الخميس، 8 سبتمبر 2011

ثورتنا حلم لسه مااستسلمش + تحديث

ارتباطده لينك بوست كتباه
اختنا المدونة خمسة فضفضة
عن رحلة العذاب والضني بتاعت المعتمرين المصريين السنة دي
=======
مدونة حلم لسه مااستسلمش وان شاء الله مايستسلمش
كاااااتب حتت بوست راااائع
لينك البوست اهووووووووووو
كنت بكتب اكتوبر اللي فات عن ايام ا
لهزيمة والنصر وخواطري عن ايام عشتها
في الج
زء ده
الغالية قوس قزح سألتني سؤال هتلاقوه في التعليقات
بغض النظر عن اللي بيحبوا عبد الناصر او يكرهو احنا مش هنتجوزه
احنا بنتكلم عن ثورة عملت ايه علشان الشعب يلتف حولها
ارتباط
========
السؤال اهو:
اللى عايزة افهمه و لغز لى هو
عبد الناصر و ردود فعل الناس
الناس بالرغم من النكسةو فرض الحراسات و زوار الفجر ..لكن كانوا بيحبوه
ازاى ؟
ليه الحب ده برغم ان فى حاجات كتير حصلت تخلى الناس تفقد الثقة فيه ؟
====
===
الاجابة اهي:
عبد الناصر كان له كاريزما جامده اوي
ولما جه
جه ومعاه حل
م للبسطاء

*ملك الفلاح 5 فدادين كان اجير فيهم
(ومش هتكلم عن فشل هذا بتفتيت الارض الزراعيه لحد ماوصل ان الشاب ورث قيراط هيعمل بيه ايه هيزرعه ازاي راح باني عليه بيت وسافر الدول العربيه يشتغل او نزل القاهرة يشوف رزقه وضاعت الارض وضاع محا
صيل جميلة زي القطن المصري الجميل وده خد في وشه مصانع النسيج والقماش المصري...الخ)

*نيجي للعامل بدل ماكان بيشتغل اجير امم له المصانع وخلاه في مجلس الادارة
وشاركه في الارباح
وعمل له نقابه تحميه
(بغض النظر ان العامل ده بلطج ومابقاش يشتغل كويس علشان كده كده هو هيقبض اخر الشهر)

*اما المثقفين والسياسين كان السواد الاعظم منهم ضد الملكيه واللي بيعمله الملك
وحبوا الثورة والتفوا حواليها

*والطبقات اللي ماكانتش بتقدر تعلم ولادها عملهم مجانية التعليم
(اللي طبعا اثارها واضحة الان والدروس بتاكل دخل اي اسرة))

*ده غير الحلم والمشروع القومي ببناء السد العالي
التحدي اللي جمع المص
ريين علي تحقيقه

ده قليل من كثير مش عايزة بقا يحبوا عبد الناصر صاحب الحلم الجميل اللي اتحقق فعلا

الناس حبته وصدقته ومشيت وراه
كون ان الحلم ماكنش مدروس او اتنفذ غلط بس برضه همه حبوه

*وشعوب الوطن العربي برضه حبته علشان حلم القوميه العربيه وكمان مساعدته في كفاحهم ضد الاستعمار
وحروب التحرير

عبد الناصر في تصوري انه انشغل بقضايا علي حساب قضايا
وترك اشياء كتير لنا
س المفروض انهم اهل ثقه

لعبوا باقدار الناس
وخربوها
واول خراب بان كان 67

ده اللي بان والباقي ماات
عرفش غير لما مات عبد الناصر
والناس الكريهه دي وقعوا ورا بعض وخبطوا في بعض
ومجي واحد زي السادات عارف الدهاليز
كلها

الناس دي اتفضحت وات
شهر بيها واتعرف كل شئ
يبقا ان جمال عبد الناصر بشر
وليس خارق له عيوب وميزات واي قانون وضع هو قانون بشري
قابل للصح والغلط

ويبقا عبد الناصر زعيم حكم مصر
وما
ت من غير مايسرق المصريين

يعني ده راي كمواطنه لا خبرة لي بالسياسه ولكن اسجل ماعاصرته فقط
:))
=============
ثورتنا مالهاش صاحب غير الشعب
اللي بيحطولوه قوانين وقواعد تمنعه من ال
اعتصام والتظاهر وانه يقول رايه بصراحة
من الاخر بيرجعوه لأيام العبودية تاني
واختيار 9/9 جه اختيار جميل جدااااااااااااااااا
9/
9/ 1881
ده ثورة عرابي
واللي عايز يعرف اكتر يروح اللينك ده
((لقد خلقنا الله أحراراً، ولم يخلقنا تراثاً أو عقاراً؛ فوالله الذي لا إله إلا هو لا نُورَّث ولا نُستعبَد بعد اليوم.))
أحمد عرابي
======

هناك 46 تعليقًا:

سواح في ملك اللــــــــــــــــــه- يقول...

