الثلاثاء، 14 أكتوبر، 2008

لوندره الجبل

طولي عمري اقول ان انجلترا عامله زي الجبل في الصعيد
بيستخبي فيها المطاريد
يعيشوا في امان بعيد عن الحكومه
وطول ماهمه ماشيين بقانون الجبل حلوين وزي الفل
اول ما يعكرتوا شويه
يااما ينتحروا لو مافيش حل غير كده والامثله كتير ومعروفه
يااما ينتطردوا
واخر المتطاريد دكتور هشام السباعي بعد14سنه
صال وجال علي كيفه في الجبل
ياتري عمل ايه خلاه خطر كده علي الجبل
علي فكره بيقولوا لندن مسليه جدا فيها كل المطاريد اللي بنسمع عنهم في القضايا وبعدين يختفوا وبعد شويه يظهروا في الجبل قصدي لندن ياتري في احصائيه بتقول عدد المطاريد المصريين هناك كام
-----------------------
علي هامش القذافي وولده هنيبعل(يخرب بيت الاسم قضيه لوحده)
الموضوع طلع عرب في عرب
ليبين ومغاربه وتوانسه خناقه عربيه علي ارض سوسريه
مش عارفه لما هيتنزلوا كان ليه الفضايح اصلا
وبعدين ابوه ليه مايلموش في بلده احسن من كل الفضايح اللي بره دي
ربنا يهديه

هناك 44 تعليقًا:

mido يقول...

اه فعلا لمحت خبر عن هشام السباعى فى الدستور ان مصر عايزة تجيبه من لندن

اتمنى انه يفضل هناك

كيارا يقول...

ياتري في احصائيه بتقول عدد المطاريد المصريين هناك كام
----------

متعديييييييييييش خليهم ببركتهم

---------

وبعدين ابوه ليه مايلموش في بلده احسن من كل الفضايح اللي بره دي
ربنا يهديه


-------------

عاااااااااااادي جدا

انتي قلتي ربنا يهدييييييييييه

ضد التيار يقول...

على رأى كيارا فعلا ماتعديش

اما موضوع القذافى عادى جدااااااااااااااااا برضه لاننا كعرب عموما اخدنا نفرج الخلق علينا

ربنا يرحمنا و يهديهم

mahasen saber يقول...

اولا داقت فى وشهم والوطن العربى بحاله مش سايعهم عشان يهبشوا فى بعض فيه
طب كانوا يجيوا عندنا فى بيتنا
واسيبهم فى اوضتى او فوق السطح يطحنوا بعض ضرب ووالله ما هحوش ولاا هتكلم...
دول زى ما قلبهم اتعما عناليى احنا فيه بصيرتهم اتعمت وفهمهم راح كمان...
...اما لندن وجبل المطاريد بفكر اعملى مصيبه عشان اروح اتطرد انا وابنى هناك يعنى يومين كده اتسنكح انا وبيرو فى الهايد بارك نحضر حفله لبراين ادامز ولا ديف ليبرد ميمانعش وانزل اخد غطس فى الريف البارد الانجليزى وازور معارفى اليى مش كتير واحضر مسرحيه واشوف متحف مدام توسو و و ايه تانى ما حد يشفلى مصيبه اعملها
يعنى بنك اسرقه ..قصدى قرض انهبه
ناس اغرقهم
فلوس اشغلها معاملات اسلاميه يعنى وانتوا عارفين الباقى
ياه عليتى حس الطموح جوايا يا مدام شمس...
وبخصوص ميدو انظر تعليقات البوست اليى فات ده بتاع الخناقه قرب قرب قرب والفرجه ببلاش...

romansy يقول...

عندك حق والله
كله يسرق ويفك على لندن

ABOALI يقول...

ارجعى تانى
ردى عليا كيانى
احمينى وكونى احضانى
عارف انى انانى
وساعات اقول مش راجع تانى
ولما ارجع القيكى مستنيانى
انتى عارفة انك حبى
ومن غيرك اشك انى انسانى
وصورتك دايما فى احلامى
اشوفك همس وعشق فى وجدانى
صوتك ترانيم واغانى
ولحن اعيشه فى احزانى
حبك اصونه بروموش عينى
انتى الحبيببه والعشيقة
والصديقة يا كل كيانى
انتى الارض
انتى المهد
انتى الشكل
انتى الوجة
انتى العمر
انتى البسمة
انتى الهمسة
انتى الشمس
انتى الضحكة
انتى الفرحة
انتى القلب
انتى العين
انتى الوطن
كله ده انتى
يا مصر



امتا هاترجعى ليا يا بلدى
وتلمى ولادك فى حضنك تانى
بلاش اقول كلام وجعنى
لانك وجعانى



تحياتى

حاسوباتيه يقول...

