الثلاثاء، 7 أكتوبر 2008

التاج تاني

اهداني الشاعر العزيز محمد هشام هذا التاج
*اعطيتك 3وردات من هم 3اشخاص اللي هتعطيهم الورد اللي معاك؟
ورده لامي.....وورده علي قبركل شهيد ضحي عشان نعيش......وورده علي قبر ابي

*لواعطيتك ورقه فيها 3سطور وقلتلك اكتب فيها اللي انت عايزه هتكتب ايه؟
هكتب سطر شكر لآمي
وسطر لجوزي
وسطرللجيران اكتب فيه الحديث النبوي بتاع الجار

*ماهو هدفك في الحياه؟
انهي مشواري مع بناتي علي احسن وجه وارضي الله قدر مااستطيع

*ان شاء الله بكره احسن من النهارده هل تصدق هذه المقوله ولماذا؟
طبعا مصدقاها عشان ده حسن الظن بالله وعكسها اسائة ادب مع الله

*اجمل مقوله سمعتها في حياتك
ان الله قادر علي اصلاح حطام قلبك فقط اعطه الحطام

*من المغني اللي بتحبه قوي؟
كل من يطربني بجد بس من صغري احب فيروز قوي

*ايه احلا اغنيه بتحبها؟
بحب اغاني كتير قوي بس احب اندن احنا والقمر جيران

*غزه تمثلك ايه في حياتك؟
الجرح المؤلم اللي مش عارفه اروح لمين او اعمل ايه عشان يخف

*اعطي لانتمائك لوطنك درجه من مائه؟
مش معقول اتسأل عن انتمائي
طبعا مصريه جدا بس المشكله انهم مش مديين حد فرصه ينتمي اصلا

*لوتزوجت وانجبت بنتين وولدين هتسميهم ايه؟
السؤال ده متأخر 26 سنه

*عمرك غشيت في امتحان وانت صغير؟
الحمد لله عمري كانت امي مفهماني ان اللي بيغش بيروح النار

*لو اتعرض عليك رشوه كبيره وانت في زنقه ماليه هتعمل ايه؟
الحقيقه انا ماشتغلتش في موقع فيه رشاوي بس انا مابحبش اخلص مصالحي بالرشوه يبقي لا طبعا

*قول3صفات ب3كلمات بس توصف بيهم شخصيتك
طبعا صعب ان الانسان يوصف نفسه
حنينه....زربونه......طيبه .....طبعا كله شكر في نفسي

*صفه عايزها في شريك حياتك
متأخر قوي السؤال ده لقد سبق السيف العزل

*ايه اللي غير دراستك وشايف نفسك فيه قوي؟
الحمد لله ربنا كرمني ودراستي كانت هي هوايتي اللي طول عمري شايفه نفسي فيها وماشفتش غيرها

*بتحب السفر؟
مش قوي بس لو جه اهلا وسهلا لكن مابسعاش له

*طب دلوقتي حالا ايه المكان اللي نفسك تكون فيه؟
بم ان انا بسعي اني احج احب اكون هناك
--------------------------------------------
*توضيح اسم المدون اللي اتكرم ومرر لي التاج؟
محمد هشام

*توضيح قواعد التاج؟
اعتقد الصراحه ونشره علي المدونين

*اتكلم عن6 اسرار في حياتك ربمالم يكتشفها الغرباء
الحمد لله ماعنديش اسرار

*مرر التاج ل6مدونين
احب امرر لكل المدونين اصدقائي

*ترك تعليق في مدونة اللي اهدتهم التاج
صعب عشان انا اهديته لكل المدونين اصدقائي

*طبعا التاج لطيف وبيقرب الناس من بعض وبيعرفنا شخصيتهم اكتر بس هو متعب وبياخد وقت كبير

هناك 7 تعليقات:

Beram ElMasry يقول...

العزيزة الغالية . شمس النهار
سلمت من الشر عيناك
لك انت الشكر لانك السبب الاول فى كتابتها ، حيث اننى عندما كنت استعد لتدوين القصيدة الاسبوعية المقررة بعد منتصف ليل الاثنين 6-10
وجدت رسالتك ، وفيها تتوقعين منى شئ عن اكتوبر
بت اليل ساهدا طبعا عشان القصيدة ، الى ان تمت بحمد الله وهى بين ايديكم ولك فيها ماشئت
وانا اناشدك مشاركة الدكتور . توكل لاكون . اول من اختار الاصدقاء اسمة
لك كل الاحترام فلا تبخلى فى معاودة الزيارة

شمس النهار يقول...

*بيرم المصري
شكرا علي هذه القصيده الجميله
واتوقع ان يكون اسمك المدوناتي الشاعر
مش عارفه سبني افكر شويه

كـــيــــــــارا يقول...

مميييييييييزه ياشموستي


اجابات قربتك ليا اكتر


ربنا يحميكي ياشموستي

دعاء يقول...

حلوه الاجابات يا شموسه عرفتني حاجات جديدة عنك..

اعتقد هي دي اهم فوائد التاجات..

شمس النهار يقول...

*كيار
شكرا ليك يارفعه معنوياتي انت
وانت مش هتجوبي عندك علي التاج
لحسن الشاعر يزعل
ويهجونا في قصيده عصماء

شمس النهار يقول...

*دعاء
شكرا ليكي
فعلا هو بيعرفنا بعض
ياريت تجوبيه انت كمان
انا عارفه بياخد وقت شويه
وخصوصا ان صباعي مفتوح
اصابة عمل في المطبخ
كل سنه وانت طيبه

Mohamed Hesham Safa يقول...

:D