النهاردة
وانا رايحة مشاوير عديت علي السماك
واخترت سمك وقلت له نظفه وابعته علي البيت
وكلمتالشغالة قلت لها في سمك جاي انا محاسبة عليه
رحت المشاوير ورجعت
غبت يجي 3 ساعات كده
ولمارجعت مالقيتش السمك
فين السمك ؟
قالت مافيش سمك جه
اتصلت بالسماك فين ياابني السمك؟
قالي ده اتبعت من زماااااااااان يامداااااااااام
لأ يابني مافيش حاجة جت خالص!!
نده الولد وسأله
فين السمك؟
قاله وديته وصاحب الشقة اخده
قلت له لأ الموجو شغالة و بس
المهم بعت معاه واحد تاني عارف البيت عندي
علشان الولد ده جديد
المهم
الولد سلم السمك في شقة تانيه في شارع تاني
اللطيف ان الرجل اللي اخد السمك
سأل الولد ده متحاسب عليه؟
قاله ايوة
اخده وقفل الباب
وخلااااااااااااااااص
وعاااااااااااااااااادي
صاحب المحل نفسه راح للرجل
يحاول ياخد منه السمك او فلوسه
الرجل رفض قاله وانا مالي حد قالك تغلط
وادفع لك ليه تمن شئ ماطلبتوش
!!!!!!!
بالنسبة لي انا لاتعليق لما صاحب المحل قالي
بالنسبة للولد اللي غلط
اصريت انه مايمشيهوش وتنازلت عن تمن السمك
وحذرت السماك لو لاقيته مشاه مش هيحصل طيب
ايييييييييييييييييييييه تعليقكم ؟؟
ولا حول ولاقوة الا بالله
وانا رايحة مشاوير عديت علي السماك
واخترت سمك وقلت له نظفه وابعته علي البيت
وكلمتالشغالة قلت لها في سمك جاي انا محاسبة عليه
رحت المشاوير ورجعت
غبت يجي 3 ساعات كده
ولمارجعت مالقيتش السمك
فين السمك ؟
قالت مافيش سمك جه
اتصلت بالسماك فين ياابني السمك؟
قالي ده اتبعت من زماااااااااان يامداااااااااام
لأ يابني مافيش حاجة جت خالص!!
نده الولد وسأله
فين السمك؟
قاله وديته وصاحب الشقة اخده
قلت له لأ الموجو شغالة و بس
المهم بعت معاه واحد تاني عارف البيت عندي
علشان الولد ده جديد
المهم
الولد سلم السمك في شقة تانيه في شارع تاني
اللطيف ان الرجل اللي اخد السمك
سأل الولد ده متحاسب عليه؟
قاله ايوة
اخده وقفل الباب
وخلااااااااااااااااص
وعاااااااااااااااااادي
صاحب المحل نفسه راح للرجل
يحاول ياخد منه السمك او فلوسه
الرجل رفض قاله وانا مالي حد قالك تغلط
وادفع لك ليه تمن شئ ماطلبتوش
!!!!!!!
