الخميس، 13 أكتوبر 2011

المافيا :))



ليه بقيت حاسة ان مصر كانت ولاتزال محكومة بعصابة المافيا
يعني اللامبارك كان الدون مبارك
وجمال وعلاء وشريف وسرور و سالم ....الي اخر اسماء العصابة
المساعدين والصبيان
وعلشان المافيا المصرية تعرف تشتغل وتكسب
لازم يكون الامن مستت
ب ومافيش قلاقل
والناس تبقا مش لاقية تاكل ولاتتعلم علشان يبقوا مهمومين
ومشغولين بالبحث عن لقمة العيش او يهاجروا ويسيبوا البلد وتبقا مصلحة
ولما الشعب قفش الدون مبارك والرؤؤؤؤؤؤؤس المهمه ورماهم في السجن
طبعا بعد ماكان الدون هدد و قالك ياانا ياالفوضي
راح باقي العصابة بره ضربوا كرسي في الكلوب وقلبوها فوضي وضلما
ومابيعديش اسبوع الا والبل
طجية مولعين في حته في البلد
ولو قريتوا عن المافيا هتعرفوا انا بربط بينهم ليه
وفي رجال اعمال مصريييين كتيييييييييييييير
بيتعاملوا مع المافيا وخصوصا في السلاح
الرحمة من
عندك يارب
---------
هضرب لكم مثال
لاس فيجس مثلا دي بلد قطعة من جهنم
كلها قمار مافيش مكان فيها مافيهوش ماكينة قمار حتي السوبر ماركت
وطبعا قمار وكل
مايسمي منكر وفاحشة
ومع هذا بلد منضبط جدااااااااا
ومنتهي الامان صبح ليل فجر في امان ومافيش عسكري واحد في الشارع
المااااااااااااافيا مسيطرة علي البلد
علشان السائح مايخفش ويحس انه محمي وماحدش هيقرب له
ويلموا فلوس وهي اع
لي ولاية في الضرائب
-----
مين بقا المافيا دول
دول جماعات جميلة لطيفة اتكونت في جزيرة صقلية
في القرن الثالث عشر
علشان ا
ييييييييييييه
مقاومة الغزو الفرنسي
:)))
وبعد ماخلصوا عليهم تحولوا الي عصابات اسرية منتهي النظام والدقة
وعلي فكرة مافيش حكومة علي الارض الا وتعاملت معاهم
وحتي حكومات ا
مريكا تعاونت معاهم
صحيح غدرت بيهم بعد كده
بس همه بقا ماسكتوش جننوهم
وكمان اصلا اسر المافيا مسيطره علي مناطق كتير في امريكا
من اهمها نيويورك وشيكاغو ول
اس فيجس واي حته فيها قمار
اللي عايز يقرا العجب عن المافيا ودورها علي مستوي العالم
يدخل اللينك ده بعد البحث والتنقيب
لاقيت ده ابسط بحث وملخص الحدوته كلها
-----
امضاء د
ونة شمس
:))

هناك 42 تعليقًا:

AHMED SAMIR يقول...

فعلا احنا كانت بتحكمنا عصابة اقرب ماتكون الى المافيا
متعددة الأذرع و التشكيلات و التخصصات
مافيا
بكل ما تحمله الكلمة من معنى
و لا نزال و سنظل للأسف نعاني منها حتى وقت ليس بقريب
تحياتي

سواح في ملك اللــــــــــــــــــه- يقول...

ست الكل

وحشتنا بوستاتك العبقرية

بس انا عايز اوضح حاجة

المافيا في وقت ما كانت بتدعم رؤساء

للوصول لكرسي الحكم

وبيسقط اخرين

يوم مالمخلوع مسك مصر كانت البدلة

كبيرة عليه

اوي علي طبعا حضرتك هتسالي

بدلةايه ؟
؟

هقوللك عرش مصر كان اكبر من ان يحكمه

شخصية ضعيفة مثل المخلوع

ولما ترجعي بالتاريخ لورا

هتشوفيه كان في وسط العناولة

قزم

شوفي مين كان علي راس الدفاع

ومين مجلس الشعب

ومين الخارجية

ومين كان بيقود الحزن الوثني

هتعرفي انه كان اقلهم شانا ولباقة

وحنكة سياسية

واستمرت الاوضاع علي هذا النحو

وهو ساب الجمل بما حمل لكل من يريد

العبث والفساد

بمعني اعملوا اللي انتوا عايزينه

بس سيبوالي الكرسي

ارجعي بالتاريخ شويتين

تحيتي ياشموستنا الطيبة

Unknown يقول...

