الأحد، 17 مارس 2013

مصر الجديدة :(

فااااااجأأأأأأأأأأتننننننننن
ماحدش يقول لي فاجأتا
لأفااااااااجأتنننننننننن
والنون عايزاها تزن كده زي النحلة
المهم
في شارع الصديق بمصر الجديدة
من 10 ايام كده
ناس من الحي وانا معديه لاقيتعم حتتك بتتك
عمااااالين يقطعوا في الاشجار
ليييييييييييه كده ياولاد الحلال
ده احنا منهين نقطع شجره
والشارع ده بالذات 
الناس اللي كانت بتبقا مستنيه المترو بيقعدوا تحت الشجر
قلت يمكن هيوسعوا الشارع نفسه 
قلت ماعلينا
امبارح معديه لاقيتهم شالوا الجنينه اصلا وبيعملوا في المساحه دي صبة رصيف
لييييييييه كده؟؟
 الزرع ده اللي بيدينا اكسجين وملصمنا من التلوث
بجد حزنت جداااااااااا
قلت يمكن علشان مترو الانفاق تحت
طيب ومترو الانفاق ماله
طيب ماتعزل وتعمل برضوا زرع
مش عارفه حاسه ان اغلب المصرين ضد الزرع وضد الجمال
وخصوصا اللي بيشتغلوا في الاحياء
ياخساره علي اجمل شارع فيكي يامصر
الصوره اللي فوق دي لقصر البارون اللي عمل مصر الجديده 
لو يعرف اللي حصل النهارده
هيموت عشر مرات

هناك 24 تعليقًا:

ابراهيم رزق يقول...

شمس الشموس

لو كان الجهل رجلا لقتلته

و لو كان القبح رجلا لقتلته و حرقت جثته

بصى على مبانى وسط البلد و المنيل و مصر الجديدة او حتى المطرية و النعام

كان فى فن و علم عن حاجة انقرضت اسمها عمارة
اتحدى حاليا لو اى مبنى استعان بمهندس العمارة
تعرفى انا كنت بقف قدام البواكى اللى فى ميدان الجامع و الكربة و استمتع
حاليا بتحسر

تحياتى

faroukfahmy يقول...

اننا لم نعد ننظر فى الجمال بما فيه من جمال لان اعيننا اعتادت على النظر الى القبيح الخالى من الجمال وارتاحت عليه
اصبح الظلام يخيم على صبحنا والسواد يخيم على ليلنا ولا نشعر بنورنا وظلامنا لاصابتنا بعمى الالوان

Ramy يقول...

مصر الجديدة

يمكن لو كان عندى طاقة للكتابة كنت عاوز اكتب عنها

و عن ريحة الياسمين اللى كانت موجودة فيها

Tarkieb يقول...

المهم ايه السبب؟

محمد فاروق الشاذلى يقول...

ليست مصر الجديدة فقط التى ينتزعون منها جمالها وخضارها، لكنهم ينتزعون من مصر أجمل ما فيها منذ عقود طويلة حتى اعتدنا الأمر :(

محمد فاروق الشاذلى يقول...

سعدت جدا بتعليق حضرتك بخصوص البرنامج تقدرى تسمعى الحلقة اللى فاتت من الرابط ده (https://www.youtube.com/watch?v=qivVoqoD66A
) خديه Copy والزقيه فى مكان العنوان على متصفح الانترنت هاتقدرى تسمعى الحلقة، وبالنسبة للحلقات اللى جاية إن شاء الله فميعادها كل يوم إثنين الساعة 7م وتقدرى حضرتك تسمعيها من الرابط ده
arabesk.masrawy.com

مستنى رأى حضرتك فى الحلقة إن شاء الله

;كارولين فاروق يقول...

اولا صباح الخير شموستنا
واكيد الشموسه بتحب الزرع
زيي تماما
تعرفي حضرتك البلد دي مش عارفه
ماشيه ازاي واللي يدقق عليها يتعب
زي حالاتي
مافيش حاجه ماشيه فيها مظبوط
حسبي الله ونعم الوكيل
بس تعرفي في المعادي عندنا
كله زرع ومافيش حد يقدر يجي جنبه
تعالي عندنا وسيبي مصر الجديده مش
حاتندمي:)
صباحك فل حبيبتي

أسماء فتحي يقول...