بالنسبة لي انا لاتعليق لما صاحب المحل قالي
بالنسبة للولد اللي غلط
اصريت انه مايمشيهوش وتنازلت عن تمن السمك
وحذرت السماك لو لاقيته مشاه مش هيحصل طيب
ايييييييييييييييييييييه تعليقكم ؟؟
ولا حول ولاقوة الا بالله
هناك 87 تعليقًا:
ههههههههههه
انا هموت من الغيظ لانى بس بحب السمك
ههههه
لو انا كنت ضربت الرجل اللى معندوش ضمير ده
كلوا الا السمك ههههههه
بس تصرفك عجبنى الولد مالوش ذنب ربنا يبارك فيك
بس المهم جبتى سمك تانى ولا لاء ههههههه
ابقى اعزمينى على السمك بقى
احبك فى الله
تحياتى
أخبط كف على كف
و أقول ارحمنا يااااااارب
انا اسف ياشموةستنا
اني هضطر اشتم الحيوان----اللي قبل
علي نفسه انه ياكل حرام
وبعدين بيقول
وادفع لك ليه تمن شئ ماطلبتوش
طيب ياخد لييييييه حاجة مطلبهاش
طيب وياخد ليه اصلا حاجة مطلبهاش
ربنا
خليه يتمتع بيها بقي في جهنم
حصلت معاي بس بالعكس
فى مدام اسمها ام زياد و فاكرة نفسها ميرفت امين ال يعنى مشهورة تقول اسال فى الشارع على ام زياد و اكثر من مرة يغلط و يجلنى طلباتها فى الاول مكناش نعرف و نقول للراجل انزل اسأل و بعدين عرفنا مكانها و بقينا نقول له على مكانها
و الله حركة زى الافلام بدل ما يعتذر و يتكسف على دمه ويدفع فلوس السمك لا بياوح طب حاجة غلط يرجعها
فعلا عالم باردة و معندهاش دم و قبل كده معنهاش عزة و كرامة
بس قوليلى هو السمك كان نوعه ايه
ههههههههههههه
تحياتى
ست الكل شمس النهار
كنتى قولى انك عاوزه سمك وكنت بعت لك من هنا انتى عارفه انى سكندريه والسمك عندنا بقى له طعم تانى
بالمناسبه النهارده ضربت سمك وجمبرى على الغدا ^_^ مش اقصد اعاكسك او اغيظك تؤتؤ طبعا ههههههههههههه
اما بقى اللى اخد السمك ومش دفع تمنه معلش يمكن كان نفسه فيه ومش معاه تمنه واعتبرى انك اديتى السمك ده لحد ياكله وانتى قلبك كبييييييير وطيبه ولا ايييه
زهراء
سلام الله على شموسة,موقف يغيظ جداااااااااااا,بس المهم لازم نتعلم منه انا عن نفسى مش هحاسب على اى حاجة اما لما تكون فى ايدى او لما توصلى خاصة لما تكون سمك ,وتصرفك نبيل مع الولد لانه مالوش ذنب ,الذنب هو عدم الضمير لدى بعض الناس,تحياتى لك
هههههههههه
يانهار ابيض ع الاستهبال وقلة الضمير
هنقول ايه بس
ربنا يعوض عليكى وان شاء الله ياكله فى نار جهنم
واحد نفسه في سمك وربنا استجاب لدعائه هههههههه الف هنا وشفا....غريب ان واحد يشبع من اكله حرام...الجوع كافر اكيد
أنا هاكتب لحضرتك عنواني وانتي حاسبي السماك على اتنين كيلو بوري ونص جمبري كبير وخلليه يتوصى بالطحينة إذا سمحتي :)
وبكده نقدر نعرف إذا كان الولد الجديد ده استوعب الدرس ولا لأ D:
لو الأوردر وصل لحضرتك يبقى الولد فعلاً أتعلم .. واحنا ثواني هانجيب البيبسي ونيجي نتغدى عندك :)
هههههههههههههه
ربنا كبير على فكرة
ولو هوا قبل على نفسه يا كل حرام
فهو حر
ربنا حيحاسبه
بس أنا زي جايدة مقهورررررررة على السمك علشان بحبه جداً
هوا كان نوعه إيه؟؟؟
زى الاخ سواح ما قال
مال حرام ودخل جوفه
وبالهنا والشفا ...
تعليقى عليه بقى
ان النوع دا وأمثاله
هما اللى خلوا مصر منهوبة
ومرتع للفساد الممنهج ...
دا نموذج حى للفلول
بس مش فلول سياسة
دا فلول مجتمعى بحت
فلول اخلاقى
بمعنى أصح
معلش يا شموسة
يا حبيبتى انتى دايما منصابة كدا ؟
اما صحة او فلوس او مدونة
ايه يا ست الستا الحكاية
طب دنتى ف حالك ولا بتعرفى تأذى نملة
مال العالم الغجر دى ومالك ؟!!!