السلام عليكم

أعتقد أختي الكريمة أن المافيا يمكنها أخذ كورسات في كيفية تأصيل الفساد في دولة بجميع أركانها من النظام السابق!!!!
..............
لكن تصدقي ؟ لاحظت شيء جميل أثناء البحث في عالم المافيا... أنه رغم انتشار المافيات في العالم كله.. سنلاحظ - من نعم الله علينا - أنها لم تخترق بشكل مباشر مجتمعاتنا المسلمة.. ربما تعاملت مع فاسدينا... إلا أنها لم تخترق المجتمع نفسه.. فهذه حصانة مجتماعتنا الداخلية...

أبشري بيوم يعم فيه نور الصباح فيحرق مفاسد الظالمين... لكن من سنن الله أن يأتي النور متدرجا حتى تعتاده أعيننا ولا تعمى من المفاجأة...

تحياتي الدائمة.

فشكووول يقول...

السلام عليكم
تحياتى
ما هو عشان تعرفى المعلومات الدقيقه دى يبقى لازم تكونى عضو فى المافيه وعضو قيادى يا حضرة الدونه
تحياتى

nour alqamar يقول...

شكرا لك على موضوعك ..
ربي يحمى مصر وشعبها ..
بالتوفيق يارب
مع تحياتى
نور

Lomy يقول...

الاول اشكرك على رابط التعريف بتاريخ المافيا ... معلوماته رائعة

اما عن المافيا الخاصة بنا بقى فهي اسوء من المافيا الدولية ... عندنا عصابات يمكن اكثر احترافية بس مش منظمين و لا محددين هدفهم ايه

يعني عايزين ياخدوا كل حاجه و مش مهم مين الضحايا

عايزين اعلى سلطة و اكبر نفوذ و اكتر ثروة و مش بيشبعوا ابدا

ربنا يستر

EMA يقول...

و الله يا شمس ما عارفة اقول ايه اللى بقى بيحصل دا بجد كتير اوى و اكتر من توقعاتنا بكتير ..مش عارفة ايه اخره

لما نبقى قاعدين فى بيوتنا مش عارفين نصدق مين و نكدب مين و لا نبقى مع مين ضد مين و المصيبة ان كلنا فى النهاية -المفروض -واحد

ربنا ينجي مصر و يحميها مفيش فى ايدينا غير اننا ندعى ربنا بصدق و اخلاص


تسلمي حبيبتى و تقبلي مروري و تواجدي

Unknown يقول...

فكرة عبقرية

دون حاتم :D

Foxology يقول...

احنا عاملين زى اللى ضرب برص على ديله قام طلعله ديل جديد وعمال يلعب .. لسه بقية جسمه موجود !

تحياتى وشكرا على المعلومات المفيدة عن المافيا

Carmen يقول...

فعلا والله الواحد مابقاش عارف يحس بامان :(

Unknown يقول...

لأن مبارك وعصابته
لم يكونوا افــرادا
ولا جماعات فقط لكنهم
طبقات وطبـقات استشرت
وتشعبت وتجذرت فى وطننا
نحتاج الى الــكثير لنقتلعهم
من ارضنا ومجالسنا
ومصالحنا وحتى
أخلاقنا!

غير معرف يقول...

صباح الشريرين :)

المافيا عصابات منظمه تتاجر في ايشيء وكل شيء ....

ودلوقتيبيتاجروا في حاجات حلال برضك عادي يعني :) ..... لكن اسلوب ادارتهم للعمل وتصفيتهم لخصومهم هو ده سبب الخوف منهم ..

وبالقياس .... تحول الابطال الى عصابات ده نفس التحول اللي بيمر بيه كثير من طغاه هذا الزمان ..

مبارك وعلي زين الهابدين كانوا ابطال ... وتحولوا لزعماء مافيا

مصطفى سيف الدين يقول...

والى متى سنظل تحت رحمة حاميها الحراميها
طالما هناك مافيا فالثورة في خطر
تحياتي

مذكرات موززه عانس يقول...

يا سلاااااااااااااام( نظام ودقه ) ياريت يحكمونا المافيا بس يبقى فيه نظام ودقه المشكله ان النظام مش شبه المافيا لا ده اسوأ من المافيا بكتيييييييييييييير

شمس النهار يقول...

