الخميس، 23 أكتوبر 2008

الوطن

كنت في جلسه شبابيه اي اللي فيها شباب كلهم بنات وولاد وانا العجوزه اللي فيهم بس مين انا( اشبب) منهم
وكان واحد منهم بنقنعه انه مايسافرش لأنه ماعندوش سبب يخليه يتغرب عنده شقه وعربيه وفلوس تكفيه يتزوج من خطيبته مرتاح وكمان وظيفته حلوه ومرتبه عالي
طيب انت عايز تسافر ليه ايه الزائد اللي هيعمله لك السفر
وغلطت وقلت بلدك اولي بيك
وزي ماكون شتمتهم كلهم فضلوا يتكلموا وانا في وسطهم كالبلهاء
وسمعت كلام لايسر عدو والاحبيب
وخصوصا ان كلهم ميسوري الحال
وبسرعه تذكرت الاخ طارق عابر سبيل ومدونته يعني ايه كلمة وطن؟وقد كنت جاوبته علي هذا السؤال بمدونته
وعلي طول رحت خبطاهم السؤال بصولي طبعا وككككككككككككككاني جايه من كوكب تاني
دلوقتي انا بكرر سؤال عابر سبيل
يعني ايه كلمة وطن؟

هناك 39 تعليقًا:

nabil يقول...

على فكرة ده كلام بس، لكن حب مصر بجد بجد مش كلام في دمنا كلنا، وده بيظهر في مواقف كثيرة جدا مش بناخذ بالنا منها زي ماتشات الكورة على أبسط مثال، وانا عاشرت ناس كثير كانوا زي اللي انتي تقصديهم ولكن مرت علينا مواقف كثيرة جداً عرفتني الحقيقة الثابته دي.
بالتوفيق
N@B!L
www.nabil-space.blogspot.com

Tamer Alhosiny يقول...

كلمة وطن
يعني ام يعني ايه ام
الام هي الاي بتحضن طفلها تحميه وتعلمه وتربيه
ولما تكبر يرد ليها الجميل بالبر والحب
بس للاسف امنا مصر رغم حبنا ليها اوقات بتبقي قاسية علينا
في ناس كتير مش مشكلتهم مع امهم انها مش بتديهم مصروف كبير
لانها بتديهم المصروف من هنا وكل شوية تديهم علقة سخنة من هنا
مرة في كرامتهم او كبريائهم

واوقات بتبقي فوق كل ده بتدي مصروف يخلي الولد يمد ايده او يموت بكرامته

انا مش ضد مصر
امي
انا بحبها قوي
وعلشان كدة نفسي تتغير
لاني بحبها ومش ههرب منها او اسيبها زي اولادها الاي سابوها من عمايلها معاهم

انا هقعد وهفضل وهغيرها وهعلمها تحبني زي ما علمتني احبها

هو ده معني الوطن
يعني امي

تحياتي ليكي يا شمس النهار وسعيد جدا بكلماتك في بوست شمس النهار
علي فكرة البوست ده تقريبا عمره سنة من الان
وكنت كاتبه وانا فاقد بجد الامل في حجات كتير جميلة
بس شمس النهار رجعت ونورت تاني
لان مفيش قلب مؤمن بيعيش في الظلام

تحياتي

تامر الحسيني
انسان عاشق حر

فاروق عادل يقول...

وطن يعنى البلد اللى لو حد سالك انت منين هتقولة كدة هو دا الوطن الاحساس ان دة حتة منك لازم تنجحها وتقويه اوتنميها

romansy يقول...

عارفه يعنى ايه كلمه وطن

و....... ود وحب نلاقيه بينا

ط........ طيبه وساكنه قلوبنا

ن...... نور ننور بيه طريقنا

هو دا معنى الوطن
والله كلنا بنحب مصر
بس لو مزعلينها ياريت تسامحنا

SHAPE YOUR LIFE (ABOALI) يقول...