ربنا يحفظك من كل شر
و بالنوسبة للسمك و للى اكله
فعلى رأى المثل الشيعبى
مطرح ما يسرى ...يهرى
بوسات وحضونات يا حبيبتى
ههههههههههههه
يييييييع بجد علي تصرف الراجل دا
هنشوف هيعمل ايه بالاكل اللي اكله بفلوس حد تاني
اعوذ بالله
اسمعي دي وروقي كدا
http://www.youtube.com/watch?v=T5Fx2L8Aspo&NR=1
هو لسا انت زعلانين من الدنيا !!
هو الي بيحصل فينا دا ليه مو لانو في ناس زي دي عايشة بينا !
هي الثورة قامت ع مبارك و بينا ترليون مبارك :(
اللهم لا تأخذنا بما فعل السفهاء :((
ربنا يعوضك يا شموسة قطع الاعناق ولا قطع الارزاق و هو دا ان شاء الله بياكل السمك زقوم في جهنم
هو في ناس كدة.....؟!!!!
يعني بجد دول موجودين في الحياة...؟
و لا دي كاميرا خقية...؟!!!
يعني ممكن يبقى في حد بالنطاعة و الدناءة بتاعت الراجل صاحب الشقة التانية دي...؟
لا حول و لا قوة الا بالله
سبحان الله...و يخلق ما لا تعلمون
دا استقبل حرام
لا حول ولا قوة الا بالله
السلام عليكم
تحياتى
يعنى يا حاجه يرضيك انى اقعد اشم طول النهار وبعدين ما الاقيش ولا حتة سمكه
لدرجة انى بقيت اقول يا ريت انا الراجل اللى راح له السمك بالغلط .. اصل برضه يمكن هو لقى رزق من عند ربنا فقال رزق ساقه اللى الى وتلاقيه كان جعان يا عينى هو وولاده وما قدرش يرجع السمك ولا كان قادر يدفع ثمنه .. استعوضى ربنا فيه وارضى بقضاء الله وياريت من جواك تسامحيه عشان الله اعلم بالناس .. وياما الابواب مدارى وراها ناس
على فكره الازهرى كلمنى عشان المدونه والحمد لله البنت العسل سونى 2000 عملت شغل كويس ورجعتها لى وغيرت كلمة السر والحمد لله كل شيئ تمام
تحياتى
الحمدلله زي مافي ناس بتاكل سمك حراااام لسة في ناس زي حضرتك بتتقي الله و بتحس بالناس بجد موقف نبيل منك انك حافظتي على رزق الصبي ..بس هو في ناس كده؟؟؟ استغفر الله العظيم طب مراتو قبلت انها تحضرو و يكلهم ولادهم منو..يارب ارحمنا
ههههههههههههههههه
مين الى كان باصص في السمك ده النهارده
هههههههههههههههههههههههه
او يمكن عشان مكنتيش هتعزيمني يا افندم ^_^ هههههههههههههههههه
بس الراجل الى اخده ده حرام عليه ، مش هيتنهني بيهم صدقيني ^_^
بس حركه جميله من حضرتك انك مخلتهوش يمشي الولد الى غلط
السلام عليكم ..
انا بجد مستغربة من الرجال الى اخد السمك .. يعنى لا تعليق هههههههههههه
تقبلى مرورى ..
تشريفنى فى مدونتى قيد التجهيز
http://menamoni97.blogspot.com/
مع تحياتى ..
ياسمين
أنا بقى أكتر عاجباني هو موقفك انك اصريتي ان الراجل ما يمشيش الولد اللى عنده بجد ربنا يجازيكي خير بطيبتك دي .. اما الخ التاني دا فمفيش كلام يتقال هو فعلا حاجة حرام و قبلها على نفسه و انتى مش مسامحة و" كل لحم نبت من حرا فالنار أولى به" صدق رسول الله
و بعد كدة بقى هاتى حاجتك على ايدك هههههههههه لا ممكن بقى تبعتي الشغالية و هى تجيبه احسن
و يا رب ما تتعاد تاني
تحياتي يا جميل
هههههه
ناس معندهاش دم :)
عشانكده لازم مندفعش غير لما نتأكد إن الحاده وصلت...لكن موضوع المقدم ده مقاش نافع :)
تحياتي لحضرتك و خيرها في غيرها
الله يسامحه .. حرااااااااام بجد الى عمله ..
