الأحد، 28 يوليو، 2013

الاخوان + تحديث هااااااااااام

تحديث : اديني عرفتك والحمد لله ماطلعتش من اصحابي المدونين كنت اتصدمت صدمة عمري 
وكمان لاغيتلك غير معرف راجل بقا ادخل وقول انت مين
عايز تشتم اشتم بس باسمك الحقيقي
=======
البهوات بتوع الاخوان 
اللي بيشتموا من وراء غير معرف 
علشان ماعندهمش الشجاعة يقولوا همه مين 
علشان اخدوا علي حياة الخفافيش في الظلام
احب اهديهم الصورة السلمية دي

بقا ده تظاهر سلمي
بقا لو المنظر ده في اي بلد في العالم
كانوا سابوه
ده لو فرنسا ولا المنيا كانوا اتسحلوا 
ولا حد في العالم كان قدر يفتح بقه
عايزين تقتلوا وتخربوا في البلد والدولة تطبطب عليكم
ابلغ رد علي حجمكم الان
هو الملاين اللي خرجت في شوارع مصر 
تقول لكم حلوا عننا بقا
ياجيش ياشرطة خلصونا
لو كان اللي بتعملوه ده لوجه الله 
وربنا كان الكل مشي وراكم
لكن انتم قلة مغميه عينيها بتدافعوا عن سلطان وكرسي 
ياريت تعقلوا وتلموا نفسكم 
هو الاسلام بيقول اقتلوا النفس التي حرم الله الا بالحق
ولو رجاله اوي كده 
ماتسيبوا النساء والاطفال يروحوا 
متحامين فيهم ليه
خايفين 
مش الايمان بيقوي القلب 
بتتحاموا في النساء ليه
مش كان الست تلزم بيتها ومالهاش دعوا بالمظاهرات
دلوقتي علشان المصلحة بقا لازم الست تنزل
عييييييييييييييييييييييييييب 
عليكم وعلي دقونكم
اللي علي حق وعايز يواجه يواجه من غير مايتحمي في النساء
ده حتي مش من الجدعنه ده لما بتحصل خناقة في الشارع وبيكون في حريم المصري مابيحبش يتخانق ومعاه حريم
هقول ايه كفاية ان قياداتكم بتدخل وتخرج من رابعة بلبس الحريم
واللي يقولك بتوع التحرير ماحدش عمل معاهم كده ليه 
ايه ده 
انت بتقارن اللي انت بتعمله ببتوع التحرير
اللي قعدوا علي قد ماقعدوا كان الميدان نظيف
 و 
ماجوش جنب مدخل عمارة ولا قربوا من السكان 
انتوا لو كنتوا في التحرير كان زمانكم مستولين علي مجمع التحرير والجامعة الامريكية 
:) 
ده السكان كانوا بينزلوا يدوهم اكل 
انتوا بقا ماشاء الله عندكم تمويل وعاملين مطابخ 
ومستولين علي مدرسة وعملنها زريبة للبهايم اللي بتدبحوها علشان تأكلوا الناس الغلابة اللي مقعدنهم غصب عنهم
وبتدوهم فلوس وعلي الله حد يقول لي ماحصلش بتاعة الجرجير هناك بتاكل وتشرب وبتاخد فلوس ولما ينفض الاعتصام 
والناس دي تخرج هنسمع العجب العجاب
والفلوس اللي بتتصرف
ومين اللي بيصرف علي ده كله الله اعلم 
ان شاء الله 
حق كل واحد قتلتوه او كنتوا السبب في موته 
هيطلع من قيادتكم وهتفرج عليكم يوم القيامة 
وانتوا شايلين اوزاركم واوزارهم
وكفايه كده روعتوا الناس في رابعة وبهدلتوا الشوارع
واحنا في شهر كريم
المفروض نتفرغ فيه للعبادة
ان شاء الله مرسي مش راجع
انسوااااااااااا
ده خيال علمي انه يرجع
كل شوية تدونا معاد ومايرجعش
ايه حتي مش عارفين تدونا معاد صح ولا ايه
وامريكا اللي بتستقوا بيها خلاص قالت لكم باي
ده اللي انتوا عاملينه ده كان عندهم كان زمانكم كلكم بقياداتكم  بسلطاتكم مشرفين في التلاجة
و الاول قلتوا هتسحقونا في 30 يونيو 
والزمر القاتل هددنا
وبعد كده لما مرسي انكرش من الرياسة
اديتونا اكتر من معاد اخرهم امبارح
صفوت حجازي بتاع الفنانين وقضية احمد الفيشاوي
قالك مرسي هيبقا بينا السبت العصر واحنا اهو الاحد العصر
لعل التأخير خير 
انا ماكنتش عايزة اتكلم في المواضيع دي
لأنها مواضيع موجعه ان ده بيحصل في مصر ام الدنيا
ولأن مرسي كاشخص اقل بكتير 
ان شباب من الاخوان او من غير الاخوان 
يموتوا علشانه
وماحدش يقول لي الشرعية
علشان هقوله ده كلام اهبل لا مؤخزة
لا جيش طايقه ولا طايقكم ولا اعلام ولا شرطة 
ولا قضاء 
والاهم
الاغلبية العظمي من الشعب مش عايزاكم
فاضل ايه ومين
هيرجع يحكم مين ان شاء الله
افيقوا يرحمكم الله قبل فوات الاوان
====
ملحوظة : لغير معرف اللي عامل نفسه بتاع ربنا وعارف دينه كويس
مااسمهاش العزة بالاسم :)
اسمها العزة بالاثم
وشكرا علي الحسنات اللي اديتهاني بالشتيمة بتاعتك لي
:)
والحمد لله قلت كل اللي في نفسي من غير مااشتم حد
المسلم من سلم المسلمون من لسانه ويده
قلت حقائق :)
ولو كنت فظا غليظ القلب لأنفضوا من حولك

هناك 11 تعليقًا:

ابراهيم رزق يقول...

