كنت هنشر مافيا اتنين
واتكلم عن الحكام العرب اللي بدايتهم كانت زي المافيا
ابتدوا ثوار وانتهوا سفاحين طغاة
سرقوا اموال الشعوب واحلامهم وصحتهم
ومن اكتر الحكام العرب شبه
العقيد القذافي
وبما ان اذكروا محاسن موتاكم
مش هنشر البوست لكن هكتب جزء من قصة عشتها بنفسي
----
كنت اعيش في طرابلس ليبيا فترة من الزمن
واحنا في ثانوي طلع علي نافوخ القذافي
اننا نروح المدارس بالزي الوطني الليبي سواء بنات او شباب
والزي الليبي غالي الثمن
ويتكون من توب اسمه الريديه
والجزء اللي يتلبس علي كامل الجسد
اسمه فراشية وده لونه ابيض ده غير منديل الراس
المهم وزع علي مدارس ليبيا الزي الوطني الليبي
تلات ريدية تلاتة فراشية تلاته مناديل راس
ورفضنا نلبسه طبعا سواء الليبيات او باقي الجنسيات
وفي يوم واحنا في الطابور
لاقينا باب المدرسة بيتفتح علي مصرعيه(حلوة مصرعيه دي:))
وعربية القذافي داخله هو اللي سايقها
(ايوة سنة74 كان معبود الليبين وكان بيتجول عادي بدون حرس)
المهم لاقيناه دخل علينا من باب المدرسة ووقف عند مكان الاذاعة المدرسية
وقال لنا جعمزو(يعني اقعدوا)
وراح قاعد علي السلالم بتاعة المدرسة
وسألنا ليه مش عايزين نلبس الزي
ردت عليه واحدة من المصريات ليه نلبس لبس بيعوق عن الحركة
لو عايز نلبس لبسنا المصري
وطبعا باقي الجنسيات قالوا نفس الكلام
راح ضاحك وقال( باهي)
وقال خلاص ماتلبسوش
والزي هدية مني ليكم
ومشي والبنات بتسقف وتهلل وفي اللي صفروا كمان
بعد ماصرف ملايين علي اللبس وتوزيعه علي المدارس
عادي بدون تخطيط وتفكير في اهدار المال
مال الفقراء اولي بيه
هو ده العقيد القذافي اللي انا شوفته في يوم من الايام
واتكلم عن الحكام العرب اللي بدايتهم كانت زي المافيا
ابتدوا ثوار وانتهوا سفاحين طغاة
سرقوا اموال الشعوب واحلامهم وصحتهم
ومن اكتر الحكام العرب شبه
العقيد القذافي
وبما ان اذكروا محاسن موتاكم
مش هنشر البوست لكن هكتب جزء من قصة عشتها بنفسي
----
كنت اعيش في طرابلس ليبيا فترة من الزمن
واحنا في ثانوي طلع علي نافوخ القذافي
اننا نروح المدارس بالزي الوطني الليبي سواء بنات او شباب
والزي الليبي غالي الثمن
ويتكون من توب اسمه الريديه
والجزء اللي يتلبس علي كامل الجسد
اسمه فراشية وده لونه ابيض ده غير منديل الراس
المهم وزع علي مدارس ليبيا الزي الوطني الليبي
تلات ريدية تلاتة فراشية تلاته مناديل راس
ورفضنا نلبسه طبعا سواء الليبيات او باقي الجنسيات
وفي يوم واحنا في الطابور
لاقينا باب المدرسة بيتفتح علي مصرعيه(حلوة مصرعيه دي:))
وعربية القذافي داخله هو اللي سايقها
(ايوة سنة74 كان معبود الليبين وكان بيتجول عادي بدون حرس)
المهم لاقيناه دخل علينا من باب المدرسة ووقف عند مكان الاذاعة المدرسية
وقال لنا جعمزو(يعني اقعدوا)
وراح قاعد علي السلالم بتاعة المدرسة
وسألنا ليه مش عايزين نلبس الزي
ردت عليه واحدة من المصريات ليه نلبس لبس بيعوق عن الحركة
لو عايز نلبس لبسنا المصري
وطبعا باقي الجنسيات قالوا نفس الكلام
راح ضاحك وقال( باهي)
وقال خلاص ماتلبسوش
والزي هدية مني ليكم
ومشي والبنات بتسقف وتهلل وفي اللي صفروا كمان
بعد ماصرف ملايين علي اللبس وتوزيعه علي المدارس
عادي بدون تخطيط وتفكير في اهدار المال
مال الفقراء اولي بيه
هو ده العقيد القذافي اللي انا شوفته في يوم من الايام
هناك 58 تعليقًا:
احنا قلنا اذكروا محاسن موتاكم علشان كده ح اكتفى ان اقول صدق قول السادات عنه انه المجنون
من ساعة ما قريت الخبر ..و انا بقول ربنا يحسن خاتمتنا اللهم اكفنا شر سوء الخاتمة يا رب ..