ربي يهديهم الاشكال هاذي
..
مع تحياتى
نور
ياخبررررررررر
لا تعلييييييييييييييق
سبحانه الله ناس صارت مش تخاف الله
اهروح فين من ربنا
ربنا يهدينا ويهديه ويهديه الجميع مسلمين يارب
دي شقة الحاج محمد ومراته الجديدة؟
هو قال لك الدور الكام يابني؟
الدور السادس
وبتنهج من اول دور
خلصني دي شقة الحاج محمد ومراته الجديدة
أيون دي شقة الحاج محمد وانا مراته الجديدة
بنرجع لمحل لو غلط معانا في حساب ونبقى عاوزين نبج بطن الكاشير بجيج انه جابنا المشوار المطين ده
وواحد خد أكله ودخلها على بطنه وبطن أهل بيته من قبيل انه الحاج محمد ومراته الجديدة
اكذب لو قلت انه موقف اعتيادي
ده عجب العجب والله
هههههه
اللخبطة دى بتحصل كتير وخصوصا الايام دى ياترى تاثير اية كل دة
مع خالص تحياتى
ههههههههههه حاسة اني بشوف كاميرا خفية :) الموقف ينفع كده في التلفزيون بس لكن في الحقيقة مش فاهمه الانسان ده بيفكر ازاي ده اذا كان بيفكر اصلا
عجبني موقفك يا شموسة وربنا يباركلك في فلوسك ويعوضك خير عن الموقف ده ويساعدك زي ما ساعدتي الولد ده ومخليتيش صاحب المحل يطرده
وليكي عليا احلى عزومة سمك وجمبري وكابوريا لما تيجي دمياط او راس البر ان شاء الله
فتحتى نفسى على السمك
تصرف الراجل اللى اخذ السمك تصرف مش سليم لكن بيحصل ومبقتش اندهش ابدا من التصرفات الغريبه
وعوضك على الله فى ثمن السمك
ولو صاحب المحل مشى الولد يبقى غلطان لان ما فيش حد معصووم من الغلط .. لانه الغلط وارد من اى شخص
تحياتى
قولوا للي أكل الحرام يخاف
بكره اللي كله هيطفحو :)))
على فكرة حضرتك هتاخدي حق السمك منه يوم الدين بس مش هيكون فلوس ساعتها هتتمني ان كل الناس عملت كده :)
تحياتي
هههههههه
قصة ظريفة و لطيفة !
بجد ضحكت كتير
تسلمي شموسة !
امال لو كان جاله جمبري كان عمل ايه ؟
كان هرب بيهم بره البلد بقا ؟!!!
