السبت، 11 أكتوبر، 2008

انت تاني ياقذافي

القذافي ده رجل غريب جدا
مش عارفه احدد كنيته ايه
قررت ليبيا سحب كل ارصدتها المودعه في المصارف السويسريه
المقدره ب7مليارات دولار
واكدت وقف تسليم النفط الي الاتحاد السويسري
وذلك
احتجاجا علي سوء معاملة الدبلوماسيين ورجال الاعمال الليبيين من قبل شرطة كانتون جنيف
ايهالحلاوه دي
من زمان قوي ماشفناش الكلام ده
طيب وليه الكلام ده ماتعملش لما الحبيب المصطفي محمد اتعمل في سيرته اللي اتعمل
كان من باب اولي الدول النفطيه كلها عملت كده
وعجبي

هناك 68 تعليقًا:

romansy يقول...

جيت فى الوقت المناسب

اول تعليق


ل


رومـــانـــسى

mido يقول...

بقى سويسرا تعامل الدبلوماسيين وحش ؟

القذافى مقموص علشان ابنه

romansy يقول...

سبحان مغير الاحوال
ممكن تكون بدايه
نتمنى

tarek momen يقول...

هاحكي لك قصة لطيفة عن سويسرا تفسر لك الموضوع
اثناء الحرب العالميةكانت سويسرا علي الحياد
وحدث ان دخل مجالها الجوي طائرات امريكية
وعندما حذرهم الجيش السويسري باللاسلكي بانهم داخل المجال
اجاب الأمريكان
نحن نعلم ذلك
وعنها اطلق الجيش قذائفه علي الطائرات ولكنها لم تصل اليها
فخاطبهم الطيارين الأمريكان بان القذائف لا تصل اليهم
اجاب الجيش السويسري
نحن نعلم ذلك
والله لو كان ابن القذافي اتشمط و اتعلق من رجليه في امريكا ماكان قدر يقول لها بم
عجبي

شمس النهار يقول...

*رومنسي
انت دايما في الوقت المناسب
وربنا يكرم ماحدش يعرف
دي بدايه والانهايه

شمس النهار يقول...

*ميدو
مااناقلت اكيد في انه
اصل السوسريين دول ناس مرهفين كده وبسكوته
يعني هوه اتنحرر علي ابنه
الله هو كل واحد عامل من ابنه نبي

شمس النهار يقول...

*طارق
الحق يتقال الراجل طول عمره متخانق مع امريكا ومابيحبهاش اصله واخد العهد من ناصر
وبعدين هو ده ابنه اللي هيبقي خليفته
اصل الموضوع يفرق كده
مش معقول اشبال الرؤساء يتهانوا وكمان بفلسهم
هي الفلوس دي بتعمل هناك ايه

كاتب مصري يقول...

اه والله كلامك صح بس تقولي ايه رؤسائنا العرب خلاص عقول مفيش والا مكانش ده بأه حالنا بس حسبنا اللهو ونعم الوكيل وربنا ييسر الحال لأمتنا كلها
كل ودي وحمدلله على سلامة الجهاز ولا لسة بايظ بردو

~*§¦§ Appy §¦§*~ يقول...

شموس بصرف النظر عن الدافع يا حبيبى بس عمل موقف الدور والباقى على الخرفان اللى مبتعملش كدا مع الاعتذار لخرفانى طبعا لانهم احسن منهم
طول عمري بقول عليه دماغ

شمس النهار يقول...

*كاتب مصري
الحمد لله صلحوه
بعد مالاقو فضيحتهم علي النت
قعدوا كده وصلحوه
وخصوصا ان انا هددتهم ان مافيش غدا
الالو اتصلح
استخدمت سلطاتي اخيرا في البيت ده

شمس النهار يقول...

*ابي
لا هو دماغ دماغ
بس شويه خرفان وشويه مليان
يعني ابتدا بموضوع ايطاليا
ودلوقتي سويسره
اه علي رأي رومنسي اه بدايه لعل الباقي يتشجع
يقولوا عشان ابنه عشان الست ولدته
المهم ان في حد كشف عن رصيده بره وكمان سحبه
وموضوع البترول ده ماحصلش من ايام حرب اكتوبر

الطالبة عفو الله يقول...

