الأحد، 10 مارس 2013

الناس :)

ماتحاولش تعامل الناس من منطلقهم همه
عاملهم من منطلقك انت
مش كل الناس زيك
مش كل الناس عندها قدراتك
او حتي تستغرب من انهم بيعملوا حاجه انت مش قادر تعملها
كل انسان غير التاني
وماتستغربش من اي تصرف اي حد بيعملوا انت ماتعملوش
ربنا خلق الكون علي الاختلاف
وماتستناش حاجه من حد
علشان لو ماعملهاش ماتزعلش
ولماتعمل اي حاجه لحد اعملها لوجه الله
علشان تاخد ثوابها
وماتحاولش انك تستني انه يردها لك
ياريت مايردهاش علشان تكون اخدت الثواب كامل
وماتحاولش تتباها بالخير اللي بتعمله 
علشان كده هيبقا مش لوجه الله وهتخسر ثوابه
ماتستناش للناس علي الوحده 
((طنش تعيش وتاكل قراقيش :)
دقق تموت ومايكفنوك:))
دي كانت مقدمة برنامج زمان في اذاعة الشرق الاوسط
اللي كانت ايامها شبابيه
اهو كلمتين رخمين من ماما شمس علي الصبح

هناك 19 تعليقًا:

حَنيّـن نِضال يقول...

نو هدول مو كلمتين رخمين هدول حكم و درر يسلم لسانك و ايدك الي خطتهم هون ..

لــــ زهــــــراء ــــولا يقول...

صباح الفل يا ست الكل
مش مجرد كملتين ولا اى حاجه كلامك صح مليون فى الميه
احنا مش شبه بعضنا لا فى الشكل ولا فى الطباع ولا فى اى حاجه حتى الاخوات بيكونوا مختلفين

دمتى بحب وسعاده


زهـــــــراء

;كارولين فاروق يقول...

بالعكس دول مش كلمتين رخمين ابدا
دول لازم نحطهم في اذهاننا علي طول
صباحك زي الفل شموستنا
تحياتي

Unknown يقول...

ولماتعمل اي حاجه لحد اعملها لوجه الله

---

نعم هوذاك !!

شكرا لقويم فكرك

غير معرف يقول...

عامل الناس كما تحب ان يعاملوك
صدقتي اخـتـي
تدوينه رائعه
تحياتي

أسماء فتحي يقول...

((طنش تعيش وتاكل قراقيش :)
دقق تموت ومايكفنوك:))

هههههههههه
ايه الأمثال دي

ما احنا لما بنطنش بنتطنش ههههههههههه

ومش بياخد اللي ادامه باله ان اللي عمله مايصحش

ولما بندقق بنخنق اللي بنتعامل معاه ننتحر احنا بقى ولا نعمل ايه

لا كده نافع ولا كده نافع

عموما معاكي حق في اللي قولتيه يعني اللي هستنى حاجة من حد فعلا هيتعب ومش هيلاقى حاجة

واللي يعامل الناس بالمثل هيلاقى نفسة مع مرور الوقت اخلاقه بقيت سورى زبالة لانه هيعامل كل واحد بعيوبه وهيلاقى نفسه خد عيوب الكل

يبقى نعامل الناس من منطلق أخلاقنا ومبادئنا احنا بصرف النظر عن هم يستاهلوا ايه

تحيــــــــــاتي
كانت هنا ورحلت
Asmaa Fathy

Mahmoud Bahgat يقول...

كلام جميل فعلا بس انا بصراحةمسمعتهاش فى الاذاعة خالص لانى مش كنت بتابعها اوى
ربنا يكرمك و يقدرنا نستفيد بالنصيحة دى و نعمل بيها و وقتها تتحسب لك ثواب كبير ان شاء الله
تحياتى
و براحتك مفيش رخامة و لا حاجة

أمل حمدي يقول...

صباح الفل والجمال وأحلى كلام كلامك يا شموسة

شمس النهار يقول...

*حَنيّـن نِضال

الله الله عل الكلام الموزون :)

شكرا يانضال :)

شمس النهار يقول...

* لــــ زهــــــراء ــــولا

صباح الهنا يا زهراء فينكم غايبين ليه :)

نورتيني ونورتي بلوجر :)

شمس النهار يقول...

*كارولين فاروق

صباح الهنا ياجميله
:)

شكرا علي كلامك ومجاملتك
اهي خبرات من الحياة بس اصل النصيحه بقا دمها تقيل اليومين دول
نورتيني:)

شمس النهار يقول...

* منجي بـــــــــــــاكير

شكرا علي تعليقك وحضورك

:)

شمس النهار يقول...

* salwa abdelhalim

شكرا ليكي ياسلوي

ربنا يكرمك
نورتيني :)

شمس النهار يقول...

* asmaa fathy

كلامك صح جداااا
وتعليقك اثري واضاف للتدوينه

شكرا ليكي دايما منوراني :)

شمس النهار يقول...

* Mahmoud Bahgat

:)))

لأ تسمعها فين بقا ده كاااااان زمااااان خالص

:))

شكرا علي مجاملتك والحمد لله انكم تقبلتم النصيحه :)

شمس النهار يقول...

*امل حمدي
يامساء الهنا والفل والياسمين

واخي امل حمدي في الدنيا واحلي حضور:)

نورتي ياجميله:)

مصطفى سيف الدين يقول...

للاسف مقرتهمش غير بالليل
اتجنن و عيش للناس و اعمل حاجة تسعدهم بدل ما تشغل نفسك باحوالهم
ده عيبنا كمصريين عندنا 100 عين و يد واحدة دونا عن باقي البشر

شمس النهار يقول...

* مصطفى سيف الدين

عارف المثل بتاع شيا العصايه اللي في عينك بدل ماانت بتشيل القشايه اللي في عين جارك :))

محتاجين نرسي قواعد الادب والاخلاق من جديد ولا ايييييييييه

:))

faroukfahmy يقول...

شموستنا البليغة الاشعاع
فعلا يولد المرء حقيقة يوم يعرف كيف يتعامل مع الآخرين ووقتها سوف يفشلون فى افساد حبك لهم وحبهم لك