الأربعاء، 14 سبتمبر، 2011

اردوغان


مععلش بغيب كتير اليومين دول
مشغووووووووولة
عندي اكتر من حدث الحمد لله سعيد بستعد له
ومقصرة مع الكل بس انتوا طيبين وبتسامحوا
:)
ندخل علي البوست
رغم انشغالي وبعض من الزعل من حال البلد
ايوووووووة
مش موافقة علي موضوع السفارة
ولا اللعب اللي كان بيتلعب يومها
والجمعة كانت جميلة وزي الفل
ايه اللي قلب الدنيا
وضرب كرسي في الكلوب
الله ورسوله اعلم
وان شاء الله كله هيعلم
---
برغم كل ده بس حبيت اسجل زيارة الاخ اردوغان
مما لاشك فيه انه زعيم بكل ماتحمله الكلمة
ونظرة واحدة علي تركيا
تخلينا نبصم بالعشرة الرجل متدين محبوب وزي الفل
وعصامي وبرضوا كان بياع
بس المرة دي مش موز لا كحك بسمسم
المهم علي راسي كل ده
مخاصم اسرائيل ومطلع علي جتتهم البلاء
ماشي
ماانت كنت عامل معاهم اتفاقيات وتسليح وبلاوي
قلبتوا علي بعض
ماشي
بس ياسيادت الريس
ماينفعش انك تدور علي دور ورياسة لك في المنطقة العربية ومصر موجودة
وزعلت جدا من مستقبلية من الشعب من التيار الاسلامي اللي هتفوا خلافة اسلامية
طب اهو قالكم ادعوا مصر ان تكون دولة علمانية
ليه هو انتوا فاكرين انه هيجي هنا ويقول ادعوا مصر لدولة اسلامية
ويخالف دستور بلده
لاحول ولا قوة الا بالله
تركيا غير مصر(الله يمسيهم بالشر بقا اللي اخترعوا الكلمة دي:))
المهم تركيا غير مصر
تركيا عملت نفسها وروقت المسائل وعملت اقتصاد قوي جدا
وجيش من اقوي جيوش المنطقة
واترستئت كده وراقت وفضيت للي حواليها
هو جاي ليه لحد دلوقتي انا مش فاهمة الزيارة
بالرغم اني سمعته وقريت اللي اتكتب
ومارضيتش اكتب البوست الا لما شوفت يسري فودة
لوحد عارف الزيارة ليه وليه كل الحشد الاعلامي العالمي للزيارة يقول لي
علي فكرة اسرائيل اعتقد انهم ماناموش النهاردة من الزيارة دي
:))
ده لينك
بيتكلم عن تاريخ اردوغان من اول مااتولد لحد النهاردة
بسيط وسهل ومش مطول
وعجبتني الصورة اوي اسرة مسلمة فعلا

هناك 55 تعليقًا:

Bent Men ElZman Da !! يقول...

الواحد بجد مش مستوعب اى حاجه من موضوع السفاره
مش عارف يبقى ضده والا يبقى ضد المجلس العسكرى اللى بيعيد جزء كبير من نفس اللى النظام السابق عمله فى التعامل مع المتظاهرين وخصوصا فى اليوم ده

الواحد نفسه فى واحد زى اردوغان ده يمسك البلد شويه يظبطها كده
مهما كانت اخطائه
لكن راجل يحترم جداااااا
وياريت يبقى عندنا حد زيه

سواح في ملك اللــــــــــــــــــه- يقول...

السلام عليكم

اول خاجة خدي الرابط ده اقريه

وبعدين اعلق علي البوست


http://www.elaosboa.com/artsys00/ArticleDetails.aspx?Aid=7804

شمس النهار يقول...

*Bent Men ElZman Da !!

وانا زيك مش مستوعبة اللي بيحصل خالص

ومش فاهمة حاجة
اردوغان حب دينه صح
حب بلده صح
اخلص النية لله
فاربنا ساعده ونصره

واهم من كل ده الشعب مش كسلان
الشعب نفذ الخطة

سواح في ملك اللــــــــــــــــــه- يقول...

بالنسبة لتركيا ياست الكل

فتركيا بلد قوي ومصر قلب الشرق الاوسط

فالتخالف مفيد للطرفين

فيه مثل بيقول

عدو عدوي صديقي وانا شايف ان التحالف المصري التركي شئ ايجابي

فكل مايريده اعداء وطننا

هو عزل مصر عن العالم

haneen nidal يقول...

اردوغان قد يكون الرئيس الوحيد في علامنا الاسلامي الي بيشارك الكل في كل حاجة

الله يهونها يا ستي . . . اللهم ارنا الحق حقا و اهلك الظالمين بالظالمين و اخرجنا من بيننهم سالمين

و الشدائد يا عزيزتي تميز معادن الرجال . . . و حضيت مصر بخيرة اجناد الارض فالحمد لله ربنا حميها و ان شاء الله يعدلها

مصطفى سيف يقول...

