الأحد، 8 يوليو 2012

هي مش فوضي

اللي بيشوه الاسلامين
رغم تحفظي علي الاسم

همه نفسهم
الولد اللي قتل الشاب بتاع السويس
طلع انه فعلا متشدد واتطرد اكتر من مره من الجامع
واسمه الشيخ وليد
قال شيخ قال
هواسلامه قاله يقتل النفس التي حرم الله الا بالحق
وهو الحق انه يقتل شاب ماشي في الشارع
ده الزاني له طقوس ومراحل قبل ان يرجم
واصلا مين اداله الحق هو او غيره ان يعمل كده
يبقا مين اللي بيشوه الاسلام
تصدقوا اشد اعداء الاسلام مابيضروش الاسلام كده
انا غيرانه علي ديني
دين الله السمح
الاسلام مش كده ابدا
والاسلاميين زي مابيسموا نفسهم كده
لو عايزين يفلحوا يدوروا بنفسهم علي الناس دي
اللي همه اصلا اللي عملوهم كده
يدوروا عليهم ويعرفوهم الأسلام الصح
يعني يعملوا لهم اعادة تأهيل
قبل مايخربوها
ويشوفوا الدين الحنيف كان الانبياء بيدعوا اليه ازاي
(ان كنت فظا غليظ القلب لأنفضوا من حولك)
ربنا يهديهم ويهدينا
ويحفظ الاسلام ومصر من امثالهم
نقول آمين
والاعلام مش برئ
وهمه اللي ادوله الفرصة يعمل كده
بعمايلهم
يعني المذيع ماجبش حد وادعي انه ملتحي وقتل
الواقعة حقيقيه

واحنا عارفين الاعلام عايز يعمل شو ويجيب اعلانات
وهمه بيدوه الفرصة
وشوه في الاسلام ياجدع علي قد ربنا مايقدرك!!

الاعلام بقا خاص وكل قناة بتبقا مراية لصاحبها

اتجاهات مختلفة
وعلي حساب الحقيقة
لكن في حقائق ماينفعش تتغير
في قتيل ايوة في قتيل
واحد ملتحي قتله ايوة صح
طيب هو من المتشددين
ايوة من المتشددين
من هنا بقا نبتدي وكل قناة وشطارتها
اللي عايز يسب في السلفين والاخوان ينسب لهم الكلام
واللي عايز ينال من امن الدولة يبقوا امن دولة ومربين دقنهم
طيب كده الحل ايه؟؟
الحل بسيط بيان من الحكومة
زي الناس المتحضرة

يشرح ايه الموضوع
ويعرض الحقائق

وبرضوا عسكرون لو قعد برضوا هيبقوا همه السبب
معلوم اومال
بيحموا مصر منهم تقدر تعترض
البيت لما بيولع بيولع كله
النار مابتولعش في اوضه وبتسيب التانية
عايزين سماحة الاسلام تعود
مجتمعنا فيه حاجات كتير مش صح
ومش من الدين في شئ
عايزين نصلحها بس ازاي نصلحها هو ده السؤال
اللي ربنا ادانا مفتاحه
ادعوا الي سبيل ربك بالحكمة والموعظة الحسنة
وخصوصا انك بتدعوا في مسلمين مش كفار مكة
اعتقد ان لو الناس اللي في الشارع
اتحدت وتصدت
لهذا التيار اللي عايز يولع في البلد
هتعدي علي خير
مش مصدقة ان البنت تستنجد بالناس والناس ماتغيتهاش
مش مصدقة ان مافيش اي حد رضي ينقله المستشفي
هقول ايه
ربنا يصلح الحال
ويحفظ مصر
قولوا آآمين

هناك 23 تعليقًا:

MaNoOoSh يقول...

بصراحة يا شموسة متابعتش الحكاية

قلبي اصلا خلاص زي متقولي بقى جبلة.. معدش فيه خلايا تتوجع تاني من كتر متوجع على امهات الشهدا والمصابين والمعتقلين اللى مستقبلهم ضاع

ممكن نتناقش ع حاجات كتير فى الاعلام واللى بيعمله بس فى الاخر المشكلة ان القانون مع النيابة مع القضاء بقو مجرد لعبة فى ايد العسكر بيخربو بيها البلد

ريـــمـــاس يقول...

صباح الغاردينيا شموسه
آآآآمييييييييييييييين
ربنا يحفظ مصر من شر الفتن "
؛؛
؛
لروحك عبق الغاردينيا
كانت هنا
reemaas

Bent Men ElZman Da !! يقول...

