يعني اغيب يومين
ارجع الاقي الفيس راكبه عفريت ومغيرين فيه تلاتين حاجة
والبلوجر كمان عاملين واجهة جديدة توهتني اصلا
مش كفاية القايمة اللي مش بتظهر لي اي حاجة
وباكتشف البوستات بالصدفة
وبعدين ايه موضوع التابعين ده لاقيت عندي 49 متابع
حد يفهمني ايه الموضوع
واعمل ايه
وكمان مش عارفة ارجع الريدر بعد ماالهارد اتغيرت
ايه ده ؟؟!!
مش كفاية الجدار والمحاكمات بتاعة المخلوع وعصابته
وخناقة الماتش النهاردة
هي الشياطين طلعت من حبسها تلعب معانا ولا ايييييييييييه
:)))
ارجع الاقي الفيس راكبه عفريت ومغيرين فيه تلاتين حاجة
والبلوجر كمان عاملين واجهة جديدة توهتني اصلا
مش كفاية القايمة اللي مش بتظهر لي اي حاجة
وباكتشف البوستات بالصدفة
وبعدين ايه موضوع التابعين ده لاقيت عندي 49 متابع
حد يفهمني ايه الموضوع
واعمل ايه
وكمان مش عارفة ارجع الريدر بعد ماالهارد اتغيرت
ايه ده ؟؟!!
مش كفاية الجدار والمحاكمات بتاعة المخلوع وعصابته
وخناقة الماتش النهاردة
هي الشياطين طلعت من حبسها تلعب معانا ولا ايييييييييييه
:)))
هناك 36 تعليقًا:
موضوع البلوجر ده
بقي غريب
الظاهر بلوجر كمان طلع فل من الفلول
وبعدين موضوع متش الكورة ده
يعني ايه تتعمل مباريات كورة فيها جمهور
في ظل التوترات اللي احنا فيها دي
انا مش ملاحظه اى تغيير فى الفيس مش عارفه ايه التغيير اللى الكل بيتكلم عنه ده :|
التجديدات اللى فى بلوجر رخمه بجد اووووى
تقريبا الاتنين راكبهم جوست :)))
بالنسبة للفيسبوك فعم مارك بيحب يلعب ولعب غبى كمان والفيسبوك بقى اسوء من الاول وخصوصا ان الخصوصية بتنعدم بالتدريج
اما واجهة البلوجر بقيت التانية غبية بس انت تقدرى ترجعى الشكل القديم اللى اتعودتى عليه
والمتابعين دا شئ زى قائمة المدونات كده من خلالها يعرفوا كل جديد عندك :)
روقي روقي و هدي اعصابك
الشياطين من اكتر من اسبوع طلعت تلعب :(
و الفيس و بلوجر اصحاب الحاجة و بيجربوا و يجدد على اساس انهم بيطوروا . . . شكلهم في طريق لايقاف خدماتهم المجانية :p
المهم انتي هدي اعصابك ما في شي مستاهل
حد قالك تغيبي يومين و تسيبي المطرح من غير حراسة
قابلي بقي الشياطين؟؟؟؟
ازى حضرتك يارب تكونى فى احسن حال
البلوجر ممكن ترجعى للواجهة القديمة عادى لان لما جربته مظهرش المكان اللى هكتب فيه التدوينات اصلا
يااااه كل ده حصل ...علشان تحرمى تغيبى علينا.....
هههههههههه
دمك زى العسل
البلوجر دايما كده كل يوم فى حال
اما المتابعين هما دول اللى بيسجلوا عندك ويتبعوا مدونتك
اما الفيس انا خصمته وبدخل كل فين وفين اوف
يعنى تقريبا اشبهك
تحياتى
السلام عليكم
طولي بالك ما خفي كان أعظم ،أما بلوجر فلم يحدث عندي أي تغييرات
*سواح في ملك اللــــــــــــــــــه
قلنا من الاول من اول يوم بلاش متشات لحد ماالبلد تستقر
قالوا خاللي العجلة تدور
زي مايكون قاصدين
بالنسبة لبلوجر انا رجعت الشكل القديم
*Bent Men ElZman Da !!