بجد الحكومة اليبية دي حاجة فريدة
بجد قد ما في مواقف بنستغرب اوي
في مواقف بتخلينا نوقف ليهم احتراما
ايوا هو دة الكلام الواحد لازم يكون ليه ارادة و شخصية
مش زي ناس مبتعرفش تقول غير ايوا و حاضر
الله المستعان
بارك الله فيك حبيبتي
في حفظ الله

شمس النهار يقول...

*الطالبه عفو الله
اجمل شئ ان الواحد يكون عنده موقف
بس ان حكومه عربيه اخيرا يكون عندها موقف
ده جديد علينا كان لنازمان مااستمتعناش بالآداء ده
مش مهم السبب المهم الموقف

SeSaMe يقول...

أولا أنا الحقيقة كنت مشغول جدا الفترة اللي فاتت يا شمس فمعلش اعذريني

ثانيا يا جماعة لازم نقرأ الأمور شوية بعمق .. كل الحكاية إن ابن الحمار ده اتقبض عليه في سويسرا عشان عذب الخادمة بتاعته و طبعا هوه متعود على إن احنا في بلاد متنيلة بستين نيلة فالمفروض إبن الإله يبقى إبن إله محدش يقربله و لا يدوسله على طرف ميعرفش إن هناك القانون فوق الجميع .. و فعلا لو الكلام ده كان حصل في أمريكا مكانش عمل حاجة ممكن شوية جعجعة هبلة زيه و خلاص.. و متصدقوش إن الراجل طول عمره ضد أمريكا و لا حاجة حد كده يدعبس في التاريخ و يقولي إيه المواقف المؤثرة اللي خدها جنابه ضد أمريكا
يعني من الآخر ما أسخم من ستي إلا سيدي ولاد كلب كلهم

شمس النهار يقول...

معني كده ان المسلمين اتفضحوا انهم بيعذبوا الخدم
مع ان الرسول وصي باللاحسان لهم
معلش
ياما دقت علي الراس طبول
بس انت متأكد من المعلومه دي
المهم
حمدالله علي سلامتك
وكل سنه وانت طيب

الازهرى يقول...

صديقتى العزيزة

كثيرا ما يكون وراء الاكمة ما وراءها فلا تهتمى فهكذا السياسة لا تستند على دين او خلق او مبدأ

تحياتى على المدونة الجميلة

ضد التيار يقول...

ازاى تعمل كدا هايتقال ارهاب وتعصب وجهل لان اللى حصل بيتقال عنه حريه للأسف

اما بقى الموقف اللى اخده القذافى اهو عمل حاجه لابنه بقى لابن الجيران المهم انه اتصرف .. لكن عندنا ولا جوه البلد ولا بره البلد للأسف حد بيتصرف

SeSaMe يقول...

أيوه يا شمس فعلا دي قضية مشهورة و معروفة عذب خادمته فقدمت بلاغ في القسم ضده فتم حبسه و توجيه الإتهام له و ابنه اسمه هانيبعل القذافي ممكن تدوروا على النت هتلاقوا تفاصيل القضية

طالب ثانوى يقول...

القذافى دة مع انة مجنون بس ساعات بيعمل حركات مرجلة كتير

انتى لسة معملتيش القائمة لية

شمس النهار يقول...

*الازهري
وليه مايكنش في ضمير سواء سياسه او غيره
شكرا لك علي المجامله

شمس النهار يقول...

*ضد التيار
المشكله انهم هينهشوا في الاسلام
ويقولوا علينا همج
وارهابيين
وبرضه ماحدش عارف الحقيقه فين وايه الموضوع بالضبط
ربنا يستر
لو في لعبه هتبان باللي عمله ابوه

شمس النهار يقول...

*طالب ثانوي
القيمه دي علمتني الادب والصبر
ماعرفتش اعملها وسبت رسالة استغاثه عند ميدوا باللي حصل ادخل عنده شوفها
شوفولي حل
الموضوع كبر معايا
يافرحة القبيله فيه

سبهللة يقول...

القذافى عمل كل دة عشان ابنه
لان ابنه كان متهم فى سويسرا بتعذيب الخادم بتاعه والخادم اتقدم ببلاغ والبلاغ مشى رسمى
ولما القذافى قالوهم راعوا ان دة ابن رئيس دولة ولا اهتموا بكلامه
عشان كدة هو عمل اللى عمله انتقاما لابنه ليس اكثر
يعنى ابنه اغلى عنده من سيدنا محمد صلى الله عليه وسلم
وحسبنا الله ونعم الوكيل
=======
على فكرة دى اول مرة ادخل هنا وان شاء الله ما تبقاش الاخيرة

تحياتى

كيارا يقول...

