الأحد، 17 نوفمبر 2013

كلماااااات

التدوينة دي 
اهداء لشيماء
ليييييييييييييه
؟
:)
شيماء علي الفيس اللدود هنااااك
كانت ناشرة اغنية كلمات
غناء الاخت المناضلة
ماجدة الرومي
علي الصبح كده
اوم ايه بقا
انا قلت لها
انا لي راي في الاغنية هكتبه عندي في بلوجر
حيث ان
الاغنية طبعا بحبها وكل حاجة
وهي اغنية اختراع
ولكن
!!
الاغنية غرييييييييييييبة
لييييييييييييه؟
اسمعوها كده بتأني
هتلاقي ان اللي قعد يرقص معاها ده
باع لها التوروماي
والجيل الجديد اللي مايعرفش التوروماي 
:)
نقوله اكلها الاونطة
قعد يرقص معاها 
والناس في الحفلة عماله تنق عليها وتقر
ايوة ماهم شايفنها سعيدة اهو
وهو بيسمعها كلمات ليست كا الكلمات
ويزرعها علي احد الغيمات
ويحملها لمساء وردي الشروفات
وهي هبلة بقا
عامله زي الطفلة في ايده ومبسوطة ومصدقة
وطايرة في السماء زي الريشة
:)
وهو شغال بقا في الاسطوانة
وعمال يهديها شمسا (مش انا طبعا)
وصيفا
يالا ماحدش واخد منها حاجة ان شاء الله ماحد حوش
هو الكلام عليه جمرك
وعمال يسمعها
انت تحفتي :) وكنز الي اخره
طبعا لازم تكون كده
مش مصدقة كلامه :)
وسلامتها بقا من الدوخة 
الست داخت من الكلمات ونسيت نفسها
وقلبت تاريخها وجغرافيتها
واشتغل مقاول 
اه وربنا
وبنالها قصر 
وهي عارفه انه وهم ولم تسكن فيه الا لحظات
بس مكمله
المهم الست بعد ده كله
عادت الي طاولتها
ايييييييييييييه بقا؟
لا شئ معها الا كلماااااااااااات
صحيح هي كلمات ليست كالكلمات
بس اهي اونطة كلمات وبس
رجعتش بحاجة مفيدة؟؟ 
وهم كله وهم
هي اللي غلطانه صدقته ليه وكملت
:)
بوظتلكم الاغنية
:))
علي فكرة كن صديقي اجمل
فوتكم بعافية

 
 

هناك 17 تعليقًا:

shimaa elkholy يقول...

انا اصلا بامووووووت في اغنية كن صديقي وفي القصيده الاصليه بتاعتها لانها مختلفه واطول كتير

اما رايك في كلمات هو برضه صح بس يا شمس اهو احنا اساسا مش عايزين حاجه احنا غلابه اوي وراضيين وموافقين نرجع بالكلمات وموافقين نسكن اللحظات كفايه بس احنا نلاقيهم اهم حلوين ما نقولش لا هههههههههههه

رحاب صالح يقول...

ههههههههههههههههههههههههههههههههههههههههههههههههههههههههههههههههههههههههههههههههههههههههههههههههههه
والله عسل
تصدقي بردو انا بحس انها هبلة لما تسمع كل ده
اصل الرجالة عايزين الحرق عموما هههه
واحتا الي نستاهل عشان بنصدق كلامهم

شمس النهار يقول...

* shimaa elkholy
لأ مش عايزين حاجة غير الحنية والكلمة الحلوة ان شاء الله بالكدب :)
مش طالبين غير الفرحة ان شاء الله بالاونطة :)
بس بيجي وقت بتحتاجي الفعل اي افعل ياخويا :) يقوم يعمل زي مورسيكا ويقول وهاانا افعل :)
يعني كلام اه وفعل مايضرش برضوا :))

شمس النهار يقول...

*رحاب صالح

:))
البوست ده مش للبنات الحلوين اللي زيك يارحاب
ده للستات الغلابة
مش عايزين نعقدكم في عيشتكم
:)
وانتي اصلا لسه علي البر وهتعملي فيها هتلر وتحرقي الرجالة اهو :)
يعني ماليش انا دعوة :)

مصطفى سيف الدين يقول...

البنات عقولها صغيرة يا شموسة و بيفرحوا بال"كلمات" :)
و الرجالة بيستغلوا الموقف

P A S H A يقول...


والله يا جدعان أنا قلت من زمان نعمل كوكب للرجالة وكوكب تاني للستات واللي عاوزين يتقابلوا منهم يبقوا ينزلوا الأرض ،، ما حدش سمع كلامي !!
آهي الستات ضحكت على الرجالة ونزلوهم من كوكبهم على الأرض وبعد كده اتقمصوا منهم ، ولما الرجالة حبت ترجع كوكبهم تاني لقوا الكالون اتغير ، وطبعاً ما ينفعش يقعدوا في الأرض لأن الست بقت حاضنة والأرض من حقها !!
وبعد كده عاوزين تولعوا في الرجالة ؟؟ ليييييييييييييييييه يا رحاب يا بنتي ؟؟
وبعدين حضرتك لو ركزتي في الأغنية وسمعتيها بتمعن هاتلاقيها بتقول : كالونات ليست كالكالوناااااااات !!
وطبعاً هي تقصد تغيظ بسلامته ، لأنها كانت ماسكه المفتاح الجديد وبتفلفل له بإيديها من تحت الترابيزة !!
ده شغل عالي أوي بس احنا صاحيين له !!
ومهما حاولتوا تستدرجونا مش هانقول لكم مكان الكوكب الجديد بتاعنا فين !!
احنا هانخر لوحدينا D:

rona ali يقول...

