الاثنين، 18 مارس 2013

المافيا كلاكيت تاني مره:)+تحديث

واضح ان التدوينه دي هيبقا التعليقات فيها اجمل من التدوينه نفسها:)
المدونةاسماء فتحي 
كتبت تعليق 
راااااائع
----------------------------------
ياجمااااااااعة اقرواتعليق ابراهيم رزق علي التدوينه اجدع من التدوينه نفسها
انا فطست من الضحك مش هرد عليه لحد ماتقروها
 -----------------------------------------
كتبت مره تدوينه عن المافيا
:)
واوووووم ايه 
وانا بأرد علي التعليقات
هووووووب 
المدونه طارت
مافيش مدونه
واتصلت بالمنقذ ازهري
وبعون الله 
قدر يرجعها تاني
المافيا زعلوا 
ولا ايييييييييييه
:)
المهم
يجعل كلامنا خفيف عليهم
عايزة اكرر تاني
حته مهمه من التدوينه
بهمس بيها في ودن الجماعه
الموضوع بيبتدي
 خييييييييييير
ويقلب شر
الله يرضي عليكم خالوا بالكم
خالوا بالكم
الكرسي وحش
السلطان وحش
والفلوس وحشه
والقوة غروره
والدنيا غروره
دي الحته اللي عايزة انشرها تاني من التدوينه القديمه
مع بعض الاضافات لزوم الواقع الان
--------------------
مين بقا المافيا دول
دول جماعات جميلة لطيفة 
(محظوره)
(منظمه جداااا فيما بينهم)
اتكونت في جزيرة صقلية
في القرن الثالث عشر
علشان اييييييييييييه
مقاومة الغزو الفرنسي
(واخدين بالكم خير اهو )
:)))
وبعد ماخلصوا عليهم تحولوا الي عصابات اسرية منتهي النظام والدقة
(وماحدش بيتجوز من بره لا ولد ولابنت)
وعلي فكرة مافيش حكومة علي الارض الا وتعاملت معاهم
وحتي حكومات امريكا تعاونت معاهم
صحيح غدرت بيهم بعد كده
بس همه بقا ماسكتوش جننوهم
وكمان اصلا اسر المافيا 
مسيطره علي مناطق كتير في امريكا
من اهمها نيويورك وشيكاغو ولاس فيجس 
واي حته فيها قمار
اللي عايز يقرا العجب عن المافيا ودورها علي مستوي العالم
يدخل اللينك ده  
بعد البحث والتنقيب
لاقيت ده ابسط بحث وملخص الحدوته كلها
-----
امضاء دونة شمس
:))

هناك 12 تعليقًا:

ابراهيم رزق يقول...

شمس الشموس

انا قصة المافيا فى امريكا
شاعدتها فى فيلم اسمع حدث فى امريكا من اربع اجزاء

اضافة لمعلوماتك

المافيا المصرية نشأت فولاية اسميعليكاغو على يد جون بنا
و اشتركت فى عدة عمليات اغتيالية
و تطورت المافيا و اساليبها
الى ان وصلت الحكم
و المافيا تتنوع اساليبها فاحيانا الزيت و السكر
و احيانا تصل الى القتل و ضرب النساء
و هى تحرم اكل الجبنة النستو و تعتقد ان لا ياكل لحم النستو الا المعفنين
و يتحركون كعشائر
و لها مقر حاليا فى ضاحية مقطيامى
و من ابرز قادتها حايا مستر اريان و بيل تاجى و خور شاطر و ان كانت لهم واجهة حاليا اسمها مور سى
دى معلومات عنها
و من يريد معلومات اكثر عليه بالدخول لهذا الموقع

http://www.ikhwanonline.com/

تحياتى




أسماء فتحي يقول...

بصي ياشموسة انا قرأت الموضوع الخاص بمافية مبارك وعلشان الموضوع قديم قولت اعلق عليه هنا لاني كنت قريت نص قبل كده في عصابة مبارك بيقول

علي بابا 2003
بلغني أيها السعيد ، ذو الرآي الرشيد أنه
في عصر من عصور الزمان ...
تفوقت شياطين الآنس والجان
وذهبت القيم والمباديء في خبر كان
تواجد في هذا العصر الخبيث الريس علي بابا الحديث
الذي تولى زعامة المغارة
وقسمها إلي غرف تسمى بالوزارة
وأختار من خيرة النصابين
مجلس مكون من اثنين وثلاثين
وأعطى لكل من المحتالين
هبرة كبيرة بالملايين
في شكل غرفة من المغارة
واتخذوا النصب حرفة وشطارة
وآختل ميزان الإقتصاد وأصبح غالي
فكان رئيس الغرف عاطفاً علي الأهالي
وراحت المحاصيل لكل والي
بيتخذ طريق النصب المثالي
فأصبح الذهب بملايين الالوف
واللعب والسحب علي المكشوف
والحق والقانون بالربابه
في عهد السيد عليّ بابا
واتهم الشرفاء والزاهدين
وضاعت حقوق المساهمين
حتى الغريب حتى الشريف
اتهم بتضييع الرغيف
وعين قائد لنشر الأخبار
من صفوت قواد التجار
أما عن مفتى الديار
فكان سيد الشطار
وتزوج علي بابا من مرجانا
التي تخفت في اسم سوزانا
وانجبت لنا من الخلفاء
ولي العهد رجل السياسة والدهاء
وصاحب المصباح السحري علاء
الذي تفوق علي العفريت بجدارة
مما أجبر العفريت علي الإستقالة
فقد شارك علاء المواطن الضعيف
في كل شيء حتى الرغيف
وهكذا ضاق بالشعب الحال
مع أن دوام الحال محال
فمتى يفيق الشعب المسكين
وتصبح كلمة الحق فوق رقاب الحاكمين
وكوكووووو مولاى
وادرك شهرذاد الصباح
فسكت عن الكلام الغير المباح .