ممممممممممممممم

كفايه انه اخد موقف الدور علي الباقيين

د/ رامي شهاب الدين يقول...

فى البداية ألف سلامة على الكمبيوتر وربنا يشفيه إن شاء الله ، ولو أى مساعدة إحنا فى الخدمة ، ستة طب أه بس نعرف نعالج الحالات الحرجة يعنى

القذافى ده أنا شخصيا إحترت فيه ، شوية ألاقيه راجل فى مواقف ، وشوية ألاقيه النقيض تماما

بس رغم كل ده ..هو خبيث ، وماحدش عارف إيه اللى وراء المناورة دى

وزى مابيقولوا : ياخبر النهاردة بفلوس بكرة يبقى ببلاش

دمتم بكل خير ..تحياتى

saragebaly يقول...

شمس النهار

عذرآ فقد اصبحنا في زمن الماديات والمحافظة على الرؤساء

حسبنا الله ونعم الوكيل

سارة

شمس النهار يقول...

*سبهلله
ماهي المشكله انه ابن رئيس دوله
يعني المفروض انه متربي علي اعلا مستوي وعارف بروتوكول
وكمان واجهه لكل المسلمين والعرب
لما مندوبنا يكون كده وفي الوقت ده بالذات دي كده كارثه رسمي
وهيقولوا واحنا مش نقصين
ادي المسلمين اهم ارهابيين حتي علي مستوي الخدم اللي بيخدموهم
اهلا بيكي للآول مره نورتي المدونه

شمس النهار يقول...

*كيار
حتي الموقف بقه مشبوه
عشان هو خده في الباطل
كان اولي بيه يدي الخادم حقه
ويعرف الدنيا الاسلام ازاي
وبعدين يعمل اللي هو عايزه
الاسلام دين المساواه
(لو ان فاطمه سرقت لقطعت يدها)

شمس النهار يقول...

د/رامي
شكرا مخلينك للشدائد
انت كمان عندك احساس بالمؤامره
انا كتبت ده في رد علي احد الزمله
تفتكر انهم كانوا عايزين يخلصوا منه عامل بلاوي مثلا فالموضع وسع منهم
ماعملوش حساب جنان ابوه
مش عارفه عندي برضه احساس ان في حاجه
غلط
كل شئ هينكشفن ويبان

شمس النهار يقول...

**سيسم
جبها منين هنيبعل دي
انا عشت هناك 4سنين عمري ماسمعت الاسم ده
ونطقوه ازاي بالسوسري
اه عجبي
بس انت بتقول خادمه وسبهلله بتقول خادم
هدخل النت اشوف

شمس النهار يقول...

*ساره
طبعا يحموهم انت عايزاهم بدل مايحموا نفسهم وابنائهم يحمونا احنا
همه بيحموا نفسهم لالالا
والوطن
مع ان احنا لو ضعنا منهم مش هيلاقوا حد يحكوموووووووه

mido يقول...

شمس

1- نروح على التخطيط او layout
2-اضافة أداة gadget
3-يطلع لنا صفحة اسمها اضافة اداة ذكية , نختار أول اختيار اللى هى تكوين قائمة المدونات اللكترونية
4-تدوسى على اضافة الى القائمة وتحطى لينك المدونةاللى انت عايزاها وتدوسى اضف وهكذا
5-اهم حاجة فى الاخر حفظ (save)

ملحوظة:
ساعات بتتأخر فى التنفيذ عايزة صبر شوية

kemet يقول...

السلام عليكم ورحمة الله وبركاته

وعجبي

تحياتي
الي اللقاء

شمس النهار يقول...

*ميدو
انا لعبتها السبع لعبات ومافيش فايده
عشان خاطرك هاحاول تاني

شمس النهار يقول...

*كيمت
خير اللهم اجعله خير
شكرا

mahasen saber يقول...

تلاقى ابنه كان فى الزحمه بس افهم بقه
هو ابنه فى كل بلد اوربى لازم يبقا ليه خناقه برضه فى فرنسا كانت خناقه مع بتوع المرور
هوده السلام التقليدى بتاع الدبلوماسيين الليبيين فى اوربا ولا ايه مشاكل مشاكل
وبعدين الرسول الكريم اطهر من ان احنا او دولنا اليى تدافع او تاخد موقف عشانه احنا ربنا مش راضى علينا عشان ناخد موقف بالشجاعه دى....

son's egypt يقول...

