جينا بقا لمصطفي القناوي
صوت الصعيد
الصورة للأهداء الجميل ذو الكلمات الرشيقة
اللي كتبه لي دكتور مصطفي علي الكتاب
نيجي بقا لمصطفي نفسه
قبل مانقرا عمل ايه في الضوء الاسود
مصطفي شخصيه جميله ضحوك بشوش دمه خفيف جدااا
احسبه متفائل
ولكن
هو شاااااااااااااااطر في اخفاء مابداخله
بس علي مين بيظهر في الكتابه يا دكتور
شخصيه واعيه عارف بيعمل ايه
ولكن
خايف ان حد يعرف اللي جواك عامله زي مايكون جوهره ثمينه ممنوع ان حد يشوفها او يعرف عنها
والجوهرة دي انت هتنحت لنا منها قطع صغيرة جداااااا
في كتاباتك
الحزن سيد الموقف رغم انك زي ماقلت ضحوك
كتاباتك كلها رموز وانت بارع في الرمز
وعادتا كتر الرموز بيجيب ملل في القراءة بس انت شاطر ماحسستنيش بملل
خاليت كل واحد ياخد اللي عايزه او فاهمه او عاجبه :)
(شاي مر)
لخصت فيها حياة ناس كتير ببساطه تحسد عليها
(الساعه الان صفر )
وقت التصالح مع النفس اقترن بوقت الحساب حسيته تحذير رائع
(القطار )
عجبتني جداااااااوابكتني في اخر سطرين (عجبك كده)
(كوب شاي)
مش كل المتجوزين كده :)
نافذة لها قضبان= مصطفي سيف
(السنا رجالا )
حستها الان
(خسوف القمر)
رائعه هنستبدل القمر بموتوسيكل دليفري علشان الحب الان بقا تيك اواي
في اخر الرحلة الجميله في بساتين افكارك وعناقيد كلماتك
عايزة اقولك من نجاح لنجاح
واطربتني اكتئااااباااا
:))
هناك 24 تعليقًا:
انا بس حبيت اصبح الرد تفصيليا بالليل ان شاء الله
ايه الكلام الكبير ده يا شموسة
تشكري كلك ذوق
بس كان لازم يعني تنشري الاهداء و انا غلطان فيه نحويا
مخدتش بالي ان كاتب كلمة (إلى ) غير دلوقت
فاكرها تحيل ظلمة الضوء الاسود سراجا منيرا :)
لي عودة بقى بالليل بجد البوست فرحني اوي
ماشاء الله عليكى
الواحد مش لازم يكون ناقد علشان يقدر يكتب ملاحظاته موافق جداً على كل الكلام اللى حضرتك كتبتيه
استطعت بمهارة المرأة وذكائها ان تقتحمى اعماق مصطفى ( سيف التدوين )
ولكن* *هو شاااااااااااااااطر في اخفاء مابداخله*
وده اللى انا حسيته ايضا فى مصطفى جواه حاجات كتير وطموح كبير مغلف بعبقرية وابداع جذاب
مصطفى من افضل الاصدقاء فى بلوجر كما انه من افضل الاقلام على الاطلاق اللى احب اقرأ لهم (( بمزاج ) يعنى بيطربنى قلمه ويروى ظمأ المعرفة لدى
مصطفى باختصار ( سيف التدوين )
احسنت ياشمس بلوجر الوصف والتحليل لقلم صديق واخ عزيز عندنا كلنا بارك الله فيك
تحياتى لك ولمصطفى بحجم السماء
شوقتيني كثيرا للكتاب ..
ولكتب كثيره لدي
لم اتمكن من قرائتها..
