السبت، 10 مايو 2014

الو يارياسة

صلوا علي رسول الله
ان شاء الله هنتخب السيسي
حد هيسألني ليه؟؟؟
هقول كده هو
اه
يمكن علشان عمري كله قضيته مع الناس بتوع الجيش
( عمي خالي ابو بناتي اخويا واخيرا ابن اخويا:) )
وعارفة انهم بتوع شغل
وادارة وافعال لا اقوال
يمكن علشان السيسي
اخد مرسي علي مشمه وخلصنا من الشلة برمتها
بينما النشطاء والحقوقين والتيارات والتكتلات 
...........
الي اخر ............
الاسامي الغريبة الفظيعة المريعة الفهيشة دي
 اللي مااخدناش منها حاجة
ولا اتفقوا علي حاجة
بيتخانقوا وخلاص
مش عارفة
يمكن علشان زهقت
يمكن علشان البسطاء من الناس 
اللي بتكلم معاهم كل يوم 
بيقولوا انهم هينتخبوه 
علشان راااااجل وسيد الرجالة
مش عارفة
لسه دلوقتي البوابة اللي قصادي 
بقولها هتنتخبي مين
قالت لي السيسي طبعا
قلت لها ليه؟
قالت لي علشان راااااجل
وبقالنا كتير ماشوفناش رجالة
:)
يارب مصر يارب 
ملحوظة تدوينات المعطف شغااااااالة
فوتكم بعافية
تحيا مصر

هناك 4 تعليقات:

Tamer Nabil Moussa يقول...

هو فعلا السيسى رجل تمام الى الان وطبعا اكيد هو الرئيس القادم لمصر

اتمنى وزى ناس كتير ان يظل فى عيون الناس كما هو عن طريق الافعال الطيبة التى تعود على المجتمع بكل خير

مع خالص تحياتى

شمس النهار يقول...

ربنا يبعد عنه بطانة السوء

ابراهيم رزق يقول...

ربنا يولى الاصلح يا شموسة

شمس النهار يقول...

*ابراهيم رزق

آمين