الثلاثاء، 19 مارس، 2013

ابناء بلوجر الرائعين :)

كتير من 
زمااااااااان
كان نفسي الكاتب يطلع لي بره 
اكلمه
:)
لما كنت اقرا لنجيب او احسان وخصوصا عبد الحليم عبدالله
كان نفسي اكلمهم اناقشهم
كان بيبقا في حاجات مش عجباني اوحساها ناقصه او اوفر وخصوصا الكاتب عبد الحليم عبد الله 
كان الله يرحمه خميرة عكننه علي ابطاله 
:)
وليه لأ مش الناس دي بتكتب لينا 
ولا ايييييييييه ؟؟
واخيرا امنيتي اتحققت اهو
ومن هنا وجاي كام تدوينه كده علي حساب
كتابنا الرائعين اللي هيطلعوا لي بره
:)
انا مش ناقده ولا اديبه علشان انقد ماكتبوا
من الناحيه الحرفيه 
لكن انا هتكلم من واقع اني قارئه وهقول انا تفاعلت ازاي مع الكلمات والافكار
مش همه بيكتبوا للناس اهو اسمعوا راي الناس بقا
 :)
طبعا بهني ابناء بلوجر 
ابنائي شيرين ومصطقي والجيزاوي
عل كتبهم الرائعه
شرفتونا وشرفتم بلوجر بنجاحكم
وهكتب تلات تدوينات علي التلات كتاب
ربنا يبارك فيكم وفي موهبتكم
ومن نجاح لنجاح

هناك 30 تعليقًا:

ابراهيم رزق يقول...

شمس الشموس

نحن فى انتظار التدوينات

تحياتى

ظلالي البيضاء يقول...

شمس النهار ..
الفكرة رائعة أن الكاتب ينبغي أن يستمع لرأي قارئيه .. ويتعلم منها ويستفيد ..
ومن ذكرتهم يشاد لهم بالأعمال الطيبة ..
بانتظار تدويناتك ..
مع التحية الطيبة ..
أبو أسامة .

asmaa fathy يقول...

كان نفسي الكاتب يطلع لي بره
اكلمه

هههههههههههههه
دايما اسمع بعد جملة اطلعلي برة كلمة انفخه مش اكلمة هههههههههههههههههه

عموما في انتظار بوستاتك عنهم وفعلا اختارتي ثلاث كتاب من أهم كتاب بلوجر
مستنيه نفختك يووووووووووه ااقصد كلمتك هههههههههه

تحيـــــــــاتي
كانت هنا ورحلت
Asmaa Fathy

أمل حمدي يقول...

ألف مبرووك
ربنا يبارك لهم ويبارك فيهم يارب
وشكرا لقلبك الجميل يا شموسة بلوجر

د. إيمان يوسف يقول...

تسمحي لي اتطفل على مدونتك لأتابع حرفك وخصوصا ان اسلوبك الساخر جذبني كثيرا

انا صاحبة الرتوش :)
لكن بصراحة افتقد جرأتك الجميلة

تقديري لحرفك عزيزتي

شمس النهار يقول...

*ابراهيم رزق

انت كنت شاهد علي الواقعه همه اللي اهدوني الكتب :))
جابوه لنفسهم :))

شمس النهار يقول...

*ظلالي البيضاء

فعلا ياابو اسامه همه كتاب رائعين

واشخاص رائعين ايضا علي المستوي الشخصي:))

شمس النهار يقول...

* asmaa fathy

:))
انتي شكلك عايزة خناقه :))
لأ يطلع لي بره هنا احااااااوره
:)))

ويارب اعرف اتكلم عنهم كويس
ومهما قلت مش هوفيهم حقهم

شمس النهار يقول...

*امل حمدي

اموله الجميله
انتي الاطيب والاجمل
قلبك الطيب يبخليكي تشوفي الناس كلها زيك:)

شمس النهار يقول...

* د. إيمان يوسف

اهلا وسهلا بيكي نورتي المدونة
وبلوجر كمان
المدونة تحت امرك دي بيت العيله :)

وان شاء الله ارد علي التعليقات واخد تاكسي ابيض كمان واروح مدونتك اتعرف عليكي:)

Days and Nights يقول...

الأخت الغاليه والعزيزه / شمس

فى إنتظار روائعك

دائما ما أجد راحتى تحت ظلال ما تخطه

أناملك.

تحياتى لروحك الطيبه

دمتى بكل الحب

تامر

SHARKawi يقول...

كلامك صحيح تماما . وفي انتظار التدوينات . تقبلي تحياتي . لكي كامل احترامي وتقديري . لكي تشكراتي ودعواتي .

شمس النهار يقول...

* Days and Nights
اهلا بك

وشكرا علي كلامك الطيب
ومجاملتك اللطيفه

شمس النهار يقول...

* SHARKawi

ان شاء الله القصص تعجبكم
ومش هتنستنوا كتير

:))
نورتني

well يقول...