ماليش في السياسه ولا بفهم فيها مين هشام السباعي ده؟

شمس النهار يقول...

*ميدو
لا دي مصر لما طلبته بعد الحكم اللي خده
انجلترا الجبل رفضت تحت بند الحريات
ودلوقتي لما بقه خطر علي امن الجبل
ادوله مهله يغادر مطرح ماهو عايز
بس مااعتقدش ان مصر من ضمن اختياراته
لآنه واخد مؤبد من14 سنه يعني الحكم لم يسقط

شمس النهار يقول...

*كيار
بكتهم ايه قولي شرهم
وبعدين همه قاعدين هناك بفلوسهم
بس اللي انا عايزه اعرفه انجلترا كانت بتعمل كده ليه
وكانت عشان مابتعملش ده دلوقتي

شمس النهار يقول...

*ضد التيار
يعني فعلا مافيش احصائيه طب علي الاقل نعرف ياجماعه
مابرضه بعض من اميرات العرب وامرائهم
بيعملوا مشاكل هنا في مصر
بس اهي بتتلم ادينا عرب في قلب بعض بس بره امر يكسف

شمس النهار يقول...

*محاسن هو بالساهل كده
ده لازم تضحكي علي الناس وتاخدي فلوسهم وتشتري شوية حاجات كده عقارات يعني وبعدين تروحي تاخدي قرض من البنك بأكتر من تمنهم بكتير ما انت هترشي بتوع اللجنه
وبعد ماتخدي القرض حتت تأشيره
للندن الجبل عشان اتن من سيدات الاعمال
وطياره الصبح بدري كده بعد صلاة الفجر واتكلي علي الله وسافري
بس لما تستقري هناك بالفلوس
اعزمي غلابه المدونين
موضوع المدونه بتاعت ميدو ايه الاخبار انا نزلت النقابه ومااعرفش عملتوا ايه
هشوف التعليق

شمس النهار يقول...

*رومنسي
مش بس اللي بيسرق
والاسلاميين المتمولين بفلوس من بره
والفنانين اللي عليهم احكام
واساتذة الجامعه اللي عمله لهم موضوع الحسبه
يعني انماط كتير
قليل جدا جدا منهم اللي مظلوم

شمس النهار يقول...

*ابوعلي
القصيده جميله جدا جدا
واحلا حاجه
انت شمس
شكرا
المهم ان في حد لسه بيحبها ده كله
لحسن ساعات بحس ان الناس ابتدت
تكره البلد دي

شمس النهار يقول...

*حاسوبتيه
حمدالله علي اسلامه نورتي البلوجر
هشام ده بالمختصر كده ارهابي
واخد حكم مؤبد وهربنا هناك زيه زي اي حد عمل عملته وهرب

القلب الكبير يقول...

وعليكم السلااااااااااام
على راى الاستاذ هيكل
مصر اتنهبت
ومصربتتنهب
ومصر هتتنهب
دا هشام السباعى نقطه فى بحر

kemet يقول...

السلام عليكم ورحمة الله وبركاته

ممكن اسأل بس من غير ما حد يضحك عليا
مين د/ هشام السباعي

من غير تريأه

تحياتي
الي اللقاء

tarek momen يقول...

احب اضم صوتي للأخ كيميت و اسال برضه
مين هشام السباعي ده

SeSaMe يقول...

موضوع فعلا في منتهى الغرابة .. مش بس كله بيطلع يستخبى هناك .. لأ و الاغرب إن اللي بيتقتل منهم البوليس الإنجليزي مابيقدرش يوصل لأي حاجة في حقيقة مقتله ...
مش عارف بقى أجهزة المخابرات مستريحة هناك و بتعرف تشتغل و لا البوليس عندهم خيبان و أهبل و لا دي اتفاقيات و مصالح من تحت لتحت
كله جايز

Beram ElMasry يقول...

السيدة شمس النهار
اوربا بالكامل تيسر المكان لكل المطاريد العرب لا المغضوب عليهم ، ولكن عتاة اللصوص وتفتح لهم المشاريع لجلب الارصدة وتشجيع بقية اللصوص ، ثم القضاء عليهم ، ولا يعرف احد اى شئ عن ممتلكاتهم ، اسلوب دولي فى تدمير افتصاد البلاد المتخلفة بايدى الغير شرفاء واللصوص من الابناء
*****************
القذافى سحب الطائرات الليبية المخزونة فى مصر فى اول يوم فى حرب اكتوبر ، وعفى عن الممرضات البلغاريات الضالعات فى اصابة اكثر من 400 طفل ليبى بمرض الايدز ومع انة دفع الملايين لضحاي لوكربى
**************
بالمناسبة كتبت قصيدة النصر فى اكتوبر فى عشر ساعات لانك قلتي توقعت ان تجدى قصيدة عن اكتوبر ومع ذلك لم تعاودى الزيارة
ارجو ان يكون المانع خيرا

دعاء مواجهات يقول...