لا اتغير كتير في الفيس بشكل ملحوظ ومش عارفة ليه كل شوية يغيروا كده
حتي بلوجر بيقلده
الرحمة هنكتب بوستات ولا نذاكر
:)))))
*ღ أحاسيس آيـــوشـه ღ
هو الفيس ده فيه خصوصية
:))
ده انتي لو كحيتي علي الفيس مصر كلها بتعرف
:)))))))
ايوة ماانا رجعت الشكل القديم
وعرفت موضوع التابعين
وهعمله علي طول
*haneen nidal
كل مااجي اعمل حاجة علي الفيس يطلع لي عفريت تغيير
وجيت بلوجر لاقيت شكل جديد
رحت تويتر لاقيته زي ماهو
حمدت ربنا
:)))))))))
بالنسبة للواجهة انا شغال بالقديمة هو بيخيرك ممكن تشتغلي بالجديدة ولا لا في حاجة فوق كدة اضغطي عليها هترج القديمة لان الجديدة وحشة فعلا
وربنا يستر علي الثورة والشياطين تتلم
*tarek momen
المره الجاية ياحاج هستلقط لي كده اتنين تلاته امن مركزي بلوجري
اسيبهم يحرسوا النت
:)))))
*مامة مازن
الحمد لله ياجميلة
يارب تكوني بخير وصحة وسعادة
ايوة انا تهت ولا لقيت التعليقات والا الكتابة ولا اي حاجة
لسه هتنرفز لاقيت كلمة ارجع للشكل القديم
جيت ارجع قالي قولي هترجعي ليه طنشتة
:)))
*محمد الجرايحى
:))))
هي دي غيبة ده اسبوع
الغيبة الكبيرة هتبقا اكتوبر ونوفمبر سفر طويل حبتين
:))
*جايدا العزيزي
شكرا علي مجاملتك ياغالية
الفيس بدخله كل فتره بس لما بدخله بلاقي تغيرات كتير بروح طالعه جري
رحم الله امرء عرف قدر نفسه يااختي
:))))))
*ريهام المرشدي
وعليكم السلام ورحمة الله وبركاته
اطول بالي علي بلوجر ماشي لكن علي الفيس
كلا وبتاتا البته
:))
*Haytham Alsayes
انا كمان رجعت القديمة الجديدة رخمة جداااااا
وان شاء الله لما الشياطين تسمع هتاف الناس تاني
هتجري جري
:))
ههههه
المتابعين يعنى زى حالاتنا البلوج
عامل مخبر كل حاجة جديدة عندك يقولنا عليها ....
تحياتى
كله كوووووووووووم و الفيس اللى بيستهبل ده كووووووووم تانى :S
السلام عليكم ورحمة الله وبركاتة
اخبار حضرتك اية
معلش فعلا زى ماحضرتك بتقولى شكل الشياطين الحمر عاملة شغل جامد ربنا يتسرها يارب اللهم امين
وتقبلى مرورى
السلام عليكم..
أنا مريت أصبح أو أمسي.. بعد غيبتي.. وأعتذر عن تقصيري.. وأشكر لك متابعتك واهتمامك رغم تقيري أختي الكريمة..
وأدعيلك دعوة بصلاح حال فيسبوكك وبلوجرك..
تحياتي أختي الكريمة.
