السبت، 24 سبتمبر، 2011

ازيكم :)


مش عارفة طلع في نافوخي اسمع اغاني سودانية
وجيلي ارتبطت عنده الاغاني السودانية
بالفنان سيد خليفة
وقعدت اسمع وقلت اسمعكم معايا
:))

علي فكرة السودان بلد جميلة جدا
وفيها اماكن اثرية مختلطة مع الطبيعة الخلابة
والنيل هناك له لون راااائع
لو دخلتوا علي الصور في جوجل
هتشوفوا اجمل صور في الدنيا

هناك 29 تعليقًا:

سواح في ملك اللــــــــــــــــــه- يقول...

الحقيقة انا معرفش عن السودان كتير

لكني بالفطرة اجد نفسي

احب هذا الشعب لطيبته المفرطة

تحيتي ياست الكل

Carmen يقول...

عندك حق هي فعلا بلد جميلة جدا وبالنسبة للاغنية هشوفها اما ادخل جهاز انا موب دلوقتي ^_^

Carol يقول...

أعجبتني مدونتك
لذيذة و متنوعة :)

مصطفى سيف الدين يقول...

ازيكم كيف حالكم :)
كنت بحب الالبوم ده اوي وحافظه صم
شكرا انك فكرتيني بيه
ويسعد صباحك

الازهرى يقول...

السودان بلد رائع
وحكاويه كتيره
وجزء من مصر عبر تاريخ طويل

وأتمنى أزورها فى يوم من الأيام

أتمنى الكل يكون بخير وخاصة شة البورصة تبعنا
طمنينى عليهم
وأول ما أرجع بإذن الله اتصل بالكل واطمن

شمس النهار يقول...

*سواح في ملك اللــــــــــــــــــه

ايوة همه شعب طيب جدا
وودود ومحب للناس والحياة
وعندهم بساطة يحسدوا عليها

شمس النهار يقول...

*Carmen

الاغنية هتعجبك جدا
ولو عايزة تسمعي ادخلي اليوتيوب انبسطت ان فيها اغاني كتير
سودانية

شمس النهار يقول...

*Carol
اهلا بيكي ياكالاول

واهلا بأهل اسكندرية
شكرا علي كلامك اللطيف
:))

شمس النهار يقول...

*مصطفى سيف الدين

الالبوم جميل
وشخصية سيد خليقة كمان
شخصية بشوشة وانسان لطيف

:))
يسعد صباحك

شمس النهار يقول...

الازهري

ازيك ياريس

لاتقلق امبارح اطمنت عليهم من عمرو وعادل علي تويتر
كلهم كويسين

:)

فشكووول يقول...

السلام عليكم
كمان اليومين دول السودان هى اللى بتأكلنا لحمه وعلى فكره انا كلت منها وطعمها جميل جدا بس زى كل حاجه كويسه مش بتكمل اصل ادوها للجزارين وابتدوا يرفعوا سعرها تانى زيها زى اللحمه الكبيره هما بيبيعوها بـ 41 ويحطوا لك 200 جرام دهن يعنى تاخدى اللحمه وترمى الدهن فى الشارع ولما تحسبى الـ 200 جرام دهن بفلوس وتحطيها على الثمن الـ 41 تلاقيها قربت من اللحم البلدى وتلاقى نفسك تقولى وليه اوجع قلبى بالطوابير وترجعى للحمه البلدى مع ان فيه تجاره كبيره فى اللحم السودانى وان الكيلوا لا يتعدى 25 جنيه .. بس زى كل حاجه جميله عندنا بيفرغوها من مضمونها وتبوظ
ملحوظه . اصلى بحب اللحمه قوى

دعاء العطار يقول...

معرفش عن السودان كتير .. ومش سمعت أغانى سودانيه خالص

بس هحملها واسمعها لان نتى بطىء جداً

دمتى بخير (:

Ramy يقول...

السودان يمكن مكنتش من الدول اللى اتمنى ازورها زى لبنان و المغرب

لكن أعز أصدقائى سودانى

يمكن جه من فترة قبل الأنصال كده كان عمال يقولى و يتحايل عليه انهم هيرجعوا و عاوزنى اروح معه و اشتغل هناك

(:

هدخل جوجل و اتفرج (:

الغنية دى جميلة انا مبسمعش سودانى

بس دى جميلة

أختيار جيد من حضرتك لناس ممكن يكونوا اول مرة يسمعوا سودانى

AHMED SAMIR يقول...

مش عارف ليه باحس ان السودان بالنسبة لنا بلد مجهولة
مرتبطة بأذهاننا بأشياء قديمة عفا عليها الزمن و تثير الحساسيات بيننا و بينهم..!!
و على الرغم من اننا يفترض ان نكون اقرب الشعوب للسودان والسودانيين الا اننا ابعد ما نكون عنهم
شكرا لكي
تحياتي

ريهام المرشدي يقول...