ايه يابنتىمالك كدة شيفاكى منطهدة قائد الثورة والملهم والمثل والقدوة

ايه مش عاجبك طب خليكى ف بلادكو احسن وشوفى حالك

اقولك

كلى عيش

ههههههههههههههههههههه

بيس ياقمر

دعاء يقول...

لا يا شمس هما مش بينحروا هناك هما بينتحروهم ومعرفش ليه خاصة شرفات لندن المنظر من هناك بديع على ما يبدو أو الجاذبية الأرضيه هناك شديدة..

دي ظاهره كمان عايزة ننتبهلها إشمعنى الانتحار في لندن بيبقى من البلكونات

هو مفيش هناك سم رصاص كهربا سكاكين الناس تقطع بيها شراينها ..كله كده من البلكونة على طول..

يبدو ان تعبير لندن الجبل ده معبر فعلاً

على كلاً ربما لو هشام السباعي نخرجش من لندن ياخذ رحلة مجانية من البلكونة..

اما القذافي فبجد نفسي اعرف الراجل ده مستحمل دماغه ازاي.. انا بشفق عليه منها وعلى الشعب الليبي ، على العموم يبدو أن المنطقة العربية ضيقة فقرروا ينقلوا الفضايح سويسرا

اقصوصه يقول...

القذاقي من يومه انسان مثير للاقاويل

والزوابع!!

انسان غريب الاطوار

الله يهديه

mohamed ghalia يقول...

لا مهو لندن دايما بتحب تتعالمل مع المطاريد طول مهما تحت جناحهم
بس لو خرجوا بينضربوا بالنار
الله يرحم دودى الفايد
تحياتى

ضد التيار يقول...

انتى فين ؟؟؟

لعل المانع خير

ياريت تطمنينى عليكى

Geo Amr يقول...

كل الى يهرب يروح هناك يتقتل

elsha3er يقول...

انا معاكى فى كل دة بس العيب مش فى الجبل العيب فى الدولة الى سابت دول يهربوا بعد اللى عملوه


احمد الشاعر

a7wal el Hawa يقول...

المطاريد
فيهم الخطافين والحراميةو القتلة و الاسلاميين و السياسيين المعارضين و بعض المعتزلين الخ يلجأوا الي لندن لانها ديموقراطية ؟ تجتذب رؤوس الاموال لانها غسالة للاموال القذرة ؟ حامية حماة الحرية؟
تعددت الاسباب
عجبني في مقالك الرؤيةالثاقبة و الحبكة في المعالجة
تحياتي

د/ رامي شهاب الدين يقول...

إنجلترا عموما ولندن تحديدا تاريخهم طويل فى الموضوع ده ، إضافة إلى أنها أشهر بلد ممكن أى هارب من بلده يحصل فيها على حق اللجوء السياسى

طبعا الكلام ده مش لوجه الله ، وبيستخدموا هؤلاء الهاربين من أجل أن يكونوا كأسلحة إسترتيجية ضد البلاد إللى هما هربانين منها

المطاريد المصريين فى لندن كتير ، ولعل أخرهم كان الأستاذ ممدوح إسماعيل صاحب العبارة الأشهر فى تاريخ مصر الأسود

وطبعا إللى بتعمله لندن ده بيجى على دماغها فى الأول ، لأن السياسة المتبعة دى بتكون مجال خصب لتكوين خلايا إرهابية قد تكتوى لندن نفسها من نارها ، ولعل تفجيرات لندن اللى كانت من فترة قريبة ماهى إلا وليدة تلك السياسة المثيرة لكثير من الشبهات والجدالات

دمتم بكل الود .. تحياتى

شمس النهار يقول...

*القلب الكبير
النهب في مصر خلاص اتعودنا عليه ده بقه الاساس والطبيعي
والسباعي ده علي سبيل المثال وليس الحصر
شكرا
واهلافي المدونه

شمس النهار يقول...

*كيمت
ليه تريقه مش لازم الواحد يكون عارف كل حاجه في كل حاجه
من فوائد التدوين ان اللي مش عارف يعرف من العارف
السباعي احد كوادر جماعه ارهابيه مصريه ماعجبوش ان الجماعه بطلوا يعملوا ارهاب
قال مش لاعب وواخد حكم مؤبد وهرب علي لندن من 14سنه

شمس النهار يقول...

*طارق
انضم لكميت واقرا الرد فوق

شمس النهار يقول...

*سيسم
لاطبعا البوليس والمخابرات الانجليزيه مش خيبانه بالعكس دول ولاد ليل اراريين يقتلوا القتيل ويمشوا في جنازته ويدوروا معاك كمان علي اللي قتله
الموضع ان المطرود ده يابيكون خلاص اخدوا منه اللي عيزينه ومالوش لزمه
او تعدي علي قنون الجبل
او حد كبير زياده عن اللزوم عايز راسه وهيدفع حلو

شمس النهار يقول...

