الأربعاء، 27 مارس 2013

مصطفي سيف يرد :)

 اتشرف بنشر تعليق مصطفي القناوي 
-----------------
نيجي بقى للتعليق بتاعي
بصراحة اول ما قريت التدوينة قلت لنفسي ياااه هو انا مفضوح اوي كده؟ رغم ان انا كنت فاهم نفسي فتك و مخبي الحفر اللي جوايا كويس
حضرتك بتقولي جواك جوهرة و انا بانحت منها قطع صغيرة في كتاباتي بس انا حاسس ان اللي جوايا ضلمة او ضوء اسود و باكتب كل شوية منه
يمكن غيري يقدر يتحاشاه
سعيد ان الكتاب محسسكيش بالملل و ان الرموز عجبتك
(شاي مر) فعلا لخصت حيوات ناس كتير بتشوف احلامها بتموت يوميا بعينيها و مضطرة تتعايش و تتكيف مع الواقع
(الساعة الآن صفر) لحظة صفاء مع النفس قد تكون مميتة في بعض الأحيان فسياط النفس أقوى من سوط الجلاد
(القطار) آسف إنها ابكتك انا عارف ليه دموعك نزلت علشان الولد مرضيش ينزل من القطر زينا

(كوب شاي) مبحبش اصلا كلمة (كل) لأن كل القواعد فيها استثناءات و الجواز (كوب شاي) دي قاعدة أكيد ليها استثناءات

(نافذة لها قضبان ) دي أنا فعلا و هي من الحاجات اللي في الكتاب اللي بتمثل ذاتي دايما كاشفاني :)

(ألسنا رجالا ) تعرفي انتي اول حد تعلق معاه القصة دي مع اني منشرتش الكتاب غير علشانها للأسف دايما بننسى على رأي عمنا نجيب آفة حارتنا النسيان جملة (اذهبوا للسندباد انه يقف وحيدا عند البحر ) علشانها نشرت الكتاب الفكرة ان واحد ضحى بكل اللي حواليه من اصدقاء حقيقيين علشان مجده الخاص هيقف وحيد حتى لو العالم كله جاله يحتفل معاه هيفضل برضه وحيد

(خسوف القمر ) اصلا مبقاش في حب يا شمس دلوقت بقى في انك تحاول تحسس نفسك انك بتحب علشان تعيش الجو ده لكن الإغراق في الحب و الرومانسية بتاعت زمان انتهت زمان كان بيبقى الحبيبين روحين في زكيبة :) يعني بيبقى في شفافية و روحانية حتى لو بعاد عن بعض و بينهم بلاد بيبقوا عارفين كل واحد بيعمل ايه او بيكلم مين او بيفكر في ايه ، الاتنين شخص واحد

في النهاية آسف إني أطربتك اكتئابا
بس ضوء اسود يعني هتنتظري ايه منه

اشكرك يا شموسة و تدوينتك دي شهادة و وسام و سعيد ان المجموعة عجبتك

هناك 22 تعليقًا:

نور الدين (محمد الجيزاوى) يقول...

مصطفى سيف كاتب ذكى
والإبداع فى الكاتب امر سهل لكن الذكاء امر صعب وجدااا
مصطفى بقى من النوع الصعب دة يقدر ياخدك لخمس ست اتجاهات فى نفس الوقت وبسلاسة دون أن تقبضى على معنى محدد ودى روعته فى الكتابه الرمزية
...
تناول رائع ياشمس لكاتب رائع

رؤى عليوة يقول...

السلام عليكم

بجد سلسله تحفة واعترافات رائعه اضافت لكتب اصحابها

سيف رغم الرمزية اللى فى كتاباته بحس ان بين السطور دايما حجات منه ومن المجتمع عموما واكيد منا احنا كمان

كتاباتنا اكيد فيها حاجة مشتركة وكل واحد بيعبر عن الحجات دى بأسلوبه

بدأت اغييييييير ونفسى بجد اشوف بوست عن كتابى وقبل كده كنت اتمنى نتقابل :(
يارب يكون ربنا كاتب لنا لقاء فى الواقع هكون سعيدة لو الامنيه دى اتحققت :)


دمت بخير
ومنتظرين المزيييييد

موناليزا يقول...

أستمتع دوماً بما تكتب :)
فى ردك شعرت بخفة الظل والروح الخفيفة التى تحدثت عنهم شموسة فى التدوينة الرئيسة

بس نسيتى ياشموسة تقولي عنه إنه متواضع ومش حاسس بقيمة قلمه
تخيلي مصطفى معتقد إنه اتسرع فى النشر الورقي!!!

استمر يادكتور فقلمك يستحق القراءة :)

شمس النهار يقول...

*(نور الدين(محمدالجيزاوي

عجبني تعبيرك جدا
فعلا مصطفي بياخدك في عشر اتجاهات ولما يهد حيلك بمزاجك تلاقي نفسك ياعرفت تقبض علي حاجه يااتقبض عليك :))

شكرا علي مشاركتك الجميله القيمه:)

شمس النهار يقول...

*رؤي عليوة
وعليكم السلام ورحمة الله وبركاته

الكلام اللي بتقوليه ده قلناه في الندوة ياتري مين بيقود الاخر الكاتب ولا الكتابه

ان شاء الله نتقابل :)
وان شاء الله اقرا كتابك واعلق عليه

ودي امنيتي اناكمان ياجميله

شكرا علي كلامك الجميل:)

شمس النهار يقول...