يعنى ايه وطن ؟
الوطن كلمة تتدريجية
بطن الام هى وطن الوليد
بيت ومحل اقامة الاسرة هو وطنهم
فى التعليم
المدرسة والجامعة هى الوطن للطلاب
وهكذا
لكن المتعارف عليه
انه من ضم هولاء جميعا
يسمى الوطن او البلد

وطن يعنى
ضمة ام لوليد
وحض حبيب لحبيب
وطن يعنى
اهل واحباب
زهرة وازهار
ارض واشجار
روح وارواح
حزن وافراح
وطن يعنى
دين وايمان
رسول وقرءان
اخلاق وحنان
وطن يعنى
كل مكان فيه ربى
حننان مننان
امر وقدر
كن فكان
خليفة يا انسان
تحت عنوان
عمًر واعبد
وليا اسجد
كده تكون عارف
انك انسان


ليا بوست قديم اسمه حب الوطن اول بوست ليا فى التدوين
ممكن تقرائيه


تحياتى

Sweet Violet يقول...

يعنى الامان و الاهل و الاصحاب

يعنى ذكريات جميله فيها الحزن والفرح

الوطن ماينفعش نعرفه بكلام لان مهما قولنا مش هانقدر نعرفه صح

زى الام بالظبط مهما قولنا و عرفنا و عاملنا مش هانقدر نديها حقها

kmt يقول...

السلام عليكم ورحمة الله وبركاته

يعني ايه كلمة وطن ... يعني ارض.. حدود .. مكان .. ولا حالة من الشجن
دا اول شيئ تذكرته اول ما قريت البوست

يمكن هي كل دا + اهل +.......
بس انا بحبها ومش عارفه محبهاش اصل ربنا كرمها في كل الاحوال
واكيد اللي هي فيه مش ها يدوم علي راي اللي قال
اهو كله بيعدي الفرح بيعدي والجرح بيعدي
اكيد كمان الفساد هايجيله يوم ويعدي

البلد حالة حب ... انتماء سواء كنت مولود فيها اولا اللي عايز يسبها مع السلامه واللي عايز يعد فيها اهلا وسهلا بس لو متغيرتش فالعيب مش في الارض العيب في الانسان .

تحياتي
الي اللقاء

mohamed ghalia يقول...

الوطن هو أرض وناس تحبهم ويحبوك وتاريخ لجدودك وارض اتولدت لقيت نفسك فيها وبلد حبيتها وبتتمنى الخير ليها
وبلد تخاف عليها لو حد فكر يلمسها
بلد أكلت من خيرها وشربت من نيلها
بلقيت فيها ناس طيبيين وللقمتهم عايشين
ولربنا شاكرين شايفين وصابرين
تحياتى
دمتى بود

الازهرى يقول...

صديقتى العزيزة

استعير تلك الكلمات

يعنى ارض وجود مكان
يعنى واختك واصحابك وتاريخك
يعنى حب نابض فى القلب بدون حدود
يعنى النسيم لو يلالى
والجد قاعد يقرا فى الجرنان

يعنى كل شىء واى شىء موجود فى حياتنا وله معنى

يعنى الكثير والكثير مما لا تحصره الكلمات

تحياتى دوما

Beram ElMasry يقول...

السيدة شمس
شكرا لك
لا ضرر ولاضرار
تحياتى

كـــيــــــــارا يقول...

عماله اخرج واطلع

احاول اقول يعني ايه كلمه وطن

معرفش

مش لاني مش عارفه
لا لان المعني بيكون في روح وكيان كل انسان صعب يخرجه في كلمات

شمس النهار يقول...

لكل اللي جاوب لحد دلوقتي او بعد كده
طبعا بشكركم بس انا مش هعلق الا لما تخلصوا كلكم
طبعا كل الاجابات الي الان تدل ان صلاح جاهين لما قال انه بيشتمها ويحبها بحب زي الداء كان بيعبر عن كل المصريين
بس ماقلش يعني ايه كلمة وطن

mahasen saber يقول...