إزيك يا شمس ،احنا كويسين الحمد لله :)
شكرا على الأغنيه ، سمعتها و أول مرة أسمع أغنية سودانيه.

غير معرف يقول...

سلام الله على شمس النهار .الحمد لله انابخير ,انا اول مرة ادخل المدونة ولقيت العنوان ازيكم قولت لازم ارد على حضرتك اما عن السودان مش قدرة انسى موقف المصريين فى مباراة مصر والجزائر فى السودان .اما عن جملها فلا اعلم عنها شىء لكن مادام حضرتك شيفها جميلة تبقى جميلة هو احنا نقدر نزعل حضرتك.دمتى بخير ايها الفاضلة .{لورانس}

The illusionist يقول...

اهم حاجه متشوفيش اغنيه كل زول ليه الزول بتاعه الا انا ما عندى

الاغنيه دى هتشلنى حتى الان

beautiful mind يقول...

السودان بلد جميل فعلا
وكم احزننا تقسيمه
بس انا مش هقدر اسمع الاغنيه
عشان انا مقاطعها
تحياتي لحضرتك

شمس النهار يقول...

*فشكووول

وعليكم السلام ورحمة الله وبركاته

طبعا اللحمة السوداني من اجمل اللحوم
بس لما تأكلها هناك
المراعي هناك طبيعية وخطيرة يعني الماشية مش واخدة هرمونات ولا واكلة زرع متسرطن ولا شارب كيماوي
:(

لكن اللي جت مصر مااعرفش عملوا فيها ايه او طعمها ايه
ماجربتهاش
بس شوفت المصريين مابيغلبوش
:)))))
عجبتني حكاية ال200 جرام دي
المصريين ملوك الفهلوة
:)))))

شمس النهار يقول...

*دعاء العطار

السودان بلد جميلة والطبيعة هناك خطيرة

ادخلي جوجل واتفرجي علي الصور

وكمان الاغاني السودانية الحديثة لطيفة
اغنية ازيكم دي من بتوع جيلي انا:)))

شمس النهار يقول...

*Ramy

السودان بلد جميل
ممكن مايكونش سياحي زي لبنان والمغرب

بس ده علشان هناك مش مؤمنين بالسايحة اوي
لكن هي لو اهتموا بالسياحة هتبقا ميه ميه
وجوها الحر جدا مخلي السياحة برضوا يعني مش قد كده
لكن هي فيها اثار ومناظر طبيعية
مالهاش وصف من كتر الجمال

والاغاني السودانية جميلة
دي ابسطها علشان هيبقا في كلام مش هيتفهم
:))

شمس النهار يقول...

*AHMED SAMIR

السودان تعتبر فعلا البلد العربي الوحيد اللي يجمعنا تاريخ طويل
ملك مصر كان ملك مصر والسودان

ده غير النسب الكبير اللي بين البلدين
وتعتبر الجالية السودانية في مصر من اكبر الجاليات المقيمة

شمس النهار يقول...

*ريهام المرشدي

انا الحمد لله
:))
يارب تكوني بخير وصحة وسعادة

الاغاني السودانية لطيفة والموسيقي محببه

شمس النهار يقول...

*لورنس
وعليكم السلام ورحمة الله وبركاته
ازيك فينك غايب ليه
يارب تكون بخير

شكرا علي كلامك اللطيف
وفعلا السودان بلد جميييلة
وناسها طيبين
وموضوع مصر والجزائر مااتعرف
وان عرف السبب بطل العجب

خناقة مصالح بين اتنين
قلبت بين الشعوب
وكله من اتباع سياسة القطيع
:))

شمس النهار يقول...

*The illusionist

:))))
بدل ماتتشل اعملك زولة
:))))

شمس النهار يقول...

*beautiful mind

مقاطع ايه؟؟
الاغاني عموما
ولا الاغاني السودانية بس؟؟؟
:))

الفقيرة إلى الله أم البنات يقول...

اوجزت يا ست الكل ..وهيقول ايه بعد كلامه...حتى لو انكر او قال غير كده ...الشاهد علينا كلنا هو العدل الحق هيجيب حقنا كلنا

الفقيرة إلى الله أم البنات يقول...

اوجزت يا ست الكل ..وهيقول ايه بعد كلامه...حتى لو انكر او قال غير كده ...الشاهد علينا كلنا هو العدل الحق هيجيب حقنا كلنا

عرفة فاروق عبد لله يقول...

هبقى ادخل على جوجل واشوف اجمل صور فى الدنيا

ميرسى لسيد خليفة