حادث السفارة مع حادث ضرب الالتراس مع حادث سحل اهالي الشهداء في محاكمة مبارك كلها حوادث متلاحقة تدعو للريبة كأن هناك من يدفعنا دفعا لهذه النقطة التي نحن بها ربما كانوا يودون تطبيق قانون الطوارىء ربما شيء آخر لكن هذه الثلاث حوادث متشابهين ومتعمدين ومقصود بهما شيء ما ليت بيننا من يستطيع التحليل والربط بينهما فمن غير المعقول ان يلقي اهالي الشهداء بالحجارة على الامن ومن غير المعقول ان يهتف الالتراس ضد الامن وليس للامن حول ولا قوة معهم منذ 28 يناير الماضي ومن غير المعقول اقتحام السفارة بذلك الشكل
اما عن اردوغان فهو رجل حمل على كاهله نصرة الاسلام الوسطي ومجد بلاده وكرامتها ليتنا نتعلم منه كيف نصون كرامتنا المهانة على حدودنا
تحياتي

حاتم عبدالفتاح يقول...

مع حضرتك في كل اللي بتقوليه
بس مسألة بحث عن زعامة دي بيتهيألي عداها الزمن
المسألة دلوقتي مسألة مصالح وهو يعلم إن مصر سوق كبيييير جداااا للاستثمارات التركية في المنطقة وعشان كده جايب ييجي متين رجل أعمال معاه

tarek momen يقول...

بالنسبة للسفارة فرب ضارة نافعة و ان شاء الله تكون نافعة سيان بقي اللي عملها ثوار متحمسين او بلطجية متأجرين المهم ان اسرائيل بصمت بالعشرة ان اي نظام حكم في مصر لن يتمكن من حمايتها من غضب الشعب اذا فكرت تستأسد علي جنودنا علي الحدود و ايام الهطل بتاعة مبارك لما كانوا يقتلوا لنا عساكرنا و الواطي يستقبلهم بابتسامة مفشوخة قدام الكاميرات ...لن تعود

tarek momen يقول...

و بالنسبة للحاج رجب...المفروض اننا نفكر بطريقة براجماتية و كفايانا عواطف..الراجل بيدور علي مصلحة بلده و ناخبيه اللي انتخبوه رئيس وزارة في عالم بتتغير فيه التحالفات بسرعة..ايران علي حدوده الشرقية قربت من امتلاك النووي و عدائها لامريكا و اسرائيل مع اعتبار ان تركيا عضو في الناتو فالراجل لازم يدور علي عمق اخر يدعمه امام ايران لا ن امريكا ممكن تبيعه في ثانية...و مصر حليف لا يستهان به و بالنسبة لنا فتركيا تعتبر حليف قوي اقتصاديا و عسكريا يسيطر علي شمال اسرائيل و البحر المتوسط و احنا اساسا خسرانين سوريا من زمان و لغاية لما ربنا يفرجها و يغور بشار الكلب

لـــولا وزهـــراء يقول...

"مساجدنا ثكناتنا
قبابنا خوذاتنا
مآذننا حرابنا
والمصلون جنودنا
هذا الجيش المقدس يحرس ديننا"
عجبني الشعر ده جداً واللينك وحياته ... بس فيه تناقض الخطاب اللي قاله بيشير الى انه رافض العلمانية ليه بقى بيدعوا مصر للعلمانية؟
لولا

Ms Venus يقول...

راجل محترم

اهم حاجة انه حب بلده

لو بنحبها اكيد هنخليها تطير فى السما

لكن للاسف كل اللى عاوز يوصل للسلطة بيحب نفسه او بيحب فكره وعاوز يفرضه وبس

لكن يفكر فى مصر ؟

لا لا

Tarkieb يقول...

مشكلتنا اننا بنتشق على زعيم وحنموت ونلاقيه.....رأي انه اونطجي وبيلعب بعواطف الناس ....دين ايه ده اللي يخليه يبيد قري كردية ؟؟؟؟؟...ويابخته جه في بلد مالهاش اعداء ومفيهاش جاسوس كان حاكمهم لمدة تلاتين سنة....

مصري جدا يقول...

أسمه أردوجان

بس عجبني أوي الشلوت اللي هبده للمتأسلمين

بيترموا في حضنه علشان يرجع زمن الدوله العثمانيه أوم ايه راح فائعهم شلوت دروخهم يا ولداه

Haytham Alsayes يقول...