السلام عليكم ياشمس البلوجر

والله بنتظر بوستاتك

بصي ياست الكل

الكلام ده انا كتبته من شهرن كده

وده الرابط بتاعه

http://sawahmasry.blogspot.com/2011/06/blog-post_12.html

شمس النهار يقول...

*سواح في ملك اللــــــــــــــــــه

وعليكم السلام ورحمة الله وبركاته

شكرا ليكي علي مجاملتك اللطيفة
ربنا يكرمك

وهروح اقرا طبعا واكيد انا معلقة هناك مادام من شهرين

:))

haneen nidal يقول...

{ الدرس الوحيد الذي تعلمته الحكومات و الشعوب من مطالعة التاريخ انهم لم يتعلموا من التاريخ شئ ..} محمد حسين هيكل

وهي دي الحقيقية بنثور بنثور و نهدي على فشوش . . . الشعب لزملوا قائد و فقد القائد فضاعت البلاد و العباد

الحل مش بثورة و لا بفكر منفتح الحل انو ربنا يبعتلنا قائد صالح يراعي الله فينا . . . يكون لو هفوات زي ماسلفتي لانو ما في انسان كامل و الكمال لله وحدو . . بس ميسرقناش ميسرقش الحلم الجميل ولا الطيبة من قلوبنا

و بصي في واحد اسمو ادورد جين بيقول ان التاريخ لا يعدوا أن يكون سجلا ً للجرائم و الحماقة و خيبة الامل

يمكن يكون عندوا حق و الي بيحصل حاجة طبيعية !!!!!!!!!

على كل حال تسلم ايدك ع الطرح

و ربنا يعدلهالنا من عندوا

النقطة الاهم ( ان الله لا يغير ما بقوم حتى يغيروا ما بانفسم )

شمس النهار يقول...

*haneen nidal

عارفة النهاردة قريت عبارة ساخرة للكاتب جلال عامر عجبتني اوي
((الكاتب جلال عامر: حققت الثورة أكبرتجمع فى تاريخ الشعوب،وحقق فيلم(شارع الهرم)أكبرإيراد فى تاريخ السينما،وكأننا غيرنا«الملوك» ولم نغير «السلوك ))

ايه رايك
:)))

ابراهيم رزق يقول...

ناصر ده حبيبى حبيبى
حبيت ناصر من حب والدى و والدتى له
حبيت ناصر من حب والدى الظابط فى الجيش و اللى اصيب فى حرب اليمن و تم اسره فى 67 و شرب من الماء العفن فى الصحراء و مع ذلك مات والدى و هو يقطر حبا لناصر
حبيت ناصر من كشك او محل بقالة او جزامتىاو حلاق تدخله تلاقى صورة ناصر متعلقة رغم مرور اربعون عام على وفاته حب حقيقى مش نفاق
عارفة ايه سر عبد الناصر هو الاخلاص و الصدق و الطهارة
يعنى تخيلى انتى شايلة طقم صينى انتى و بناتك و تعبانة و الاسانسير عطلان شافك واحد صمم انه يشيل الطقم ده لوحده عشان ميتبعكيش و يريحك من السلم بدون مقابل تفتكرى لو بعد ما طلع طقم الصينى لكى فوق وقع منه كم طبق اتكسر تفتكرى توبخيه او تزعلى منه و لا تقولى له فداك و تشكر على تعبك
انتى دوستى على المفتاح بتاعى و لو فتحت تعليقى مش هيخلص محتاج بوست لوحدى
تحياتى

شمس النهار يقول...

*ابراهيم رزق

:)))
ياسيدي علق زي ماتحب المدونة مدونتك

عبد الناصر حتي اللي كرهوا احترموه
يقول لك ديكتاتور بس ايده نضيفة
يقولك فقرنا بس الشهادة لله ماحدش جاع في ايامه
وتعليقات من النوع ده

مصر كانت مبجله علي مستوي العالم
في مصايب اه لكن في حاجات حلوة
مش من ضمنها الخيانة ولا السرقة ولاقتل حماعي للشعب

haneen nidal يقول...

