الأحد، 25 سبتمبر 2011

المشير +تحديث :))

http://tahyyes.blogspot.com/2011/09/blog-post_25.हटमल
اللينك اللي فوق ده شهادة المشير المزعومة
اللي ملخصها
شاهد ماشافش حاجة

========
ادي شهادة المشير
مش كل مااشوف حد او اكلم حد الاقيه بيندب ويلطم
ان المشير ماشهدش الحق
لا اكيد شهد بالحق
والحق علي عبد الحق
يعني هيغير زمته والا ايييييييييه
قصدكوا يعني شهد زور
!!!!!!
ماالراجل اهو قال من غير ماحد يسأله
وبقالهم من فبراير
يقول لك خمينا الثورة حمينا الثورة
حمينا الثورة
بالليفة والصابونة
:))))))

هناك 30 تعليقًا:

ابراهيم رزق يقول...

على فكرة القفص اللى فيه المخلوع لم يعد بعيدا عن احد

الشىء اللى بيفرسنى ازاى واحد بينه و بين الاخرة كم خطوة و لا ينظر الا الى الدنيا مع انه اللى فضله فى الدنيا لا يساوى ابدا ما سوف يقضيه فى الاخرة فلماذا لا يقولوا الحق
المخلوع
فتحى سرور
صفوت الشريف
ذكريا عزمى
الم يأخذوا المثل من كمال الشاذلى الذى ظل متمسكا بالكرسى حتى اخر مسمار بالكرسى اقصدى فى عمره

تحياتى

Ramy يقول...

النت عندى مش قد كده الفترة دى

علشان كده مبعرفش أشوف الفيديوهات الطويلة

بس عموماً

هو فعلاً

حمينا الثورة
بالليفة و الصبونة

(:

شمس النهار يقول...

*ابراهيم رزق

لأ وقفص شرح برح يساع من الاعداء الف
واهم يونسوا بعض برضوا
اومال ايه عشرة بقا
:))

وانت ليسه مفروس ومستغرب ماهي دي حب الدنيا
الواحد منهم بيحس انه مالك الدنيا لحد مايجي قضاء الله
وهو قارون والا فرعون او اي عاصي بيبقا ايه
ربنا بيسبهم في طغيانهم يعمهون
وبيزن ليهم الدنيا
ربنا يعافينا

هيروحوا من ربنا فين؟؟

شمس النهار يقول...

*Ramy

:))
ايوة يارامي حموا الثورة بالليفة والصابونة
وماية ساااااااقعة علي الاخر
:)))

مامة مازن يقول...

هو محدش يقدر يقول هو قال ايه بالظبط
هى مش سرية شهادته برضه
بس نفسى اعرف الستات اللى زغرطوا امبارح بعد شهادة المشير زغرطوا ليه وبراءة يا ريس وبتاع
هما عرفوا منين اللى قالوا وهل ضده واللا انصافا له واللا ايه

يؤسفنى جدا ان يظل نجاح الثورة حلما يداعب خيالى

لورانس يقول...

سلام الله على شمس النهار وقمر الليل ,هو حضرتك متعرفيش ان تغير الذمة عند الناس ده امر طبيعى ناس ربنا موسع عليهافعندهم ذمم كثيرة ,المهم مش هم حموا الثورة بالليفة و الصابونة بس هما مستخدموش ديتول علشان كده كل الجراثيم ده موجودة طبعا حضراتكم عرفين مين الجراثيم, دمتى بخير .على فكرة انا بنوتة مكلمنيش بلغة المذكر.

سواح في ملك اللــــــــــــــــــه- يقول...

انا مش عارف

احنا عايزين شفافية

ليه تم حظر النشر

عدم الشفافية يجعلنا عرضة للتخمينات

والاشاعات ومن ثم الفوضي

لـــولا وزهـــراء يقول...

وبقالهم من فبراير
يقول لك خمينا الثورة حمينا الثورة
حمينا الثورة

...................................

مممممممم خمينا الثورة خميناها ؟ ولا خطأ مطبعي (((:


لولا

بسنت يقول...