السلام عليكم
انت ممكن تتوقع اي حاجة من ليبا اصلا

شمس النهار يقول...

*محاسن
طبعا
مادول عيال افسدهم السلطه والمال
ادلعوا دلع غبي
وجابوالنا اللعين اي اللعنه

شمس النهار يقول...

*ابن مصر
مش من ليبيا بس
من اي حد المال والسلطه جعلته يتجبر
ويفتري

mohamed ghalia يقول...

والله العرب لسه فيهم رجاله بس أكيد السبب تانى مش عشان بيعاملوا الدبلوماسيين وحش
تقبلى تحياتى
مدونة رائعة

mido يقول...

اخيرا الحمد لله
بس انت عملتى كذا واحدة !!
مش مهم

شمس النهار يقول...

*محمد غاليه
طبعا فيه سبب تاني اقرا كل التعليقات وانت تعرف
اهلا بيك بالمدونه
نورتنا ايها المتفائل

شمس النهار يقول...

*ميدواحنا كنا فين وبقينا فين
الحمد لله
حاولت اجمعهم تاني مع بعض ماعرفتش
ولسه انت شفت حاجه لسه سنجري بعض التعديلات علي المدونه
ماتخفش مش هوجع دماغك
هتكون ترميمات تقوم علي الجهود الذاتيه

mido يقول...

شمس

سهلة خدى العناوين اللى فى القوايم الصغيرة و حطيها كلها فى اكبر قايمة
واحذفى القوايم الصغيرة
مافيش وجع دماغ ولاحاجة

سبهللة يقول...

سيدتى الفاضلة
طبعا قريت تعليك عندى
واستفدت منه جدا
جزاكى الله خيرا
وفعلا انا عندى مشكلة فى الوقت لانى بحب النوم جدا
بعد ما اياد يخرج للمدرسة بحاول احفظ شوية وبعد كدة بنام تانى يمكن لحد الساعة الواحدة
يدوب اقوم اعمل الغدا
عشان كدة التدوين هايبقى صعب شوية
بس هحاول ما ابعدش كتير

prince4ever يقول...

ههههههههه
مكنش احتجاجا على الدبلوماسيين و رجال الاعمال بس
الموضوع في اصله انه تم توقيف (( قبضوا على )) ابنه هانيبال و مراته هناك في سويسرا عشان اتهموا بضرب الخدامه اللي عندهم... فثار القذافي و عمل اللي عمله... بس
ليه مانتفضوش لنصرة رسول الله... حكامنا لا يلتفتوا سوى لنصرة مصالحهم الشخصيه فقط
تحياتي
رامي

mahasen saber يقول...

رساله اليى ميدو....
مدام شمس بعد اذن حضرتك مدونة ميدو بفتحها بتفتح وكل حاجه بس مبفش بوستات فيها ولا حتى بالتضليل فارجو تبلى ميدو وهو لو قرا التعليق يعرف انا من اخر مره كنتفيها مش عارفه استدل على اى بوست فيها
يا ترى ايه السبب واتصرف اواى
عايزه ااقرا بوستات المدونه...

شمس النهار يقول...

*ميدو
الكلام جميل
اعمل كده منين وازاي
ونبي ماتشد في شعرك الموضوع مايستهلش
واديك هتشوف من قدم السبت يلاقي الحد
وهدعيلك كمان

شمس النهار يقول...

*سبهلله
ان شاء الله هرد عليكي عندك اقولك تعملي ايه

شمس النهار يقول...

*برنس فور ايفر
جديده هو ومراته دي
ناس تقول خادم وناس تقول خادمه
بس اسمه غريب قوي
هنيبال
من قلة الاسامي

شمس النهار يقول...

*محاسن
اكيد انت بتفتحي المدونه القديمه
دي عطلانه
ادخلي الديده من عندي هتلاقيها في اليمين تحت خالص في قائمه لوحدها واكتبي اللنك الجديد من البار التحتاني
واي خدمه يافندم
اصل ميدو جمايله مغرقاني

catroz يقول...

اخيرا

:D

قلب شاعره يقول...

فعلا شىء عجيب ..
على فكره انا بستفيد جدا من مدونتك ومن اراء الناس الى بتعلق هنا عندك ..
مدونه رائعه ...
واحنا محتاجين لمثل هذا الفكر الى ممكن يفيد الجيل الجديد الى معلوماته السياسيه بسيطه ..

SeSaMe يقول...