هو السؤال ده محيرنا كلنا وتاعبلى فكرى انا كمان ليه
.....
الوطن فعلا هل هو المكان ايى بتولد فيه ولاا اليى ابويا منه فباخد جنسيته للسبب ده ولاا اليى عشت واتربيت وكل مخزون ذكرياتى منه
.....انا مثلا اتولدت فى السودان ونزلت منها وانا عندى 7 سنيين بس كل كيانى بيروح للبلد دى حتى لما بشوف قسوتها على ولادها
بس برجع ااقول لا القسوه قسوة ولادها مش هيا هيا جماد حى بس مش متحرك ولا ممكن يصدر منه صوت اليى بقسا واليى بيحب ابنها مش هيا
انا مش عارفه اجاوب غير بان الوطن هو المكان اليى اتوجدت روحى فيه وحسية انى مينفعش بطبيعتى انشا انتمى لمكان تانى يعنى انا بشكلى مينفعش احس بانتماء فى الصين مثلا مش ملامحى
........
انا لخبطت بس اليى يعرف اجابته يقولى

SHAPE YOUR LIFE (ABOALI) يقول...

فالوطن لغةً: هو المكان الذي يسكنه الإنسان ويقيم فيه. جاء في مختار الصحاح: الوطن محل الإنسان.

واصطلاحا: هو البلد الذي تسكنه أمة يشعر المرء بارتباطه بها وانتمائه إليها.

أو هو بقعة الأرض التي تولد عليها وتستقر فيها جماعة ما، وتكوِّن هذه البقعة بيئة حاضنة دائمية لأفراد الجماعة مستقلين ومجتمعين


يا وطن يا مطنطن

Eman Eltaher يقول...

الوطن هو الأم
بعد الأم الأولى

بس للأسف ف وطنا مصر مش بتعتبر ام اوى :)
بتعتبر زوج ام
او مرات أب
:)

تحياتى ليكى على الموضوع

mido يقول...

بالنسبة لأسماء الله الحسنى
انا مش متخيل هى عبارة عن ايه؟ قصدى شكلها ازاى؟

شمس النهار يقول...

هي علي الموبيل بتاعي عباره
عن فيديو بتظهر كل كلمه وارا التانيه
لحد ماتخلص الاسماء
يعني تقدر تقول انها فيديو زي اللي عند ابو علي في بوست الغني والفقير

شمس النهار يقول...

انت ليه ماردتش علي السؤال يعني ايه كلمت وطن؟
ماتنساش موضوع اسماء الله الحسني

elsha3er يقول...

السلام عليكم

ج1 الوطن هو كل مايولد به الانسان ويحمل جنسيته

ج2 البعض يقول الوطن هو كل ارض من الممكن ان اجد به رزق او اعمل

ج3 لكن بالنسبة لى الوطن هو كل ما نشئت على عاداته وتقاليده ونشأت به
هذا مفهوم الوطن عندى

احمد الشاعر

ana ga3an يقول...
أزال المؤلف هذا التعليق.
صابر وراضى يقول...

وعليكم السلااااااااام

اعتقد ان الوطن هى البيت والاهل
الامن والامان

أنا و دماغي يقول...

الوطن عندي يعني مصر
بكل بساطة ... مصر

ana ga3an يقول...

مفيش حاجة اسمها وطن

هي بتكون مجموعة عوامل وخليط من الناس والاماكن
يطلق عليها في النهاية وطن
زي فريق الكورة كدة
البني ادم بيحب يكون في حاجة بينتمي ليها وتنتمي لة

فالسؤال عن معني كلمة وطن سؤال صعب الاجابة علية من فرد لاخر

انا حذفت ردي السابق كان طويل ومفصل بزيادة مش مكانها عذرا

mido يقول...

بالنسبة للفيديو

لو موجود على موقع معين
يبقى لازم تجيبى الكود الاول

او تنزلى الفيديو على الكمبيوتر من الموبايل
وبعدكده على اليوتيوب

شخـا بيــط مـحـجـوب يقول...