*sal
اهلا اهلا
المدونة نورت
وحمد الله علي السلامة
واكييييييد هتكتب لنا تدوينات عن اللي حصل في ليبيا
ربنا يكرمك
بلوجر مش مخلصة الناس ماتعرفش حاجة عن بعض
:))))
*catroz
ايوة صح هو بيستهبل
لما بروح هناك بحس اني في بيت جحا بتاع زمان
:))))
*طهر فؤادك
وعليكم السلام ورحمة الله وبركاته
اهلا اهلا
انت فين من زمان مختفي
الحمد لله انا في نعمة وفضل من ربنا
وان شاء الله خير
نورتني
*ماجد القاضي
وعليكم السلام ورحمة الله وبركاته
اهلا بيك في اي وقت
:))
ومافيش تقصير ولاحاجة بين الاخوه
مدونتك من المدونات اللي لايمكن الانسان مايزورهاش
ورمضان كان وقته قليل علي النت
ونقول للدعوة الحلوة
أمين
:))
نورتني
السلام عليكم
بالنسبه للماتش مليش في الكوره مش بحبها
بالنسبه للفيس بوك قاطعته وعملت بروفيل مغلق للملل
بالنسبة للبلوجر الواجهة الجديدة أكثر إحترافية منها أكثر راحه
ولسه في تغيرات جايه لأن الفيسبوك بيهدد بهز عرش الجوجل ولذلك كل واحد منهم بيحاول يطور بسرعه
أما التويتر أحب أقول لحضرتك متفرحيش قوي هو كمان
سيقوم بإطلاق واجهة جديدة خلال شهر أو أثنين بالأكثر علي وعد بأنها تكون أسهل للمستخدمين
رغيت كتير معلش
ياريت حضرتك تشرفيني في مدونتي
تدويناتي
وتقوليلي رأيك في التصميم
شكراً
*Citizen X
اهلا اهلا انت غيرت الاسم كمان
شوف انا بعافر مع النت
وكماااان كل شوية يغيروا
التفاصيل والحركات
:))
طبعا هروح حالا اشوف ايه الجديد عندك كل سنة وانت طيب
وكل عام وحضرتك بخير وصحة وسلامه
حلوه جدا حكاية بحول دي ((:
بس والله التصميم ده خفيف جدا
هل حضرتك بتقولي كده في عيب في شكل المدونه
مش بتشتغل مثلا أو الصور مش بتتحرك أو هل مثلا لما بتدخلي المدونه
التدوينات مش بتفتح
معرفتش؟؟؟؟؟؟؟
ولا بس هو التصميم اللي غريب؟؟؟؟؟؟
عموما
مجرد ضغطه علي كلمة تدويناتي
تدخلك للمدونه
يعني حاجه كده تخلي شكل المدونه محترم شويه زي المواقع العاديه
وبعدين مين قال ان حضرتك غير محترفة بلوجر
طيب انا عامل مشروع صغير كده
عباره عن شوية هدايا للأصدقاء
والهدايا دي هي قوالب للمدونات من تصميم مصمم هندي محترف ومن تعديلي انا وتعريبي
وكنت ناوي أنشرها في تدوينه لكن بما ان انا مش بيتابعني حد إلا حضرتك
ومدونة اتمشي بين ضلوعي فأرجو من حضرتك تكوني اول حد يشرفني ويركب احد هذه القوالب في مدونته
قوالب بسيطه جداً وأنيقه جداً
لو حضرتك عندك استعداد للتجربه ياريت
تبلغيني
تحياتي
ان كان علي التصميم هو جميل طبعا
ولطيف
بس انت عارف الناس الكبيرة دي رخمين
مابيحبوش التغيير وبيحبوا الحاجة السهلة السالكة
وطبعا يشرفني اني اتابعك
ويشرفني اني اجرب القوالب الجديدة
بس مش في المدونة دي عندي مدونة تانية مطبخ شموسة كان نفسي من زمان اغير القالب بتاعها
مش حاسه ان القالب لايق علي الموضوع
فاممكن نجرب لها قالب لطيف كده
بسسسسسسسسسسسس
يكون سهل الله يخليك
بدل مااطير المدونة
:))))
ياريت حضرتك تزوري النماذج دي وتختاري :
Test Blog 1
Test Blog 2
Test Blog 3
Test Blog 4
وأتمني تعجب حضرتك
رقم 4 ورقم 2 اسهل نموذجين وشكلهم شيك
بس دا طبعاً يرجع لحضرتك
طبعاً في إعلانات بتفتح مع المدونة معلش لكن طبعاً يمكن مسحها بسهوله بعد كده
مستني رأي حضرتك
تحياتي
هههههههههههههههههههههه
كله كوم والفيسبوك ده كوم تانى بيقلد جوجل بلس بالظبط
*Citizen X
يانهار ابيض :))
هو التعليق هنا
ده انا قعدت ادور عليه وافتكرته اتمسح
:))
ان شاء الله طبعا ازور المواقع دي واجرب
وربنا يستر بقا
:))
*ديارا المصرى
انا بقا عندي دعوتين علي بلس ده ومش عارفة اعملهم لحد دلوقتي
:)))
إرسال تعليق