موضوع السفارة طلع مخطط مسبقا
قريتي الاهرام النهاردة
سمعتي التلفزيون المصرى
برءوا الثوار منها وبيقولوا في جهة معروفة ومحددة هي من اثارت الناس وهي من خططت لكل دة
معروفة ومحددة جهة التحقيق قالت كدة مين بقي
الله اعلم بس هتتعرف
ولازم كل بني ادم يقف عن حده بجد
اه انا متشفي في السفارة بس انا عاوز دماغ متكتكة زى اوردغان
تخطط وتضرب مصالح الصهاينة في مقتل بالسياسة
علي فكرة السياسة يعني فن الممكن
يعني تدخل معارك وتكسبها او علي الاقل تخسرها با اقل الخساير
احنا مفيش سياسة في غواغائية في القرار

عموما كل دة معروف

اوردغان احرج الجميع اولهم التيارات الاسلامية
عراهم
اه عراهم لما الشيخ محمد حسان يقولك اهل الحق والباطل يعني هما اهل الحق وما سواهل اهل الباطل يبقي لازم نقارن بين اوردغان وبين السلفيين وبالمرة الاخوان

طيب موضوع الخلافة
من المتوقع انه جاي جاي اصلا يمكن بتكلم بمنظور ديني بحت وممكن اتكلملك بالتاريخ بس خلينا في الدين
هو جاى انتوا مستعجلين ليه هيحصل اتحاد بين الدول الثائرة حاضرا المستقلة غدا المتحدة بعد غد وتكون دي بداية النهاية او قولي احداث النهاية بس كدة

دة من منظور ديني طيب من منظور تاريخي واضح طبعا اننا بنتكلم عن مستقبل بس لو ربطنا بالماضي وجبنا المنظور الديني هنلاقيه بالظبط مع المنظور التاريخي المتوقع ثورات استقلال بعديه قوة واتحاد ثم ممكن اعلان خلافة او اتحاد اسلامي وبعد كدة الله اعلم بقي بس معروف

طيب دة ايه علاقته بالحاج اوردغان
لا له علاقة وعلاقة قوية اخر حاجة كمان

تركيا تحولت من دولة عادية الي دولة غير عادية بمنطق القوة السياسية في التاريخ نقول ان اي قوة اقتصادية بالتالي تبقي قوة سياسية تتحول من حال العادي الي حال التمدد وايجاد موضع قدم طيب من خلال متابعتي لتركيا بشكل شبه يومي نقول ان اورغان نفض لاوربا وبيتجه شرقا يعني العرب
تركيا لها نفوذ قوى الخليج عشان يقوف المد الايراني
تركيا بتستخدم القوة الناعمة بشكل كبير مع العرب
عينها حاليا علي افريقيا
مين بوابة افريقيا مصر
طيب في اسرائيل من كل دة
تركيا لها علاقات واسعة جدا في جميع المجالات مع اسرائيل
تركيا عاوزة تبقي القوة الكبيرة في المنطقة طب حقها والله العظيم وعينها علي اسرائيل تحطها في موضعها وفي حجمها ومع ذلك بدون صدام مع امريكا ونجحت في دة
في شخصية اسمها احمد داوود اوغلو ياريت نعرفها كويس لانه دة مهندس العلاقات الخارجية باقتدار وهو وزير الخارجية غالبا دة متبني نظرية امتداد تركيا الناعم من حوالي كام سنة ونجح فيه جدا في الوقت اللي اوردغان كان بيشتغل داخليا وحجم دور الجيش في الحياة السياسية

طب احنا
مالنا ؟
متلخبطين شوية
صح عادي علي فكرة بس المفروض بعد اللخبطة دي لو عاوزين نشتغل خارجيا صح نشتغل علي
تركيا اسرائيل السعودية ومايضرش ايران كمان وطبعا السودان عشان النيل
هتبقي قوة خارجية قوية
اه وغالبا كمان هتبقي انت وتركيا الند بالند ونتتظر الايام الجاية لاني غالبا لو عشت هستمتع جدا بلعبة الشطرنج اللي هيحصل قريب في المنطقة

العالم بيتغير بشكل بشع ومتسارع
نخلي بالنا كويس


بس


تحياتي
واسف علي الاطالة بس الموضوع اتفتح وخلاص

نهر الحب يقول...

انا قلت اسلم

ماجد القاضي يقول...

السلام عليكم

أختي شمس.. أردوغان لا يسعى ليكون قوة بديلة عن مصر في المنطقة، ولكن يبحث عن حليف عربي قوي في المنطقة بدلا من سوريا.. وهذه موازنات استراتيجية مطلوبة لأي دولة ولا تعيبها.

لكن صدقيني مصر كانت الحليف (اللي عليه العين دايما) من تركيا (الإسلامية) منذ تولي أربكان الحكم 1997، ولكن النظام السابق (المحب للإسلاميين!!!!!) كان يرفض هذا.. وأذكر هنا عندما زار أربكان يومها مصر لعقد اتفاقية اقتصادية وتكوين حلف اقتصادي إسلامي شبيه بدول الثمانية لم يستقبله مبارك أصلا..!!!!

المهم أن تركيا قوة تضاف لنا أمام إسرائيل لا قوة بديلة عنا.

