كثيرا مستواك

zizi يقول...

انا يا دوبك صاحية اصلي الفجر وانام بصيت لقيت حاجة حلوة ...الله دي شمس الشموسة اللي كاتبة النهاردة يانهار زي الفل ..القصة خفيفة على القلب وتلقائية في احداثها وبتشبهني بقصص الأخ المبدع محمد ابو داوود "الأحلام "تلاقيه ماسك زمام القلم مابيفلتش منه كده ولاكده اهو انا حسيت وانا بقرا قصتك بكده ان انتي شفتي القصة دي وبتحكيها..الله يا شموسة ..اديّنا ما تحرمناش وادينا منتظرين ياست الكل ..

beautiful mind يقول...

المحاولة كبداية ممتازة
بس فيه كذا نقطه اكيد الكاتب هيخلي باله منه
اولا الاختصار الشديد في وصف الاحداث لانه بينقلنا من حدث للتاني بسرعة جدا دون اعظاء اي فاصل بين كل حدث والتاني
ثانيا انت محتاج بعض التعبيرات اللغوية ذات الدلالات الرنانه عشان تعطي الموضوع حلاوة من نوع خاص ومذاق مميز
يعني حضرتك محتاج تقرا بعض القصص الاخري
وان شاء الله نشوف المره الجاية احسن واحسن

دعاء العطار يقول...

ياماما شموسه

ده تكملة الجزء بتاعك :)

http://wwwdodo25-dodoo.blogspot.com/2011/10/blog-post_04.html

يارب يعجبك :)

شمس النهار يقول...

*عرفة فاروق عبد لله

:))

من ناحية القرايا بقرا كتيييييييير
بس الكتابة اديني بجرب فيكم اهو
بس هحاول اقرا في ادب القصة
بصراحة الموضوع مش سهل
:))

شمس النهار يقول...

*zizi

مبسووووطة انها عجبتك يازيزي

اروح انا فيكم فين
:))))
تفاعلت مع المعطف من اول يوم
وحبيت اشترك
والحمد لله عجبتكم

:))

شمس النهار يقول...

*beautiful mind

شوف انا عارفة انه مختصرة
بس انا اللي قصدت ده
ماحبتش يحصل ملل للقارئ
في النهاية دي قصة في مدونة
مش في كتاب لازم اختصر
وقعدت اختصر لحد ماصغرتها اوي كده
هي صغرت حبتين بس مش علي حساب الاحداث علي حساب الشخصيات
لكن ان شاء الله المره الجاية لو في مرة جاية هحاول اسهب اكتر من كده
:))
اشكرك علي النقد اللطيف
:))

شمس النهار يقول...

*دعاء العطار

:)))
ماشاء الله يادودو

دي جميلة اوي
هقول لشيرين عليها علشان تنشر في مدونة معطف بلا قيود

ايوة كده خاللي المعطف يتنقل
بينا

:))))
ده هيشووف قصص :))

نسرين شرباتي "أم سما" يقول...

جميلة وتلقائية أوي
وسلسة كمان
وخفيفة لما يقرأها الواحد
مش بيحس بملل أو طول
بتمنالك التوفيق بجد
واكتبي كمان وكمان :)

الجوكر يقول...

ماشاء الله ياشمس

كأنكِ قاصة محترفة

فأنتِ تمتلكين لغة بسيطه وجميلة

لغه محببة الى النفس

لايملها القارىء

.. متخفيش انا ماسك الخشب هههههه


مع تمنياتى لكِ بالتوفيق

أندروميدا يقول...

الحقيقة انها بداية مبشرة جدا ..... الاسلوب .... الايقاع .... التتابع ..... كذلك بها اكثر من رمزية يمكن ان تحتمل اكثر من تاويل ومضمون ... وهذا مؤشر علي ثراء القصة .. فعناصر القصة ماهي الا ... لغة ...اسلوب ....احساس ... وافكار .... وما اقوله هذا لا يندرج تحت بند النقد اطلاقا ..... فانا اؤمن بالمقولة التي تقول .... ان القصة تكتب من جديد مع كل قارئ لها ...... ويكفي الانسان ان يستمتع بما يكتب ... حتي يجيد ما يكتب ..... لهذا ارجو ان اري لك المزيد من المحاولات مستقبلا .

تحياتي العطرة ........ وفي انتظار المزيد : ))

حَنيّـن نِضال يقول...

بسم الله ما شاء الله هي التجربة الاولى و عاملة كدا التجارب الجاية حتكون عاملة ازاي . . . مش تقطعينا من ابداعك في انتظارك دوما

تحياتي لقلمك

شمس النهار يقول...

*نسرين شرباتي "أم سما"

اهلا ياام سما
يارب تكوني بخير

الحمد لله انها عجبتك

شكرا علي تشجيعك
وان شاء الله هحاول اكتب حاجة تاني
:))

شمس النهار يقول...

