بمااني خلاص قربت انشر التدوينه
ال
500
احب اعمل فيها حكيمه زمانها
:)
عايزين نحط نقطه
(نفصل بيها كل اللي فات )
ونكتب من اول السطر
في حب مصر:
ياريت وزير الزراعه يمنع زرع الكوسه في مصر
في حب مصر:
ننسي كلمت انا وتبقا كلنا يعني نلغي كلمة انانيه وادينا اتعلمنا ان القوة في الجماعه
في حب مصر:
كل انسان يبقا نفسه مايحاولش يغش ويتقمص دور مش بتاعه علشان بكده بيحترم نفسه
في حب مصر:
نلغي كلمة وانا مالي اللي يشوف حد بيغلط يوجهه باللتي هي احسن مش بالخناق
في حب مصر:
نحافظ علي حق الغير علشان نحافظ علي حقنا
في حب مصر:
نتعلم معني الحريه اللي مانتعداش بيها علي حرية الاخريين
في حب مصر:
نتعلم معني العمل الجماعي ومش كل واحد يعمل فيها ريس
في حب مصر:
مانخافش من كلمة الصدق
في حب مصر:
نمشي في الشارع بمايرضي الله علشان احناماعندناش ازمة مرور احنا عندنا ازمة اخلاق من اللي سايق ومن اللي ماشي وبيعدي علي رجليه
ان شاء الله صباحكم زي الفل
:)
هناك 19 تعليقًا:
صباح الورد شموسة و فعلا احلى بداية و احلى سطور كتبتيها
يا رب عقبال التدوينة الألف ..
تحياتي
شمس الشموس
المستحيل انت تخدع أي طفل صغير
و تلف عقله و تعطيه القليل بكتير
لكن بأهون طريقه تخدع الجماهير
لو كنت أغبى غبي تجري وراك و تسير
خليل يصقَّف , يصقف شعب ويا خليل
من غير ما يسأل عن الأسباب و التفاصيل
و حمار يغني , و جايب من يقول له : آه
حالاً تقول الخلايق كلها و يّاه
الحق يخفى و في وسط الزحام ينداس
و ناس في فهم الحقيقه , تتكل على ناس
و يساعدك الحظ ياللي تحسن التجعير
بيرم التونسى
كلامك كله حكم يا شموسة و الله
بس منين نجيب ناس لمعناة الكلام يتلوه
لو الرئيس بدء والناس حست بصدقه
اكيد الناس هتصدقه و تتغير
تحياتى
اللى حضرتك كاتبه ده مش بيحصل غير فى المدينة الفاضلة بس.
يارب ده يتحقق مش فى مصر بس ولكن فى كل الدنيا.
ياترى هانشوف الزمن ده؟
الله اعلم
صباحكِ ومساؤكِ وكل أوقاتك طيبة وسعادة
هذه البداية يجب أن يأخذها الجميع نموذج و دعوة يدعوا اليها كل شخص
كل الود
اولا الف مبرووووك التودينة ال 500 وعقبال التدوينة ال 1000000 ان شاء الله
ثانيا في حب مصر
ياريت وزير الزراعة يمنع زرع الكوسة في مصر
بضم صوتي لصوتك الكوسه هي اللي مخليه البلد علي حافة الهاوية نبطل كوسه الدنيا هتبقى ربيع هههههههههههههههههههه
عموما المهم من الكلام اللي بيتقال في حب مصر الأفعال اللي لازم تثبت حبنا لمصر
تدوينة جميلة كعادتك ياشموسه
تحيـــــــــــــاتي
كانت هنا ورحلت
Asmaa Fathy
أيوة هى أزمة الأخلاق
والله لو اتحلت كل أمورنا على جميع الأصعدة هتكون تمام
* EMA EMA
صباح الهنا اهلا اهلا
ميرسي عب الكلام الجميل اللي علي الصبح منك
:)
*ابراهيم رزق
اعتقي المنافقين والممثلين والسياسيين المحنكين
مايقدروش يطحكوا علي طفل
الطفل بيميز بين الكدب والحقيقه
بين الحنيه الطبيعي والصناعي
عايز تعرف حقيقة حد قعده مع طفل ان حبه علي طول يبقا كويس ان حبه شويه وبعد كده بعد عنه اعرف انه ممثل :))
انا دايما بسمي الاطفال جهاز كشف المشاعر:))
محمد فاروق الشازلي قلبي مصري
اهلا اهلا
شوف يامحمد مافيش مدينة فاضله
حتي في عصر الرسول صل الله عليه وسلم
ماكانتش موجوده
ولو رربنا كتبهلنا ماكنش كتب الثواب والعقاب
اومال احنا هناخد ثواب علي حساب مين الشريرين اللي في الدنيا
هو بس لو نمنع زرع الكوسه هيبقا كويس :))
ده الكوسه دلوقتي اكتر من الاول:))
*زينة زيدان
صباحك فل وياسمين
:)
ادينا بنحاول نكون صح
وربنا بيعين
*asmaa fathy
:))
لألأل
اجلي التهاني شويه انا لسه ماوصلتش ده انا لسه هاادخل علي التدوينه ال500 :)))
بس انا بسخن يعني :))
صباحك فل وياسمين :))
*موناليزا
اهلا اهلا بيكي
الباديه هي الاخلاق والنهاية هي الاخلاق
نورتي شمس النهار:)
فى حب مصر
كلام كتييييييييييييييييييييييييير
وفعل ؟؟؟؟
شمس النهار
مع أول مرور لى فى مدونتك لاحظت أنى وصلت إلها نتأخرا بعد مرور 500 تدوينة فأنا أحيكى على نشاطك الكتابى وكذلك على مواضيعك الرائعه كما أتمنى أن يحدث ما تحلمين به فإن إستطعنا تحقيق نصفه فسوف نصبح من مصاف الشعوب
*الازهري
ياهلا ياهلا
انت فين ؟؟
* Gamal Abu El-ezz
اهلا بيك
نورت المدونه
وشكرا علي كلامك ومرورك :)
صباح الفل والياسمين
وفي حب مصر تدويني التدوينة الألفين :)
وحشاني شموسة
*امال حمدي
اهلا اهلا
صباح الفل والياسمين
لما بلاقي تعليقك هنا بحس ان التدوينه نورت
انتي كمان وحشتيني ربنا يكرمك يااموله يارب:)
دى أحلام ياشموسه
أسأل الله أن تتحقق
وإن كان تحقيقها يأتى بأن نغير من أنفسنا اولا
من خلال ثورة ضمير
نحقق من خلالها تلك المطالب
ونسقط تلك السلبيات
كما لايجب أن لانسكت على اى شىء نجده مخالف مهما كلفنا ذلك
تحياتى
إرسال تعليق