ههههههههههههههههههه
هههههههههههههههههههه

هموت هموت من الضحك اخص عليكى

لالالا انا معاكى بقوة احنا هنفضل رضين بالقليل ليه يا اختى

لا احنا لنرجع الترابيزة محملين كده ومعانا اللى يكفينا لا بلاش كلمات بقي

بس اغنيه كن صديقي والقصيده الاصليه منها اللى بتقول عليها شيماء
عندكوا لينك ليها علشان مش اعرفها انا

شمس النهار يقول...

*مصطفي سيف الدين

:))
امسككككككككك
شهد شاهدا من اهلها اهو
(الرجالة بتستغل الموقف )

انت قد الكلام ده ياقناوي ؟ :)

شمس النهار يقول...

* P A S H A

ممكن نمرة المدام لو سمحت :)
ونمرتها ليه انا هروح عند مدونتها واسقف يااهل الله ياللي هنا :)
ونشوف بقا هتيجي مع رحاب تولع في الرجالة
ولا هتسيبك بسلام تروح كوكب الرجالة :)

شمس النهار يقول...

* rona ali

:)))

ايوة ياترجع محملة يازي مارحاب قالت كده
والبنزين وموقع الحرق عليا:)

ادخلي علي جوجيل واكتبي كلمات كن صديقي هتلاقيها هي لسعاد الصباح

النسر المهاجر يقول...

شمس النهار

النقد جميل وعندك حق فى كل كلمة قولتيها بس مش معاكى ان الرجالة عايزه الحرق
البنت بطبعتها بتميل للرومانسيه وده سبب كافى انها تجرى ورا الحب والحب كان زمان
غير دلوقتى لانه كان اصدق وكان الحب بين الولد والبنت له طبيعه خاصه جدا
إنما دلوقتى إذا حبيتى تعرفى ليه الولد بيقول كلمات مش أكتر فده لانه بيكون عنده احساس بعدم الأمان ان البنت هتسيبه مع أول فرصه يجيلها الأحسن منه
يعنى البنت مش الضحية ديماوبعدين صعب ان ولد يحب بنت الا لو يعرفها كويس وهى تعرفه كويس ومش شرط معرفه شخصية لكن مع الوقت
خلاصة الكلام إن الوقت الى إحنا فيه نادر تلاقى حب كامل بسبب تغير الشعور عند الشباب دلوقتى عن زمان وعنصر عدم الأمان بين الطرفين
طبعا ممكن انسانه تكون بتحب بجد تعتبر كلامى مش حقيقى بس صوابعك مش شكل بعضها وأكيد كلنا شوفنا قصص حب استمرت لعشر سنين أو أكتر وبتنتهى فى النهايه ان الطرف المظلوم يسمع اغانى حزينة والطرف الظالم بيأقلم نفسه على الحياة الجديدة

تحياتى لشمس المدونين

SHARKawi يقول...

في الحقيقة مع ان الموضوع شديد شوية وقاسي حبتين . بس هوا بنظرية موضوعيه ومنطقية جدا .
والزاوية اللي اتشافت بيها الكلمات زاية وجب على الجميع ان ينظر منها للموضوع برمته . الا وهو ( الكلمات ) .
الكلام المعسول والاسطوانات اللي شغالة دايما دونما افعال . هي تلك الكلمات اللي مقصودة اعلاه .
لذلك فان احببت ان تقول ايها المحب فأفعل . وان اردتي ان تصدقيه ياصاحبة القلب الابيض الطيب الكبير . فانظري افعاله لا اقوالة . فهي كلمات . تزيد وتنقص ، حتى اننا نتغنى بها ولا نبالي حتى بمدلولها .

تشكراتي . كامل احترامي وتقديري . دعواتي وتحياتي .

ابراهيم رزق يقول...

شموسة

يا سلام يا سلام يا سلام

و انتوا فاكرين الكلام ده شوية
عارفين انتوا بنتعب فيه قد ايه
عارفين مقدار الشقا اللى فيه
عارفين الجهد و التعب و العرق و الكفاح و النضال و القتال عشان نوصل للكلام

بجد بتفكرونى بواحد كده تعبان و داخل على مراته بانبوبة
تقوم هى كده بكل سهولة تقله ادخل بيها على المطبخ
مفيش تقدير خالص

شمس النهار يقول...

*Gamal Abu El-ezz

:))
مش انا اللي قلت نحرق الرجالة دي الشريرة ريحاب انا قلت هعاون بس
:)
اما بالنسبة للحب
فهو مظلوم معانا الصراحة
ربنا خلقه كائن جميل برئ واحنا اللي شخبطنه عليه بكل الالوان
:)

شمس النهار يقول...

* SHARKawi

كلامك صح
والمراة تحب باذنها اولا ثم قلبها

وزي ماقالت شيماء بترضي بقليله

ولكن يبقا ان يستقيم الامر وتتصالح الاقوال بالافعال

شمس النهار يقول...

*ابراهيم رزق

:))

المهم مش انه يدخل الانبوبة المطبخ

المهم انه يغيرها:)
اومال يعني الغدا هيتسخن ازاي يعني :)

رحاب صالح يقول...

لالالالالالالالالالا
انت مش بتعقديني
انا متعقدةجاهرزو ×_0