اللهم آمييين

حاسه بجد بالوجع اللى جواكى من كلامك
ومن كل الاحداث اللى بتحصل ده
الواحد موجوع على دينه وعلى بلده اووى

يارب احفظ الاسلام اللهم آمين

مصطفى سيف الدين يقول...

مصر اصبحت سيما كبيرة فيها العديد من الصالات
مش عارف بقى هترسى على ايه ادينا قاعدين لما نشوف اخرتها
و اللي بيعملوه بعض المتطرفين اللي بينسبوا نفسهم للاسلام غلط هيفضح وجههم الآخر
تحياتي ليكي

سواح في ملك اللــــــــــــــــــه- يقول...

شموستنا

كلامك جميل جدا انا مبسوط من البوست ده اوي

وحاسس انه بوست قوي فيه رسالة جميلة لجميع التيارات

شموسة قتل النفس التي حرم الله قتلها دي جريمة لابيقرها دين ولا شرع

ولا حتي عقل

((المسلم من سلم الناس من لسانه ويده ))

هكذا قال رسولنا الكريم

ولكن اللي عايز اقوله انه مش صعب علي اي انسان انه يربي دقنه

ويقول انا شيخ

يمكن يكون عامل بلاوي ونصايب قبل كدة

وبلطجي

وراح تاب وربي دقنه يومين

وبعد ماتمر ازمته النفسية

يرجع يحلقها تاني ويعيش حياته

فيه شباب كتير بيعملوا الحكاية دي

ويمكن تكون خناقة فعلا عادية تطورت وأدت الي القتل

بس الفرق ان المتشاجرين واحد بدقن وواحد تاني معاه خطيبته

مش عارف افضل انتظار التحقيقات

حمدى جعوان يقول...

اكتر تلات حاجات بخاف منهم على مصر ( التخوين - التكفير - المزايدة )

Miss Mystery يقول...

استفزاز و تخلف و رجعيه !!
الله عز وجل عندما أرسل موسى و هارون لفرعون و هَو طاغي
ادعى الألوهية قال لهما : ( فَقُولَا لَهُ قَوْلًا لَيِّنًا لَعَلَّهُ يَتَذَكَّرُ أَوْ يَخْشَى ) .
( قول لين ) أين الناس الآن يقتل على أساس انه طاهر من الذنوب
منزه يمتلك صك غفران و دخول الجنة يقتل المسلمون و كأنه ملاك من السماء
موكل بتطهير الأرض .. حسبي الله و نعم الوكيل لكل شخص يسيء لهذا الدين
و لكل شخص يحاول تشتيت شمل المسلمين و كل شخص يحاول نشر العداوة بينهم
أسأل الله أن يردَ كيده في نحره و يحمي مصر و أهلها من كل شر و فتنه يآرب ~

;كارولين فاروق يقول...

انا خايفه علي مصر اوي يا شمس
عليه العوض ومنه العوض

أحمد أحمد صالح يقول...

اللهم آمين..
...
إنه الجهل بكل شئ،جهل بتعاليم الدين،و جهل بالمنطق،و جهل بالانسانية و كل هذا في ظل حالة من التأجيج و الكذب الاعلامي،و المد الجاهلي بانتشار هؤلاء و الصمت ممن هم المفروض الممثلون لصحيح الدين،و كسوف من الدولة..أخشى ما أخشاه ان اصبحت الدولة مرتعا لهؤلاء-سواء كانت هذه أيدلوجيتهم في الاساس أو هم صنيعة جهة معينة- أن تتم تصفية الحسابات في الشارع بعيدا عن سلطة الدولة و تتحول مصر لا ساحة للاقتتال الفكري بل سوق للجثث البشرية !!
و لكن هذا لن يحدث بإذن الله..أقول ثانية بإذن الله..فأنا أحيانا أشك في قدرتنا التي نتغنى بها عن وعي هذا الشعب..فليس لنا الا الله !!
تحياتي

beautiful mind يقول...

كل واحد فاهم الدعوة حسب مزاجه
ونسوا ان ربنا قال ادع الي سبيل ربك بالحكمة والموعظة الحسنه
عندنا قران سمح وعقيدة سمحاء بس عندنا عقول ملأها الغباء
من الذي يحاسب الناس علي افعالها
من يعطي هذا الحق لهم
ربنا يستر ع اللي جاي

شمس النهار يقول...

