الثلاثاء، 7 أكتوبر، 2008

الحمد لله الامن استتب
وافراد القبيله كل واحد رجع لعمله
والبيت اتنظف وكله تمام
والاجازه كانت حلوه ماعدا ناموس الساحل وعمايله
يله هيروح من المبيدات فين
اللي مش كويس مش عارفه اكتب عن ايه والا ايه
مواضيع كتير تحرق الدم وتزعل
وبعد حيره قررت ادخل مدوناتكم واللي كتب عن اي موضوع فيهم اكتب وخلاص
بس في سؤال تعبني جدا ومنكد علي
همه الشباب بتوع كارثة شارع الدول دول مصريين زي المصريين اللي مسحوا عار الهزيمه وجابوا نصر اكتوبر
حد يقولي

هناك 11 تعليقًا:

كيارا يقول...

الحمد لله الامن مستتب

-----------
همه الشباب بتوع كارثة شارع الدول دول مصريين زي المصريين اللي مسحوا عار الهزيمه وجابوا نصر اكتوبر

------
انا تنحت من الكلمه

بجد مش عارفه اقولك ايه

mido يقول...

اكتبى عن اجازة العيد

فارس القمر يقول...

السلام عليكم

الامن تمام وميه ميه واكتبى عن احلى حاجه شوفتيها وخلى الحاجات اللى تنكد دى بعدين فرحينا الاول وبعدين نشوف النكد

بالنسبه للشباب انا بقول
((لاتعليق))

تقبلى مرورى

فارس

¨¨¨°~*§¦§ Appyplanet §¦§*~°¨¨¨ يقول...

اه للاسف مصريين اسما بس
لا والانيل ان البعض حمل البنات برضه السبب مش عارفه ليه طيب اللى مش محجبه ماشى انما المحجبات ليه
انتى ماخدتيش بف باف فى الساحل يا بنتى معاكي هو اه الناموس بيشمه ويقول كمان بس اهو كويس

romansy يقول...

لا طبعا

شمس النهار يقول...

*كيار
انت تنحتي انا لما كنت في الساحل وجوزي ندهني يسمعني الخبر كان قلبي هيقف
مش ممكن يكون شببنا بيفرطوا في عرض وشرف بناتهم كده
ازاي اتجمع العدد ده مع بعض دي كانت رحله للمعصيه والا ايه انا مش فاهمه
كانت عزومه علي بنات خارجه تعيد زي مخليق ربنا
ربنا يعافينا

شمس النهار يقول...

*ميدو
اجازة ايه بقه ياميدو ماخلاص ضيعوها
انت مالاحظتش ان الصوره الكبيره اللي كانت بتتنشر في اخر صفحه في الجرائد لبطل اكتوبر انور السادات مش منشوره السنه دي ياميدو
الاجازه كانت حلوه بس الساحل اغلبه ماكنش شغال
بس الاولاد راحوا مارينا انا لا ماليش في الكلام ده
القناديل كانت متألقه طبعا
الجو كان حلو جدا
شمينا شوية هواء نقي باليود
ورجعنا الي قواعدنا سالمين

شمس النهار يقول...

*فارس القمر
احلي حاجه شفتها
العدد الكبير من المصلين في صلاة العيد بالساحل كان جميل جدا جدا
حسيت بالفخر وكنت حاسه بالملايكه فعلا

شمس النهار يقول...

*ابي
همه مصريين بس مغيبين مطموس علي عقولهم
اما الناموس
كل المبيدات اصبحت حبايبه
بس واحد سودانيه قالت لي ادهني ليمون
عملت كده بس باقي القبيله مارضيوش
كانت النتيجه 3مصابين بالجلد
جوز بنتي الكبيره قالولوا في الشغل انت حماتك كانت منيماك في الجبل
شوفتي لبسوهاني
زي كل مصيبه تحصل للبنات في الشارع يقولك البنات عايزه الشنق همه السبب

شمس النهار يقول...

*رومنسي
لما همه مش مصريين امال همه ايه وعملوا كده ليه
وايه العزومه دي
انا اعرف واحد اتنين
بس مش ميه
الموضوع فيه انه ياجماعه

CAIROCOMPUTER يقول...

تحيه طيبه
ندعوك للأشتراك انت وزوار مدونتك فى برنامجنا الأذاعى وهو اول برنامج عن النت والمدونات فى الشرق الأوسط ويذاع من الأذاعه الرئيسيه لمصر ...ندعوك للأشتراك بان تزور مدونتنا وموقعنا لتعرف كافة التفاصيل
المدونه
http://netonradio.blogspot.com
الموقع
http://dear.to/cairo