الاثنين، 2 يوليو، 2012

تكذيب

اتهمني الصديق
محمد بدر
في التعليقات السابقة
اني انشر الاشاعات
اكتشفت التعليق وانا ادخل لنشر التكذيب
حيث اني نشرته علي تويتر الاول
وجيت هنا اسجله للتاريخ
وللحفاظ علي مصداقية هذة المدونة
قبل اي شئ
واحب اقولك ان اخبار اليوم دي جريدة حكومية
وطول عمرنا نعرف ان اي خبر تنشره بيكون متراجع من مندوبين الوزارات
وخصوصا لما يكون خبر خطير كده
يمكن علشان انت جديد هنا
وماتعرفش مين شمس النهار بتقول اني بروج اشاعات
وانا رديت علي تعليقك في البوست السابق
---------------
البوست الاساسي
***
علي قناة سي بي سي يتكلم الان اسامة نجل الريس مرسي
يكذب خبر انه اهدي قلادة للغنوشي في مطار القاهرة
وانا اطلب من اسامة ان يرفع قضية علي الجرائد اللي نشرت الخبر
وخصوصا ان احدهم جريدة اخبار اليوم والاخري المصري اليوم
يعني اتنين مالهمش حل
اشهر جريدتين في مصر
انا هنا بقول كده ليه
علشان لما يترفع قضية ويتكدبوا
يعرفوا انهم ماينشروش شئ بالخطورة دي لعمل بلبلة
وخصوصا اننا شبعنا من اخبار نجل الرئيس المخلوع
حبيت اصحح المعلومة
وارد لأسامة والريس مرسي اعتبارهم

هناك 14 تعليقًا:

ابراهيم رزق يقول...

شمس النهار

شمس الشموس

اللى ميعرفش شمس النهار يبقى ميعرفش النهار ابدا

الخبر اتنشر كمان من وكالات انباء عالمية و ممكن ابعت للاستاذ اللينك
اولا لا نريد ان نكون ملكيون اكثر من الملك

الخبر كان يجب ان يكذب من رئاسة الجمهورية
خصوصا ان الخبر نشر ليلا

تحياتى

سواح في ملك اللــــــــــــــــــه- يقول...

السيدة الفاضلة


مش عارف ايه اللي بيحصل

هناك تضارب في الآقوال بين لصحف

وكأنهم متعمدون ذلك

ولكنا نعرفكي جيدا ياشموسة

لاتنشري معلومة دون التأكد منها

تحيتي

شمس النهار يقول...

*ابراهيم رزق

شكرا علي كلامك

انت عارف انا مابزعلش من النقاش وكنت بتشوف مناقشاتي مع الشباب هنا كانت بطول قد ايه بس حق ربنا عمر ماحد فيهم اتهمني بشئ رغم اختلافنا

والخبر اتنشر علي جرايد ثقة يعني مش جيباه من وكالة انباء تحت بير سلم

والغريب ان الخبر بقاله 24 ساعة والرياسة ماكدبتوش واللي كدبه ابنه اسامة

انا رديت علي محمد في التعليق السابق في البوست السابق
ياريت تقراه

واعتقد اننا داخلين علي حرب اشاعات

شمس النهار يقول...

*سواح في ملك اللــــــــــــــــــه

شكرا علي كلامك ياخالد
بس فعلا لما خبر يتنشر في الدنيا كلها
وجريدة زي اخبار اليوم والمصري اليوم تعمل ايه بقا

والاهم انك لما تعرف ان الخبر غلط انك تيجي في نفس المكان وتكدبه

ولا ايه؟؟

الازهرى يقول...

اسه فى أمور هتظهر من تانى
كتييييييييييييييير

اصبرى

شمس النهار يقول...

*الازهري

شوفت المداخلة اللي عملها مجدي الجلاد

بيقول ان امصدر وكالة الانباء الالمانية
وكمان الصحفيين اللي في المطار وقال اسم واحد فيهم
ودخل في خيري المنافق شمال

وهينشر تكديب ابن مرسي في الوطن بكره

وبتاع حزب النور بيقوله جه اليوم اللي نتكلم مع ابن الرئيس ونهاجمه
راح مجدي قاله جزء مش قليل كان برضوا بيهاجم الرئيس السابق وابنه

كل ده والرياسة ماطلعتش كلمة واحدة

Days and Nights يقول...

الأخت الغاليه والعزيزة /شمس النهار

مع أنى مش غاهم بالضبط لكن مشارخ الأخ إبراهيم رزق فى كلمته

اللى ميعرفش شمس النهار يبقى ميعرفش النهار ابدا.

عموما ح نسمع أخبار كثير الأيام الجايه

ربنا يسترها من عنده

تحياتى لروحك الطيبه

ريـــمـــاس يقول...

صباح الغاردينيا شموسه
مين الي زعلك بس سيبهولي
<<< يابكاشه دنتي بتخافي من خيالك هههههههه
بهزر معاكي ممكن تبتسمي وزي ماقال ابراهيم الي مايعرفش شمس النهار ماشافش النهار :)"
؛؛
؛
لروحك عبق الغاردينيا
كانت هنا
reemaas

شمس النهار يقول...

*Days and Nights

شكرا علي كلامك:)

الاختلاف وارد وكتير لكن مش بحب الاتهامات

ولو الموضوع ده مااتاخدش بحزم هندخل علي حرب اشاعات

ربنا يستر

شمس النهار يقول...

*ريماس
:))

صباح الياسمين

لأ خاليكي انتي المرة دي
شايلاكي لحاجة اكبر
:))

نورتيني ياجميلة

مصطفى سيف الدين يقول...

تيك ات ايزي يا شموسة
احنا عايشين اصلا في عصر الكدب و التكذيب
و الخبر الصحيح اصلا بقى خيال علمي
تحياتي

شمس النهار يقول...

*مصطفى سيف الدين

طيب نعمل ايه ننزل بنفسنا نجيب الاخبار
:))

eng_semsem يقول...

هي المشكله الاساسيه مش مشكلة شخص
المشكله كمية الاشاعات اللي بنسمعها
واللي عن طريق صحف رسميه وقنوات اخباريه
وحاجات كتير بتتقال الغرض منها الاساسي ان الشعب يوقع في بعضه
ربنا يسترها ويكون بكره احسن
تحياتي ومش تزعلي نفسك

شمس النهار يقول...

*eng_semsem

احنا لسه شوفنا حاجة
اهو الغنوش نفسه اقر الواقعة
:)
تصدق مين بقا
شكلنا داخلين علي
اشاعات ومواضيع جانبيه
والرجل شكله هيتحارب