أما عن تحالفات تركيا مع إسرائيل وعن أقوال أربكان حول العلمانية.. فلكي تتضح صورته جيدا، يجب أن تتعرفي على البيئة المعقدة جدا التي يعمل فيها الرجل وحزبه.. والتي أثبتت الأيام أنه يتعامل معها بمهارة فائقة وبتدرج شديد الذكاء لدرجة أن يكون خصومه من العسكر (داخليا) ومن الإسرائليين (خارجيا) يعلمون جيدا تخطيطه وأهدافه البعيدة منذ اليوم الأول.. ومع ذلك عجزوا حتى الآن عن إيقاعه في خطأ يقتنصونه منه..!!!

.............

بالنسبة لحماس الإسلاميين المبالغ فيه (في نظري) فلا تلوميهم عليه كثيرا.. فهو بالنسبة إليهم يمثل حلم ينتظرون تحقيقه في مصر منذ زمن.. فلا تكترثي كثيرا لما حدث.. هو حماسة موقف ليس أكثر.

تحياتي على الموضوع الذي فتح شهيتي للكتابة.. :)

فشكووول يقول...

السلام عليكم شمس هانم
تحياتى
اللى حصل فى تركيا غير اللى حصل فى مصر .. اللى حصل فى تركيا اصلاح من خلال النظام واللى بيحصل فى مصر محاوله للاصلاح بعد ثوره وذهاب نظام ومحاولة عمل نظام جديد .. يعنى هما بنوا على قواعد واحنا لسه ما بنيناش اى قواعد .. دولة بتاريخ وعراقة مصر وفى القر الواحد والعشرين لسه بيبنوا قواعد .. مش دى حاجه تحزن
تحياتى

sabry abo-omar يقول...

معجب بكلامك جدا لأنه معتدل اوى وباحس انك بتفكرى وانتى بتتكلمى معانا.. فعلا تركيا دلوقتى دولة قوية وتقدر تاخد مواقف اقوى كمان من اللى بتعمله... كنت دايما باسال نفسى ليه امريكا بتفترى على العالم وبتأمر وكله يطيع لغاية ماشوفت الأمريكان وإزاى بيشتغلوا وبيجتهدوا وبيعملوا كل حاجة صح وبضمير اوى ، قولت البلد اللى شعبها بيشتغل كدة تستحق تحكم العالم... القوى لما بيتكلم بيتسمع كلامه ولو غلبان بيقعد جنب الحيط يشحت ومش حقه ياخد مواقف.. للأسف هى دى الدنيا وهى دى السياسة

beautiful mind يقول...

سبحان مغير الاحوال
مع اني في مرة سمعت اردوغان في لقاء مع قناة الجزيرة من فتره وهو بيدعوا الدول العربية انهم يقلدوا تركيا ويحسنوا علاقاتهم مع جيراتهم اليهود
وقال بالحرف ان الماضي ماضي ودلوقتي له ظروفه
بالنسبة للزيارته الله اعلم يمكن جاي يشوفلنا حل بعد ما بدأت تخرب

ابراهيم رزق يقول...

اللى عاجبنى اصحابك بتوع الاخوان المسلمين

عندما قال اريد ان تكون مصر علمانية نزلت عليهم كالصاعقة و لكنهم تداركوا انفسهم و قالوا امين
و لسه عصام العريان حالا بيحلل مع عمرو اديب و بيقول علمانية تركيا غير علمانية مصر
الا صحيح يعنى ايه علمانى
ينوبك ثواب فيا اصلى تفكيرى على قده
اما المناسبات اللى انتى مشغولة بها
ربنا يتمم لكى كل مناسباتك على الف خير
تحياتى

sony2000 يقول...

الفكره
ان الناس معجبه بيه

واولا واخيرا
هوا قوي
علشان عمل كل حاجه صح

نفسي نكون صح زيهم كدا
وهنقدر بأذن الله

فافى يقول...

حمد الله على السلامه يا شموسه واقريلى شويه وعبرينى بقى
وشكرا على لينك اردوغان انا فعلا كنت عايزه احلل الرجل ده نفسيا ههههههههه
على فكره بكره ان شاء الله مدونة عريس النجده هاتزيد عريس يا مسهل:)

بنوتة مصرية يقول...

العسكر معروفين من زمااان وملهومش أمان ...

أحداث السفارة أكاد أجزم إن وراها ناس مش عايزة الخير للبلد دى وبتدفع الشباب اللى بعضهم مش واضحة له الرؤية كاملة للتظاهر ع الفاضى والمليان وانهم يغرزو فى وسطهم المخربين المدعوين من قبل هؤلاء الناس او الجهات التى لا تريد الآمان لهذا البلد ؟!!
.....
أما بالنسبة لرجب طيب أردوغان فبلا شك رجل محترم يقدر الشعوب ويفهم الحياة السياسية جيداَ ويدرك كيفية التعامل معها بحذر وقوة ..

تحياتى

نور الدين يقول...