تعرفي فعلا هو تغيير ملوك لا غير و للاسف الشديد :((

الاحلام يقول...

وما زلنا نتخبط وما زلنا فى مفترق الطرق
نريد الاستقرار ومتى سياتى حتى تطمئن قلوبنا
تحياتى شمس
الاحـــــــــــــلام

حلم بيعافر يقول...

كان شايل هم الناس

دى الفكرة

ده حتى اللى كانوا بينافقوه كانوا بينافقوا من قلبهم...لو ركزتى مع الكورال فى اغنية صورة هتلاقى قلوبهم بتتخلع فى المقطع(قلنا يازعيمنا قلوبنا اهيه ليالينا هيه فى يوم الدم وهبنا الدم هنبخل بالليالى ليه؟)

بالرغم من كرهى لاقحام اسمه فى كل الاغانى الوطنية فى الفترة دى -اللى معظمها الفها صلاح جاهين-الا ان اللى كان بيحصل ده كان فيه كتير من الصدق.

م الاخر كنا ع الحلوة والمرة مع بعض

بس))..

لو جيتى تقارنى بين الانقلاب اللى الناس احتضنته وخلته ثورة وبين الثورة اللى الناس بدات تزهق منها دللوقتى تقدرى تمسكى خيوط اكتر والمقارنة توضح اكتر

شمس النهار يقول...

*haneen nidal

احنا غيرنا ملوك وجبنا اباطره
واغلب الشعب اتغير للأسوء
دي حقيقة مؤلمة

شمس النهار يقول...

*الاحلام

الاستقرار مش هيجي لوحده
الاستقرار هيجي من تحقيق اهداف الثورة
اللي هيه
حرية عدالة اجتماعية

شمس النهار يقول...

*حلم بيعافر
اهلا اهلا
:))
بالظااااااااابط
كان شايل هم الناس
كانوا بيشفوه لابس زيهم
وبياكل زيهم
ولاده عادي في مدارس كل المصريين

الناس الاعلام هو اللي زهقها
الفلول هي اللي زهقتها
انت متخيل ان الناس دي هتسبنا فس حالنا
اومال المليارات دي هيصرفوها ازاي وفين غير علي معدومي الضمير
اللي هيضربوا الثورة ويطربقوا مصر علي دمغنا
ونقول ياااااااارب
موعدنا 9/9

اندروميدا يقول...

عبد الناصر كما قالوا عنه ... كان عظيم المجد وعظيم الخطايا ... ولكن طبيعه العصر في تلك المرحله كانت مؤهله لصناعه الزعماء ... فذلك هو عصر الجماهير الغفيره ... هتلر ... ستالين ... جيفارا ... ناصر ... تيتو ...نهرو ... الخ ... ولعل افضل ما كتب في تقييم ناصر هو ما كتبه توفيق الحكيم في كتابه ... عوده الوعي .... تحياتي لك . ولكن طبيعه العصر في تلك المرحله كانت مؤهله لصناعه الزعماء ... فذلك هو عصر الجماهير الغفيره ... هتلر ... ستالين ... جيفارا ... ناصر ... تيتو ...نهرو ... الخ ... ولعل افضل ما كتب في تقييم ناصر هو ما كتبه توفيق الحكيم في كتابه ... عوده الوعي .... تحياتي لك .

شمس النهار يقول...

*اندروميدا

زي ماتقول الحياة كانت بتتغير

والثقافة كانت عالية

والناس كانت بتحب اللي زيها

sabry abo-omar يقول...

المشكلة تعرفى فى التاريخ.. أنا بقيت متلغبط فى أى حاجة أقراها أو أعرفها .. دى حقيقة واللا متفبركة؟؟؟ بقيت مش عارف مين اللى صح وليه؟؟؟ علشان كدة مش عارف أكون رأى عن أى حد ... إذا كنا عايشين ومش عارفين حقيقة اللى بيحصل قدامنا وفى زمانا.. المهم : يارب الخير لمصر.. يارب

mahmoued abdulsattar bayomi يقول...

ان قارنا بين عبد الناصر ومبارك سنعرف مدي الاجحاف بمبارك وسيثبت التاريخ انة افضل من حكم مصر ولتقارني قرار قرار سنة بسنة وسيعلم الظالمون اي منقلب ينقلبون

sony2000 يقول...

شموووس ازيك
وحشاني بجد كتيييييييير

عوزين قعدايه حلوا اعرف فيها اخبارك كدا
اوكي؟

catroz يقول...