MaNoOoSh

اللي بتقوليه ده هو المشكلة
ان ده بيحصل من اول يوم
وماحدش عمل حاجة
فاخلاص كل شئ فقد قيمته
ومابقاش يأثر في حد

شمس النهار يقول...

*ريماس
صباح الفل
ان شاء الله مصر حروسة
وعندي امل كبير في ربنا

شمس النهار يقول...

*Bent Men ElZman Da !!

انا متألمه جدااااااا
مش مصدقة ان شاب يخرج مع خطيبته
مايرجعش البيت
علشان واحد قعد مع شيخ نص كم علمه الارهاب
ولبس جلبية وربي دقنه
ام تتحرم من ابنها
وبنت تتحرم من حلمها

شمس النهار يقول...

*مصطفي سيف الدين
عارف المشكلة ان الدولة مش بتتحرك وبسرعة
كأن الموضوع جاي علي هواها
انت عرفت ان في القليوبية 1000 بلطجي طلعوا علي البلد بهدلوها
بأدبوا البلد علشان واحد بلغ عن بلطجي
الغريب ان الشرطة ماعنلتش حاجة واللي ادبس الشرطة العسكرية
هيودونا علي فين
مش البلطجية دول معروف بيوتهم فين مابيتلموش ليه
من اول يوم بنقول لموهم

شمس النهار يقول...

*سواح في ملك اللــــــــــــــــــه

ممكن اي شئ
طول ماالحقيقة غايبة
هنفضل مش عارفين حاجة
وزي ماقلت الحل بسيط

بيان من الشرطة بالحقيقة هيسكت الهري اللي احنا فيه ده

شمس النهار يقول...

*حمدي جعوان

( التخوين - التكفير - المزايدة )

هو ودانا في داهية غيرهم
امبارح واحدة بتقولي اني بتكلم زي العسكر:))
تصدق دي
طيب ماشي همه العسكر دول من تنزانيا
خلاص يعني
كل ده علشان قلت ان الجيش نزل حمي الشعب من مبارك وزبانيته
وبعد كده ادور علي الثورة اكلها
يبقا انا كده خاينة للثورة
:))

شمس النهار يقول...

*Miss Mystery

تعليقك عجبني جدا

وان شاء الله مصر محروسة
وحق الناس دي
ربنا مش هيضيعه

ومصر الوسطية هتفرض نفسها تاني

شمس النهار يقول...

*أحمد أحمد صالح

وده اللي انا خايفة منه برضوا
ان الحقوق تتاخد بايدي اصحابها
ماهو مش المصري اللي يشوف قاتل ابنه بيتمشي قصاده حر تليق

ربنا يستر

شمس النهار يقول...

*beautiful mind

ايوة بالظبطت كل واحد فاهم الدعوة علي مزاجة
وحسب مصلحته
ومايحقق رغباته
وكأن اللحية والجلباب والنقاب صك لفعل اي شئ
ومش فاهمين ان دول تمام الزهد

شمس النهار يقول...

**كارولين فاروق
اسفة ردي علي تعليقك مااتنشرش في دوره

النت كتير بيهنج مع اللاب توب بيعملوا واجب غتيت معايا
:))
ان شاء الله مصر محروسة
بس شكلها هتاخد وقت علي ماتطرد الغث

βent Pasha يقول...

ربنا يحفظ البلد بجد من اللي عاوزين يؤذوها
اللهم أمين يارب
:-))

الجوكر يقول...

الموضوع عادى ياشموسه

وايه يعنى واحد اتقتل ولا الف واحد

شوفى الاول الرئيس مرسى التابع لجماعة الاخوان بيعمل ايه وانتى تعرفى كل حاجه

لقد اعاد مجلس الشعب المنحل .. وضرب بعرض الحائط احكام الدستوريه العليا ..متحديا اعلى سلطه قضائيه فى مصر
رغم انه اقسم ثلاث مرات ان يحترم الدستور والقانون
فإذا كان رأس الدوله بدأ فترة رئاسته بالبلطجه فلا تلومى اتباعه

عموما ربنا يحمى مصر

ولكِ تقديرى

Dr Ibrahim Samaha يقول...

لن يستطيع احد تكميم الأفواه
وعلى الرغم من ذلك فإن الحوادث التى حدثت على مر الأيام الفائتة تبين للجميع انها إما مفبركة وإما إشاعات وإما فعلها أناس يندسون وسط التيار الإسلامى بصورة أو بأخرى..