*موناليزا

هو من ناحية خفة الظل مصطفي خفيف الظل وعنده سرعة البديهه

وتصدقي كلامك عن مصطفي طمني
الموهوب هو اللي دايما مش راضي عن مايبدع
وده هو مفتاح الابداع الفعلي اللي بيفتح باب النجاح
علشان ده الدافع انه المره الجايه هبدع اكتر ومن عدم رضا الي عدم رضا يستمر الابداع

اسعدني تعليقك جدااا
نورتي شمس النهار:)

ابراهيم رزق يقول...

ايه ده انا جيت فى الاخر

طبعا انا كلامى هيبقى مجروح فى مصطفى
بس مصطفى دايما فى حاجة للاستفزاز و انا بحب استفزه

و عشان كده هقوله كتابك ده مش قوى
انتى لسه عندك افضل

اما امنية رؤى فغالى و الطلب رخيص
انشاء الله انجح و اوصل نسخة كتابها ليكى يا شموسة
بس خدى بالك دى استعارة مش هدية
عشان موقعة على الكتاب

تحياتى

شمس النهار يقول...

* ابراهيم رزق

اهلا بيك ياابراهيم في اي وقت
:))

طبعا انا معاك ان مصطفي لسع عنده الكتير
وهي دي الجوهرة اللي جواه:)

ان شاء الله اقرا كتاب رؤي ومانتحرمش من الكرم
:))

faroukfahmy يقول...

لا تؤاخذينى يا شمس فانا لم اتابع الموضوع من البداية ولا احب ان اعلق فى امر لم اقف على جوانبه جيدا
شكرنا لاهتمامك بامر الزملاء

عبدالعزيز العصيمي يقول...

السلام عليكم ورحمة الله وبركاته

ما رأيكِ أختي الكريمة المساهمة معنا
في حملة ركاز هذه السنة
بوضع بنر لحملتهم كلامك ... عنوانك ليتم إضافة رابط مدونتكم
هنا من ضمن المدونات المساهمة في نشر الحملة ؟

http://hasafa.yoo7.com/t5956-topic

في حال الموافقه أتمني إبلاغي في مدونتي ليتم إضافة مدونتكم ... وشكراً

أخوكم الركازي: عبدالعزيز العصيمي

شمس النهار يقول...

* faroukfahmy58

اهلا بك استاذنا
الحقيقه لم يفتك الكثير
هناك تدوينه سابقه لهذه التدوينه كتبت راي في كتاب مصطفي وهنا يرد علي كلامي

:)
مشاركتك اكيد هتضيف للموضوع استاذنا

شمس النهار يقول...

*عبد العزيز العصيمي

اهلا بك

لم تعرفني اهداف الحمله حتي اشترك بها
ساذهب الي هناك لأعرف ايه الموضوع

فافى يقول...

لا لا بقى الموضوع شكله كبير فين الكتاب ده انا عايزه اقراه واضح جدا من التعليق انه جميل و حزين فى نفس الوقت
اكيد هاشتريه ان شاء الله ولو انى كان نفسى فى نسخه وعليها اهداء :)

well يقول...

كلمات واضحة تدل على موهبة حقيقية ..
..
تحياتى

شمس النهار يقول...

*فافي

ايوة الموضوع كبير جدااااااا

والكتاب اكتر من رائع

وياريت لما تقري تيجي وتقولي لي ايه الاخبار:))

شمس النهار يقول...

*well

فعلا مصطفي عنده موهبه ذات طابع خاص
:)

islamaamr يقول...

كلمات واضحة تدل على موهبة حقيقية ..

;كارولين فاروق يقول...

بلا شك مصطفي صاحب مدرسه الرموز الكتابيه والغموض ويطلب من قارئه
بطريقه غير مباشره ان يفكر معه
طبعا انا مقصره مع الكل ومش متواجده زي الاول لكن ربنا يعلم وقتي ضيق جدا
ونفسي ارجع زي الاول والوقت يسعفني
مساءك فل ست الكل
تحياتي وتقديري

شمس النهار يقول...

*islamaamr

اهلا وسهلا شكرا علي المرور:)

شمس النهار يقول...

*كارولين فاروق

فعلا كلامك صح ربنا يكرمه ويبارك له في موهبته :))
علي الله بس مايتغرش علينا :))

ان شاء الله تخلصي كل اللي وراكي وتفضي لبلوجر شويه

:))
نورتي شمس النهار

رشيد أمديون يقول...

تحية طيبة
عنصر التميز عند صديقنا مصطفى، الخيال الواسع، والأفكار المتراكمة في عقله الباطن، والتي لا تخرج إلا بعد دعكها بالحروف، تماما كمصباح علاء الدين...
أكيد أن استخدام الخيال يستدعي نوعا من الرمزية الفنية لوسيلة ايصاله، والذي يثير انتباهي على حسب ما قرأت له في مدونته، لأني لم أقرأ بعد المجموعة ولم يحالفني الحظ لذلك لظروف البعد، فما قرأت له في المدونة هو تأثر صديقنا بالخيال العلمي، طبعا ليس في كل كتاباته، لكن هناك أكثرها يحتوي على ما قلت، وهذا أمر جميل كنوع من الاختلاف والتنوع...

شكرا لك أختي شمس، وأحيي كاتبنا الجميل.

غير معرف يقول...



Feel free to visit my site website