الوطن هو المكان الذى يولد فية الانسان وتوجد فية حياتة البيت والاهل ولاصدقاء وناسة ومهما يلف الدنيا ويعرف من اصدقاء ومعارف لازم يرجع لوطنة

تحياتى
سعيد جدا لزيارتى مدومتك واتمنى ان اراكى فى مدونتى

شخابيط mahgoub

عاشقة القمر يقول...

الوطن هو اغلى شيء في الوجود
تخيل نفسك بلا وطن ؟؟؟؟
تجد انه ليس لك اي قيمة في المجتمع
تجد انك معدوم الشخصية والهوية
تجد انك لم تذوق طعم الحب الحقيقي وهو حب الوطن والكثير ولاتعني لي كل من ولي أمر المسلمين

وتعني كل حبة تراب من الشمال إلى الجنوب
ومن الغرب إلى الشرق

وكلنا فدوه لوطنننا وولاتنا حفظهم الله

كن


************
**********
الوطــــــــن00000000؟


لن يعرف معنى الوطن الا من تغرب عنه 0

من اجبرته ظروف الحياه على الابتعاد عن منزله تجده ينتظر وبفارغ الصبر وقت رجوعه اليه 0
ومن سافر الى اي دولة خارجيه ولو من دول الجوار 00000


******سافروا وتعرفون معنى الوطن ******


الوطن بالنسبة لي هو بيتى الكبير 0
ادام الله علينا نعمة الامن وعلى جميع المسلمين
تقبل تحياتي ,,,,,,,,,

son's egypt يقول...

السلام عليكم
كلمة وطن معناها كبير
البيت وطن وانت حاكم فيه تحكم بالعدل فانت مسئول
الوطن معناها ارضك وبيتك واهلك
الوطن بتضحي علشانه عشلان يكون كبير دايما في نظرك

أحــوال الهـوي يقول...

لن اتكلم بشاعرية لكن بواقعية
انا مغترب من سنين و كثيرا ما اشعر بالغضاضة من مصر و الغلا و الزبالة الي اخر المشاكل اللي كلنا عارفنها و سافرت الي الكثير من بلاد الدنيا و سوف اذكر بعضها فقط لنتخيل جمال هذه البلاد دبي سويسرا انجلتر المانيا هولاندا ايطاليا قبرص اسكوتلاندا وبلاد اخري

لم اجد احلي من بلدي لانها ذكريات و ليست اماكن فقط هنا لعبت انضربت احببت انحدعت نجحت فشلت جعت و شبعت اتعريت و اتسترت
كل هذا جزء من كياني و تكويني هو الوطن فمهما بعدنا نحن ومهما لفظتنا بلادنا نعود

مـجـنـووون يقول...

الوطن

هو المكان الجميل الذي تربينا به وعشنا به وبه كل ذكرياتنا الجميله والحزينه وهو المكان الي بنرتاح لما نكون فيه حتي لو كان كله مشاكل او حروب

وأكتر ناس بتحافظ علي كلمة وطن الناس الي عندهم حروب ، ليه مش بيسيبوا البلد ويهربوا ويروحوا بلد تانيه ؟؟؟

أكيد علشان ده وطنهم الي عاشوا فيه وقضوا فيه أجمل أيام حيتهم

تقبلي مروري سيدتي
مجنووون

Empress appy يقول...

معنديش اجابه بجد لما تلاقى قولى ليه

prince4ever يقول...

فكرتيني باغنية محمد فؤاد في فيلم امريكا شيكا بيكا.... هتحسي بجد بمعنى الوطن وهما تايهين في بلد غريب زي رومانيا... و رومانيا بلد وحش جدا و اهله الانجليزي بتاعهم سو باد
بس بجد كلنا بنحب بلدنا و مش كلام اغاني والله... اتذكر فترة قضيتها في المانيا مع ابويا ((ما هو انا مبحبش اقول بابا وماما))... كانت من اسوأ فترات حياتي و كنت بتمنى انزل مصر امبارح قبل النهارده... لأ بجد بنحب مصر... و الوطن مش بس مصر... محافظتك وطن... جربي تسافري لأي محافظة وهتحسي بالفرق....بيتك وطن... باتي ليله عند حد حتى و لو اقرب الناس ليكي هتشتاقي لبيتك..
الوطن كلمة شاملة اوي
الوطن اكثر من مجرد كلمه

بالمناسبه...كريشيندو يعني تصاعد و انا جاوبت بصوره اكثر ايضاحا عندي هناك
شكرا بجد عالمتابعه
تحياتي ليكي ولبوستاتك المحركة للاذهان

خواطر ليست عابرة يقول...