عارفة ياشمس انا عمرى مافكرت انى اكلم الكاتب كان تفكيرى حاجة تانية خالص وهى انى كنت بتمنى ان انا اللى اكون كاتب الشئ ده وكنت بحلل هو ازاى فكر فى الحاجة دى
حتى فى الشعر لو لقيت بيوت عجبانى بلووم نفسى ان انا مفكرتش فى الفكرة وكتبتها بنفس الطريقة قبل ما صاحبها الاصلى يقوم بعملها .. شوية تخاريف خفية
بس عجبتنى فكرتك ..
وتحياتى لشرين ومصطفى والجيزاوى وربنا يوفقهم
وفى انتظار التلات تدوينات

تحياتى

ريهام المرشدي يقول...

السلام عليكم
مستنين أهو ... أهو على أهبه الاستعداد :)

مصطفى سيف الدين يقول...

انا قاعد في الصف و مستني اهوه
و الشكر لحضرتك يا شموسة هانم

شمس النهار يقول...

* well

:(((
انابقاحاقده عليهم وبقر
اولا ربنا يباركلهم في موهبتهم موهوبين جداااااا بدرجة امتياز
ثانيا بيكتبواباللغه العربيه صح :))

الموهبه شئ ربنا بيخص بيه بعض الناس
زي الرسم والصوت الجميل ...الي اخره

بعد حقدنا عليهم انت وانا نتمني لهم التوفيق
:)))

شمس النهار يقول...

*ريهام المرشدي
وعليكم السلاااااااام ورحمة الله وبركاته

ماتقلقيش مش هتستني كتير
ان شاء الله بكره هنزل اول تدوينه
:))

شمس النهار يقول...

* مصطفى سيف الدين

:))
انت بالذات استناني بس
ده تدوينتك وش وضهر
:))
زي امتحانات التاريخ كده :))

re7ab.sale7 يقول...

يا مسا البنفسج علي شموسة
كل سنة وانت طيبة الاول يا ماما شمس
ويارب يكون عيد ام سعيد عليكي وعلي كل امهات بلوجر
البوست بقي :)
الحمد لله اني مش ف النقد ده انا خارج اللعبة هههههه
انا معاك بجد ف كلامك وبالذات ف ان محمد عبد الحليم عبد اله عكننة اووي بس سيبتي يوسف ادريس لمين ده مخللي الستات حاجة كدة مش عارفة اوصفها ان هما كل مشاكل الكون
ما علينا
المهم كل سنة وانت طيبة يا ماما

ذو النون المصري يقول...

كل عام و كل ام مصرية بخير
انا باسعد جدا لما الاقي مدونين خرجوا من الانترنت الي ميدان الطباعة الورقية
فعلا نجاح يستحق التكريم و الاشادة
تحياتي للجميع

Gamal Abu El-ezz يقول...

شمس النهار فكره جميله ومبتكره والنقد فى حد ذاته فن أكثر من كونه دراسه لأساليب وطرق النقد الأهم أن يكون النقد بناء
ومنتظرين أول كاتب سوف يتم إنتقاده
............؟



النسر المهاجر

زينة زيدان يقول...

جميل أن نناقش ما نقرأ ومن نقرأ لهم
وجود النقاش أو النقد بشكل عام هو أساس وجود الكاتب الجيد و الكتاب الجدير


حصل لي الشرف و قرأت كتاب شيرين
سأنتظر تدويناتك القادمة بشغف

نور الدين (محمد الجيزاوى) يقول...

فى انتظار رؤية حضرتك
لأنك دايماً بتشوفى وتكشفى جوانب مختلفة
وربنا ميحرمناش من دعمك ابداً

شمس النهار يقول...

* re7ab.sale7

ياصباح البنفسج ياست البنات

مش بحب الكاتب النكدي
:))
يمكن علشان انا من طبيعتي مش بحب النكد خالص:)

:))
كل سنه وانتي بالف خير وصحة وسعادة

شمس النهار يقول...

* ذو النون المصري

كل سنه وانتي بالف خير وصحة وسعادة

شئ يدعوا للفخر ان بلوجر بيتخرج منه كتاب رائعين

شمس النهار يقول...

* Gamal Abu El-ezz

:))
هو مش نقد اوي يعني:))
علشان بس مانخفوش الناس

هي وجهة نظر مش اكتر ومناقشه للكاتب
كان زمان بيتعمل ندوات لمناقشة الكتاب في كتبهم
وكانت بتقتصر علي النقاد
كان المفروض يبقا الاتنين القارئ والناقد

شمس النهار يقول...

* زينة زيدان

الحوار البناء

بيضيف للقارئ والكاتب

المهم انه يكون بناء مش هدام
:)

شمس النهار يقول...

* نور الدين (محمد الجيزاوى

:))
رؤي حته واحد يانور الدين:)
ربنا يكرمك

انا بس هقول راي
وده شئ يشرفني انك اهدتني الكتاب :)