*الجوكر

دي شهادة اعتز بيها
وخصوصا انها اول قصة ليه
:))

يعني مافيش اي ملاحظات؟؟

:))
شكرا علي المجاملة اللطيفة
:))

شمس النهار يقول...

*haneen nidal

بجد عجبتك ؟؟
:))
مبسوطة جدا لصدي القصة معاكي

وخصوصا انك بتكتبي قصص جميلة

شكرا علي تشجيعك
وان شاء الله احاول اكتب تاني
:))

غير معرف يقول...

السلام عليكم اولا
ثانيا انا مش محترف نقد او ناقد
انا هقول راى وخلاص
القصه من حيث الفكره حلوه
وكلماتها سهله وبسيطه
بس فى التفاصيل عندى ملاحظه
1:المفترض ان المعطف يكون فى قسم الشريطه لانه تقريبا مش معاه ففاتوره ليه لانه غالى
2:ازاى الست مراته الجميله سابته يخلى المعطف الحريمى معاه بعد ما روح على البيت مش ممكن تسيبه

Foxology يقول...

جميلة ..

تحياتى

Haytham Alsayes يقول...

روعة فعلا
يكفي اني اندمجت فعلا فيها وحسيت اني بتفرج علي فيلم جميل

معنديش كلام تاني
:)
:)
:)

تحياتي

شمس النهار يقول...

*غير معرف
:))
وعليكم السلام ورحمة الله وبركاته

المعطف خرج معاه من القسم لما المحامي خرجه وتاجر الملابس قال ده مش تبعي اذا هنا مافيش شبه جنائية وكمان المعطف غالي ايوة بس قديم جدا طبعا
:))قديم من اول رحلة دادي الرحلة رقم 23 يبقا فاتورة ايه
وهم المحاميين بيغلبوا
:))))
وبعدين هو ماروحش علي البيت
انا كاتبه انه طلع من القسم علي العنوان اللي اداهولوا التاجر
وزوجته الجديدة عارفة كل حاجة
وهو احتفظ بيه
وبعدين دي قصة من الخيال
:)))
وحاولت اختصر علي قد ماقدرت
وكان نفسي اقعد اوصف شوية في مراته الاولي اللي تحولت من جميلة الجميلات الي المراه المتوحشة قلبا وقالبا
:)))

شمس النهار يقول...

*Foxology
:)
شكرا ياابو يوسف

شمس النهار يقول...

*Haytham Alsayes

الحمد لله

مبسوطة جدا ان لحد الان عجبتكم كلكم

وعقابا لكم ان شاء الله
هبقا اكتب تاني
:))
وذنبكم علي جنبكم
:)))

tarek momen يقول...

ابتسامة عريضة وذكريات عمرها 30 عاما لفتاة كانت تحاول ان تكتب قصة قصيرة ولم تستمر و لكنها عادت مرة اخري تحاول
قصة جميلة... بدون نقد

شمس النهار يقول...

*tarek momen
:)))

تصدق كنت عارفة انك هتعلق بكده
:))

بس همه مش 30 همه 40
بس انت مش عايز تكبرنا
:)))
بس ماقلتش اي نقد؟
ليه بدون نقد؟
طيب فاكر القصة القديمة كان اسمها ايه
:))
برضوا كانت جريمة
شكلي طول عمري اجرام
:))))))

أندروميدا يقول...

كلاكيت تاني مرة ........ ومش عارف التعليق الاول راح فين ..... عشان كده نقول تاني : ))

الحقيقة انها بداية مبشرة جدا ..... الاسلوب .... الايقاع .... التتابع ..... كذلك بها اكثر من رمزية يمكن ان تحتمل اكثر من تاويل ومضمون ... وهذا مؤشر علي ثراء القصة .. فعناصر القصة ماهي الا ... لغة ...اسلوب ....احساس ... وافكار .... وما اقوله هذا لا يندرج تحت بند النقد اطلاقا ..... فانا اؤمن بالمقولة التي تقول .... ان القصة تكتب من جديد مع كل قارئ جديد لها ...... ويكفي الانسان ان يستمتع بما يكتب ... حتي يجيد ما يكتب ..... لهذا ارجو ان اري لك المزيد من المحاولات مستقبلا .



تحياتي العطرة ........ وفي انتظار المزيد : ))

شمس النهار يقول...

*اندروميدا

:)))
انت نبهتني لحاجة جامدة
:))
شوف ياسيدي لاقيت تعليقك انت و11 تعليق موجودين في التعليقات الغير مرغوب فيها
اصلي عاملة الموضوع ده علشان في ناس بتدخل تعلق تعليقات غير مرغوب فيها
فامش بحب اقراها اصلا
فاعلمت عليها انها لما تيجي تروح الملف ده ومااشوفهاش اصلا
:))
فالما قلت ان تعليقك راح فين قلت ليكون راح الملف ده
رحت علي هناك لاقيت 11 تعليق هناك من ناس تعليقاتهم مرحب ومرغوب ومحبب تلقيها
:))
ولاقيت بقا التعليقات التانية الغير مرغوب فيها كتييييييييييير
مسحتها حتي من غير مااقراها
:))))
اظاهر المفروض اتفقده كل شوية
بشكرك علي اهتمامك
وتعليقك
وتعليقك ده كانت ماما لسه بتقوله لي ان الكاتب يكتب من احساسه ووجهة نظره والمتلقي يستقبل بأحساسه ووجهة نظره
واختصارك ترك العنان لكل قارئ يتخيل مابين السطور
:))
وهحاول اخوض التجربة مره اخري

Unknown يقول...

