كنت علي تويتر زي العادة كل صباح
اتفقد خناقات الناس هناك
واخر الاخبار
لاقيت بنوته لطيفة ناشرة الصورة دي
:)
ضحكتني جدا
ومن كل النواحي اصلا مافيش نفس للضحك
صحيح هو ليه ربنا خلق لأدم زوجة واحدة بس
؟؟؟؟
وعلي فكرة لم يثبت ان تزوج غيرها
نووووووهااااااائييييي
يامتعلمين يابتوع المدراس
والراااااجل كان زي الفل
ماشي زي الفل
طيب احفاده ليه كده بقا
سايقين الهبل علي الشيطنه
واللي يقولك قلبي يسع نساء العالمين
ده علي اساس انه عربية السيدات في مترو الانفاق
واللي يقولك امراة واحدة لاتكفي
ده علي اساس انك سبع البرومبه
(اللي يعرف يعني ايه سبع البرومبه دي ياريت يقولي )
:)
طيب ليه سيد الخلق
الحبيب المصطفي
سيدنا محمد صل الله عليه وسلم
طلب عهد من سيدنا علي ان لا يتزوج علي فاطمة
ها يابتوع الدين ردوا
الزواج من اخري بيقهر المراة
بيكسرها
مجرد ان المراة تحس ان زوجها حب او اهتم بحد غيرها
النار تولع
واستلقي وعدك ياخفيف بقا
انتوا عارفين ان التعلب
مابيحبش ولا يتزوج الا انثي واحدة
وان ماتت لايقترن بغيرها
ده التعلب يارجاله
صباحكم فل
وفوتكم بعافية
هناك 15 تعليقًا:
ظريفة جدا التدوينة دي ..
امرأة واحدة تكفي (:
دمت بخير حال يا شمس النهار
و احنا اللى كنا ظالميين التعلب :)
هي ليها حكمة عند ربنا لانعلمها
وتخيلي في حكاية الزواج من اكثر
من واحدة دي
ان في كل العصور كان تعداد البنت
اكثر من الولد
وكان في العصور القديمة
الواحد ممكن يتزوج واحدة ويبقي عنده
مثلا 10 ملك يمين
اما في عصرنا هذا
فالواحدة بخمسةوعشرين هههههههههه
شمس النهار
أنا عجبنى البوست جدا لانى بجد ضحكت جامد
وانا هرد على كلامك بس بدون تحيز لمجتمع الرجال
أولا لازم نفرق بين شرع الله وما نريده نحن ومن المعروف أن الله سبحانه وتعالى احل للمسلم اربع زوجات بشرط محاولة العدل بينهم فى كل شئ وسيدنا محمد شرع له تسعه ورغم كده كان عادل بينهم فى كل حاجه الا انه كان بيحب السيدة عائشه أكثر فالتعدد ليس بدعه وكان الكثير من الصحابه معددين تقدرى تقولى فيه رجاله عنيهم زايغه وجوازه من اربعه بيطير عنيه خالص بيجيبه لمس اكتاف :)
بالنسبه لتفنيد كلامك ليه سيدنا ادم له زوجه واحده فقط أنتى تعرفى ان حواء كانت بجمال عشرة من الحور العين وهى أجمل نساء البشر الى يوم القيامه ولن ياتى من بناتها ما تفوق امنا حواء جمالا والى هتدخل الجنه باذن الله هتبقى بجمال عشر من الحور العين ايضا يعنى مفيش ست تنفع تغطى عليها ولم يشرع لادم الزواج من بناته وقتها ولم يشرع فى اى دين قط
أحفاد أدم على مختلف العصور اختلف ليهم التشريعات قرات مره ان سيدنا سليمان كان متزوج تسعين من النساء وسيدنا محمد زى محنا عارفين كان على زمته تسع وهو تزوج أكتر من تسعه بس ليس على زمته أكثر من ذلك واليهود محلل ليهم اتنين يعنى تشريعات بس مش فرض ده علشان الى عنيهم زايغه ميغضبوش ربنا فى الحرام يجيب الى تسد عنيه لحد اربع زوجات هو يكمل الطقم وهما يجيبوا اجله
سيدنا محمد لم يحرم على سيدنا على انه ميتزوجش ولكنه وضع شرط زواجه من فاطمه أن لا يتزوج عليها وده جائز المسلمين على شروطهم مادامت لا تغضب الله يعنى سيدنا محمد مقلوش حرا تتزوج عليها إنما شرط زواجك انك متتجوزش عليها زى الى تشرط على زوجها ميدخلش بيها الا لما يحفظها القران كامل مثلا ده مش تحريم للدخول ولكن لا بد من نفاذ الشرط طالما قبل بيه الزوج وطبيعى دلوقتى مفيش وكيل عروسه بيشرط ده ويكتبه فى العقد
