الأربعاء، 25 يوليو، 2012

اعلااااانات :(



يعني ايه
برامج دينية يبقا اكتر من نصها
اعلا
نات
طيب مسلسلات ماشي
مش مشكلة اصلا مابتفرجش علي مسلسلات
لكن برام
ج دينية
اول ماالواحد يندمج مع الحديث والروحانيات
تلاقي
هوووووووبااااااااااا
هيصة وظيتة وزمبليتا
خ
لصت
طلعت من الروحنيات
وكل برنامج ديني وانت طيب

:))

هناك 40 تعليقًا:

سواح في ملك اللــــــــــــــــــه- يقول...

اه ياشموسة

الاعلانات ده الواحد متخيل ان بعد كده هيعملوا اعلانات

ويتخللها مسلسل او برنامج

ده غير سخافة موضوع الآعلان

يعني الآعلا ن هيبقي هو الآساس

والمسلسل او البرنامج استثنائي

rona ali يقول...

عليكى نور يا شموستنا:)

انا كنت في الاول زعلانه قال ايه نفسي الحق البرامج الدينيه علي التلفزيون ومش عارفه جايت يوم لحقت معز مسعود اتصدمت حتى المكسب في دة يا ولاد اللذينه

قولت وعلى ايه اليوتيوب بيجيبه ليا كامل وانا لو حبيت اوقف اعيد اسيبه واروح اتفرج علي غيرة كل دة موجود واحسلي وبلا اعلانات :)))

أحمد أحمد صالح يقول...

رغم ان التلفزيون عندنا مغلق طوال رمضان كالعادة،الا انني من الأساس لا أشاهده تقريبا في غير رمضان..إلا قليلا ان حدث و تنحصر المشاهدة على قنوات بعينها..
طبعا موضوع الاعلانات ممل و مستفز جدا،فإذا كان مقبول وسط المسلسلات و الأفلام فهو كما قلتي مستهجن وسط البرامج الدينية أو الفكرية..أحسن طريق هي مشاهدة البرامج بعد تحميلها على النت لأنه تصبح منزوعة الإعلانات..و دي طبعا أجمل حاجة !!
..
رمضان كريم..تحياتي

Miss Mystery يقول...

عدم تنسيق و إحترام صراحة
تحسي شغل أبو كلب :/
ربنا يهدي عبادة

نهــــــــــار يقول...

السلام عليكم ..
رمضان خير وبركه عليكم يا حبايبنا في مصر :)
..
للأسف واقع مؤلم أن الدعايات في فواصل البرامج الدينيه
لاتحترم الدين اصلا
الله المستعان
..
في حفظ الله

Bent Men ElZman Da !! يقول...

لا الاعلانات بقت شئ لا يطااااااااااااق
وياريتها حلوه اصلا !!!

كريمة سندي يقول...

والله مش عارفة أقولك إيه الله المستعان .. فعلا الواحد يحتاج لبعض الروحانيات لكن مع الأسف فقدت بالوقتي الأفضل شريط تسجيل ويريح نفسه تحياتي

ياسمين يقول...

ما هي دي اللي بتجيب فلوس ..وبعدين القناة هي اللي تقريبا بتحط الشروط دي ما هي عايزة تكسب بردو مش مهم الناس كثير

ابراهيم رزق يقول...

شمس الشموس

شئنا ام ابينا اصبح الاعلان هو الممول للجميع
و فى عصر اصبح رجال الدين نجوم و يتقاضوا الملايين فمن يمول البرامج ويدفع الاجور
امال هيتجوزوا اربعة ازاى
اللى ينقط هى هيافة الاعلانات وده لينا معاه لقاء بعد رمضان
اللهم انى صائم

تحياتى

رؤى عليوة يقول...

اولا كل عام وحضرتك بخييييييييييير


ورمضان كريم

عندك حق جداااااااا
الاعلانات حاجة مستفزة فعلا والتلفزيون كله
احسن حاجة اذاعة القرآن
على فكرة كتابى خلاص نزل مغ=عرض فيصل واتمنى لما نحدد معاد اشوف حضرتك :)

دمت بخير

محمد الدهيمي يقول...

أنا اكتشفت انها أصلا اعلانات و بيحطوا في فواصلها برنامج ديني :)

P A S H A يقول...

التليفزيون أصلاً عبارة عن إعلانات بينها فواصل إعلانية أما المسلسلات والبرامج دي بتبقى في الغالب أخطاء تقنية في البث غير مقصودة بالمرة ،، عليكي انتي بقى تقعدي قدام الشاشة وتنشني ع البرنامج من دول :D
نصيحة : بلاش تكلفي نفسك وتشتري قناصة أو بندقية رش ولا حتى نبلة .. هو كيس طوب خلليه جنبك وإرجميهم :)

كل سنة وحضرتك طيبة وبألف خير وصحة وسعادة إن شاء الله أنت وأسرتك الكريمة وكل حبايبك ورمضان كريم

أم .. بوبه يقول...

صح الكلام كل سنة وحضرتك طيبة .. وكله كوم والإعلان إللى واقفة ترقص فيه دنيا سمير غانم وتقولك رمضان كريم أوى مع بيبسى ودوس فى الكرم وإحنا ندوس معاك .. داسكم قطر يا بعيدة دا رمضان برئ منكم ومن هيفاتكم دى

MaNoOoSh يقول...

الحمد لله انا قررت ارحم نفسي السنة دي وقاطعت التلفزيون نهااااااااااااااااااااائي

وربنا يخليلنا النت :))

الطائر الحزين يقول...