حاسه ان العسكر بيلعبو لعبه خبيثه
{بنا يستر على بلدنا :)

tarek momen يقول...

يا معلم ياكبير قوي ده انتي تفوقتي علي اساتذتك ايه الروعة دي
الله ينور

ريهام المرشدي يقول...

عبد الناصر كان و ما زال أسطورة بالرغم مما كان في عهده ، و لكن إلى حد ما مميزاته أكثر من عيوبه

وجع البنفسج يقول...

اخ يا شمس النهار .. والله الواحد حاسس نفسه بيرجع لورا مش بيقدم لقدام .. عموما ربنا يصلح الحال .. وان شاء الله اروح واعمل زيارة للينكات اللي اشرتي إليها ..

دمت ومصر الحبيبة بخير .

أحمد الصعيدي يقول...

فقط هنا لتحية عاطرة أختنا العزيزة


أسعدك الله

Foxology يقول...

تدوينة جميلة بجد وفكرتنى بالراحل اللى كان زعيم بجد .. الحمد لله انه مات ومعاش للزمن ده علشان كان هيموت بحسرته وقتها

تحياتى

5o5a يقول...

بوست رائع

طبعا انا مسمعتش عن عبدالناصر غير من الكتب وزي ما قلتي فيه ناس كانت ضده ومازلت بسمع كلام كتير ضده
لكن انا بحب شخصية عبدالناصر وزي ما قلتي كفايه انه مسرقشي البلد
و يارب الايام دي تعدي علي خير

Haytham Alsayes يقول...

لا مش هاعلق علي كلام حضرتك علي عبد الناصر لانه ممتاز ومش محتاج مني الحقيقة اعلق
سواء اختلفنا او اتفقنا دى فترة مرت بحلوها ومرها الاكيد اننا لازم نتعلم منها


طيب الوضع ايه دوقتي
مجلس فلول مغضوب عليه من كل الشعب تقريبا حتي بتوع حزب الكنبة مخنوقين منه وهما لا يدوروا بمعني مثلا واحد مستني بيقول نشوف هما يمشوا وبعدين البلد هتتعدل
طيب يعني الثوار والكنبة متفقين بشكل غير مباشر

طيب دلوقتي لا مفر من الصدام ومحدش يعرف او يتكهن في المرحلة لو هو مين

بس ممكن نحفظ القطعة دي

نحن الان في مخاض بلد في امة عظيمة لابد ان تقوم لانها مأمورة بنفس كيفيةناقة الرسول يوم الهجرة وستستقر في مكان ما في المستقبل التاريخي سواء هلل الصحابة لذلك او تمعر وجه ابن ابي سلول ..ستستقر حتما وما نحن الا في دائرة صغيرة جدا من دائرة اكبر لا نعلمها ابدا ولكنها تتسع يوما بعد يوما بفعل قوانين الله ومنطق التاريخ لما هو ات ولكن اكثر الناس لا يعلمون

بس كدة

Noha Saleh يقول...

متفقة معاكى فى كلامك عن عبد الناصر جدا

beautiful mind يقول...

عبد الناصر زي ما حضرتك قلتي لم يسرق شعبه
لكنه دبح الشعب
دبح المثقفين واي حد بيفكر
نشر الشيوعيه
فتح المعتقلات
كفاية عليه اعدام سيد قطب
يا استاذتي كلهم طغاة
لكن لكل منهم اسلوبه في قهر الشعب

الفقيرة إلى الله أم البنات يقول...

أول مرة أشوف حد بيتكلم عن عبد الناصر على اساس انه بشر
الناصريين بيمجدوه
واللى ضده بيشيطنوه
هو فعلا زى ما قلتى يكفيه فقط انه مسرقش المصريين..ما كل واحد مسك هبل ولخبط الدينا وسرقنا

ربنا معاك يا مصر
بوست رائع

SHAPE YOUR LIFE (ABOALI) يقول...

جميل الكلام ومع الكلام يحلى المعنى لو القلوب من جوه بقت صادقة كل احوالنا هاتبقى تمام لو بدأنا نشتغل بدل الكلام
ومع الشغل وتغير النفس كل شيىء وحش هايموت

كل التقدير لانسان يستحق

شمس النهار يقول...

*sabry abo-omar

عندك حق مشتركين في الاحداث مين كدبه

التاريخ يكتب حسب الاهواء
عادي

شمس النهار يقول...