*بيرم المصري
اشكرك علي السؤال عليه
انا معاك في كل كلمه كتبتها
وموضوع القذافي وابنه طلع له ديول كتير
موضوع علماء الزره بتوع باكستان وعلاقته بيهم والراجل المتهم في لوكيربي شكله هياخد برائه وافلام كتير هتبان علي المدي الطويل حقيقتها
علي فكره انا قريت القصيده وعلقت عليها كمان

شمس النهار يقول...

*دعاء مواجهات
لاوالله مش اتهاض والاحاجه بس الراجل لاسع قوي مش عارفه له اتجاه
هورايح والاراجع
اما بالنسبه لبلدنا
هنقول ايه والا ايه والاايه والا ايه والا ايه والاايه والاايه
خلاص يادعاء ماتقلبيش المواجع

شمس النهار يقول...

*دعاء
موضوع البلكونه ده غريب
الحبيب يغني لحبيبته تحت البلكونه
ننشر الغسيل في البلكونه
تتعاكس بنت الجيران من البلكونه
الانتحار علي الطريقه الانجليزيه
من البلكونه
الشبابيك مالهاش دور ليه

شمس النهار يقول...

*اقصوصه
الغريب مش انه غريب الاطوار الغريب ان همه دول اللي بيحكمونا نبقه احنا شعوب غريبة الاطوار
اهلا للمرور للمره الاولي

شمس النهار يقول...

*محمد غاليه
لا يامحمد مش بالنار
من البلكونه
حادث عربيه
طرد
ولو هتفتح بقك خلاص انتحر وامرك لله ايها المطرود

شمس النهار يقول...

*ضد التيار
موجوده بس النت عملها وانقطع من يوم الاربع اللي فات بدون سبب
وخناقه مع الشركه وموضيع لحد مارجع بعد ماهددتهم اني هعمل شكوي واصعدها
حاجه غريبه حطين تكنولوجيا ومش عارفين نشغلها
شكرا علي سؤالك ربنا يخليكي ليه

شمس النهار يقول...

*جيو عمرو
مش كل اللي بيروح هناك بيتقتل
اللي خلص مهمته عندهم بس
في مطاريد كتير موجودين هناك بقالهم سنين لسه ماتقتلوش
شكرا علي اول مرور

شمس النهار يقول...

*الشاعر
في ايه ياريس ده الدوله هي اللي مهرباهم
ماهي برضه بتحتجهم وقت عوزه
يعني مين مثلا هرب المرأه الحديديه
مش رجال الدوله برضه وغيرهم وغيرهم
ياعم قول ياباسط

شمس النهار يقول...

*احول الهوي
اهلا بيك للمره الاولي
شكرا علي تعليقك

شمس النهار يقول...

*دكتور رامي شهاب الدين
انت لخصتها بجد حلو قوي
هو كده فعلا
شكرا لك

الربان يقول...

تحياتي

اشكرك لانك اوردتي موضوع وادي الملوك

لانني فكرت في شراء ارض هناك ، من حوالي
4 سنوات تقريبا....
ذهبت الي مقر الشركة...و اصطحبونا الي
المكان علي طريق مصر اسكندرية....قلت
معقول المكان....و اتوكل علي الله.

اليوم التالي ذهبت الي الشركة للتفاهم
و معرفة الاجراءات و حجز قطعة محددة عاينتها علي الطبيعة.

جلست مع الموظفة المختصة...و قالت القطعة ممكن نحجزها لك...و تدفع مقدم
وقدرة...و الباقي علي اقساط.

سألتها: ارغب في رؤية عقد نقل ملكية الارض الي الشركة....فاعتذرت.

طلبت منها نسخة من العقد قبل توقيعي
عليه حتي ارجع الي المحامي الخاص بي ليري
مدي حفظ العقد لحقوقي المادية و العينية...فاعتذرت...

طلبت من احد اصدقائي المحامين الاستعلام لدي الجهات الحكومية المختصة عن الشركة
و عن الارض و مدي احقية الشركة فيها.

الرد كان الشركة عليها اقساط لم تسدد
لا يجوز لها ان تبيع الارض لغرض المباني
حتي ان كانت الارض في ملكيتها...و اشياء
اخري ...مما دفعني الي غض النظر عن الشراء....


السؤال : الجهات المختصى كانت علي علم بكل ما يجري...و بالبيع و الاعلانات التي تملأ الصحف.....لماذا الان فقط..؟
لماذا لم يكن مبكرا...؟....

تحياتي و تقديري

TeVa يقول...

يلا ربنا يوفقهم في شغلهم
ناس بتشقى برضو

رحمتك يارب