يا رب شوكة من السمك تقف في زوره D:
*جايدا العزيزي
ايوة الولد مالوش ذنب طبعا
وطبعا جبت سمك غير اوماااااال
اتبرمجت ان في سمك يبقا في سمك
:)))))
انا كمان احبك في الله
:)
*Ramy
ايوة ارحمنا يارب
ده لولا رحمة ربنا علينا
كنا فطسنا من اللي بيحصل حوالينا
:))
*سواح في ملك اللــــــــــــــــــه
عارف ياسواح
انا لاكان هاممني السمك ولا الرجل ولا صاحب المحل
انا كنت مركزة في الولد والخوف اللي علي وشه ساعة ماجاني
بس الحمد لله انه اقتنع بكلامي ومامشاهوش
اما الرجل تصرفه لم يهز مني شعره
اعلم جيدا ان في ناس كتير كده
ده هو تلاقيه فرحان
فاهم انه ضحك علينا بفهلوته
*ابراهيم رزق
نفس القصة
كتير يجيني طلبات ناس تانية
بس الشغالة اللي معايا مراة بواب فاعارفة كل الناس اللي في الشارع
:)))
السمك كان بلطي يافندم
اتفضلوا معانا
:))
*لـــولا وزهـــراء
طبعا سمك بحري لا يعلي عليه
:))
انا حافظة اسكندلاية علي فكرة وكأني منها
صيف شتا انا شغال
:))
ولاتقلقي جبت سمك تاني طبعا واكلنا سمك والسبيط كان عندي في البيت فابقا بلطي وسبيط
:))
احنا عيلة سمكية
موضوع الرجل اللي اخد السمك ده مش مزعلني علي فكرة
انا بس استغربت الموقف كاكل
واللي يجي في الريش بقشيش
بس هو لايستحق علي فكرة
ولو يستحق عمه ماهيعمل كده
تحسبهم اغنياء من التعفف
:)
وصباح الشموس المنوره
اه يعنى وهو ماله يعنى
جاله سمك واتاكد انه متحاسب عليه
هيرجعه ليه
بتفكرينى بتشبيه انا الفته ومقولتوش الا للمدونه بتاعتى
لما جه الاخوان والسلفيين
قالوا للثوار
هى الثوره دى متحاسب عليها
قالوا اه
قالولهم خلاص
هاتوا حبه
السمك متحاسب عليه
طب قشطه
شوفى طريقك بقى
الراجل ده كوميدى
بالقالب الكوميدى
وابن ستين تيت حرامى بقالب الواقع
راجل تيت صحيح
معلش
بس هنقول ايه
هذه هى الحياه
نيهاهاهاهاهاها
ومتسالينيش بضحك ليه
*لورانس
وعليكم السلام ورحمة الله وبركاته
الحقيقة السماك ده بنتعامل مع بعض من سنين طويييلة
وعارفني والولد اللي عنده عارف بيتي كويس هو في نص الشارع وانا في اخر الشارع
بس الولد ده جديد
وفعلا مالهوش ذنب خالص
ادولوا العنوان اسم الشارع غلط يبقا ذنبه ايه
*دعاء العطار
ان شاء الله ربنا يعوض عليه
وعلي فكرة الرجل اللي اخد السمك ده
بجد صعبان عليه جدا
ايوة صعبان عليه انه كده
ودعيتله ربنا يهديه ويبصره
ان دي مش فهلوة
ده كده بيأذي نفسه واهل بيته
عارف نهاية سورة الكهف
تنطبق علي امثاله
ربنا يهديهم جميعا
*Tarkieb
صدقني الحرام عمره ماهيشبعه
بيبقا عامل زي اللي بيشرب مايه مالحه مابتشبعوش
الي ان يهديه الله ويعفوا عنه
بس ضحكتني بجد واحد دعا ربه يبعتله سمك بعتهوله
:))))
*P A S H A
:)))
لأ وتجيب البيبسي ليه
انتوا اتفضلوا تنورونا
والسمك والجمبري والبيبسي علينا
:))))
بس ده كان بلطي مش بوري
ينفع ولا العزومة كده باطل
:))))
*نسرين شرباتي "أم سما"
هو ندعيلة ربنا يهديه
قبل فوات الاوان
السمك كان بلطي ياجميلة
وهقليه هو وسبيط كان عندي
:))
طب اذا تكرمتي المره الجايه أما تجيبي سمك
تزودي جمبري مشوي
وتحاسبي
وتبعتيهم على عنوانا
كل ميسر لما خلق له
يا ستنا
*فاتيما
مبسووطة جدا اني شوفتك