تحياتي اختى
( ولا تحسبن الله غافلا عما يعمل الظالمون إنما يؤخرهم ليوم تشخص فيه الأبصار )
تعرفي ياشموستنا
انا بشوف القذافي رحمه الله ازاي
بشوفه حاكم كان عايز يعمل حاجة كويسة لبلاده
لكن كان جاهل مش عارف يبداها ازاي
او منين
اكترحاجةعجبتني فيه
لما لقي جامعة الدول العربيه تحولت لشئ لابيصد ولابيرد
راح خالع منها ودخل في قصة الدول الافريقية
وبعدين لو فكرتي شوية
كان مرة في جامعة الدول قال كلمة
هي ضحكت كل الرؤساء اللي موجودين
لكن لما تفكري فيها تلاقيها
منطقية
قاللك نعمل دولة نسميها اسراطين
لما فكرت في معني كلامه
انه راجل بيتكلم من منطق الامر الواقع
ولو لاحظتي حتي الان ان الاخوةالفلسطينيون
لايملكون حتي الان نصف اراضيخهمهم
تاني حاجة
الطريقة اللي مات بيها
ليست طريقة مشرفة للثوار
وهذلا مااحزنني
كان دماااغ
الله يغفرله ويخفف عنه
ويجعله عبرة لأمثاله !!
أنا مستنية بفارغ الصبر البوست اللى بيتكلم عن الثوار ازاى بيتحولوا لطغاة
محتاجينه قوى طول حياتنا والأيام دى بالذات
تحياتى لحضرتك
شكلنا لما جبنا فى سيرت الراجل راح فى داهية
بعد العيد نعمل لقاء تانى ونجيب سيرة الباقيين
خلينا نخلص منهم بقى
بس تصدقى باللة أنا زعلت جدا من اللى حصل
لسببين الأساسى هأحتفظ بيه لنفسى
والتانى لإنى هأفتقد خطاباته
بجد كانت بتواسى الواحد فى محنته
مش قالوا اللى يشوف بلاوى الناس تهون عليه بلوته
أخبار التذاكر إيه ؟؟؟؟؟
هى دى نوعية الحكا العرب اللى ربنا بلانا بيهم
كراسى قاعدين على كراسى
القذافى ده بالذات حسيت انه عالم فى معمل و الشعب الليبى فيران تجارب
جرب فيهم كل نظرياته و لا نظرية نجحت
بس واضح ان الكرسى فى الدول العربية كرسى مريح نش ممكن الحكام يسيبه حتى و هو فى الحمام
انا كتبت سلسلة اسمها قابلت هؤلاء يا ريت تكتبى سلسلة زيها و يا ريت تبتدى بالجميل ابراهيم عبد الملاك و اوعدك انى احاول امشى معاكى على نفس المنوال يعنى انتى تكتبى شخصية و انا قصادها اكتب عن شخصية
تحياتى
انا الى الان بشوف صورته من بعيد لبعيد مش بحب ادقق ولا اشوف المنظر
سنة 2011 دى سنة المعجزاااات والعبر
يعنى لو كل واحد قعد مع نفسه كده وكتب هو استفاد ايه من 2011 هيلاقى انه استفاد كتييييييير
كل حاكم المفروض يتحط قدام عينيه صورة بن على ومبارك والذافى وقريباااااا بشار
لعل وعسى يتعظ ... كل مابيمر الوقت كل مالنهايه بتكون ابشع المفروض بشار يخاف ع نفسه :D :D
الله يرحمو بقا ..