الحقيقه انا متفاجأتش بل العكس لو كان شهد على المخلوع كنت هستغرب
فى حد يلف حبل المشنقه على نفسه
الكل متورط وكل واحد دلوقتى بيقول ياروح مابعدك روح
بس هيروحوا من فضيحه الاخره وعذاب الحق العدل فين
ربنا كبير قادر يكمل الثوره دى ويحميها لان مصر ماتهنش غير على اولاد الذين بقى

فاتيما يقول...

وحياتك لياخدله فمين هوه رواخر
خلى البلد تنضففففففففف

والله انا مبسوطة بالشهادة دى
اصل ربنا لما بيحب يعاقب بنى آدم
بيسلط عليه عقله


والله ربنا بيحب البلد دى
وكاتبلها الخير
بعد سنين شر طوال
جابت عاليها واطيها


خير
ان شاء الله خير



على جنب
أخبار الواد أزهرى ايه ؟
يا رب يكون بخير يا شموستى
وانتى كمان وكل الأسرة بخير
يا رب آمين

مصري جدا يقول...

من مين بئا

اما كلهم طلعوا ما قتلوش

خلاص بئا يروح وأحنا هنتصرف

شمس النهار يقول...

*مامة مازن
اللي حصل ده كان نوع من حرب الاعصاب

لكن المفروض ان الشهادة سرية
ليييييييه؟؟؟
الله اعلم
مع ان الراجل طلع ماشفش حاجة
:))

شمس النهار يقول...

*لورانس
وعليكم السلام ورحمة الله وبركاته
:))
اولا اسفة اني كلمتك بصيغة المذكر بس لو لاحظتي من ردي اني افتكرتك حد تاني
وهو لورنس العرب
صديق هنا في البلوجر
:))))
تصدقي صح هو الديتول
كنت حاسة ان في حاجة ناقصة
:))))

شمس النهار يقول...

*سواح في ملك اللــــــــــــــــــه

وهو ده المطلوب

اي ان نتلهي بالكلام ده
عن القضايا الحقيقية

شمس النهار يقول...

*لـــولا وزهـــراء

كلمة الحق طلعت يالولا

هم خمينا الثورة فعلا

:)))))

شمس النهار يقول...

*بسنت

من فترة كده مع بداية الافلام بتاعتهم دي
قريت ان مبارك هددهم
وقالك ماحصلش
واضح انه حصل اهو

شمس النهار يقول...

*فاتيما

اصلا مافيش شهادة
هي فين الشهادة دي
ونبي ده تهريج
كل اللي قاله
مااعرفش
:)))
ازهري كويس
وان شاء الله هكلمه بكره واسلم لك عليه
ربنا يبارك في عمرك يافاتيما
ياجميلة
ياوحشاني
:))

شمس النهار يقول...

*مصري جدا
:)))
يامتر دي ماكانتش ثورة
دي كانت خناقة بين الشعب وبعضه
ايوة في ضديات بينهم
وهوبا قامت الخناقة
وانت عارف المصرين
خناقهم عفش
جبر يلم العفش
:))))))
يبقا المشير هيشهد علي شعب بحاله بيتخانق
:))

مصطفى سيف الدين يقول...

بصوا بالنسبالي مش بحب اعلق على شهادات حد ده راجل حلف اليمين وبقي قدام ربنا فلو كذب فيه يبقى على ربنا حسابه ودورنا بس نثبت انه شهد زور علشان ياخد حسابه في الدنيا لو كنا متاكدين فعلا ان شهادته زور
مشكلة قضية المخلوع دي في شهود كتير واوامره بتبقى اغلبها شفهية مفيش اثباتات
انا عايز احقق العدالة بس الظاهر حتى العدالة في الزمن ده مستحيلة
تحياتي

ريري كربكه يقول...

الله اعلم بيه شهد بالحق فلنفسه قبل اي حد
وكمان اللي حمى الثوره هما شبابها الله يحفظهم
اللهم اجعل مصر امنه كما قلت في كتابك يارب ادخلوا مصر امنين
تحياتي لكي يا شمسس على البوست

شمس النهار يقول...

