الاثنين، 11 مارس 2013

اجدع بنت في بر مصر

سميره ابراهيم اجدع بنت في مصر بل في العالم
وعايزة اشكر ابوها اللي رباها كده
وكمان ماخافش من الفضيحه
ورفعوا قضيه مش علي اي حد
علي الجيش نفسه
وفضحوا الانتهاكات اللي اتعملت 
وكانوا السبب في ان مايتعملش كده تاني
حتي وان كان مااخدتش حقها
بس علي الاقل فضحتهم وخلتهم مايعملوش كده تاني
هنا بتضرب مثل اجمل
قالت للغوله عينك حمرا وحوله
رفضت تعتذر انها بتكره الصهيونيه
قوم اييييييييييه 
سحبوا منها الجائزة
مش زي ناس 
من بعد ماكانوا بيشتموا في امريكا والصهيونيه
صالحوهم وكمان بعتوا لهم باكينام علي انها نائب رئيس الوزراء:)
قال يعني احنا بنكرم المراه اهو
ونائب مش هنقعدها في البيت ونقبها
:))
ماعلينا 
شوفوا الفديو ده وشوفوا قد ايه البنت دي
مصريه صعيديه صوح

هناك 18 تعليقًا:

مصطفى سيف الدين يقول...

بنات الصعيد رجالة :)

ريهام المرشدي يقول...

للأسف مش عارفة أشوف الفيديو و لكن مقدرة أن بنت و صعيدية تحكي اللي أنتي قولتيه يا شمس ، ربنا معاها يا رب.

تامر علي يقول...

المشهد يستحق الكثير من التأمل ... هذه الناشطة لديها ماليس لدى غيرها لتعترف بنقص المعلومات التي يعاني منه الكثير ممن يتم سحبهم كالبقر لتحقيق مكاسب سياسية باستغلال جهلهم ... لذلك مثل هذه العينة يرجى منها الخير في المستقبل

شمس النهار يقول...

*مصطفي سيف الدين

رداله صوح والله :)

شمس النهار يقول...

*ريهام المرشدي

اهلا بيكي ياريهام يارب تكوني بخير اخر تدوينه عندك قلقتني عليكي

شمس النهار يقول...

*تامر علي

دي بنت مصريه صميمه

جدعه ومابتخافش

الناس دي بتديني الامل

رؤى عليوة يقول...

لسه بحمل الفيديو
لكن متوقعه انى هشوف حاجة تشفى غليلى وتقول اننا لسه بخير

اصل كتييييييييير بيحصل اننا نحس اننا بنطلع فى الروح ويجى حد يقولنا ده كان كابوس


دمت بخير

Days and Nights يقول...


الأخت الغاليه والعزيزه / شمس

سميره إبراهيم .. أسم من الصعب أن ننساه،وستبقى دائما مثالا لكل مصريه أصيله مناضله ، لا تخاف لومة لائم.

تحياتى لروحكم الطيبه

asmaa fathy يقول...

فعلا
لازم يكون اللي عايز يكرمنا ويتعامل معانا

يتعامل بمبادئناوشروطنا ومعتقداتنا أحنا ويقبلنا زى ما احنا كده بدون شروط وبدون استغلال لجوائزهم في الضغط علينا علشان نغير راي او معتقد ايا كان

عموما بوستاتك كالعادة مميزة

تحيـــــــــــاتي
كانت هنا ورحلت
Asmaa Fathy

شمس النهار يقول...

*رؤي عليوه

الحقيقه البنت من اول يوم مدهشه
انها تقدر تقاضي المجلس
وماتتكسفش انها تقول اللي حصلها هي وبنات كتير

دي روح قتاليه نفتقدها في كتير من بناتنا

شمس النهار يقول...

* Days and Nights

اللي انا مستغرباله حقيقي
ان في ناس بتهاجمها
ليه مش عارفه

شمس النهار يقول...

* asmaa fathy

مش همه مادوهاش الجايزة
بس من جواهم محترمنها اخر احترام
ده غير ان البنت دي خلدت اسمها واسم ابوها
ورفعت راس مصر ان مابنغضعش

ظلالي البيضاء يقول...

نسأل الله تعالى الخير لأبنائنا وبناتنا وأخواتنا وأمهاتنا .. ولبلادنا جميعها ..
الفيديو لم يتم تحميله لمشاكل فنية في جهازي ..
لكن الكلام يدل على المحتوى ..
دمت بألف خير .. مع التحية الطيبة ..
أبو أسامة .

Bent Men ElZman Da !! يقول...

نموذج تايه وسط زحمة المنافقين
ربنا يحميها :)

صاحب الحبر الأسْوَد يقول...

انا مش عارف ايه شغل العيال ده
جايزة الشجاعة ( بس مش شجاعة اوي يعني )

مع ان العيب في الأصل مش في امريكا ولا اسرائيل ولا غيرهم
العيب علي الأنظمة اللي مصممة تنقل للناس صورة ان كرامة المصري شبه معدومة ومن السهل الضغط عليه واهانته عادي

للاسف ماحدش عايز يفهم ان فيه كتير اوي وشوشهم مابتظهرش في الصورة المهينة اهون عليهم يدفنوا تحت الأرض ولا تتمس كرامتهم لحظة

موضوع شدني كالعادة
وخاصة اني ماشفتش اللقاء ده قبل كده بس تابعت الخبر

شكراً علي المشاركة
تحياتي لقلمك

لــــ زهــــــراء ــــولا يقول...

بنت مصرية بجد ... ربنا يعوض عليها خير ان شاء الله
♥ وحشتيني ياشموسة


لـــولا

Foxology يقول...

لو كل واحد اتكلم وكان من جواه الرغبة الحقيقية في التصحيح مكنش ده بأة الحال

تحياتي

faroukfahmy58 يقول...

شكرك واجب يا شمس على ما صوبتيه من نور شمسك على سميرة ابراهيم التى ستبقى دائما مثالا لكل مصرية اصيلة مناضلة