صدقت
كل عام حضرتك بخير

واحة خضراء يقول...

فعلاً كثيراً ما يحصل هذا الشيء

كل عام وانتم بخير

JOKER يقول...

السلام عليكم ورحمه الله وبركاته

رمضان كريم

اكيد طبعا امال هو عامل البرنامج اساسا

ليه علشان يجيب فلوس مش للاستفاده

JOKER

شمس النهار يقول...

*سواح في ملك اللــــــــــــــــــه

ياسيدي يعملوا اعلانات زي ماهمه عايزين
لكن البرامج الدينية لها قدسيتها

ماينفع تبقا مركز في كلام جميل روحاني
وهوبا تلاقي اللي بتتنطط لك
:)

شمس النهار يقول...

*rona ali

بالذات البرامج اللي زي معتز اللي هي بتعتمد علي التركيز
والشحنة الروحانية
ماينفعش تتقطع برقص وطنطيط
وعلي رايك يعيش اليوتيوب
:))

شمس النهار يقول...

*احمد احمد صالح

ضحكتني اوي حكاية منزوعة الاعلانات دي
:))

شمس النهار يقول...

*Miss Mystery

مافيش دم
التجارة والفلوس
عمت الناس عن ابسط قواعد الاصول

شمس النهار يقول...

*نهار
وعليكم السلام ورحمة الله وبركاته

رمضان خير وبركة علي كل الحبايب في الوطن العربي

ربنا يكرمك
:)

شمس النهار يقول...

*Bent Men ElZman Da !!

دي مشكلة تانية بقا

ان حتي الاعلانات مستفزة
ومش معمولة كويس
يعني نكد من كله

شمس النهار يقول...

*كريمة سندي

يعيش اليوتيوب نصير للي بيدور علي برنامج ديني من غير اعلانات

شمس النهار يقول...

*ياسمين
انا مش معترضة علي انهم يكسبوا
بس يعتبروها زكاة
ويرحموا البرامج الدينية

شمس النهار يقول...

*ابراهيم رزق
ايوة علي رايك
حتي الدين بقا سبوبة
والدعاية اللي البرنامج بتاعه بيجيب فلوس اكتر

شمس النهار يقول...

رؤي عليوة
وانتي طيبة
ماشاء الله الف مبروك
لما تحددوا الموعد قولي بس ونيجي كلنا جري

شمس النهار يقول...

*محمد الدهيمي

وخصوصا عمر خالد
بقا اعلانات كلمتين اعلانات

وبايع طبعا اعلانات بالعبيط
واحنا نتشل

شمس النهار يقول...

*P A S H A

كل سنة وانت طيب وبخير وصحة وسعادة

ضحكتني
عارف انا ساعات من كتر الاعلانات انسي
هو الشيخ دخ ولا الداعية كان بيقول اييييييييييييه؟؟
:)) رمضان كريم

شمس النهار يقول...

* أم .. بوبه

ام بوووووبة
اهلا اهلا

بلوجر منور
كنتي فين ؟؟
وحشتينا

الاعلانات اصبحت شئ اساسي
زي رغيف العيش
ممكن تقوم مظاهرة تطالب بمزيد من الحريات والاعلانات
:))

شمس النهار يقول...

*MaNoOoSh

ماهو يابنتي مقطعينوا
بس طب حتي برنامج ديني واحد
لله
:)

شمس النهار يقول...

*الطائر الحزين

كل سنة وانت بالف الف خير وصحة وسعادة

شمس النهار يقول...

*واحة خضراء
كل سنة وانتي بالف خير وصحة وسعادة

amina يقول...

فعلا حاجة بتغيظني جداااااااااا ...بس حكم القوي نعمل ايييه...

شمس النهار يقول...

* amina

انا بقا غملت بنصيحة الاخوة الزملاء وبشوف الحلقات الدينية علي اليوتيوب صحيح هي بتتأخر بس احسن من الاعلانات

re7ab.sale7 يقول...

دي حاجة تقهر
والله انا بقيت اتغم من التليفزيون جداااا بسبب الاعلانات
بس الطبيعي ده ف رمضان خصوصا
واعملي زي ما احمد اخويا بيعمل دايما بيجبها من ع النت ا
ع اليوتيوب كله موجود
رمضان كريم

هالة الصادق يقول...

السلام عليكم
أول زيارة ليا هنا ما شاء الله
موضوع الإعلانات دا بقا زيادة عن حده جدا و فعلا تخرج الواحد من تركيزه في اللي بيشاهده وساعات بينسى هو كان بيشوف ايه عالقناة
بالنسبة ليا أنا قليلة التفرج عالتليفزيون ولو حبيت اشوف برنامج مهم بشوفه من عالنت لما ينزل

شمس النهار يقول...

* re7ab.sale7

النت موجود وكل حاجة
بس الصورة علي التليفزيون اكبر واوضح
ةماحبكش يعني في البرامج الدينية
يعتبروا وقت الهوي بتاعها زكاة

شمس النهار يقول...

*هالة الصادق

اهلا بيكي في اول زيارة
وان شاء الله ماتبقاش الاخيرة
كل سنة وانتي طيبة وبخير وصحة وسعادة

amina يقول...

الحلقات ع اليوتيوب بتشلني اكتر..النت تقيييب وكل مرة بيتعاد تحميل الفيديو..فبضطر استحمل قرف الاعلانات