شمس ازيك وألف حمد الله على السلامة
ويارب ديما مشغولة بكل خير

هو طبعا اللى حصل فى السفارة ومديرية الأمن تهريج لاشك فيه
وأردوغان انا معنديش مانع فى سعيه للزعامة لأنه جدير بيها دة رجل مواقف حقيقية والعلاقات مع اسرائيل كانت موجودة من قبل مايوصل للحكم وهو اللى حجمها
أما عن مسألة خلافة فدول مش فاهمين حاجة اصلااا تركيا مش هى الخالفة العثمانية وأن ضد العلمانية ومؤمن بضرورة المدنية فى المرحلة دى
المهم مش انت كويسة
يبقى دة أهم حاجة

Foxology يقول...

اولا : حمد الله على السلامة وان شاء الله نفرح مع حضرتك بالأحداث السعيدة

ثانيا : الراجل ده نموذج وطنى حقيقى ومشرف داخل وخارج تركيا نال احترام الجميع بلا استثناء ويكفى الكاريزما التى يفتقدها أهل السلطة فى الشرق

تحياتى

جايدا العزيزي يقول...

على فكرة شموسه الزيارة ليها رساله معينه

وجايز هو ده وقتها

ورغم انى مختلفه معاك وبؤئيد كل احداث السفارة عشان كان لازم نرد
لكنى مش بأيد الدخول فى صدام مع اسرائيل فى الوضع الراهن لاننا زى ما قولتى مش زى تركيا

مقال رائع غاليتى

تحياتى

The illusionist يقول...

اردوغان ده امعه ومنافق وقائد غبى ورب اسره فاشل وومصر افضل من تركيا الف مره

والمدونه دى ماركسيه المانيه مهلبيه انجليزيه

والسفاره صح والشغب حلو وتحيا الفلول وبحبك ي مبارك


اصل انا احتمال ابقى فلول قريب يعنى فبعمل بروفه

ههههههههههههههههه

انا كل ما اجى امدح فى اردوغان ازهق

بحس انه مش حقيقى

بلاستيك

تقليد
كارتون

معرفش

انا شاكك انه صاحى

ده ميت

ودى نسخه منه

شمس النهار يقول...

*سواح في ملك اللــــــــــــــــــه

:((
انت علقت امتي ده انا يادوب نشرت البوست لاقيت بنت من الزمن ده علقت رديت عليها وقفلت وماشوفتش تعليقك
:))
بالنسبة للينك النهاردة مصطفي بكري كان مع عمرو الليثي وقال عن اخر لقاء بين المشير وعمر سليمان وقال انه كان بالتليفون
بس عايزة اقولك ان مصطفي بكري فاقد لمصدقيته معايا من زمان من وقت ماكان رئيس قناة الساعة الفضائية اللي يملكها قذاف الدم بن عم القذافي

شمس النهار يقول...

*سواح في ملك اللــــــــــــــــــه

انا مش ضد التحالف مع تركيا ومش ضد الزيارة
بالعكس
ومافيش حاجة في البوست بتقول اني ضد الزيارة انا ضد البروباجندا الكبيرة اللي اتعملت علشان الرجل وكأنه المنقذ الوحيد
لكن طبعا انا مع التحالف مع تركيا ياسيدي انا تركية من عائلة نصها هنا ونصها هناك :)) ولينا جامع هنا بأسم العائلة وجامع هناك
:))
ده غير ان بناتي احفاد سلطان تركي له جامع كبير في تركيا بأسم جدهم
:)))))
يبقا ازاي ابقا ضد التحالف المصري التركي
:))))
وكمان مبسوطة من الزيارة وزي ماقلت كفاية ان الصهاينة تلاقيهم ماناموش اصلا
:))))))))
وعزلت مصر كانت مقصودة وازللال المصرين مقصود ماانت مش هتعرف تتحكم الا في شعب زليل امي مكسور معزول

شمس النهار يقول...

*haneen nidal

مش عارفة ليه ياحنين حاسة انكم اعتبرتوني ضد الرجل والزيارة مع اني كاتبة عنه كلام زي الفل
:)))
انا ضد النفخ الاعلامي وكأنه هو المنقذ الاوحد
زيارة كريمة من رجل محترم وحليف كريم
لكن بعض المصريين والاعلاميين اعتقدوا انه جاي يحكم مصر
:)))
بالعكس انا معجبة بالرجل جدا

شمس النهار يقول...

*مصطفى سيف

ايوة يامصطفي انا معاك
تحس ان اللي مرتب لكل ده واحد بس
ويدفع الامور لتجاه معين
وحاسة ان في صدام هيحصل
ومش مطمنة للنتخابات

بس مبسوطة من احكام اليوم كفاية ان الاموال دي هترجع وبحكم محكمة يعني بالقضاء مش بالغصب

ومش معترضة علي زيارة اردوجان لكن مش فاهمة
ليه وايه سبب التضخيم الاعلامي للزيارة
وطبعا سعيدة بالوفد اللي كان معاه الاقتصادي علشان هيثبت للناس ان العجلة الحمد لله مش نايمة
:))

شمس النهار يقول...