*AHMED SAMIR

مافيا اخطوبوط لها زراع في كل حته

بس احنا اخدنا راس الاحطبوط وسبنا ازرعه اللي مولعا في البلد

شمس النهار يقول...

*سواح في ملك اللــــــــــــــــــه

شكرا علي كلامك ياسواح
:))

ايوة ماهو ده اللي كتبته ان مافيش حكومة بلد الا وتعاملت معاهم
امريكا اللي عامله الجن الجنزاري ابو عين خرا علي زرقا تبادلت معاهم المعلومات الاستخبراتيه واوكلت لهم ببعض المهمات

انا حسني من اول يوم طبعا جيلنا كان عارف ان البدلة مش واسعة مبهوءه عليه
عارف ايام ما كنا شباب كان هو نائب الرئيس كان طالع عليه شويت نكت
:))))
دي ايام عاصرناها
وشوفنا قد ايه حط من قدر المواطن المصري جوه مصر وبره مصر
وازاي استسلم لشلة الحرامية اللي حواليه
ربنا يستر في اللي جاي
ونقدر نتخلص منهم

شمس النهار يقول...

*وعليكم السلام ورحمة الله وبركاته

:))
اي والله فعلا المافيا ماتجيش فيهم حاجة
:)))
مصر طبعا امنه منهم لحد كبير
بس فاسدي رجال الاعمال
وتجار السلاح والمخدرات المستترين بيتعاملوا معاهم بشكل غير معلن

وعندي امل كبير في ربنا
وان شاء الله بكره اجمل

ماعلقتش علي القصة ومالاقيتش حاجة في بريد الفيس
انا بفكرك بس
:))

شمس النهار يقول...

*فشكووووول

طبعا من رؤس المافيا المهمين انا
:))))
والقطة دي دراعي اليمين
:))))

شمس النهار يقول...

*نور القمر
اهلا يانور
بتسعدني دعواتك لمصر

كل مااروح مدونتك مالاقيش بوست جديد
لييييييه

الاخبار عندكم ايه

شمس النهار يقول...

*مشوار طويل

هو ده الشر
بياخد كل حاجة
ولا يعطي الا الخراب والدمار والشر
الاناء ينضح بما فيه

شمس النهار يقول...

*EMA

شوفي انا مش خبيرة تاريخية اوي

بس اعتقد ان اللي بيحصل ده طبيعي
بعد الثورات
لكن عندنا زيادة حبتين
علشان برضوا العملية عندنا كانت مافورة برضوا عشر حبات
:))

شمس النهار يقول...

*حاتم عبد الفتاح

:))
طبعا يادون عبد الفتاح

مادام كمان اسمك عبد الفتاح يبقا اكيد من العيلة
:))))

شمس النهار يقول...

*Foxology

شوف ياابو يوسف
تشبيهك صح
احنا موتنا البرص تماما خلاص مش هينفع يحيا تاني

لكن ديله عنده امل يطلع له جسم تاني

بس ده مش هيحصل

وعقارب الساعة مابترجعش للخلف

شمس النهار يقول...

*Carmen

نحس بالامان ازاي وهمه مش عايزنا نحس بالامان اصلا

انتي نسيتي ايام الثورة الاولي والارهاب اللي عملوه لنا

دي خطة هو ده المطلوووووووب

شمس النهار يقول...

*norahaty

كلامك صح يادكتورة

مش بس محتاجين وقت طويل
لأ
محتاجين ضماير صاحية
وناس بتحب مصر

نورتيني وياريت تفتحي التعليقات عندك
:))

شمس النهار يقول...

*فتاه من الصعيد

يامسااااااااء الشريرين اللي زي
:))
ياالقطاها وفهماها انتي
برضوا بتوع التاريخ بيقلطوا
:))))
ايوة ده كمان من ضمن مااقصد والمثال الاكبر فجاجه العقيد القذافي وده شئ انا شوفته بعيني
كان بطل كبيييييييير
والشعب الليبي بيحبه حب غير عادي وكان يتجول في طرابلس من غير حرس الكلام ده 74
وبعد كده تحول الي دون قذافي
ايه الاسباب هنتكلم عليها في البوست القادم ان شاء الله
:)))
نورتي البوست ياجميلة

شمس النهار يقول...