تعريف جميل للكتاب والكاتب
*مصطفي سيف الدين
صباح الهنا والسرور:)
ده اقل من اقل ماتستحق انت تستحق الكتير ياقناوي
وبعدين مالقتش الا انا تقولي غلطه نحويه :))
وانا بيفرق معايا يعني
انا فرحانه بالاهداء :)) نحو صرف بلاغه انت عارف انا ماليش في الكلام ده:))
ومستنيه التعليق المستفيض منك ماتتأخرش علشان ان شاء الله انشره بكره
*(ميرا(وومن
ميرا عندنا يامرحبا يامرحبا
ازيك يارب تكوني بخير
الكاتب بيكتب لنفسه طبعا وللجمهور وياتي دور النقاد ليتكلموا عن الاسس بتاعة العمل الفني الي اخره
لكن في اعتقادي ان الجمهور اللي هو المتلقي اهم ضلع هنا
لأن لو الكاتب ماقدرش يوصل بفكره للناس يبقا فشل
ومصطفي قدر يوصل لينا بسهوله
صحيح ساعات يكتب حاجات بعلق عنده واقول عروستي:))
بس اكيد حد تاني وصلته ولما بقراها تاني بتوصلني
*ليلي الصباحي
العزيزة الجميلة ليلي
كنت انتظر تعليقك وكلامك عن مصطفي
الشاب الصعيدي مئه في المئه
لما بتعامل مع ابنائي في التدوين بتعامل معهم بتلقائيع فابشوفهم من جواهم
ناهيكي عن الحاسه السادسه التي نتمتع بها كلنا:))
مصطفي من كتر ماهو صادق واضح واعتقد ان هو الوحيد اللي مش واخد باله انه واضح:))
وموهبته تكمن في اعماقه
زي البحر ماتعرفيش فيه ايه بس انتي عارفه انه فيه سمك
لكن السمك ده هيبقا ازاي شكله ايه
ده اللي مصطفي بيطلعه لنا كلمات رائعه
اشكرك جداااااا علي تعلقك اللي كنت مستنيه
واضاف الكثير للتدوينه
دمتي لنا ونورتي شمس النهار
*اقصوصه
اهلا اهلا بالغايبين
يارب تكوني بخير
الكتاب فعلا يستحق منك القراءة
نورتي بعد غيبه
اطلالة من نافذة الأخت الكريمة شمس النهار، نعم إنها إطلالة على عالم القاص الجميل مصطفى سيف، أحببت هذه الطلة على شخصيته وعلى عمله الأدبية الجميل.
تحية تقدير أختي شمس
تقبلي هذا التعليق.
شكرا
شمس الشموس
وصلتى لاعماق مصطفى بسهولة
بعيد عن دراسات النقد و النقاد المتفذلكين
و لكن بالاحساس الصادق
فالكتابة الصادقة مع الاحساس الصادق يصل الينا بدون مشقة
احسنتى التحليل
و من تقدم لتقدم يا سيف
فانت موهبة فى زمن عزت فيه المواهب
و انت شخصية ثرية لم يتم اكتشاف كامل اغوارك بعد
تحية لكى يا شموسة و تحية لسيف
تحياتى
والله كلام جدا رقيق وجميل وأكثر من ائع في حق أخونا مصطفى ربنا يكرمه ويكرمك انك عرفتينا به أكثر ألف تحية وأحلى مساء لكم
* رشيد أمديون. أبو حسام الدين
شكرا علي جميل تعليقك
وعلي كلماتك اللطيفه
مصطفي يستاهل كل خير
*ابراهيم رزق
مصطفي موهبه خطيرة ومش مجامله ابداااا
عقبال مااشوف موهبتك تخرج للنور ياابراهيم وتطبع كتاب
وتهدهوني وتيجي تحت الميكروسكوب :)
* كريمة سندي
اهلا اهلا بالاخت الكريمة كريمة سندي
نورتي شمس النهار بكلماتك الجميله
قدرنا ان نتابع اصداقاءنا في المدونات كل عدة اسابيع مرة
لكن عذرنا اننا في الخارج و مشغولين جدا
للجميع خالص التحية و الود
عجبنى وصف الشئ اللى مخبيه بـ(زي مايكون جوهره ثمينه ممنوع ان حد يشوفها او يعرف عنها والجوهرة دي انت هتنحت لنا منها قطع صغيرة جداااااا في كتاباتك )
.."الشاى المر"بكلامك اصبح له طعم جميل يشتاق العقل ان يتذوقه
..بالتوفيق لصوت الصعيد
..