ممكن يا جماعة تشوفوا الخبر هنا

http://www.alarabiya.net/articles/2008/09/02/55899.html

mahasen saber يقول...

الى ادهم وشمس النهار...
مدام شمس مبتفتحش برضه حتى من عند حضرتك اعمل ايه
عملت زى ما حضرتك قولتى وبرضه مفتحتش
اعمل ايه اعمل ايه
ارجو الافاده او سيبولى الينك الجديد بس مبتفتحش
وسلامى لميدو بقه مدونتك تعمل فيا انا كده
لا انا واخده على خاطرى ااقولك انا هاخد خاطرى وامشى...

شمس النهار يقول...

*كاتروز
شوفتوا الامله اللي بقيت فيها
شكرا علي التهنئه

شمس النهار يقول...

*قلب شاعره
اتمني ان فعلا نكون كلنا بنفيد بعض
انا شخصيا بستفيد جدا من كل اللي بيعلق عندي
لآنه اكيد بيضيف ليه حاجه
شكرا علي تعليقك اللطيف

شمس النهار يقول...

*محاسن
لا ونبي ماتزعلي
انت عارفه انت غاليه عندي جدا
ميدو معلق علي البوست ده
شوفيه فين ودوسي علي اللوجوا بتاعه
هتدخلي عنده جربي
وهسيبله نداء يشوف ايه الموضوع

شمس النهار يقول...

***سيسم
شكرا علي اللنك
ده انا تهت من كتر اللي طلع لي
هروح اشوف وارجع

mido يقول...

الى محاسن


المتصفح بتاعك نوعه ايه

فاير فوكس ماشى

اكسبلورر مشكلة

حشوف الموضوع

mahasen saber يقول...

ميدو ...نوعه اكسبلورر المتصفح مش انتا
اتصرف بقه ينفع كده يعنى
دى شهامة بلوجات اسكندريه يعملوا فى الشراقوه كده
بعدين انا نصى رشيدى يعنى جنبوكوا علطول ....
ارجوك انقذ الموقف
...

mido يقول...

محاسن

انا عندى الفيرفوكس والاكسبلورر

مش عارف اشوف البلوج بتاعى بالاكسبلورر

حشوف

Foxology يقول...

المثل اللى بيعبر عن الحدوتة دى >>

قاله يا ابويا عاوز ابقى هايف قاله يابنى تعالى فى الهايفة واتصدر

تحياتى :)

شمس النهار يقول...

*محاسن وميدو
ايه الاخبار الموضوع اتحل والا لا
اصل امبارح نزلت للنقابه يعني الليله باظت
النقابه في البلد وان م نصر يعني 6ساعات سواقه ونص ساعه هناك
رجعت مش شايفه فماعرفش عملتوا ايه
وبعدين ايه الكلام الكبير ده
الريدر واسكبلورر
لالالالالالا
انا عايزه افهم

شمس النهار يقول...

*فوكس لوجيا
اهلا بيك
تصدق ان امي علقت نفس التعليق لما قلتلها الموضع بس هي زودتها عنك
قالت ناس هايفه
واللي معاه قرش محيره يجيب به حمام ويطيره
بفلسهم يابنتي
وقالت المثل بتاعك

a7wal el Hawa يقول...

علي طريقة ان لله له بيت يحميه
و انا باعتبر القذافي و اخد شهادة معاملة اطفال يعني غير مسئول عن تصرفاته
و احنا ايضا غير مسئولين عنه

تحياتي

شمس النهار يقول...

*احول الهوي
مش عارفه الاسم كده صح
المشكله ان كل الغرب والشرق بيعملونا نحن العرب سواء مسلمين او مسيحين
علي اننا كيان واحد برغم ان احنا مش حسين بكده خالص
احنا بنتعالي علي بعض والقبليه مسيطره علينا مش حسين ان احنا واحد وان مصالحنا واحد وان الخلاص في اتحادنا مع بعض
والله مش حلم القوميه العربيه والاحاجه
بس لما اعرف ان الصين فيها 56قوميه وقدرين يكونوا كده يبقه احنا اللي نستاهل كل اللي يجري لنا

Beram ElMasry يقول...

السيدة شمس
لا ضرر ولاضرار
اعنى بها انه لا ولن ياتيك من جانبى ما يستوجب الاعتذار لى او لك
الوطن هو الدين والدنيا فى شرع الاحرار ، لا الشعوب الداجنة
تحياتى