أسفه على الإطالة
دى معايا من حوالي 10 سنين لقيتها مع مدرس العربي بتاعي في ثانوى وخدتها منه
الله يرحمه مات قبل مايشوف نهاية مبارك وبداية الأخوان اللي نهايتهم قربت


تحيـــــــــاتي
كانت هنا ورحلت
Asmaa Fathy

شمس النهار يقول...

مش ممكن ياابراهيم ضحكتني ضحك

:))
تعليقك اجدع من التدوينه نفسها

بس فعلا من قلبي بقول لهم لودامت لحد ماوصلتلهم

شمس النهار يقول...

لأ كده البوست بقا عال العال
دي جميله اوي

رحم الله مدرس العربي وتقبله في عباده الصالحين

شكرا ليكي ياجميله

well يقول...

الكرسى مش وحش
بس الانسان اللى مش مناسب على الكرسى بيكون وحش والكرسى وحش وكل حاجة وحشة الحاجة الحلوة بس هى الجماعات اللطيفة ..
..
تحياتى

مـجـنـووون يقول...

مش فاهم كلامك

لو صح ظني وبتتكلمي عن الاخوان المسلمين

يبقي لازم تقري التاريخ كويس

تقبلي مروري
مجنووون

الازهرى يقول...

اسمها

دونا شموسة
مش
دونه شموسة

أقول ايه بس
يا لضياع اللغة :))


أحلى ما فى البوست صراحة
اسمى اللى منور ده

شمس النهار يقول...

* well

الكرسي بيعطي القوة
والقوة والنفوذ بيضيعوا الانسان وخصوصا البطانه اللي حواليه
اكتر ناس بتستفيد وبتضيع الدنيا

شمس النهار يقول...

* مـجـنـووون

اهلا اهلا

مجنون عندنا يامرحبا يامرحبا

يارب تكون بخير يارب
شوف ياسيدي ملخص كلامي
ان الانسان اللي بيعمل الخير وبيقدم التضحيات
لو مااخدش باله وكان ايمانه قوي بالله
وبقضيته وهي عبادة الله واعمار الارض واقامة العدل والحق
وانساق مع السلطه والمال والجاه هيضيع ويتحول من مع الي ضد

استبينا :)
نورت شمس النهار

شمس النهار يقول...

*الازهري

:))
انت لسه فاكر تندب علي ضياع اللغه العربيه
المدونه دي مضيعاها من 5 سنين :)))
وبعدين دونا دي طلياني مش عربي
اوم اكتبها انا بقا دونه مش عيب خالص
:)))

مش كده تبقا مؤنث ولا ايه :))

فاكر اليوم ده قال ايه بيهاكو علي المدونة وانا قاعده برد علي التعليقات :)))

مـجـنـووون يقول...

استبينا

والله انا مستغرب من العقليات الي بتتكلم وبتعمل نفسها متعلمه وفهمه كل حاجه بس تلاقيهم مش فهمين اي حاجه في اي حاجه

ناس يا كذببين ويا منافقين يا مصلحجيه

بيبقوا شيفين الحق قدام عنيهم وفي نفس الوقت كانهم مش شيفين حاجه

والله احا زهقنا من الاعلام والناس في مصر

انا بقالي دلوقتي حوالي 4 سنين في السعودية وما اتفرج علي الاخبار الي والاقي نصايب ونفاق وكدب

ارحمونا يرحمكم الله

اسف علي الاطاله وطبعا انا بفضفض معاكي لاني بجد اتخنقت

تقبلي مروري
مجنووون

شمس النهار يقول...

* مـجـنـووون

شوف ربنا رايد شئ بعينه
والاحداث الان تتجه اليه
بس انا رغم كل اللي حاصل ده
والاعلام اللي عامل زي الست اللي جوزها طلقها وعماله تولول:))
هيجيلهم يوم ويسكتوا

رغم كل ده انا متفائله
ربنا قال ادخلوهاامنين يبقا مصر باذن الله هتفضل امنه
:)