*مصطفي سيف الدين
هنفضل كده الي ماشاء الله
الي ان نحترم بعضنا البعض
ونغير من انفسنا
ونضع قوانين صح الصح
تطبق علي الكل
مهما كان الدين او الوضع او اللون او الفقر او الغنا

شمس النهار يقول...

*bombona

ازيك :))

دول كانوا مافياااااااااات
كتير

بس علي مين هنشيلهم ان شاء الله

Tamer Nabil Moussa يقول...

المافيا دى عالم تانى كلة مصالح ومصايب ربنا يبعدهم عننا

تسلم ايدك شمس

مع خالص تحياتى

مامة مازن يقول...

احنا كنا عارفين ان فى فساد ورشاوى ومحسوبيات وواسطة وكوسة وكل المفردات اللى كلنا عارفينها دى
لكن هوووووووول المفاجأة والمفاجآت اللى اكتشفناها بعد ثورة يناير خليتنا على يقين من ان دول كانوا عصابة رسمى فهمى نظمى:)

عاشقه الرومانسيه يقول...

ايه الكلام الكبير ده ياشموسه ؟ مافيا حته واحده؟
يجعل كلامنا خفيف عليهم
هههههههههههههههه
خدى بالك بقى لانك بعد البوست ده هتبقى مستهدفه


وحشتينى ياشموستى

beautiful mind يقول...

هو دا بجد الموضوع بكل بساطه
احنا بنتحكم بمافيا
رغم انهم كلهم مرمين في السجن
بس الواحد بيحس انهم ليهم وجود قوي جدا بره
كل مصيبه بتحصل لازم يكون ليهم ايد فيها
ربنا ينتقم منهم يارب

ابراهيم رزق يقول...

طبعا انا علقت قبل كده بس انا عندى مشاكل فى بلوجر واضح التعليق موصلش بس المشكلة انى نسيت كنت كاتب ايه فى التعليق
انا شفت فيلم فى مهرجان القاهرة اسمع حدث فى امريكا بيحكى عن نشاة المافيا فى امريكا الفيلم حوالى اربع ساعات و نصف
اهم ما يميز المافيا الانضباط و الخضوع لقوانينهم
اهم ما ميز مافيا مبارك الاستهتار بالشعب و عدم الخضوع لقوانين من اجل مصالحهم
تحياتى

ريهام المرشدي يقول...

و الله يا شمس أي مكان في نظام أنا بحترمه حتى لو كانت المافيا طالما قادرين يحافظوا على كيانهم لحد دلوقتى بالشكل القوى دا ، نرجع بقا للى احنا فيه ، ما تنحي سوى الرموز فقط أما النظام فباق و مستمر.
شكراً شمس .

شمس النهار يقول...

*Tamer Nabil Moussa

مافيا طبعااااااا
كلها خراب

بس مافيتنا شكل تاني

:))

شمس النهار يقول...

*مامة مازن

ايوة فعلا لاقينا الهوووووووول

كنا عارفين حاجة
والمفااااااااجعة اللي حصلت حاجة تانية الصراحة

وفي النهاية دول عصاية يااباااااا
:))

شمس النهار يقول...

*عاشقه الرومانسيه

لاتقلقي انا مستهدفه من زماااااااان

:)))
انتي كمان وحشتيني

:)

شمس النهار يقول...

*beautiful mind

همه محبوسين اه
لكن صبيانهم واتباعهم اللي كانوا بيستفيدوا بره
تفتكر هيسيبونا نتهنا
لأ طبعا

شمس النهار يقول...

*ابراهيم رزق

كمان يميزهم الاخلاص للجماعة
بيخلصوا لبعض في الجريمة
:)))
مابيخونوش بعض

وعجبت لك يازمن
:)))

شمس النهار يقول...

*ريهام المرشدي

8 اشهر عدوا
ولسه بنهتف الشعب يريد اسقاط النظام

يارب النظام يسقط

ونقول يارب
:)

مصطفى سيف الدين يقول...

الف مليون مبروك عودة المدونة
وعودة شموسة التدوين للاشراق الدائم

شمس النهار يقول...

*مصطفى سيف الدين

الله يبارك فيك يامصطفي

ويسلمك
الحمد لله

كنت هعمل مدونة تاني وتالت ورابع

ماعدش فيها خوف ولا سكوت

مدونتي تيجي ايه جنب اللي راحوا