سميره ابراهيم اجدع بنت في مصر بل في العالم
وعايزة اشكر ابوها اللي رباها كده
وكمان ماخافش من الفضيحه
ورفعوا قضيه مش علي اي حد
علي الجيش نفسه
وفضحوا الانتهاكات اللي اتعملت
وكانوا السبب في ان مايتعملش كده تاني
حتي وان كان مااخدتش حقها
بس علي الاقل فضحتهم وخلتهم مايعملوش كده تاني
هنا بتضرب مثل اجمل
قالت للغوله عينك حمرا وحوله
رفضت تعتذر انها بتكره الصهيونيه
قوم اييييييييييه
سحبوا منها الجائزة
مش زي ناس
من بعد ماكانوا بيشتموا في امريكا والصهيونيه
صالحوهم وكمان بعتوا لهم باكينام علي انها نائب رئيس الوزراء:)
قال يعني احنا بنكرم المراه اهو
ونائب مش هنقعدها في البيت ونقبها
:))
ماعلينا
شوفوا الفديو ده وشوفوا قد ايه البنت دي
مصريه صعيديه صوح
هناك 18 تعليقًا:
بنات الصعيد رجالة :)
للأسف مش عارفة أشوف الفيديو و لكن مقدرة أن بنت و صعيدية تحكي اللي أنتي قولتيه يا شمس ، ربنا معاها يا رب.
المشهد يستحق الكثير من التأمل ... هذه الناشطة لديها ماليس لدى غيرها لتعترف بنقص المعلومات التي يعاني منه الكثير ممن يتم سحبهم كالبقر لتحقيق مكاسب سياسية باستغلال جهلهم ... لذلك مثل هذه العينة يرجى منها الخير في المستقبل
*مصطفي سيف الدين
رداله صوح والله :)
*ريهام المرشدي
اهلا بيكي ياريهام يارب تكوني بخير اخر تدوينه عندك قلقتني عليكي
*تامر علي
دي بنت مصريه صميمه
جدعه ومابتخافش
الناس دي بتديني الامل
لسه بحمل الفيديو
لكن متوقعه انى هشوف حاجة تشفى غليلى وتقول اننا لسه بخير
اصل كتييييييييير بيحصل اننا نحس اننا بنطلع فى الروح ويجى حد يقولنا ده كان كابوس
دمت بخير
الأخت الغاليه والعزيزه / شمس
سميره إبراهيم .. أسم من الصعب أن ننساه،وستبقى دائما مثالا لكل مصريه أصيله مناضله ، لا تخاف لومة لائم.
تحياتى لروحكم الطيبه
فعلا
لازم يكون اللي عايز يكرمنا ويتعامل معانا
يتعامل بمبادئناوشروطنا ومعتقداتنا أحنا ويقبلنا زى ما احنا كده بدون شروط وبدون استغلال لجوائزهم في الضغط علينا علشان نغير راي او معتقد ايا كان
عموما بوستاتك كالعادة مميزة
تحيـــــــــــاتي
كانت هنا ورحلت
Asmaa Fathy
*رؤي عليوه
الحقيقه البنت من اول يوم مدهشه
انها تقدر تقاضي المجلس
وماتتكسفش انها تقول اللي حصلها هي وبنات كتير
دي روح قتاليه نفتقدها في كتير من بناتنا
* Days and Nights
اللي انا مستغرباله حقيقي
ان في ناس بتهاجمها
ليه مش عارفه
* asmaa fathy
مش همه مادوهاش الجايزة
بس من جواهم محترمنها اخر احترام
ده غير ان البنت دي خلدت اسمها واسم ابوها
ورفعت راس مصر ان مابنغضعش
نسأل الله تعالى الخير لأبنائنا وبناتنا وأخواتنا وأمهاتنا .. ولبلادنا جميعها ..
الفيديو لم يتم تحميله لمشاكل فنية في جهازي ..
لكن الكلام يدل على المحتوى ..
دمت بألف خير .. مع التحية الطيبة ..
أبو أسامة .
نموذج تايه وسط زحمة المنافقين
ربنا يحميها :)
انا مش عارف ايه شغل العيال ده
جايزة الشجاعة ( بس مش شجاعة اوي يعني )
مع ان العيب في الأصل مش في امريكا ولا اسرائيل ولا غيرهم
العيب علي الأنظمة اللي مصممة تنقل للناس صورة ان كرامة المصري شبه معدومة ومن السهل الضغط عليه واهانته عادي
للاسف ماحدش عايز يفهم ان فيه كتير اوي وشوشهم مابتظهرش في الصورة المهينة اهون عليهم يدفنوا تحت الأرض ولا تتمس كرامتهم لحظة
موضوع شدني كالعادة
وخاصة اني ماشفتش اللقاء ده قبل كده بس تابعت الخبر
شكراً علي المشاركة
تحياتي لقلمك
بنت مصرية بجد ... ربنا يعوض عليها خير ان شاء الله
♥ وحشتيني ياشموسة
لـــولا
لو كل واحد اتكلم وكان من جواه الرغبة الحقيقية في التصحيح مكنش ده بأة الحال
تحياتي
شكرك واجب يا شمس على ما صوبتيه من نور شمسك على سميرة ابراهيم التى ستبقى دائما مثالا لكل مصرية اصيلة مناضلة
إرسال تعليق