*mahmoued abdulsattar bayomi

عندما يكتب التاريخ عن الزعماء يكتب مافعلوه من منطلق عمل صح قد ايه وعمل غلط قد ايه والكافة الراجحة تجعل منه زعيم ناجح او فاشل
زي محمد علي علي قد قسوته وجبروته وبطشة الا ان التاريخ يذكر له انه مؤسس مصر الحديثة
كل شئ الان تجد من وضع له حجر الاساس كان محمد علي من اول الاسطول البحري الي كلية الالسن

شمس النهار يقول...

*sony2000

اهلا بيكي ياغالية

ان شاء الله لينا قعدة لطيفة بس وضبوا لها
مش عارفين نلم الاطراف خالص
بس ياريت يتكون قبل مااسافر
عندي امل يعني

شمس النهار يقول...

*catroz

بلعبوا بس دول بيلعبوا لعب
علي كبييييييييييير
وياريته لعب نافع حتي
:)

شمس النهار يقول...

*tarek momen

:))
دي شهادة اعتز بيها جداااااااا

اصلا انت فين ياكبير
سمعت كلام عنك وكنت عايزة اطمن
طلبتك ماردتش
يارب يكون كل شئ بخير دلوقتي
لازم الفضايح علي المدونة ماكنت ترد احسن
:))))

شمس النهار يقول...

*ريهام المرشدي

عبد الناصر كان زي اللي ساحر للمصريين والعرب

شمس النهار يقول...

*وجع البنفسج

اهلا بيكي ياجميلة

بس تصدقي رغم السواد اللي حاصل عندي امل كبير جدا وتفاؤل
جيباه منين مااعرفش

شمس النهار يقول...

*أحمد الصعيدي

اهلا اهلا بيك يااحمد
ازيك يارب تكون خير

وشكرا علي المرور العطر
نورتني

شمس النهار يقول...

*Foxology

اهلا بيك ياابو يوسف

ده ماكنش هيموت ده كان هينتحر اصلا
اغلب المصريين عايزين ينتحروا الان

شمس النهار يقول...

*5o5a

شكرا علي مجاملتك الجميلة

لسه كنت برد في تعليق
ان الزعماء يقاسوا بالزائد والناقص واللي يغلب هو اللي يحدد كان زعيم كويس والا ماكنش
بس عبد الناصر كان حبيب الملاين
وكان كارزمة عالية

شمس النهار يقول...

*Haytham Alsayes

يانهار ابيض هيثم بيقول علي كلامي ممتاز
يبقا هتغر كده
:))
تعلقك ياهيثم بوست اصلا

عندك حق انت قريت التاريخ ودرسته ورؤيتك لازم تؤخذ في الاعتبار
شكرا ليك

شمس النهار يقول...

*Noha Saleh

شكرا يانهي

انتي فين غايبة
يارب تكوني بخير
نورتيني

شمس النهار يقول...

* beautiful mind

اهلا بيك
ماحدش يقدر يقول ان عبد الناصر مافتحش معتقلات وان الشعب عاش في سجن كبير
وانا هنا بشرح ليه الناس رغم كل ده كانت بتحبه
وده كان سؤال قوس قزح
وده كان ردي عليها

كل سنة وانت طيب بمناسبة بداية العام الدراسي

شمس النهار يقول...

*الفقيرة إلى الله أم البنات

اهلا اهلا بالحبايب

شوفي اللي بيحبوا عبد الناصر مابيذكروش غير كل حلو وجميل حتي الاخطاء بيقولوا عليها مش هوه
طيب حتي لوحصلت من وراه يبقا كان زعيم نايم علي ودانه

اي بشر هو بشر زمن الرسل خلاص
واي بشر ممكن يبقا صح وممكن يبقا غلط شرير او خير
مافيش حد ملاك علي طول
نورتيني ياغالية

شمس النهار يقول...

*SHAPE YOUR LIFE (ABOALI)

اهلا بيك ياابو علي

انت قافل التعليقات ليه

بيعجبني التفاؤل اللي انت فيه جدا
ربنا يدمها نعمة عليك

ريري كربكه يقول...

مدونه هايله ياريت نكون تركيا تانيه في الشرق الاوسط

الاحلام يقول...

هناك اشياء كثيره تحتاج الى توضيح منها موضوع السفاره يوجد به اشياء غامضه ولا نفهمها جميل ما سطر قلم
ان شاء الله الاخبار السعيده تسعد قلبك وتسعد من حولك
تحياتى ابوداود