بجد انتي انسانة
جميلة بكل ماتحمل الكلمة من جمال
:)
لاتقلقي عليا يافاتيما
المؤمن منصاب
والحمد لله
علي كل حال
راضيا داااايما
:)
اما اكل السمك صدقيني بدعيله ربنا يهديه
همه دول الفهلوية اللي خربوا البلد
زي مايكون في طابور طويل والناس واقفة وتلاقي واحد دخل من جوه وخلص مصلحته
ده زي بتاع السمك بالظبط اخد شئ مش من حقه
بس بتتفاوت
واللي سرق زرة زي اللي سرق جمل
هو مبدأ اصلا
نورتيني ياجميلة
*sony2000
شكرا علي الاغنية
لطيفة فعلا
وخاللي اللي ياكل ياكل
منه لربه
*haneen nidal
ايوة قطع الاعناق ولا قطع الارزاق
وخصوصا لما تكون علي حق
الولد الجديد مالوش ذنب ابدا
هو مايعرفش العنوان
واتنازلت عن تمن السمك علشان عارفة
ان السماك هيخصم تمنه من يوميات الولد قبل مايمشيه
ندعي بالهداية لكل انسان يستحل مال غيره وياخده بالباطل
*AHMED SAMIR
لأ ده في ناس كده واكتر من كده
ودي كاميرا واقعية جدا
علمتني الدنيا ان في ناس بتستحل لنفسها
مال الغير وبيعتبروه شطارة
مش عارفين ان ده سحت
ربنا يهديهم ويبصرهم بما يفعلوا
*كيــــــــــــارا
حرام واي حرام
ده مع سبق الاصرار والترصد
:))
*فشكوووول
وعليكم السلام ورحمة الله وبركاته
صدقني الرجل لايستحق الصدقة اصلا
ولو يستحق ماكنش خدوا اصلا
تحسبهم اغنياء من التعفف
لكن ده فهلوي من فهلوية الزمن ده
وبدعيله ربنا يهدية
مبروك رجوع المدونة ماانا قلت لأزهري وسوني علي المدونة في لقاء المدونين المصغر اللي عملناه
ياريت دايما تصدرها
وكمان تغير الباص وورد بستمرار
*صبح
الخير في امتي الي يوم القيامة
اومال احنا هناخد حسنات علي حساب مين
اما مراته ودورها
يااما مقهورة
يابتفعل نظرية
اذا كان رب البيت بالدف .....
*سبايدرمان
اعزمك وامري لله
:))))
هو اكل مال حرام بس مش فاهم
هو علي عينه ةقلبه غشاوة
ندعي ربنا يشلها من علي عينيه
وطبعا الولد كان لازم مايتطردش ذنبه ايه ان في ناس كده ربنا يهديهم
تحياتى لحضرتك ع تصرفك بالشكل دا مع الولد .. فعلا مالوش ذنب
الناس لسه ملينانة خير والله .
بس الراجل دا صعبان عليا بجد
انا مش عارفة ازاى مش فاهم انه كدا بياكل حرام .. وبيأّكل عيلته منه كمان وعاااادى !!
ربنا يهديه ويفوق .. وربنا يرحمنا من أمثاله .
* رحيق الورد
اهلا بيكي وطبعا هروح ازور مدوتك
مبروك وان شاء الله تكون مدونة متميزة
نورتي بلوجر
*EMA
تصدقي ان انا مسامحة في السمك
وهوه منه لربه ربنا يتصرف معاه
اما الولد فاده مالوش ذنب في الموضوع
يدفع تمن غلطة ناس تانية ليه
السماك ده اعرفه وبشتري منه من سنيييييييين طويييييلة
امين وكويس
وفي النهاية ربك كريم
*شيرين سامي
السماك امين ومعروف
وبشتري منه من زمان اوي
لكن ولاد الحلال نقول فيهم ايه بقا
يالله كله علام
وربنا يهدي
:)
حاجة غريبة فعلا..زمان الراجل اللى اكل السمك من كتر قرائك تعب وجاتله وعكة صحية.. ده بدل ماكنتى تبعتى الارز وشوية الحاجات لزوم اكله السمك والراجل اكله كدة قرديحى... طلعتى مش كريمة ياشمس النهار.. المهم نصيحتى تطبعى البوست دة فى جواب وتبعتيه على عنوان المذكور علشان يرد من نفسه علينا ويقول طبعا السمك على فكرة طلع مش حلو ومايستحقش كل دة...