*حاتم عبدالفتاح

ليه موضوع الزعامة عداها الزمن دي قطر علي صغرها بتحاول تكون زعيمة
ماشوفتش دورها في ليبيا؟؟

علي طول الزمان هيبقا في من يبحث عن زعامة دي هي دي آفة الرجال
:))
وطبعا الزعامة علشان احنا في زمن القرش اصبحت لمن يملك كمان المال متمثل في الاقثصاد القوي والتسليح

وماتنساش ان احنا سوق ماشاء الله قوية
ومعبر لتركيا كمان للناحية التانية عبر قناة السويس
ماهي دنية مصالح فقط مش علشان عيون حد تتم الاتفاقيات

شمس النهار يقول...

*tarek momen

شوف اختلفنا او اتفقنا علي ان موضوع السفارة صح والا غلط
بس كلا الطرفين مبسوط اوي من اللي حصل
حتي الظباط نفسهم فرحانين فيهم

:)))

واعتقد ان ده معمول لعدت اسباب الله اعلم بيها
بس انت عرفت انهم هينقلوها من المكان ده
ابن الجنية السادات زرعهم الزرعة دي في مكان مهبب علشان يكونوا في الوسط الناس علشان وقت الجد يكلوهم
:)))))
----
تحليلك عجبني وطبعا امي مبسوطة اوي من الزيارة دي
:)))))))
وبتقولك الاتراك هظهروا تاني
:))))))
شوفت الصورة بتاعة عيلته ماشاء الله
شوف بقا باقي الرؤساء العرب وصور افراح عيالهم تلاقي كله طالع من هدومه
:)))

شمس النهار يقول...

*لـــولا وزهـــراء

انتي قريتي اللينك بقا

دستور بلدهم ينص علي ان الدولة علمانية والجيش يحمي هذا البند وبشدة

وعلي فكرة هو رفض ان حزبه ينعت بالاسلامي
قال الحزب سياسة ممكن يخطئ او تصيب لكن الاسلام معصوم لا يخطئ

شمس النهار يقول...

*Ms Venus

من احب الله
حب ان يخلص لله
والاسلام مش دين عبادة وبس لا دين عمل ومعاملات
ده رجل فهم دينه فهم صحيح
احب دينه ووطنه واخلص

شمس النهار يقول...

*Tarkieb

اهو موضوع الاكراد ده انا مش فهماه خالص
قريت انه رجع للمدن الكردية اسمائها
وعمل حاجات كتير كويسة ليهم
وفي نفس الوقت عمال الجيش يضرب في كردستان
اهي دي زي موضوعهم مع اسرائيل
لما ضربت لهم السفينة عادوها
وافتكروا بقا ان اسرائيل بتبلطج في المنطقة وبتحاصر غزة وبتعمل حاجات وحشية
اربط كده بين الاتنين وبين اعمال الرجل العظيمة في بلده واخلاصة لها
وده شئ لايختلف عليه اتنين
وكذلك زعامة الرجل وتدينه
ان فهمت فهمني
:))

شمس النهار يقول...

*مصري جدا

اردوجان اردوغان

الراجل شيك وسمارت علي الاخر
:))))

قريت ان قال انه لايحب ان يسمي حزبه بالاسلامي
علشان الحزب سياسي ممكن يخطئ ولكن دينه الاسلامي لايخطئ ومعصوم

عجبتني البعارة ااااااوي
هحاول ادور عليها واكتبها
:))

شمس النهار يقول...

*Haytham Alsayes

ماشاء الله ياهيثم
تعليقك جامد بصراحة

ياريت الناس كلها تقراه

الراجل جاي مش قاصد اي قوي سياسية بعينها
اعتقد انه جاي وعنده خطة واضحة جداااااااا
ونشيط جدااااااا

وان شاء الله خير
ومصر مش هينة برضوا
:)))

شمس النهار يقول...

*نهر الحب

اهلا اهلا

ازيك انتي فين مختفية؟

كلمتك تليفونك مغلق
وحشتيني جداااا

شمس النهار يقول...

*ماجد القاضي

وعليكم السلام ورحمة الله وبركاته

طبعا عمل التحالفات شئ مشروع وخصوصا لما تكون دول اسلامية

النظام السابق ماكنش يستجري يعقد اي تحالف او حتي صفقة مع اي دولة اسلامية كان امريكا مدت علي رجلية
:))

كنت لسه بتكلم مع صديقة وقالت لي كلمة لطيفة ان تركيا ومصر لوتحالفوا علي الصهاينة هتبقا كماشة حلوة
وخصوصا ان جيش تركيا لايستهان به