و ما تعليقك بعد ما قتل اليوم على يد الثوار شمس ؟؟
مهما كان
الراجل ده برنس
ده مثلى الأعلى فى الكوميديا
يلا اهو ربنا اخذه بهبله بعبطه
وهنذكر محاسن موتانا ازاااااى؟
طيب اللى زى ده اجيب له محاسن منييييييييين؟ ده كله افعاله ذنوب الله يحرقه
يلا اهو مات هيحصل له ايه اكتر من كده :))
القصة دي من مناقب القذافي مش سيئاته:))
ياريت الموضوع وقف على السرقة والنهب كنا قلنا هينة وحسابه على الله وخلاص
لكن يقتل ويتجرأ على الله والرسول ويهرف بضلالات ويؤجر مرتزقة لقتل الناس ؟؟كتير :))
يانهار أبيض ..ايه الراجل الدماغ دا..
اصلا كان ممشي ليبيا بالبركة...
ياللا انتهي وانتهت أيامه..
*mrmr
:((((
فكرتيني بالسادات
:)))
ده كان مروقه واول من اكتشف جنانه
وكان طالق عليه مصطفي حسين واحمد رجب
:))))
لأ هو كان طاقق طاقق
*EMA
طبعا اللهم احسن خاتمتنا
اهو ده عاش بالطول والعرض
واخرته ايييييييه
من اعمالكم سلط عليكم
*haneen nidal
ربك بيمهل ولا يهمل
مش لاقى كلام الصراحة
بس انا متفق مع سواح فى ملك الله
مصراعيه
وجعمزتي؟
عارفه نكتة باهي باهي ما تعدلش؟
*سواح في ملك اللــــــــــــــــــه
اختلف معك يمكن علشان عاصرت بدايات القذافي في ليبيا
هو ماعملش اي شئ لنهضة ليبيا
هاتلي اي شاعر او اديب او فنان او حتي اي شخص مشهور ومتميز من ليبيا
لما جابوا ليبيا علي الفضائيات
حسيت برثاء للشعب الليبي
كل هذا البترول والاموال مع عدد قليل من البشر
ولسه الليبين يعيشون في البراكات
البراكه ماهي الا عشة من الصفيح
مع ان جو ليبيا لايسمح بهذه العيشة الفظيعة
شوف دول الخليج وشوف ليبيا ومع فارق المساحة والاموال
ليبيا اغني وموقعها ومساحتها اكبر
تصدق ان حتي شكل المدن لسه زي ماهو
هو لم يهتم الا بنفسه وجمع الاموال
والصرف علي الاهواء
النهاردة عرفت معلومة علي لسان احد قيادي المجلس الانتقالي علي قناة العربية
ان القذافي كان يعرض في ثلاجة موتي جثث 17 من خيرة سياسيين ليبين
لمدة 27 سنه شنقهم
ليكونوا عبرة لمن يحاول ان يثور
القذافي لما راح افريقيا مارحش علشان اي سبب غير انه يبقا ملك ملوك افريقيا بفلوسة
الافارقة فقراء اشتراهم بالمال حتي يعطوه مااراد ويضحكوا عليه
صدقني انا اسفة اني اقول ان القذافي
عر الامة العربية بمعني الكلمة
اما الطريقة اللي مات بيها دي هي اللي زعلتني
صحيح هو يستاهل الموت ضربا بالقبقاب زي شجرة الدر
لكن برضوا ماينفعش
اولا هو كده مات ومعاه اسرار كتير كان ممكن يقر بيها
مات ولم يحاكم ويكون عبره لمن عتبر
للموت حرمه
لم يحترموا هذه الحرمة
مهما عمل هناك رب وضع قوانين تحكم البشر
والرسول وصي بالاسير مهما كان
ربنا يستر علي ليبيا
*أع ـقل مـ ج ـنـونــة
ايوة كان دماااااغ
بس دماغ لاسع زي الطاسة لما تنسيها علي النار
:)
ازيك يا شموسة
انا سمعت القصة دى من الكواليس
ومينفعش أبدى أى اندهاش بقى ولا أعلق
بس هقول حاجة
شوفتها ملموسة من اول يوم ف الثورة ولحد النهاردة ...