*مصطفى سيف الدين

عدالة ازاي بس يامصطفي
وكل شئ زي ماهو
الناس هي هي
مافيش تغيير
انت عرفت موضوع المحامين اللي بياخدوا فلوس علشان يعملوا هيصة في المحكمة

شمس النهار يقول...

*ريري كربكه

ثورة ايه بقا ياريري
ده علي الكلام ده
دي كانت خناقة بين الشعب وبعضيته
وخلصت واتصالحوا
:)))

ريهام المرشدي يقول...

في كلمة خطرت على بالي و أعتقد ها نقولها قريب " شقاوة شعب يا أفندم "

شمس النهار يقول...

*ريهام المرشدي

:))
ايوة الاولاد بتلعب مع بعض خرموا عيون بعض
بس كله تمام يافندم

Ms Venus يقول...

خمينا الثورة

طبعا دى الحقيقة

الغريب بقى واللى مجننى

هى الناس دى مش خايفة من ربنا !!!!!!!

شمس النهار يقول...

*Ms Venus

الناس دي نسوا الله فأنساهم انفسهم

عرفة فاروق عبد لله يقول...

المشكلة مكانتش بس فى المشير

المشكلة فى دولة ونظام بحاله كان عامل شبكة

المشير والجيش فى وقت من الاوقات كانوا شايفين الشبكة دى ومش قادرين يعملوا حاجة لأن البلد مش هتستحمل انقلاب عسكرى

لكن بالتأكيد كان ليهم موقفهم زى موقفهم اللى كان رافض التوريث وبشدة
ودلوقتى لأن فى حساسيات كتير فالشهادة ممكن متكونش اللى مستنينها الناس بس بالتأكيد مش غرضه يضر البلد أو ينقذ مبارك لأن لو كان عايز ينقذه كان عمل كده ايام الثورة

عموما يا شموستى بكره الشمس تطلع وكله يبان

ماجد القاضي يقول...

السلام عليكم أختي شمس...

بصراحة لا أفضل الانسياق وراء الإشاعات وضرب أخماس في أسداس... ليس ثقة في المشير أو حتى انتظارا لشهادته أو التعويل عليها في شيء... ولكن لأن هذا هو المنهج الشرعي:
" يا أيها الذين آمنوا إن جاءكم فاسق بنبأ فتبينوا.... الآية"

أرى أننا لا نملك من هذه المحاكمة الهزلية شيئا طالما ارتضينا من البداية أن نكون (مؤدبين مع النظام السابق أكثر من اللازم)!!!!
وأرى أن الأولى الانشغال ببلاوي كتيييير تانية... والسعي الحثيث نحو انتخابات نزيهة تضمن لنا بدء البناء من جديد على نظافة لا أن ننتظر أحدا ينظف لنا أو يخطط ويبني لنا....

تحياتي الدائمة أختي الكريمة...
..............
حلوة الصورة على فكرة :)

شمس النهار يقول...

*عرفة فاروق عبد لله

الموقف ايام اشتعال الثورة
ماكنش ينفع حد ينقذ حد

ماكنش ينفع غير ان اللامبارك يتنحي
والحاشية تمشي
المجلس في دماغة ايه الله اعلم
بس الواضح ان المجلس
عامل بنظرية
خالف تعرف
وان شاء الله خير

شمس النهار يقول...

*ماجد القاضي

وعليكم السلام ورحمة الله وبركاته

تصدق وتؤمن بالله
ان كل يوم لازم اقرا او اتفرج علي حاجة عن الانتخابات الجاية
علشان اقدر اكتب بوست واضيف ليه اللينك بتاع البوست بتاعك كيف تختار النائب
ولحد دلوقتي مش فاهمه حاجة
ولمااحنا كده البسطاء هيعملوا ايه
هيروحوا يبصموا بقا
انا مش خايفة من اي حاجة الا من الانتخابات
اما محاكمة اللامبارك
مالناش يد فيها خلاص
والمجلس والقضاء منهم لربهم
هو اللي هيحاسبهم
وربك كريم
والله كبير