الاثنين، 26 مايو 2014

عزيزي المقاطع :)

عزيزي المقاطع 
ربنا مايقطع لك عادة 
 مش هقولك دي سلبية وبتنجانية 
والكلام الكبير ده
هقولك بس 
حضرتك لما قاطعت 
حطيتنا بين مرسي وشفيق
وقاطعت تاني
 دبستنا في مرسي انت وبتوع الليمون
ودبستنا في دستور مايعلم بيه الا المولي
وربنا سلم في الدستور الاخير
ربنا يهديك بقا 
انزل ماتقصيش نفسك بنفسك
ياعم انزل وابطل صوتك 
اقولك خد الورقة تذكار
وافتكر 
ان المره دي نزلت مانزلتش 
مش هتغير حاجة 
بس
انت صعبان عليا 
عامل زي الغضبان اللي مش عارف يعمل ايه 
علشان الناس تصالحه
وصدقني ماحدش هيصالحك 
والدنيا ماشيه بيك ومن غيرك
وشكلك بقا وحش
وملاحظة انا 
ان المقاطعة بقت واااااو 
دليل علي الثورجية بقا 
والرأي الجامد و اوعي
بقت موضة 
ودليل الاوووووووبها
ان شاء الله هنشوف مصر اجمل
وبص شوف شعب مصر بيعمل ايه 

هناك 5 تعليقات:

tarek momen يقول...

عزيزتي المشاركة في الانتخابات المسرحيه الهزلية
هأأأأأأأأأأأأأأأأأأأو

♥نبع الغرام♥♪≈ يقول...

معاك حق شموسه حبيبتى

ان شاء الله ربنا هينصرنا

ابراهيم رزق يقول...

لا يلمن الا نفسه

ذو الوجه المبتسم يقول...

احيانا المقاطعة او عدم المشاركة

تعبير عن رأى واجابة لتساؤلات كتير

بداخل الشخص نفسه

ربنا يصلح احوال مصر بلدنا ونرجع

نستقر فيها لاننا تعبنا بجد من الغربة

ويولى علينا من يخاف الله

تحياتى

مذكرات مدرسة مطحونة يقول...

تعرفي ان دي اول مرة انا وامي نروح نصوت في انتخابات ...صحيح الناس زهقت من كتر الانتخابات والاستفتاءات الفترة اللي فاتت ويمكن علشان كده قاطعت الانتخابات او ربما هي قاطعت لانها شايفة ان مفيش واحد من المرشحين يصلح ولكن من وجهة نظري المتواضعة شايفة ان جزء من صلاحية الرئيس لحكم بلد يعود لكفاءته والجزء التاني بيرجع للشعب الل هوه بيرأسه بوقوفه معاه ومساندته له وتوجيهه له ...والتاريخ يشهد علي ذلك ...فما يبني البلد هو سواعد ابنائها المتحدة لا فرقتهم او رئيسهم وحده
تحياتي