كلمة وطن يعني الدولة أو البلد التي ولد فيها الانسان وهذا هو المعني اللغوي

Geo Amr يقول...

الوطن هو مكان الذى نعيش فيه ونكبر فيه فيه اهالنا فى صحابنا موجود فيه ناس الى بنحبهم ويحبونا ونخاف عليهم ويخافوا علينا الوطن زى ما اداك لازم ترد الجميل ليه مش بعد لما نكبر نقول نسافر لو عايز تسافر رد حق وطنك عليك وبعدين سافر انا عارف هتقولى مفيش حاجة عجباك حاول تغير وابدا التغيير بنفسك وشوف التغيير الى هيحصل واسف على الاطالة

tarek momen يقول...

يا ستي انا جيت اهو مافيش داعي للتهديد
احنا مش قد امن الدولة
اولا اشكرك علي التنويه ان الفكرة من عند
ثانيا باحسدك علي كم التعليقات و الناس اللي بيحبوكي و متابعين معاكي
كلها تعليقات جميلة ما شاء الله
اخيرا وطن بالنسبة لي الأرض اللي نشات و اتربيت عليها من اول القاهرة علي الأمتداد لشمال مصر و جنوبها كل الناس دي اهلي و ناسيوبيتكلموا لغتي و بيحسوا بمشاعري
الوطن هو اللي عشت فيه اول قصة حب مع بنت الجيران وعشنا احلام جميلة
ربنا يوفقها في حياتها
الوطن اللي فيه زملاء الدراسة و اصدقاء الشباب
الوطن اللي باتمني دائما يكون احسن مكان الدنيا
و مش ممكن اسيبه لمكان تاني احسن منه
و اخيرا تحياتي

اقصوصه يقول...

وطن

كلمه من 3 احرف

بس يطول شرحها اكيد

الوطن..لو بوصفه باختصار شديد

هو البيت الكبير

ابو بدر الدين يقول...

الوطن ده وطني
حب الوطن ما هو مجرد حكايـه **أو كلمة تنقال في أعـذب أسلـوب* حب الوطن إخلاص .. مبدأ وغايه *** تبصر به عيون وتنبض به قلـوب* لك يا وطنا في سما المجـد رايـه *** واسمك عليها باحرف العز مكتوب * إشمخ وحنا لـك أمـان وحمايـه *** ولك عهد منا نوفي بكل مطلـوب

Beram ElMasry يقول...

الاخت . شمس النهار
تحية وسلام
صدقت مولد ملوش اخر وهذا ما كنت اعنيه
ليل اغبر طويل واسود ملوش اخر
وجانا الغير يزاحمنا واحنا بنتاخر
تحياتى لك وشكرا على التعليق
هل من حقى ان اختلف مع من اعلق عليه واظهر الخطا ان وجد ام المطلوب الاطراء والمديح فقط ارجو افادتى حتى لا اخسر الاصدقاء وكل من احب

قلب شاعره يقول...

كلمة وطن يعنى المكان الى نحبه ونموت فى ارضه وهو مش بيبادلنا الحب ده ...
بس ...

Beram ElMasry يقول...

الاخت . شمس النهار
السلام عليكم و رحمة الله
شكرا جزيلا على النصح والتوضيح
الوطن عندى ، مكان فيه امسى واعيش حاضرى ويتسع لغدى ، اكون فيه امنا ولا ابخل عليه بدمى
دمت بخير