حلوووووة
بأعتبار اول مرة
وإن شاء الله مش أخر مرة
لأنك ستتابعيها بناءا على
رغبة القراء وهــــم كثيرون
والحمد لله

جارة القمر يقول...

حلوة اوووووووووووى يا شمس بجد رائعة
السرد رائع جدا وفكرتها تحفة


ازيك بقى وحشتينى جدا جدا

شمس النهار يقول...

*norahaty

اهلا اهلا يادكتورة

شكرا علي مجاملتك الجميلة
والحمد لله انها عجبتك

وان شاء الله اعيد المحاولة
:))

شمس النهار يقول...

*جارة القمر

اهلا بيكي نورتي المدونة
وزي ماقلت لك
لازم ترجعي وتنوري البلوجر بكلامك الجميل

الموهبة لازم دايما تثقل
:))

وحشتينا ووحشنا كلامك الجميل

حلم بيعافر يقول...

عشان هى اول محاولة تبقى ماشى مقبولة .

اول حاجة القصة مفيهاش حاجة تشد ...مفيش خيال وده عيب لو استمر فى القصص الجاية يبقى متكتبيهاش احسن:D

ثم ان هناك مشاهد عادية لاتستحق انها تكتب او على الاصح مينفعش تتكتب كده وفيه زاوية تانية تتكتب منها بشكل كويس.

لكل كاتب قصة قصيرة شىء بيميزه...لو كملتى كتابة لازم يبقى فيه شىء بيميزك.

يلللا كفاية كده النهارده

شمس النهار يقول...

*حلم بيعافر
:))
ياتهار ابيض مالقتش ولا حاجة تشد خالص

ولا كان في ملل وانت بتقرا

ومافهمتش تقصد ايه بالخيال
يعني تبقا قصة خياليه
ولا تقصد ان مافيهاش فن
ولا تقصد مختصرة وينقصها وصف للأشخاص
ده انا قلت اسيب بعض التفاصيل لخيال القارئ
حدد لي المشاهد اللي كان المفروض ماتتكتبش
لكن الزاوية دي بتعود لكاتب القصة علشان القصة بتعبر عن اللي كاتبها مش اللي قاريها
فاياريت تحدد لي المشاهد اللي ماينفعش انها تتكتب علشان نناقشها علشان انا هعيد كتابت القصة تاني
بس بالتفاصيل اللي شلتها علشان اختصرها لتصلح كابوست
حتت التميز دي ماينفعش اعتقد ان حد يقررها علشان دي زي البصمات الانسان مالوش يد فيها بتتحدد من شخصيته ونفسيته هو حال اي ابداع
يعني في الرسم لكل انسان ابداعه الشخصي اللي بيتميز بيه ولمحبي ودارسي الفنون بنقدر نعرف مين الرسام من اول نظرة للوحة لو درسنا هذا الفنان وتعرفنا علي لوحاته مهما ابدع وغير الا ان شخصيته موجودة
:))
اشكرك علي تعليقك وتشجيعك
وان شاء الله المره الجاية تكون احسن
:))

ابراهيم رزق يقول...

حلم بيعافر

معلش استاذة شمس تسمحيلى اكلم الاستاذ حلم بيعافر
بما انى دارس نقد فنى على قده
جملة واحدة بس هاقولها ليه
اللى كتبها سيادته ده لا يصلح يكون نقد فنى يصلح يكون قصة يكتبها هو أن شاء الله حسب رؤيته
انا أسف ما كتبته لا يصلح أن يكون نقد
كيف تضع نفسك مكان المبدع انا فعلا مستغرب جدا تحياتى

من غير عنـــوان يقول...

أكيد أنك تبشري بمولد قصاصه قوية...

أعجبتني...
كُتبت بحرفيه عاليه على الرغم إنها الـمره الأولى...
ربنا يوفق...
وفي إنتظار المزيد...

شمس النهار يقول...

*ابراهيم رزق

انت ترد زي مايعجبك ياابراهيم

المدونة مدونتك
:)))
وانت عارف انا بحب الناس تناقش بعضها
ده بيثري البوست وساعات الحوارات دي بتبقا اهم من البوست نفسه
:))

شمس النهار يقول...

*من غير عنـــوان
اهلا اهلا

اهي دي بقا شهادة جاااامدة
من صاحب كتاب من غير عنوان

ومبسوطة انها عجبتك

وان شاء الله هكتب واحدة تانية
بس مش اجرام
:))