صباح الخير
النهاردة عيد الحب المصري
يارب
المتخاصمين يتصلحوا
المتفرقين يرجعوا لبعض
والغايبين يرجعوا
ويارب
اللي قلبه مكسور مجروح
ربنا يطبطب عليه ويرتاح
يارب المقهور في حبه ربنا يفك قهرته
ويحرر روحه المحبوسة ويرده لحبيبه
يارب كل اللي بيحبوا بعض بأخلاص يتوفقوا
*******
الاناء ينضح بما فيه
كيف ينطق اللسان بكلمات الحب الرقيقة وهو كسير جريح محروم
كيف تهيم الروح فرحة
وهي لديك حبيسة لاتستطيع الفرار
ولا تستطيع ان تهدء بين جنبات ضلوعك
*******
من نبل العاشق الجريح ان ينزوي بعيدا
لكن قليل من يفهم هدا الفعل الكريم
********
من كتر ما القلب موجوع
بطل يقول اه
*****
خلصنا ولوله وندب علي الحب الضائع
:)))
نشوف بقا ايه اللي حاصل حوالينا
تحت اي بند ولا سبب ولا اي شئ
ممكن اتقبل ان يقوم بعض انصار اي حاجة في اي حاجة
ان يخربوا في مصر
وخصوصا جامعة الازهر
الازهر ده مش ملك حد
الا مصر
ولا المباني طرف في اي نزاع
تزول الاشخاص والجماعات ويبقا الازهر شامخ منارة
حزيييييينة
ان يكتب التاريخ ان جماعة الاخوان تدمر الجامع الازهر
********
يعني انتوا مالقيتوش غير النهاردة تعملوا فيه المحاكمة
الدنيا نيام نيام ومحلات كتير كانت مستنية النهاردة ترفع مبيعاتها ياخلق هو ياللي فوق ياريت تطلوا وتحسوا باللي تحت
*****
باسم يوسف
انا شوفت الحلقة
صحيح انا مش من الناس المتبعاه اوي
بس الكام حلقة اللي شوفتهم له
مايفرقوش عن الحلقة دي
وهو نفسه بيعترف في بداية الحلقة انها تحمل حاجات مش قد كده
ايه بقا اللي حصل
؟؟؟
اي حد يقول انه فاهم اي حاجة في اي حاجة في البلد دي يبقا بيهرج
رجعنا مش عارفين مش فاهمين
والجديد بقا
متخانقين متفرقين
مقاطعين بعض
علي ايه علشان ايه
مش عارفة ومش فاهمة
حاجة
******
سؤال علي الماشي
:)
هو ايه علاقة الحب بالدباديب
وليه مش عصافير
؟؟؟
:))
حاجة
******
سؤال علي الماشي
:)
هو ايه علاقة الحب بالدباديب
وليه مش عصافير
؟؟؟
:))
هناك 16 تعليقًا:
كل سنه وانتى طيبه يا شموسه
ويارب كل السنين تبقى حلوه
طول ما انتى منوره الدنيا
كل سنة وأنتى طيبه
تعرفى أنا بايدك جدا فى حكاية العصافير بس لو كل سنى الهديه عصافير البيت هيبقى كله عصافير مع الأيام
ماعنديش فكره انا كمان بموضوع الدبابيب بس اعتقد ان الحب يا ورد طبيعى يا شيكولاته جالاكسى بالبندق
سمك لبن تمر هندي
دا حالنا دلوقتي
تحياتي
* romansy
وانت بالف خير وصحة وسعادة
ياااارب دايما منورني وانت يارومنسي فين قصيدة اليوم:)
* Gamal Abu El-ezz
وانت طيب وبألف خير وسعادة
لا تقلق الست المصرية هتعملهم بالفريك :))
*بسنت
ايوة الحب ورد وكلمة حلوة وود وتفاهم
بس شوكلاته دي حسب بقا
افرضي الحبيبة مابتحبش الشوكلاته:))
كل سنة وانتي طيبة
الحب الحقيقى هو إكسير الحياة
كل سنة وأنت طيبة وبخير وفى سعادة
* beautiful mind
ايوة بقينا زي الكابوريا ماشين بالوارب
*محمالجرايحي
اهلا بحضرتك
فعلا
بس الحب الحقيقي الصح اصبح ناااااادر
كل سنة وحضرتك طيب
علشان البنات بيحبوا الدباديب و مبيحبوش العصافير
كل سنة و انتي طيبة بمناسبة راس السنة الهجرية و عيد الحب
لا أقوم بالتعليق لموضوعاتك الجميلة كثيرا
لكن هذه المرة خارجة عن ارادتى
أعجبنى تلك الكلمة :
من نبل العاشق الجريح ان ينزوي بعيدا
لكن قليل من يفهم هدا الفعل الكريم
العزيزة شمس النهار
الحياة لاتعطينا كل ما نحب لكن من نحبهم حتما يعطونا كل الحياة . فقد يكسب الانسان حبا صادقا يعوضه ما خسرة فى حياته كلها . الحب شفاء ليس بلاء .. الحب شباب لا يعرف أبداً معنى الشيخوخة ..الحب كيان لا بد أن نسقيه لنحييه ولا بد أن نداويه لنشفيه ..
دعواتى للمحبين براحه القلب .
كل سنه وانت بالف صحه وسلامه وسعادة.
اما موضوع الدباديب انا افضل الورد والشوكولاته السادة !!!! .
اما موضوع باسم يوسف هذا اسفاف لايرقى لبرنامج يعرض على الملايين فى العالم عيب عيب عيب . وبعد كدة نتكلم عن الاخلاق والتربيه. الله يرحم الكوميديا الراقية . هو لازم ننقد ونضحك بقله ادب
*مصطفي سيف الدين
كل سنة وانت طيب يادكتور:)
خلاص دباديب دباديب ياقناوي مش هنزل لك كلمة :))
* hameed el shamey
للعشاق احوال لايفهما الا هم
اهلا بيك دائما:)
* Tarek Mageed
اواغفك الراي يادكتور في كل حرف كتبته
لكن
ان يكون هدا الحب حقيقي صح لا يظلم احد ولا يجور علي حق الاخرين
كله ود وتفاهم ووفاء
وده معني كلمة صح اي مكتمل الاركان :))))
كل سنة وحضرتك طيب وبخير :)
إرسال تعليق