في عداوة أزلية بين المصريين وكل ماهو أخضر مش بش الشجر والزرع لالالالالا حتي الضفادع هذا الكائن الرقيق الجميل
هههههههههههههه
في مصر الناس بتشتغل من غير ماتفهم نتايج اللي بيعملوه دي القلة اللي بتشتغل منهم
بتحسيهم كده زي . . . بيلبس وبيلبسنا في الحيطة من غير مايغلب نفسه ويفكرالنفع وراء قطع الأشجار ؟؟ ولو سألتيهم بتعملوا كده ليه مش هتلاقي إجابة لانهم ببساطه لا حافظين ولا فاهمين ولا عاقلين


صباحك سكر في مصر الموكوسة بناسها
تحيـــــــــــــاتي
كانت هنا ورحلت
Asmaa Fathy

L.G. يقول...

لما حد بيقطع شجرة او يقطف وردة بحس كأنه بيقطع ايدي بجد والله وبفضل حزينة مدة طويلة جدا حسبي الله ونعم الوكيل في كل من أمر بقطع شجرة ومن قطعها بيده بدون ضرورة قصوى مش عارفة ليه هم فعلا ضد الزرع .. حسبنا الله ونعم الوكيل

صاحب الحبر الأسْوَد يقول...

الاهتمام بالزهور والأشجار والحدائق وجمال الشوارع مايتفقش مع الفساد والسرقة والرشاوي والوسطة والقمع والدم
الاشجار اللي بتنمو في انظمة فاسدة وقمعية بتبقي ملوثة بالفساد والدم وعمرها قصير
عشان الشجرة تبقي جميلة لازم المسؤول عنها هو كمان يبقي جميل
وده للأسف مش حال النظام السابق او الحالي

تحياتي



شمس النهار يقول...

*ابراهيم رزق

ابتدت بالزمالك وانتهت الي مصر الجديده
تحس ان القبح ماسك عصايا سحريه
وبيشوه بيها البلد

شمس النهار يقول...

* faroukfahmy58

للأسف ده اللي بيحصل
لازم نربي الجيل الجديد اللي طالع علي حب الجمال
والا مصر ستتحول الي غابه قبيحه

شمس النهار يقول...

* Ramy

اهلا اهلا
يامرحبا رامي عندنا:)
ازيك يارب تكون بخير يارب

شمس النهار يقول...

* Tarkieb

تفتكر اي حاجه بتحصل حد بيقولك ليه وعلشان ايه:)
ابتسم انت في مصر

شمس النهار يقول...

* محمد فاروق الشاذلى قلب مصرى

كل ماامشي في حته احزن
عايزين اعادت تأهيل ضد القبح
----
شكرا علي لينك الحلقه ودايما من نجاح لنجاح
وان شاء الله اتابع الحلقات :)

شمس النهار يقول...

*كارولين فاروق

بحب الورد والزرع جدااااا

وبزعل ان حد يقطعهم

المعادي جميله بناتي هناك وبروح من وقت لوقت

:)
نورتي شمس النهار ياكارولين

شمس النهار يقول...

* asmaa fathy

اللي بينفذ مش عارف اي حاجه
هو بيعمل اللي بيتقاله عليه
حتي لو هو غلط

الشارع الجميل خلاااااص بقا من غير زرع

شمس النهار يقول...

* L.G.

شوارع مصر الجديده الوحيده اللي لسه كان فيها شجر وزرع

كده خلاص لازرع ولا خضره

شمس النهار يقول...

* صاحب الحبر الأسْوَد

الله جميل يحب الجمال

وفي ناس تكره الجمال ليه مش عارفه ؟؟

P A S H A يقول...

مش في مصر الجديدة بس يا أستاذة !!

دي حتى الشجرة اليتيمة اللي الواد حسن كان زارعها قدام الغرزة بتاعته قطعوها منهم لله !!


إيييييه ياللا بقى !!

ربنا يفك سجنك يا أبو علي :))

P A S H A يقول...

نسيت أقول صح إنها كانت شجرة بانجو !!

شمس النهار يقول...

* P A S H A

زارع شجرة بانجو ؟؟!!:))

ده علي اساس يبقا اكتفاء ذاتي له ولا ايه :))

مصطفى سيف الدين يقول...

الشجر اصلا حرام

و بيجيب ناموس كمان

شمس النهار يقول...

* مصطفى سيف الدين

:))

حرام :))
عارف اكتر حاجه مزعلاني كم العصافير اللي كانت عايشه علي الشجر ده
وكام عش في بيض اتهد
وكام عصفوره صغيره مستنيه امها بالاكل ومش قادره تطير ماتت وهمه بيقطعوا الشجر ده
اقولك حرمة عليهم عيشتهم اللي عملوا كده