الجمعة، 13 يوليو 2012

ايه الحلاوة دي !!


البوست ده

كتبته في اول ظهور للمدونة وكان برضوا دخلت رمضان علينا

ده كان 2008

وكنت
زعلانة

لكن دلوقتي والبلد الاقتصاد عامل كده
وزي مابيخوفونا البلد هتفلس وتحصل مجاعة

الاقي هذا الكم من ياميش رمضا
ن المستورد بالعملة الصعبة
وغالي جدا
وناس كتييييييير واقفة تشتري

وكمان ماحرمناش الاطفال من فانوس رمضان الصيني

ده كلام
!!

مش مصدقة
طيب البلد فيها فلوس ولا مافيهاش
هنفلس ولا مش هنفلس

الله يرحم عبد الناصر اللي منع استيراد حاجات كتير
ومامتناش
ومااعتقدش ان هنموت لو مااكلناش ياميش رمضان
والاطفال مش هيحصل لها حاجة لو م
اجابتش فانوس رمضان الصيني
اللي بيتكسر في اول يومين من رمضان
هقول ايه
بلد كل حاجة و
عكسها
كل سنة وانتم طيبين

اللطيف في اسماء البلح
السنة اللي فاتت
كانت الاسماء:
بلح الجيش
طره لاند
السنة دي بلح الاخوان

:))

هناك 35 تعليقًا:

اندروميدا يقول...

لااااااا ... إلا الياميش ... دا الناس ممكن تعمل ثورة تانية لو مش موجود :)) ... وكمان ... الاخوان زي اللي قبلهم .. مؤمنين بنظرية الاقتصاد الحر ... فإستيراد السلع دي ... جائز وممكن ... دا غير انه لو مفيش بلح .. طب هايعملوا دعاية ازاي ..ويدخلوا كل بيت ازاي !! ... ما ينفعش طبعا .

عموما ... في بلح الاخوان .. واكيد لسه جاي .. كحك الإخوان .. وبمب الاخوان ... وربنا يخليلنا الاخوان .

وكل سنة وحضرتك طيبة .. ويجعله عامر


تحياتي

amina يقول...

والله احلى حاجة ف بوستاتك انها بتحمل فكرة "خير الكلام ماقل ودل" وده جمييل جداا
كل سنةوانتي طيبة حضرتك

شمس النهار يقول...

*اندروميدا
:))
ايه ده انا لسه جاية من عندك من المدونة

ربنا يبارك لك في ابداعك

انا مش معترضة علي البلح

انا معترضه علي الباقي
:))
يمكن علشان مش بحبها اصلا
:))
ونسيت صواريخ الاخوان
وشماريخ الاخوان
وبكره يبقا في فريق كورة الاخوان
:))
وبدل ام علي
هيبقا في ام الاخوان
:))
كل سنة وانت طيب

شمس النهار يقول...

*amina

شكرا علي مجاملتك اللطيفة

وكل سنة وانتي بالف صحة وخير وسعادة
:)
نورتيني

ابراهيم رزق يقول...

شمس الشموس

لالالالالالالالالالالالالالالالالالالالالالالالا
مش متفق معاكى ابدا
الا الياميش
طب نصوم ازاى احنا
شم ممكن
انا كنت محضر بوست عن الياميش
دلوقتى خلاص و لا الفانوس
مش ممكن الاولاد بدون فانوس رمضان

كل سنة وانتى طيبة
اشتريتى الفانوس والياميش و لا لسه
ههههههههههههههه

تحياتى

مصطفى سيف الدين يقول...

اتطمني الياميش موجود و متوفر بالاسواق و الاشية معدن و الريس في السعودية و كله تمام

وطـــــن..~ يقول...

الله المستعان وان شاء الله الوضع بتحسن

وهو فيأطيب من بلح الاخوان ^_*

amina يقول...

لا والله انا بكره جدااااااااااااااا المجاملات...انا بحب اقول اللي شايفاه واللي حاساه مش اكتر..

Miss Mystery يقول...

بغض النظر على الكلام الي فوق الي تعبت افك شفرته و افهمه و القصر مني طبعاً هههه
إلا أنه كل سنة و انتي طيبة يا عسل الدنيـآ و رمضان كريم
و لازم نجيب فوانيس حتى لو حتتكسر و نحتفل مافي احلا من رمضان وطلتو علينا
ربنا يسعد قلوبكم ~

dodo, the honey يقول...

إن شاء الله يكونُ رمضان هذه السنة أروعَ من الذي سبقه ،
و أن يعيننا فيه الله على الصلاة و القيام ..
و أن يتجمَّعَ فيهِ شملُ الناسِ أجمعين ..
و أن يتوحدوا تحت رايةٍ واحدة و علم واحد ،
اللهم آمين ..

على الهامش : قصة التمر جميلة ،
و مضحكة إلى حدٍ ما ..

تحيآاتي لكِ ..

شيرين سامي يقول...

ههههههههههههه
بلح الاخوان !!!
:)
أنا بكره الفانوس الصيني عماله أدور لولادي على فوانيس حلوه و شكلها فانوس مش لعبة و مش لاقيه..

كل سنة و إنت شمس منورانا :)

رمضان كريم عليكِ و على الجميع

رؤى عليوة يقول...

ههههههههه بجد الاسماء دى ؟؟

شوفى موضوع الناس تموت من الجوع ده مبيكونش بسبب انه فعلا مفيش فلوس
ده اسباب اخرى اولها الاحتكار والناس هى سبب الغلاء فى الاساس


كل عام وانتى بخييييير وربنا يعيده علينا بخير ويكون عام سعيد


دمت بخير

سواح في ملك اللــــــــــــــــــه- يقول...