الزواج من أخرى بيكسر المراه لان العاده جرت على ده زمان كان عادى جدا ولكن الزواج من امراه واحده افضل اسريا واجتماعيا وان كان التعدد مشرع ولا يضر المراه فى شئ طالما لها حقوقها
معلومتك عن التثعلب صحيحة إن الثعلب لا يتزوج الا من انثى واحده واذا ماتت لا يتزوج باخرى ولكن أنثى الثعلب لا تتورع أن تقترن وتتزوج بأخر إذا مات وليفها أو زوجها هههههه
تحياتى على البوست الجميل وأعتذر للإطالة فى التعليق :)
طب دي لبنانية يا أستاذة يعني تتكلم براحتها D:
وبعدين ليه ما نقولش إن الراجل المتجوز وعاوز يتجوز تاني بيساهم في حل أزمة العنوسة ؟؟ ليه تحاربوه وتقفوا في طريق البنات الغلابة ؟؟ هما ما لهمش نفس يتجوزوا ويتستروا هما كمان ولا إيه ؟؟
وبعدين احنا ممكن نقنن الموضوع ده ونحط له قواعد .. يعني مثلاً نشترط على الراجل المتجوز اللي عاوز يتجوز تاني إن الجوازة التانية ما تكونش من آنسة ، تكون من أرملة أو مطلقة وتكون أقل جمالاً من الزوجة الأولى وبموافقة مسبقة منها .. تالت جوازة نشترط عليه فيها أنها تكون أرملة أو مطلقة وتعول وتكون لديها عاهة مستديمة وطبعاً بموافقتهم .. رابع جوازه نشترط عليه فيها أنها تكون أرملة ومطلقة وتعول ولديها عاهة مستديمة وإعاقة ونسبة عجز لا تقل عن 75% وتكون معاها رخصة مهنية درجة أولى واسمها عوض وساكنة في المغربلين عند ملوخية بتاع الجزم ههههههههههههههههههههههههههه
"غير معرف"
شمس الشموس
بجد ده ظلم ظلم ظلم ظلم
ازاى الواحد يتجوز واحدة بس
مش ممكن هفضل اكل تفاح طول العمر
ساعات الواحد نفسه بتهفه على منجاية برتقالة جميزة
هههههههههههههههه
ضحكنا كتير نتكلم جد شوية
العاقلون لا يتزوجون الا مرة واحدة
و المؤمنون ايضا
فلا يلدغ المؤمن من حجر واحد مرتين
ههههههههههههههه
كنتى فين يا لا لما قلنا اه
*اسماء حسان
اهلا بيكي يااسماء
الدنيا اليومين دول سواد قلنا نضحك شوية:))
*الجواز وسنينه
يااهلا يااهلا
فيييييينك
:)
اه شوفتي التعلب وفي لمراته
مش عايزة حد يقول علي رااااجل تاني ده عامل زي التعلب:))
* سواح في ملك اللــــــــــــــــــه
طيب بلاش انت التدوينة دي ياخالد
انت واحد مضرب عن الجواز اصلا لا واحدة ولا تنين
:))))
ربنا يكرمك كده وتتجوز ونفرح بيك وفيك :)
* Gamal Abu El-ezz
:))
هو دلوقتي بيعرفوا يعدلوا في واحدة لما يعرفوا يعدلوا في اتنين :)))
ومن انثي التعلب اللي ربنا جعلها كده علشان الحفاظ علي النوع لأن اصلا التعالب خلفتها نادرة
الي انثي اليمام اللي لو مات والفها لاتتزوج وفي الغالب بتموت وراه
اه
:)
وهي من اكتر مخالق ربنا وفاء وهدوء
بالنسبة لستنا حواء كان ممكن ربنا يخلق له واحدة تانية وخصوصا ان الخلق هتبقا من خلفته سيدنا ادم وكان خف الحمل علي ستنا حواء
لكن ربنا جعله امراة واااااااحدة فقط
واااااااحدة
انااعرف ناس متجوزين اتنين بجد ومن غير تحيز بحسه عامل زي الاراجوز
وبعترافهم تعبانين
* P A S H A
كده علشان لبنانية تتكلم براحتها
:))
وطبعا معلق بغير معرف
هاتولي المدام علي التليفون :))
*ابراهيم رزق
:))
ادي الناس العاقلة
بتقول حكم علي الصبح ياابراهيم
:))
يعني هو سيدنا ادم كان لقي غيرها و قال لا
؟؟؟؟؟
أولاً إزيك يا شمس النهار لعلك بخير
ثانياً حلوة أوى بجد خلتينى أبتسم فى الوقت اللى الواحد إختفت البسمة من حياته
تحياتى؛؛؛
إرسال تعليق