تحياتى لشمس اضائت
نيجي بقى للتعليق بتاعي
بصراحة اول ما قريت التدوينة قلت لنفسي ياااه هو انا مفضوح اوي كده؟ رغم ان انا كنت فاهم نفسي فتك و مخبي الحفر اللي جوايا كويس
حضرتك بتقولي جواك جوهرة و انا بانحت منها قطع صغيرة في كتاباتي بس انا حاسس ان اللي جوايا ضلمة او ضوء اسود و باكتب كل شوية منه
يمكن غيري يقدر يتحاشاه
سعيد ان الكتاب محسسكيش بالملل و ان الرموز عجبتك
(شاي مر) فعلا لخصت حيوات ناس كتير بتشوف احلامها بتموت يوميا بعينيها و مضطرة تتعايش و تتكيف مع الواقع
(الساعة الآن صفر) لحظة صفاء مع النفس قد تكون مميتة في بعض الأحيان فسياط النفس أقوى من سوط الجلاد
(القطار) آسف إنها ابكتك انا عارف ليه دموعك نزلت علشان الولد مرضيش ينزل من القطر زينا
(كوب شاي) مبحبش اصلا كلمة (كل) لأن كل القواعد فيها استثناءات و الجواز (كوب شاي) دي قاعدة أكيد ليها استثناءات
(نافذة لها قضبان ) دي أنا فعلا و هي من الحاجات اللي في الكتاب اللي بتمثل ذاتي دايما كاشفاني :)
(ألسنا رجالا ) تعرفي انتي اول حد تعلق معاه القصة دي مع اني منشرتش الكتاب غير علشانها للأسف دايما بننسى على رأي عمنا نجيب آفة حارتنا النسيان جملة (اذهبوا للسندباد انه يقف وحيدا عند البحر ) علشانها نشرت الكتاب الفكرة ان واحد ضحى بكل اللي حواليه من اصدقاء حقيقيين علشان مجده الخاص هيقف وحيد حتى لو العالم كله جاله يحتفل معاه هيفضل برضه وحيد
(خسوف القمر ) اصلا مبقاش في حب يا شمس دلوقت بقى في انك تحاول تحسس نفسك انك بتحب علشان تعيش الجو ده لكن الإغراق في الحب و الرومانسية بتاعت زمان انتهت زمان كان بيبقى الحبيبين روحين في زكيبة :) يعني بيبقى في شفافية و روحانية حتى لو بعاد عن بعض و بينهم بلاد بيبقوا عارفين كل واحد بيعمل ايه او بيكلم مين او بيفكر في ايه ، الاتنين شخص واحد
في النهاية آسف إني أطربتك اكتئابا
بس ضوء اسود يعني هتنتظري ايه منه
اشكرك يا شموسة و تدوينتك دي شهادة و وسام و سعيد ان المجموعة عجبتك
مين مصطفى سيف بقى ؟؟؟؟
*ذو النون المصري
اهلا بيك في اي وقت
تطمنا عليك ده الاهم
ونسعد بتعليقاتك
ربنا يهون عليك غربتك ويعينك
* well
الجوهرة دي هي اللي ثقلت موهبة مصطفي واخرجتها لنا في كلمات ليست كالكلمات
:)
نورتني
*مصطفي سيف الدين
طبعا انت عارف ان التعليق ده هيتنشر كله دلوقتي تدوينه :))
انت مش مفضوح ولا حاجه:))
انت من كتر نقائك عامل زي الزجاج الشفاف اللامع باين كل اللي جواك
:))
اهي الضلمه اللي جواك دي هي اللي فجرت موهبتك الادبيه
الضوء الاسود ضغط عليك خرج كلمات لتنير الدنيا بموهبتك
طبعا انا سعيده اني اتعرفت عليك
وانك اهدتني الكتابين
وماتبقاش بقا تنسانا لما تبقا زي نجيب محفوظ ولا احسان عبد القدوس:)
اتوقع لك نجاح باهر بس انت عايز بروباجندا شويه من دار النشر مش حاسه انهم عاملين معاكم شغل كويس
لازم تتعرفوا واقصد هنا كتاب بلوجر موهوبين مغمورين
وان شاء الله الضوء الاسود هيبا ضوء ابيض صافي مافيش اجمل منه
لك تحياتي ياقناوي وشكري العميق
وهروح اشوف ازهري اللي بيجر شكلك علي الصبح ده :))
*الازهري
:))
شوف يااخي الناس اللي بتجيبلنفسها الكلام علي الصبح
مصطفي سيف اللي اكلنا الشوكلاته بتاعته اللي جايباهاله ريم سعيد
مصطفي سيف اللي جه لنا من اخر الدنيا وعملتوا معاه ايه؟؟!!
يالا العجب فضحتونا واكلته عدس ياظلمه
هاااااااا
عرفت مين مصطفي سيف ولا اكمل ؟
:)))
كفايه كده :))
شموسة النوارة المنورة ...
جبتي التايهة يا شموسة وقلتي اللي كلنا عايزين نقوله ..مصطفى سيف من أول مادخلت مدونته أولاً بقيت كل ليلة اسهر اقرا قديمه وارجع مارشدير ورا عشان كل ما أقرا حاجة تجرني لحاجات ..مصطفى دا بجد بجد السهل الممتنع ..دا اللي بيدي كل واحد الفرصة إنه يفكرمش بس يوصله المعلومة والنهاية لغاية عنده..يا مصطفى انت تستاهل كل التحية ولما تيجي تحيتك من فنانة ذات قلم مبدع زي شمس الشموسة فهيشهادة عظيمة من انسانة عظيمة تحية لك وتحية لها ..
* zizi
اهلا اهلا بزيزي :)
عايزة اغنيلك حرمنا من انسك ليه فينك ؟؟
انا سعيدة جدا اني وسط المواهب الجميله دي
ونفسي فنهم الجميل ده يوصل للناس
في كتاب الان مشهورين بجد ماتقدريش تكملي سطرين من اي كتاب ليهم
شكرا علي كلامك الجميل ومجاملتك ليه :)
نورتي شمس النهار يازيزي:)
إرسال تعليق