*نور القمر
ايوة يانور
بالظبط كده
ندعي لهم ربنا يهديهم
:)
*أع ـقل مـ ج ـنـونــة
انا عملت كده
حسيت ان ماعنديش تعليق
:))
*عاشقة القمر
اهلا اهلا بالاحباب الغايبين
حمد الله علي السلامة
ازيك يارب تكوني بخير وسلام
وحشتيني كنتي فين
نورتي بلوجر
وياريت ترجعي تاني
وكل الغايبين يرجعوا
زي زمان
:)
*ستيتة حسب الله الحمش
ضحكتيني ياستيتة
:))
ايوة نفس الموقف بالظبطت
العجيب هو منطق الرجل
لما صاحب المحل قاله
ان الطلب جه غلط
قاله حد قالك تغلط احنا كلناه
مع ان الساعة كانت واحدة ونص
اتغدي بدري
؟؟!!!
طيب ادفع فلوسه
قاله ادفع ليه تمن غلطتك
!!!!
هو ده منطق السرقة واي سارق
البلد اتسرقت
وهو ده المنطق
ساجعة وحلوة ماشربش لييييييييه
يابا
:))
*Tamer Nabil Moussa
:))))
ادي اللي خدناه من الثورة
:))))
ده منطق اليومين دول
ده هو بقا التأثير ياتامر
:))))
*Lady E
اهلا وسهلا
بأهل دمياط
وسمك دمياط
انا رحت دمياط من 22 سنة
واكلت سمك هناك وجمبري وكابوريا ورز
مش قادرة انساهم الي الان
وصيادية بالصلصة في صينيه
بعملها بس مش زي دي
اطلاااااااقا مطلقااااااااا بالتلاته
:)))
ومن هذا المنطلق قبلت العزووووووووومة
بس اوعي تكون عزومة مراكبية
:)))))
*mrmr
ماكنتش هسمح ابدا ان صاحب المحل يمشي الولد
ولعلمك عملت اتشك علي الولد النهاردة
لاقيته موجود
وصاحب المحل ماكنش راضي ياخد تمن السمك تاني
وقال طيب حضرتك ذنبك ايه
قلت له ابدا
وكله علام
وربنا يهدي
ومادام فتحت نفسك علي السمك
ياله اعملي لنا بوست سمك علي مدونتك
:))))
*تامر علي
:)))))
طبعا الحق مابيضعش
وهيدفع تمن خوف الولد انه ينطرد
ده حسابه مش سمك وبس
ده حسابه حاجات كتير
بس هو مش فاهم
علشان كده هو صعبان عليه
:))
*dodo, the honey
تصدقي انا برضوا لما صاحب المحل قالي في التليفون
علي اللي حصل
طلعت علي بالضحك
بس ضحك من احوال الناس
:))
*ELMOSTAFZ
هو مش هامه النوع قد ماهمه
انه ياخد حاجة مش بتاعته
عارف تفعيل لنظرية
ابو بلاش كتر منه
سواء حلال او حرام
:))
*The illusionist
مساء الفل
صح وربنا صح
مااحنا الثورة اتسرقت
وعيني عينك كده
من غير احم ولا دستور
يبقا ايه شوية سمك لما يتسرقوا
مصر اتسرقت
واحنا بنتفرج
وفتح عينك تاكل ملبن فينك فينك
تاكل ملبن
ده العيب عيبك
:)))))
*مصري جدا
بس كده من عينية
ودي رشوة
هتقول لي رشوة لييييييييه؟؟
هقولك اوما مين هيروح معايا س 28
:))))))
والكردان موجود علي الجنب اهو
:))))
*Sarah ..