تعرفي ياشموسة

مصر دي ربنا مبارك فيها

من ايام الفراعنة بتتسرق

ولسة مفلستش ومش هتفلس

ماما أمولة يقول...

بلد كل حاجة وعكسها
جبتي الخلاصة يا شموسة
كل سنة وانتِ طيبة وبخير يارب حبيبتي

شمس النهار يقول...

*ابراهيم رزr

مااحنا صمنا ايام عبد الناصر من غير ياميش
وكان الغني والفقير بيفطر علي تمر
وكمان الكنافة والقطايف بتتعمل بالسوداني
:))
وماجراش حاجة ووفرنا العملة الصعبة
انا لما اكتب عن الياميش انا ست علي قدي
لكن انت لما تكتب ده موضوع تاني ياريت تنشر موضوعك ماتكسلش
:))
هشتري فانوس لمين اللي عندي عجزوا خلاص
وبعدين انا بحب الفانوس المصري وبس
اما الياميش ست الحبايب ماما اللي بتجيبه لنا الي الان
:))
كل سنة وانت طيب وبخير وصحة وسعادة

شمس النهار يقول...

*مصطفي سيف الدين

:))
هو الريس لسه في السعودية
:))
خلاص الشعب ينبسط ويجيب ياميش رمضان
:))

شمس النهار يقول...

*وطن
:)

مانقدرش نقول غير كده
مااجمل بلح الاخوان
:))

شمس النهار يقول...

*amina

تسلمي ياجميلة
:))

شمس النهار يقول...

*Miss Mystery

تفكي شفرته:))
يانهار ابيض ليه بس
ده انا تهمتي اني بكتب بالعامية الفصحي:))

كل سنة وانتي طيبة وبخير وسعادة

شمس النهار يقول...

*dodo, the honey
آمين
دعواتك جميلة:)

كل سنة وانتي طيبة وبخير وصحة وسعادة

شمس النهار يقول...

*شيرين سامي
:))

مافيش اجمل من فانوس رمضان ابو شمعة
:))

كل سنة وانتي طيبة وبخير وصحة وسعادة

شمس النهار يقول...

*رؤي عليوة

الاحتكار ده حطيه علي جنب
في بلدنا
ناس معاها كتير وناس مامعهاش اصلا

كل سنة وانتي طيبة وبخير وصحة وسعادة
:)

شمس النهار يقول...

*سواح في ملك اللــــــــــــــــــه

نفلس ازاي بس
دي مصر محروسة
ربنا حارسها
ولو كنا فلسنا كنا فلسنا من زماااااان
:))

شمس النهار يقول...

*سواح في ملك اللــــــــــــــــــه
نسيت كل سنة وانت طيب ياخالد وبخير وصحة وسعادة
:)

شمس النهار يقول...

*ماما امولة

كل سنة وانتي طيبة ياغالية وبخير وصحة وسعادة
:)

إسلام فؤاد عبد الفتاح يقول...

مش فاهم ايه الحكاية دى
دا لكل مناسبة اكل شكل عشورة و حلوة مولد و اشتغالات كتير

شمس النهار يقول...

*إسلام فؤاد عبد الفتاح

مافيش مشكلة

بس نستورد وبعملة صعبة
ودلوقتي
كتيير كده

Bent Men ElZman Da !! يقول...

الناس ممكن تفطر فى اى حاجه اااااى حاجه
الا الياميش بتاع رمضان :)))
مهما كانت الاسعار

اهو البلح ده اللى كل سنه بأسم حسب الموضه

كل سنه وحضرتك بألف خير :))

MaNoOoSh يقول...

منتي عارفة يا شموسة ان الاقتصاد مش بينهار والبنزين مش بيختفي غير لما الثوار يقولو يسقط حكم العسكر

انما غير كدا
كل حاجة فى البلد ماشية

وبافترا كمان
وبجد الافترا اللى بشوفه قبل رمضان ده مستفز.. وكأن الناس بتشتري فى اخر زادها

ما الواحد يجيب على القد ويحمد ويشكر ربنا على كدا

ربنا يهدينا لانفسنا علشان نستحق ان ربنا يغير بلدنا للاحسن

وجع البنفسج يقول...

لو مافيش ياميش ولا فوانيش قصدي فوانيس يبقى لازم نعمل ثورة من ثاني ..

اعجبتني فكرة بلح طرة لاند وبلح الجيش وبلح الأخوان ^^

كل عام وانت بخير

كل عام وانت منورة يا شمس النهار

mrmr يقول...

من مظاهر شهر رمضان الفوانيس والياميش والزينه ومن غيرهم يبقى فى حاجه ناقصه مش كده ولا اييييييييه

كل سنه ومصر كلها بخير

شمس النهار يقول...

*Bent Men ElZman Da !!

الرسول صلي الله عليه وسلم كان بيفطر علي ماء
او لبن وتمر

لكن هقول ايه البلد كده لما يحلفوا لي علي امية تجمد مش هصدق انها في ازمة
كل سنة وانتي طيبة وبخير وسعادة
:)

شمس النهار يقول...

*MaNoOoSh

بيعاقبونا طبعا

لكن لسه في افترا طبعا
الافراح المستفزة لسه بتتعمل
والعربيات اللي علي الزيرو
ماليه البلد
وكله السطه
المصرين مابيعرفوش يشتروا علي القد
لازم نكدس الحاجات
:)
كل سنة وانتي طيبة :)

شمس النهار يقول...

*وجع البنفسج

كل سنة وانتي طيبة
:))
كل سنة اسامي البلح بتتغير حسب المستجدات علي الساحة :))

شمس النهار يقول...

*mrmr

اهلا اهلا يامرمر
نفسك معانا في رمضان والوصفات السهلة اللي في الاوام اوام
:))

كل سنة وانتي طيبة ياجميلة