السلطة نداهة
مغرية بشكل قاتل
بكل ما ف الكلمة من معنى
السلطة قاتلة للروح والأبداع والتواضع والمرونة والبساطة وميت الف حاجة جنبها ...وف سكتها
ولهذا الشىء الوحيد اللى لازم يكون نصب عين أى شخص يتحط ف موقع مسئولية ويبقى ف ايده السلطة انه يسأل روحه
عاوز منها ايه وهيحقق ايه وهيسيبها امتى ؟!!!
ازعم ان القذافى ومبارك وغيرهم
مفكرش بالشكل دا
و مش قادرة أحسن الظن وافكر انهم اكنوا ف الاول كويسين وعاوزين الخير لبلادهم ومكنوش ناويين يكملوا والكفن له جيوب ...
هما بيعتبروا ان بلادهم يعنى هم
ولهذا مظنش حد فيهم كان بيفكر ف مستقبل البلد
وانما بيفكر ف مستقبله هو فقط
هوه وولاده عشان ابقى منصفة ...
التاريخ بقاله الالاف السنين بيدينا دروس فى كيف يتحول المقاتلين الى طغاة بدون معلم ...
ومع ذلك محدش بيتعلم ...
عموما
خاتمته كانت كحياته
عاصفة ودموية
وربنا ينصر ليبيا و سوريا
و كل شعوبنا المستذلة
اللهم آميييين
حفيدة عرابي
تصدق كتبه كتير فيه
لكن اللي بيحصل دلوقتي مزعلني جدا
تحسي ان مصر بين ايدين لاعب عرائس عمال يلعبها
ربنا يقدرني واكتبهم
علشان هتكلم عن العراق واليمن وسوريا وليبيا وتونس والجزائر
وطبعا مصر
هتكلم عن الثوار اللي اطاحوا بملوك
وعملوا همه فيها اباطره
*الازهري
:)))))
ايوة احنا نعمل لقاء تدويني اخر
ونم عليهم من اولهم لخرهم
وربنا يكرمنا فيهم ونطلع عليهم طلعة واحدة
:))))
انا كمان ماعجبنيش للموت حرمه
لسه مااعرفش حاجة خالص
قالوا لي يوم الاتنين او التلات
ونقول يارب
*ابراهيم رزق
القذافي هو في زي القذافي
كان متعدد المواهب الصراحة
:)))
علي فكرة كتبت عن ابراهيم عبد الملاك مرتين وعن مصطفي حسين
وعن الشيخ المسير
وعن سعد روماني
وكتبت عن حماتي
وكتبت عن ام محمد اللي بتشتغل معايا من سنين طويلة وفي نفس الوقت فيلسوفة
:)))
ممكن اكمل بس لما ارجع بقا من الحج علشان حديث الذكريات ده بيحتاج نفسيه كده مخصوص وانا دماغي الان فيها مليون حاجة
علي فكرة انت مش مذاكر المدونة ياابراهيم
:)))))
*دعاء العطار
:)))
2011 عاملة فيها فونت
:)))
كل يوم تاريخ
كل يوم احداث تتكتب في موسوعاااااات
واعتقد ان الجبارين دول عمرهم ماهيتعظوا
*صبح
ربنا اعلم بيه
يعمل فيه اللي علي مرامه
*ريهام المرشدي
ماعجبنيش طبعا
علشان هو يعتبر اسير
والنبي اوصانا بالاسير خير
حتي لو كافر ومن الاعداء
كمان التشهير بالجثة ماعجبنيش
علشان للموت حرمه
وكمان قتله لن يفيد القضية بالعكس
هو كده مات وادفن معه كل الاسرار
كان المفروض يتحاكم ويتعدم ويبقا عبره عبر التاريخ
لكن نرجع ونقول
ان الثوار في الصحراء يعانون من 8 اشهر ومات احبابهم واقاربهم
بكل وحشية
احنا بنتكلم واحنا قاعدين نشرب نسكافيه ونكتب علي بلوجر
لكن ماحدش يعرف لو مكانهم هنعمل ايه
*VÖltaa
طبعااااااااا
بس ربنا مابيقطعش بينا
عوضنا بتوفيق عكاشة
:))
*عاشقه الرومانسيه