ايوة ياسارة
هو لازم يصعب علينا
علشان الغشاوة اللي علي عينة
وندعي له ربنا يهديه
*sabry abo-omar
:))))
بنتي كانت لسه بتقولي دلوقتي
فضحتي الراجل ياماما
زمانه ولع هو وعياله
:))))
تصدق فكره اطبع البوست بالتعليقات وابعتها له
بس الخوف من بجاحته يرفع علينا قضية اه طبعا مش شهرنا بيه
:))))))
أجمل ما في الكردان أنه مع صاحبته
وبعدين لازم توكلي المحامي
وفي حالة س 28 التزغيط هنا واجب والله الموفق
السلام عليكم
اختى الحبيبة علمت من مدونة استاذ ابراهيم انك ذاهبة للحج ان شاء الله
ان شاء الله اختى الحبيبة بسلامة الله
الف مبروووووووووووك
ولا تنسينا بصالح دعاءك لى بالصحة والعافية والستر
تروحى وترجعى بالسلامة تقبل الله منا ومنك صالح الاعمال
كل سنة وانت طيبة حبيبتى
دمت بكل خير
*مصري جدا
طبعا لازم نوكل المحامي يافندم
وبط ووز كمان
:)))))
*أم هريرة.. lolocat
وعليكم السلام ورحمة الله وبركاته
الله يبارك فيكي وفي عمرك
ان شاء الله اسافر الحج
وطبعا الدعوات حصري
للمدونين
وادعوا لك بالحج ان شاء الله
شكرا ليكي وادعي لي
وشكرا علي مجاملتك التي اسعدتني جدا
نورتيني
فيه ناس بتقبل علي نفسها اي حاجه
المفروض الرجل كان دفع الفلوس , لكن هنقول ايه , اللي يعيش ياما يشوف
وتصرفك مع السماك طيب بجد
هو فيه ناس بشكل دا يقبل ع نفسه كداا...الحمدلله الذي عفانا مما ابتلي بيه غيرنا ..
جميل اوي تصرفك بالنسبة للولد
يدل ع نبل أخلاقك
تحياتي لك
دمت بخير
قرب
جرب
وسطن ايدك وصل
اضرب
ترررم
يحميك يا ابنى تبقى غالبنى
قرب خدلك حته ملبن
*5o5a
اللي يقبل الصغيرة يقبل الكبيرة
واغلب الناس بتطبق نظرية اخطف واجري
للأسف
*5o5a
اللي يقبل الصغيرة يقبل الكبيرة
واغلب الناس بتطبق نظرية اخطف واجري
للأسف
*The illusionist
طب جاي ايدك فاضية ليه
؟؟؟؟
فين الملبن
:)))))))))))
ههههههههههههههه هم يبكى وهم يضحك
معلش
انتى احتسبتيه عند ربنا
وهو اكله سحت وحرام ومطرح مايسرى يهرى
:)
بصراحة..
الراجل معو حق ياخد السمك.. بس يدفع حقو
لأنو ماكل حرام هيك بيصير
بالنسبة للولد.. الله يفرجها عليه أكيد بالعافيه لما لقى شغل وبالاخر يغلط من أولها.. ومنيح اللي طلبتي من السماك يضل يشغلو
بالمناسبة شهتيني عالاكل ونفسي انفتحت
شد نظرى البوست المريب دة
دة غير اللي قبله بتاع الحكر علي الحريه ونبي احنا عايشين في زمن بلا قيمه لمبادئ افكار احترام حاجات كتير اوى
زى الراجل اللي خد السمك علشان متحاسب عليه
المرة جايه ان شاء الله يلبس في سمك او حاجه اغلي مش متحاسب عليها هههههههههههههههههههههه
ويفتكر حد من عنده طالبها يارب
*عاشقه الرومانسيه
ايوة يادودو هو هم صحيح
بس انا فعلا طلع عليا بالضحك
وقعدت اضحك واستعجب
ربنا يعافينا
NOUR Kamal
هو الولد الجديد ذنبه ايه
الغلطة من اللي اداه العنوان غلط
وكمان اللي قبل علي نفسه سمك حرام
هقول ايه
ربنا يهدي
*rona ali
حتي لو راح له حاجة مش متحاسب عليها هيقبلها برضوا
وبرضوا هيجد لنفسه المبرر
وندعي له ربنا يهديه
إرسال تعليق