في استقبال مستشفي استثماري كبير
وعلشان الناس ماتزهقش من الانتظار
مشغلين تليفزيون علي قناة اغاني
وكان في اغنيه اول مرة اسمعها
واتضح انها قديمة حبتين تلاته
مش ده المهم المهم كلمات الاغنيه رهيبه
ايه ده شعور غريب اوي اللي بتتكلم عليه الاغنيه
ده انا كده لو مش عيانه خلاص عييت ياجماعه
بجد المغني صعب عليا الكلمات واللحن غم
شعور صعب ومميت انك تحب وتعطي وتتعذب وترجع حزين وماحدش حاسس بيك
مافيش ذوق خالص كل اللي قاعدين يامرضي يااهلهم مستنين يعرفوا حبايبهم عندهم ايه
نقوم نشغل لهم الفراق والموت تصدقوا لحد دلوقتي مش مصدقه
ولما قلت للممرضه اللي علي الكاونتر يابنتي اقلبي الاغنيه دي قالت لي دلوقتي تخلص
قلت لها بعد ماتكون خلصت علي اللي قاعدين
ولا حول ولا قوة الابالله
يابنتي لكل مقام مقال
مابقاش في ذوق خاااااالص
الناس مشاعرها اندهست
هناك 14 تعليقًا:
ياشموسة
الانحطاط في كل مجالات الحياة بقت سمة رئيسية
واختفي الذوق والرقي
تحيتي
ده حال البلد كلها
شمس النهار
على فكره مش المشاعر الى إندهست إنما الاخلاق الى إندثرت
مفروض المستشفى لتخفيف الأم المعنوية والنفسيه ايضا ولكن ده بقا حال كل حاجه فى مجتمعنا
دا غير مستوى الاغانى الى بقى هاااااااابط جدا جدا جدا وكلماتها التى تخطت الأداب والذوق بمراحل كبيره لدرجة إن ألفاظ كتير تخدش الحياء العام بقت مطلع لاغانى فرق بتظهر وتختفى فى نفس الوقت من ركاكة كلمات الاغانى دى بعكس الأغانى المحترمه الى عايشه فى قلبنا من الخمسينات والستينات والى أنا محضرتش مطربيها الا إنى بحب أغانيهم جدا
الادهي بقي إية
اني اكون ف كافية الاقي اغاني هابطة
تخللي كل اللي قاعدين يعملوا بلاوي
وانا ابقي صعبانة عليا
اقصد يعني صعبان عليا نفسي و والي بيحصل ادامي
بجد دي حاجة تغيظ وتغم
الاحساس نعمة
للاسف الغالبية تفتقد اللياقة فى التصرفات
هو حضرتك فاهمة ان لسه في ناس بتركز في كلمات الأغاني؟
اللي بياخد باله من الكلمات و يستطعمها بقوا فئة نادرة
* سواح في ملك اللــــــــــــــــــه
للأسف كلامك صح الصح
وندعوا الله ان كل الحاجات الجميلة ترجع تاني
* tarek momen
ندعواالله ان الحال يتغير
* Gamal Abu El-ezz
تقدر تقول بقا في تلوث في كل حاجة تقريبا
بس الموقف ده كان غريب جداااا
دي مستشفي مش كافيه
* re7ab.sale7
مابقاش في حياء
بقا قلة الحياء هي سيد الموقف
* ابراهيم رزق
ده اكيد ان الاحساس نعمة فعلا
وكتير من الناس مابقاش عندهم
*مصطفي سيف الدين
يعني كمان الناس مابتسمعش الكلمات
بتسمع اللحن بس:))
طيب طمنتني ده انا كنت خايفة علي مشاعر الناس اللي قاعدة :)
يعني ايه احساس أصلاً ؟؟؟
تحياتي
* Foxology
ضحكتني علي الصبح ياباشمهندس:)
عندك حق في ناس ماتعرفش معني الكلمة ولا هي ايه
إرسال تعليق