ايوة مالوش حل
مش لاقية له اي حاجة اقولها
عزل الليبين عن الوطن العربي
وكمان نهب ثرواته
اهو بيحاسب الان ربنا اعلم بيه
*تامر علي
مافيش حد عمل عملته
قالك نشيل من القران السور الخاصة بايام الرسول دي خلاص مالهاش لازمة
والاحاديث (شنو عرفنا ان هادي الاحاديث من الرسول انصدقوا هيكا وخلاص)
ومنع الاحاديث
كان لاسع لسعان مالوش حل
:))))
*ياسمين
ماكنش مشيهم بالبركة
ده كان ممشيهم
باللعنة
ارتاحوا منه الحمد لله
*Ramy
:)))
مادام متفق مع سواح بقا اقرا ردي عليه
:)))))
*مصري جدا
مصرعيه
وجعمزوا
بلاغة يامتر
ضليعة في اللغة العربية
لأ مااعرفش نكتة باهي دي
؟؟
معلش انا بحاول اذاكر انتى عارفة انى تلميذ خايب انا بحاول
على فكرة انا هدور على الشيخ المسير لانه كان ساكن فى شارعنا هدور انتى كاتبه عنه ايه يا ريت تعيدى اللى انتى كتباه و فى الاعادة افادة
تحياتى
*فاتيما
الله يسلمك
ويبارك في عمرك ياجميلة
:))
لسه ازهري كاتب تعليق ان زي ماكنت قاعدة بحكي عن القذافي
وبنتكلم عنه
في اللقاء
نعمل لقاء تاني
نتكلم عن الباقي ونخلص منهم
:)))))
شوفي الانسان ان لم يقيد بقاونين محترمة تطبق علي الجميع
ودستور يقيد الحاكم
بتبقا سبهلله
زي دول العالم المتحضرة
واضعين دستور وبيغيروا الرؤسااااء
وماحدش منهم بيلصق كده في الكرسي
بس عندي امل اننا نقدر نعمل كده
وتبقا نهايته دي عبرة
لكل من تسول له نفسه ان يلصق في الكرسي
نورتي شمس النهار
:)))
*ابراهيم رزق
:)))
مين قال بس انك تلميذ خايب
ولادي لايمكن ابدا يكون فيهم حد خايب
:))
المسير له اثر كبير في حياتي وخصوصا بعد وفاة بابا
ربنا يعامله بما هو اهل له
تقبلي مروري
*Carmen
شوفي مش بحب ادخل بين العبد وربه
بس الحلال بين والحرام بين
واعتقد ان هذا الكائن اللي قتل الشعب ونهب ثرواته
وكمان بيحاربه بمسدس دهب!!
اعتقد ان اللي اهل له القصاص اللي ربنا امرنا بيه
ونرجع ونقول
ربنا ان شاء غفر وان شاء عذب
كان راجل لغز...بيجمع بين متناقضات رهيبة
الله يا بختك
دا انتى دخلتى التاريخ برؤيتك لفلتة زى القذافى
الا صحيح هو الزى فين ده ممكن تكسبى من وراه دهب فى سوق الانتيكات
هذه القصة تستحق ان يكون عنوانها ( من عجائب القذافى ) والحقيقة ان الرجل عندما وافق على عدم ارتداء الزى الليبى كان بيطلب التهليل والتكبير والتسبيح بحمده وقد حصل عليه ، المهم ان الأخوة فى ثورة ليبيا اندس بينهم بلطجية اكيد أمال يعنى تسمى ايه ان واحد مصاب وحى يتقتل فى السكة عربى السمان
*AHMED SAMIR
حاول ان يصنع من نفسه اسطورة
بس ماهموش الاسطورة دي تكون ايه
زي هتلر ويلعن في كل كتاب
ولا زي مينا موحد القطرين
*عرفة فاروق عبد لله
:))))
الزي غالي جدا طبعا
بس انا مش بحب احتفظ الا باللي هستخدمه
من ساعتها اعطيته لصديقة ليبية
:))
*العربى السمان
مااعتقدش ان كان في بلطجية ساعتها وسطهم
دول فعلا الثوار
