يوم الوفاء
وللأسف
يوم الوفااااااااااء
لم يحضر احد
كل واحد هنا لازم يعرف انه لما يرحل
لن يبكيه الا احرفه
وكام حد يدخل يقول الله يرحمه
لكن ماحدش هيكلف نفسه ينزل من بيته
يحضر حفل تأبين لك
ولا اقرب المقربين لك
ولا اقرب المقربين لك
للأسف هذه الحياة
طول ماانت موجود اهلا بيك
لكن لما تمشي خلاص
كفايه عليك الله يرحمك
ده لو طلتها هي كمان
حفل تأبين عمرو بدر لم يحضر احد
الا
ابراهيم رزق
طارق عبد المؤمن
عمرو
شمس النهار
هناك 7 تعليقات:
شمس الشموس
لو فكرتى فيها هتلاقيه و الله العظيم انا شايفه كده
تعتبرينى مجنون او بيخرف
كان يوم وفاء
ايوة كان يوم الوفاء لا انكر صح معاك
فعلا كان يوم الوفاء
بجد زعلانة وخصوصا اللي بيقولك اعذر اخيك
مش همه اللي دخلوا وقالوا جاين
؟؟!!
وزعلانين اوي وكله داخل يقولك اعذر اخيك حكماء اوي اسم الله
انا اعذر اللي قال مش جاي لكن اللي قال جاي ده اعذره ليه
وياسيدي عادي جم ماجوش مش فارقة صدقني انا حزينة علي عمرو نفسه
وانا لو عارفة كده كنت عملت ختمة قران في بيتي للمقربين وخلاص
لكن هي دي الدنيا فعلا
انت عارف كام واحد دخل شافت تدوينة التأبين عندي 150
ده غير اللي هناك
عاااااااااادي هي دي الدنيا
انا اسفة يا شمس ..
كنت م الناس دول اللى قالوا جايين ..
لكن للأسف مقدرتش
المعاد كان صعب عليا
واظنه كان صعب على ناس كتير
بسبب التوقيت واليوم كمان
فمعلش
هقولك اعذريهم لأن فيه ظروف
والفقيد مش محتاجنا ..
حفلات التأبين دى للى عايشين ..
عشان يفتكروا قد ايه الدنيا مش مستاهلة وف لحظة بتروح ...
معلش
متزعليش ..
معلش ...
البقاء لله وحده
وانا بعتذر تانى ..
ارجوكى متكونيش زعلانة
لا منى
ولا من غيرى ...
ياريت
لما اموت
مش عاوزة غير دعوات بظهر الغيب زي اللي عمرو اخدهم
وكل واحد قال اظنه على خير فتقول الملائكة آمين
لا عاوزة عزاء في قاعة
ولا عاوزة يوم وفاء
ولا تزعلي لأن اللي اخده من دعاء بجد يجب كل الإحباط
وفي النهاية اغلب الناس عرفت الناس إلكتروني
قليلين هنا من أكلوا فعلا مع بعض عيش وملح وحياة كاملة
متزعليش..لأن اللي الراجل أخده أكتر كتير من حفل تأبين أو يوم وفاء
وغالبا الكلمات التي سنتركها حقا ستعيش ضعفي عمرنا
واحد ها يدخل عند واحد ويضحك وصاحب المدونة ياخد ثواب من فرج عن مؤمن كربة
وواحد ها يدخل يستفيد والتاني ياخد ثواب حب لأخيك ما تحب لنفسك
وواحد ها يدخل يقرأ وينخدع ويفتكر شخص الكاتب طيب وياما هنا ياما هناك..وربنا العليم مين طيب ومين مؤذي
ربنا يغفر لنا كلنا إذا صرنا إلى ما صار إليه
*فاتيما
لا خلاص مش زعلانة
انا صعب عليا بس ان الانسان يبقا ملو السمع والبصر
وهووووب يبقا ذكري
ونقول الله يرحمه
كل ماحد يموت من اللي اعرفهم او قريب بحس ان ايه ده خلاص ....
وشويه شويه ماحدش بيفتكره
*ستيته
حبيبتي ربنا يديكي الصحة والعافية وتفرحي بحبايبك
عندك حق الحمد لله اخد دعوات يارب تكون من نصيبه
ربنا يجعل كل اللي كتبناه هنا نافع لحد غيرنا حتي من باب التسلية
والبقاء لله وحده
متفقة الف ف المية مع ستوتة يا شمس
...
ومتزعليش ..
الدنيا اوقات كتير بتبقى اتفه
من ان حد يهتم بأى حاجة فيها
الحزن مظاره كتير
والزعل على الغاليين
بقى بياخد الف شكل
واحيانا يبقى ضحك وهزار وتخبية للزعل
بتحصل والله ...
اكلام ستيتة دلوقتى بقى قانونى الخاص
عشان كدا قفلت روح قلب ماما
وحساب توتير العادى
وبقيت احكى حكايات وبس
الحكايات اى كانت مرارتها
او غرابتها
او ما فيها
بس ممكن تفرق مع حد
وتفيده
ويخدل يدعلى
او بلاش يدعى
يكفينى انه يعرف حاجة
مكنش عارفها
او يفكر شوية
او ينبسط حتى ويضحك
ومش مهم أى حاجة
بس ابقى ضيعت الوقت فيما يفيد
الواحد فعلا مش فاضله كتير ف الدنيا
يضيع ليه العمر ف خناق وزعل ونقار
وهم ما يتلم
ولو اتلم
هيبقى مع نفسه بقى
عشان الواحد بجد .. تعب وانهك ..
الله يرحم عمرو
اللى للأسف مجتش فرصة اعرفه عن قرب
ويمكن دا رحمة من ربنا بيا ..
ومعلش ... تانى
متزعليش
خالص حبى ليكى
ولستيتة
وابراهيم
وكل حد ف قلبه خير ف الدنيا دى
إرسال تعليق