الحقيقة قريت كويس عن الوضع في تركيا لأن في كلمة استغربتها جدا ان بنت اردوجان بتتعلم في امريكا علشان الجامعة رفضت وجودها وهي محجبة
واستغربت جدا الوضع في تركيا فاحبيت اعرف اكتر
وحسيت ان الرجل بيعافر في بلدة معافرة شديدة جدا
بس في نفس الوقت قال اكتر من مره ان الدولة الاسلامية قادمة وهنا لايعني الخلافة ولا انها دولة اسلامية واتكلمت عن الموضوع
ه في احد الردود علي التعليقات
ولكن كان يعني المادة اللي في الدستور اللي بتنص ان الدولة علمانية
وان هيجي يوم وتستبدل بأن الدولة اسلامية

وبجد بجد زعلت جدا من حماس الاسلامين
وقلت للدرجة دي المصرين مش واثقين في نفسهم مستنين حد من بره يسندهم

ولما قال انه يدعوا مصر للدولة العلمانية استغربته جدا هل ده كان رسالة ليهم ام للعالم ام للأتراك
ام لمن
وخصوصا علمي من خلال القراه عنه انه متدين جداااااا

نخلي الايام ترد علي استفساراتي
:))
ومبسوطة ان الموضوع فتح شهيتك لكتابة
ونقول يامسهل يارب
هنقرا حاجات جميلة عندك
:)))

شمس النهار يقول...

*فشكووول

وعليكم السلام ورحمة الله وبركاته

اهلا عمنا فشكول

مختلفة معاك
هي فين الثورة
هو فين النظام الجديد
ماكله راح
الثورة راحت وهمه همه اللي كانوا زمان همه همه اللي قاعدين علي قلبنا
مافيش رئيس بنك اتغير ولو حتي فرع صغنن تحت بير سلم
مافيش رؤساء جامعات تغيروا
رؤساء مجالس الادارات بتوع كبري الشركات مافيش واحد اتغير
اي وزارة اتغير الوزير لكن الحاشية هي هي
عمنا فشكول قول ياباسط
دي حتي ماحصلناش ثورة التصحيح بتاعة السادات فاكر لما شال تلتين البلد في ليلة فاكر
ونقول يارب

شمس النهار يقول...

*sabry abo-omar

ملاحظتك في محلها فعلا انا بدخل مدونتي افكر معاكم
ومش بكتب كله في البوست بحب نتناقش مع بعض علشان افكر معاكم وافهم معاكم

بالنسبة للمريكان
عندهم حاجتين ممشينهم علي عجين مايلخبطوه

اولا اللي بيشتغل بياخد فلوس بيقدر يعيش
واللي مابيشتغلش مش هياخد فلوس ومش هيقدر يعيش
والديسابلتي ده مش علي طول ده لو حد الشغل وفره ومش لاقي شغل ياخد الاعانة لعدد معين من الشهور ويكون خلال الاشهر دي جري ورا انه يشتغل
دي حاجة الحاجة التانية القاااااااااااااااانون الصاااااارم
مافيش حاجة اسمها حد مايطبقش القانون
رحت اكتر من ولاية ماشوفتش رجل مرور
لكن تعالي دوس علي خط ابيض كده بس
هتلاقي الغرامة ريحالك لحد البيت
وفي ولايات تلاقي الشرطي اتزرع لك ماتعرفش جه منين بيطالبك بالغرامة

علشان كده همه ساسو العالم
الدنيا من اول الخلق لنهاية البقاء للأقوي

شمس النهار يقول...

*beautiful mind

الحل مش هينفع يجي من بره الحل من جوه لازم
احنا اللي نحل مشاكلنا

وموضوع الصهاينة مع تركيا ونحط عليه موضوع الاكراد
عامل لي علامة استفاااااااهم كبيرة جداااا
لو عرفت تحله يسترك قول لي

شمس النهار يقول...

*ابراهيم رزق

هي ايه حكاية علمانية مصر غير علمانية تركيا

:)))
هي مين علمانية دي اللي طلعت لنا في البخت

هو في احلا من قانون العيب وبيت العائلة وكبير العائلة
الله يرحمك ياسادات
وايام جمال الاشتراكية واشتراكية الدولة
والاشتراكية المركسية
والاتحاد والنظام والعمل
وتحيا الوحدة العرببببيييية
لكل زمن مصطلحاته ياابراهيم
:)))))
وتقريبا مابيبقاش حد فاهم حاجة اصلا

:)))

وعقبالك يارب كده لما تتلخم في مناسابات ساليناز وزياد
وتلاقي الدنيا مافيش احلا من كده
:)))

شمس النهار يقول...

*sony2000

الناس معجبة بيه علشان الاعلام ضخم اللي عمله في تركيا

هو عمل لتركيا وهيفضل يعمل لتركيا

لكن مش هيعمل لمصر اللي اللي هيكون يصب في مصلحة نركيا

وصدقيني رغم السواد اللي في الصورة بس انا متفائلة

شمس النهار يقول...