ماتنساش انه مبهدلهم وساحلهم
من 43 سنة
وكمان بقالهم 8 شهور في الصحراء بيقاتلوا تحت ظروف صعبة
ماتقدرش تعرف نفسيتهم ساعتها
بس برضوا انا زعلانة
من التمثيل بالجثة
للموت حرمه
جايز رأئى يكون غريب شوية يا شمس
بس مهما كان هو ايه
الطريقة فى الانتقام كانت بشعة ومش مقبولة ابدا
متفقة مع رأئى سواح
كان لسه اعراض الهبل ماظهرتش عليه
*Ms Venus
ياريت تقري ردي علي سواح
وكمان ردي علي طريقة القبض عليه
انا كمان زعلت من الطريقة
للموت حرمة
بس الثوار كانوا في حالة نفسية مش حلوة
وبدعي ربنا مايتقلبوش علي بعض
*Tarkieb
كان ابتدي علي خفيف
وكان الف الجزء الاول من
الكتاب الاخضر
شمس حبيبتى
احنا بشر والبشر بيخطئ كتير
مابالك بالروساء
اكيد فيه سلبيات
انا مش مطعطفه معاه وجايز اكون ضده
بس زى ما قلتى اذكروا محاسن موتاكم
وحسابه عند الله
تصدقينى ما كنتش ارض بالاهانه دى لاى مسلم مهما عمل
ربنا هو الحكم العدل
تحياتى
*جيدا العزيزي
الانسان العادي يغلط ماش
لكن الرؤساء ماينفعش يغلطوا
زي الطبيب ان غلط تروح روح انسان
بغض النظر القذافي عمل ايه
لكن اللي اتعمل فيه لايمت للأسلام بشئ
والحمد لله المستشار عبد الجليل امر بالتحقيق في الواقعة
يعني كان جاي من غير حراسة و كمان قعد علي السلالم؟؟
امال ايه اللي غيره
اكيد ال42 سنه غيروه
دول ممكن يغيروا القرد
والله الراجل مكنش وحش
هو كان عايز يتعمله تعديل
بس احمدى ربنا انه ساعتها مقلش ازاى دة انا هطلعها عليكم دسك دسك وفصل فصل وسبورة سبورةةةةةةةةة
حلوة يا شموسه :):)
ان شاء الله متكنشي اخر زياره :)
شمس النهار..
الميزة اللي ذكرتيها عن انو كان يجي لحالوا سايق السيارة بدون حراس حلوة...
يمكن بالأول بيكون في نوع من الاطمئنان للشعب أو مكر مبدئي عشان يصيروا يحبوه ويقدروه..
أنا من قبل ما كنت بعرف شي عن القذافي وما بتابع السياسة..
لكن بعد ما ثارت ليبيا.. بجد توجعت كتير ع حالهم، وكرهت كتير القذافي وكل الرؤساء اللي بحبوا الكرسي وبتمنوا لو يكون قبرهم...
فعلا كان قبر القذافي كرسيه، والحمد لله انو مات..
بالنسبة للزي الرسمي، أكيد كان المفروض يعمل استبيان على الراغبين في لبس الزي، ويعمل اجراءات قبل تفصيل الزي، مش بس يضيع مال الشعب ع شي هما بالاخر رفضوه..
الله يصلح أحوال أمتنا يا رب
*ذو النون المصري
القذافي كان بيمشي في طرابلس زيه زي اي انسان عادي
وايه اللي غيره
الشعب اللي بيآله الزعماء
والسلطة والقوة والفلوس
اكبر مغير للنفوس حتي لو ملاك ماشي علي الارض
*rona ali
اهلا بيكي
ان شاء الله ماتكنش اخر زيارة
:))
هو ساعتها كان محبوب
وماكنش ظهر عليه اوي جنون العظمة
يادوب كان مألف الجزء الاول من الكتاب الاخضر
:))
*NOUR Kamal
لو بحثتي في حياة القذافي هتلاقيه عمل كتير
وحكاويه ونوادره كتير
ولسه الشعب الليبي هيبتدي يحكي
واجمل كلمة قلتيها ربنا يصلح حال الامة العربية
إرسال تعليق