الثلاثاء، 2 يوليو، 2013

امريكا والجزمة

انتوا عارفين اني مش بحب التجاوز في الحوار 
بس بجد امريكا كده افورتها معانا اوي
فا مالقتش غير الجزمة ابعتهالهم
ياادارة ياامريكيه ياللي انتي صهيونيه اصلا
لمواااااااا
نفسكم احسن لكم
ومالكوش دعوة بينا
احنا شعب بنقرر مصيرنا مع بعضينا انتوا بتحشروا نفسكم ليييييييييييه
والماعونة دي بتاعة اتفاق كامب ديفيد 
مش عايزنها انتوا هتزلونا بيها 
لو ماعملتوش هنقطعها ياعم اقطعها يقطعوا كلكم
والحيزبون الشمطاء الست السفيرة ياريت تلمي نفسك
لا تكلي علقة اخت العلقة اللي اخدتها شجرة الدر 
بالقبقاااااب
واحب اقولك انتي شخص كريه وغير مرغوب فيكي اصلا
هنا في مصر
ومصر حرة مش هيحكمها عرة
اجري اجتمعي بقا بالجماعة 
واخبطوا انتوا الاتنين دماغكم في انشف حيط
والتعليقات مفتوحة علشان تاخدوا راحتكم علي الامريكان

هناك 7 تعليقات:

شيرين سامي يقول...

هههههههههههههههه
إتغيرتي يا شموسه
صحيح الثورات بتغير
بس ليدي حتى و إنتي بتهزأيهم :)
عامة مش أمريكا بس اللي تستاهل الجزمة و اللي سمحلها بكل التدخلات دي كمان يستاهل أكتر.
بس أنا مباقتش قلقانه زي الأول :)

وحشتيني كل يوم أقول أكلمك
و الأيام بتمر هواااا
بس قريب بإذن الله أطمّن عليكي :)

اندروميدا يقول...

ايه ده !! ... التعليقات مفتوحة .. أحمد ك يارب :)) ... ازي حضرتك يا فندم ... يارب تكوني بخير وبصحة .

اما بخصوص امريكا ... فأعتقد ان حذاء واحد لايكفي .. علي الاقل كان نفع مع بوش السفاح... ولكني اظن ... ان احذية كل من يقف في الميادين ... تكفي جدا ... ولتذهب امريكا الي الجحيم هي ومن معها ... فقد فعلتها من قبل مع ناصر في بناء السد .. ومن بعده انحيازها الدائم لابنتها المدللة ... في كل قرارات الامم المتحدة ... فذلك ليس بغريب عنها ابدا ... ولكن لا لوم عليها ... وبعض من ابناء وطننا .. يستعين ويرضخ لهم ... فجماعة الشياطين تستقوي بالشيطان الأعظم :)) ... ولكن الله معنا .. فالحق دائما فوق القوة .

اخيرا ... كل سنة وحضرتك طيبة ... ومصر بكره احلي بإذن الله .

تحياتي

الازهرى يقول...

انتصرنا :)

Bent Men ElZman Da !! يقول...

هي امريكا كده
حاشره مناخيرها في كل حاجه

مبروك يا أحلي شمس :)

شمس النهار يقول...

*شيرين سامي

اهلا اهلا ياشيرين
:)
ايوة امريكا طلعتني عن شعوري:)

انتي كمان وحشتيني جداااا
مستنه تليفونك :)

شمس النهار يقول...

*اندروميدا

ايوة فتحت التعليقات علشان تشتموا امريكا براحتكم :)

انا الحمد لله بخير
يارب تكون بخير وسعادة

امريكا العجوز الشمطاء بتدخل مناخرها في كل اللي مالهاش فيه

المهم اننا عملنا اللي احنا عايزينه :)
كل سنة وانت طيب وبخير وصحة وسعادة

شمس النهار يقول...

* Bent Men ElZman Da !!
الله يبارك فيكي
:)
امريكا تخبط دماغها في الحيطة اللي تعجبها

:)
والحمد لله الشعب عمل اللي هو عايزة
وربنا يعديها علي خير

كل سنة وانتي طيبة:)