* فافي
اهلا اهلا ازيك
انا اللي حمد الله علي السلامة انتي اللي فين غايبة ده كله
:))))
انا قلت برضوا الغيبة ليها سبب في عريس النجدة بس يارب تظبط المره دي بقا
:)))))

وانا مااعرفش انك نشرتي حاجة القايمة عندي ملخبطة وافوق وارجع الريدر هو اللي كان مظبط لي الدنيا

:))

شمس النهار يقول...

*بنوتة مصرية

ان شاء الله هيبقا كله خير
عندي امل

ولو المجلس عايز يحل هيحل
وادي كام مليار اهو جايين من ورا العصابة اللي اتهبدت احكام
يعني يقدروا يعملوا بيهم حاجة

الله كريم

شمس النهار يقول...

*نور الدين

اهلا اهلا
الله يسلمك يانور انا الحمد لله في فضل ونعمة من ربنا

يارب تكون بخير واسمع عنك كل خير
طبعا اللي حصل في السفارة تهريج
بس بيني وبينك حتي الرافضين زينا جواهم حته مبسوطة حبتين
:)))
اروجان ده بقا لغز بالنسبة لي
هو زي ماقلت في البوست راجل زين ومافيش كده
لكن بالنسبة لي لغزه في موقفه من الاكراد وعلاقته بالصهاينة
وانا اتكلمت عن ده في احد ردودي علي التعليقات
في تناقضات كتير
وفي النهاية هو كويس وحش لبلده ومش هيعمل الا كل اللي يصب في مصلحة بلده
وهو صراحة مخلص لبلده جدا

اعتقد ان مافيش مصريين كتير مع العلمانية
احنا محتاجين دولة مدنية تمام التمام تظبط المواضيع
لكن مصر تبقا دولة دينية لااعتقد وياريت نقرا التاريخ هنعرف ان مافيش دولة دينية خلاص
لكن في دولة اسلامية بقوانين صح وتفعيل للأسلام وشريعته السمحة الجميلة صح
والله هنبقا دولة جميلة فريدة من نوعها
اسلامية علي حق ربنا

وانا الحمد لله كويسة وعال العال
:)))

شمس النهار يقول...

*Foxology

اهلا ياابو يوسف

ان شاء الله نفرح كلنا سوا بعون الله وعقبال ماتفرح بيوسف

هو طبعا له كارزما قوية
ومواقفه الحازمة الحاسمة ميه ميه

ياريت تقرا التعليقات والردود ياابو يوسف
ماشاء الله جميلة وموضحة حاجات كتير

والله منورني دايما وسلام كبير لاينو مقصرة معاها بس هبقا اكلما احكي لها
:)

شمس النهار يقول...

*جايدا العزيزي

ماهو انا بقا عايزة اعرف المعينة دي
:))

ما الاحداث دي كان ممكن تعمل صدام مش وقته
نفسي لما نصطدم بالصهاينة يبقا في وقته ونمحيهم محي من علي وش الدنيا
وده عايز ترتيب وتكتيك زي 73 كده

والا ايه ياغاليا
نورتيني

شمس النهار يقول...

*The illusionist

:)))
عايز تبقا فلول لا اشتغل بلطجي اليومين دول بيكسبوا دهب
:)))))

وهتعمل لك قرشين بدل ماتسافر وتتغرب
واهوا نبقا زيتنا في دقيقنا

:))))))))
:)))

كلام على بلاطة يقول...

وبعدين فى اردوغان كل واحد بيصوره على طريقته واحد بيصوره ملاك والتانى بيصوره غير كده

شمس النهار يقول...

*كلام علي بلاطة

:))
لا والله ماخليته ملاك ولا عكسه
انا بتكلم بحيادية تامة
انا عايزة افهم بس مش اكتر
:))
زي كده امريكا اللي خايفة علي شعب الصومال من الجوع وبتجري يمين وشمال علشانه
وفي نفس ذااااااات الوقت سايبة اسرائيل تبيد الفلسطينين
وهي بذات نفسها طايحة في العراق وافغانستان

بسنت يقول...

بصرف النظر عن اللى عملوه الاخوان مع اردوغان- ولكن الزياره دى كانت ملهمه فعلا للكثيرين وانا واحده منهم بس اكتر للى ماكانش يعرفه او يعرف تركيا من مسلسلاتها وانها علمانيه بدون دين

اردوغان اراه كزعيم سيكون مثال غير طبيعى لو جاء مصر متمثلا فى صوره رئيسنا القادم والذى للاسف لم ارى شبيه له فى اى من المرشحين حتى البرادعى الذى ادعمه حتى اشعار اخر

الامور مش ماشيه تمام وكما المفروض مقدر للثوره
كل الطرق تؤدى الى المجلس العسكرى ولنظام مبارك فى صوره وشكل جديد

وان كان ايه فى امل

شمس النهار يقول...

*بسنت

ايوووووووة يابسنت
اهو الامل في الله ده اللي مصبرني
وعندي تقاؤل كبييييييييييير
رغم السواد
بس حاسة ان مخاوفنا من لصقتهم مش صحيحة وهيمشوا ان شاء الله