شمس الشموس

الامام الشافعى بيقول
حـسبي بعلمي إن نـفــع ..
ما الــذل إلا في الطمــع !
من راقـب الله رجــــع ..
ما طــار طير وارتفــع
إلا كـما طـار وقــــع !

هما الطمع عماهم و فى سبيل الكرسى هيبذلوا كل نفيس و كل دم برىء مش بتاعهم
فهم طبقة النبلاء
اما العبيد فدمائهم بوجبة و حفتة جنيهات

تحياتى

Bent Men ElZman Da !! يقول...


والله جايبة من الأخر

الموضوع مابقاش مرسي ولا كرسي
الموضوع بقي خراب ودمار وطمع وبس !
مش قادرين يشوفوا إنهم خربوا البلد
مانفعش مرسي الأول
قالوا نتنقل إنهم عايزين يدمروا الأسلام


ماعتقدش في كلام يتقال بعد كلامك
غير حسبي الله ونعم الوكيل

فافى يقول...

شموسه:
هاقول ايه بس كلامك صح 100%
انا لله وانا اليه راجعون اللهم اجرنا فى مصيبتنا واخلف لنا خيرا منها
وبخصوص الشتيمه عادى ومين مننا كمدونين ضد الاخوان محدش دخل طلع عليه عقدوه وقل ادبه؟!

فافى يقول...

شموسه :
هاقول ايه بس ؟!
كلامك صح 100%
ومين مننا متشتمش من الاخوان ودخل حد على البلوج بتاعته وطلع عليه عقده ؟
انا لله وانا اليه راجعون اللهم اجرنا فى مصيبتنا واخلف لنا خيرا منها

شمس النهار يقول...

* ابراهيم رزق
الست بتاعة الجرجير اللي علي ناصية شارعنا جارتي شافت بنتها بتقول لها والدتك فين يارب تكون بخير
قالت لها في اعتصام رابعة قاعدة واكله شاربه واخده فلوس
:))

شمس النهار يقول...

* Bent Men ElZman Da !!

قريبي واصحابي في رابعة
ضجوا خلاص
مسجونين في بيوتهم
مش معقول
دول لو في اي بلد كان زمانهم كانوا اتسحلوا

شمس النهار يقول...

* فافي

ان شاء الله خير

نختلف ماشي
لكن نشتم ليه
الانسان اللي يشتم بيبقا قليل الحيلة والمنطق وماعندوش حجه

tarek momen يقول...

انت فاتحة التعليقات ليه؟؟كل اللي نتفوليه مش مقنع لي هابقي اشرح لك بعدين

مصطفى سيف الدين يقول...

هي دي شغلانة غير معرف في الحياة
و ميعرفش يعمل غيرها
و بعدين ده صراع على السلطة من الدرجة الأولى و حرب سياسية
البعض بيديلها اكبر من حجمها و بيتكلموا عن انسانية البشر الغير متهاطفين مع اللي ماتوا
امبارح كنت بقول ان الليلة ممكن تكون ليلة القدر و مش هيفوز بيها مشاحن متخلوش مواقفكم السياسية تضيعها عليكم و نقوا صدوركم من المشاحنات
مدون دخل قاللي كلمة " سياسة" تسطيح للمشكلة و هي اعمق من كده
القضية دلوقت في قتلانا و قتلاهم
يعني الا ما شفت حد فيهم نعى الخمسين اللي استشهدوا في سيناء رغم انهم قتلوا اثناء القيام بواجبهم
بصراحة الشعب المصري حاليا بقى عنده شيزوفيرنيا

شمس النهار يقول...

* tarek momen

:))

اهلا بك ياحاج
الحقيقة ياحاج مش مهم انها تبقا مقنعة ليك ليه ؟؟
المدونة مدونتي اكتب فيها قناعاتي
انا مش انت :))))
ايه ياحاج هتحجر علي راي ولا ايييييييييييييه :)))
قلبك ابيض ياحاج

شمس النهار يقول...

* مصطفي سيف الدين
عارف ليه صديقة في العريش من عائلة المغربي هناك
كل يوم بطمن عليها بيتها جمب قسم تان العرش
بتقولي احنا عايشين في رعب اكتر من ايام الاحتلال
الجنود اللي ماتوا لازم يتعملهم حملة اهلاميه مع اهاليهم وناسهم بس الشؤن المعنوية بتمنع ده علشان باقي الظباط والجنود مايحبطوش او يتهزوا