الأربعاء، 10 يوليو 2013

صلاة التراويح وكل سنة وانتم بخير

كل سنة وكلنا طيبين
وبخير وصحة وسعادة
وربنا يكرمنا ونفوز برمضان هذا العام 
ان شاء الله كلنا
وان شاء الله الغمة تنزاح تماما
وترجع مصر بهية
عايزة اتكلم هنا عن صلاة التراويح والاكل والعزومات
اولا صلاةالتراويح 
ياريت الستات اللي بتروح تصلي التراويح 
ومعاها اطفال تصلي في بيتها احسن 
علشان هي بتفقد الناس التانية روحانيات الصلاة 
وده مش من الدين ان تفسد صلاة غيرك
عندها حل من اتنين 
ياتقعد تصلي في بيتها ولها اجر رعاية اولادها طبعا 
واجر صلاة التراويح في بيتها 
حيث ان افضل صلاة للمراة في مخدعها
يااما تطلب من الجامع اللي هتصلي فيه
 انهم يفتحوا الحضانة التابعة للجامع 
لستقبال اولاد المصليات الساعتين بتوع الصلاة 
في نظير اجر
اما بالنسبة للأكل 
ياريت 
ابوس ايدك ياست يامصرية لاتسرفي في الطبيخ
اعملي علي القد يتاكل في ساعتها 
وباي باي 
وخصوصا في العزايم ياريت مانعملش مليون صنف 
ويقعدوا في التلاجة واهل البيت يزهقوا 
والاخر يترموا في الزبالة
وكل سنة وانتم طيبين وبخير وصحة وسعادة
رمضان كريييييييييييم

هناك 7 تعليقات:

gogo!sf يقول...

كل سنه وحضرتك طيبه يا مدام شمس
ورمضان كريم عليكى وعلى اولادك واحفادك وكل اسرتك يارب

جزاكى الله خير على النصيحه والله ربنا يكرمك دايما يا رب
بس انا نفسى اصلى فى الجامع وخصوصا فى رمضان هى مش مكتوبالى ولا ايه انا من اول ما اتجوزت وكل رمضان يجى عليا اما حامل او معايا بيبى او تعبانه انا هروح يعنى هروح مش ليا دعوة بقى
والناس اللى مضايقه من ابنى تقعد هى تصلى فى بيتها هههههههههههههههه
بجد هجرب لو فعلا هيكون مزعج مش هنزل وامرى لله عشان انا اركز بردو

رمضان كريم

ابراهيم رزق يقول...

شمس الشموس

البوست ده للستات
خلاص امشى انا
يالله احنا بينا يا مسعد شارع التروماى
كل ستة و انتى طيبة

تحياتى

النسر المهاجر يقول...

كل سنة وانتى طيبه وربنا يعيد عليكى رمضان بالخير والسعاده

رحاب صالح يقول...

يارب الغمة تنزاح
كل سنة وانت طيبة ورمضان كريم

Mahmoud Bahgat يقول...

رمضان كريم و بإذن الله ربنا يحمى مصر و يجمع أهلها على خير و على اللى ينفعهم دنيا و آخرة

أحمد أحمد صالح يقول...

كل سنة وانت يا أستاذتنا وكل الأسرة وكل الاحبة بكل خير وصحة وسعادة.
ويارب يبقى شهر خير علينا وعلى بلدنا مصر وعلى كل الأمة الإسلامية.

أسماء فتحي يقول...

كل سنة وانتى طيبة ياشموسة
ورمضان كريم عليكي وعلي كل حبايبك

دمتي بسعادة