الأحد، 5 مايو 2013

احساس رهيب

كنا في انتظار استلام تقرير
 في استقبال مستشفي استثماري كبير 
وعلشان الناس ماتزهقش من الانتظار  
مشغلين تليفزيون علي قناة اغاني 
وكان في اغنيه اول مرة اسمعها 
واتضح انها قديمة حبتين تلاته 
مش ده المهم المهم كلمات الاغنيه رهيبه 
ايه ده شعور غريب اوي اللي بتتكلم عليه الاغنيه 
ده انا كده لو مش عيانه خلاص عييت ياجماعه 
بجد المغني صعب عليا الكلمات واللحن غم
شعور صعب ومميت انك تحب وتعطي وتتعذب وترجع حزين وماحدش حاسس بيك
مافيش ذوق خالص كل اللي قاعدين يامرضي يااهلهم مستنين يعرفوا حبايبهم عندهم ايه
نقوم نشغل لهم الفراق والموت تصدقوا لحد دلوقتي مش مصدقه
ولما قلت للممرضه اللي علي الكاونتر يابنتي اقلبي الاغنيه دي قالت لي دلوقتي تخلص
قلت لها بعد ماتكون خلصت علي اللي قاعدين
ولا حول ولا قوة الابالله 
يابنتي لكل مقام مقال
مابقاش في ذوق خاااااالص
الناس مشاعرها اندهست 

هناك 14 تعليقًا:

سواح في ملك اللــــــــــــــــــه- يقول...

ياشموسة

الانحطاط في كل مجالات الحياة بقت سمة رئيسية

واختفي الذوق والرقي

تحيتي

tarek momen يقول...

ده حال البلد كلها

النسر المهاجر يقول...

شمس النهار

على فكره مش المشاعر الى إندهست إنما الاخلاق الى إندثرت
مفروض المستشفى لتخفيف الأم المعنوية والنفسيه ايضا ولكن ده بقا حال كل حاجه فى مجتمعنا

دا غير مستوى الاغانى الى بقى هاااااااابط جدا جدا جدا وكلماتها التى تخطت الأداب والذوق بمراحل كبيره لدرجة إن ألفاظ كتير تخدش الحياء العام بقت مطلع لاغانى فرق بتظهر وتختفى فى نفس الوقت من ركاكة كلمات الاغانى دى بعكس الأغانى المحترمه الى عايشه فى قلبنا من الخمسينات والستينات والى أنا محضرتش مطربيها الا إنى بحب أغانيهم جدا

رحاب صالح يقول...

الادهي بقي إية
اني اكون ف كافية الاقي اغاني هابطة
تخللي كل اللي قاعدين يعملوا بلاوي
وانا ابقي صعبانة عليا
اقصد يعني صعبان عليا نفسي و والي بيحصل ادامي
بجد دي حاجة تغيظ وتغم

ابراهيم رزق يقول...

الاحساس نعمة

للاسف الغالبية تفتقد اللياقة فى التصرفات

مصطفى سيف الدين يقول...

هو حضرتك فاهمة ان لسه في ناس بتركز في كلمات الأغاني؟
اللي بياخد باله من الكلمات و يستطعمها بقوا فئة نادرة

شمس النهار يقول...

* سواح في ملك اللــــــــــــــــــه

للأسف كلامك صح الصح

وندعوا الله ان كل الحاجات الجميلة ترجع تاني

شمس النهار يقول...

* tarek momen

ندعواالله ان الحال يتغير

شمس النهار يقول...

* Gamal Abu El-ezz

تقدر تقول بقا في تلوث في كل حاجة تقريبا

بس الموقف ده كان غريب جداااا
دي مستشفي مش كافيه

شمس النهار يقول...

* re7ab.sale7

مابقاش في حياء

بقا قلة الحياء هي سيد الموقف

شمس النهار يقول...

* ابراهيم رزق

ده اكيد ان الاحساس نعمة فعلا

وكتير من الناس مابقاش عندهم

شمس النهار يقول...

*مصطفي سيف الدين

يعني كمان الناس مابتسمعش الكلمات

بتسمع اللحن بس:))

طيب طمنتني ده انا كنت خايفة علي مشاعر الناس اللي قاعدة :)

Foxology يقول...

يعني ايه احساس أصلاً ؟؟؟

تحياتي

شمس النهار يقول...

* Foxology
ضحكتني علي الصبح ياباشمهندس:)
عندك حق في ناس ماتعرفش معني الكلمة ولا هي ايه